ປະເທດຈີນໄດ້ເລີ່ມໃຊ້ງານລົດບັນທຸກເຮັດເໝືອງຖ່ານຫີນໄຮ້ຄົນຂັບຂະໜາດໃຫຍ່ຈໍານວນ 100 ຄັນໃນພື້ນທີ່ເໝືອງເປີດ ຢີມິນ (Yimin) ເຂດປົກຄອງຕົນເອງມົງໂກເລຍໃນ

 

ໂດຍເປັນຍານພາຫະນະພະລັງງານໄຟຟ້າທີ່ຂັບເຄື່ອນດ້ວຍລະບົບປັນຍາປະດິດ (AI) ເຊື່ອມຕໍ່ຜ່ານເຄືອຂ່າຍ 5G-Advanced (5G-A) ທີ່ມີຄວາມໄວໃນການອັບໂຫລດສູງເຖິງ 500 Mbps ແລະ ຄ່າຄວາມຫນ່ວງພຽງ 20 ມິນລິວິນາທີ ລະບົບນີ້ໄດ້ຮັບການສະໜັບສະໜູນໂດຍ Huawei ຊຶ່ງໃຫ້ບໍລິການຄລາວດ໌ ແລະ ໂຊລູຊັນດ້ານການຂັບຂີ່ອັດຕະໂນມັດແບບເຣຍທາມ ສໍາລັບຍານພາຫະນະເຊີງພານິດ

 

ໂຄງການນີ້ເປັນຄວາມຮ່ວມມືລະຫວ່າງບໍລິສັດ Huaneng Group ຍັກໃຫຍ່ດ້ານພະລັງງານຂອງຈີນ ແລະ ບໍລິສັດໃນເຄືອ Huaneng Ruichi

 

ຊຶ່ງລະບຸວ່ານີ້ຄືຝູງລົດຂຸດໄຟຟ້າໄຮ້ຄົນຂັບທີ່ໃຫຍ່ທີ່ສຸດໃນໂລກ ຍານພາຫະນະແຕ່ລະຄັນສາມາດບັນທຸກຖ່ານຫີນໄດ້ເຖິງ 90 ເມັດຕະຣິກຕັນ ແລະ ສາມາດປະຕິບັດງານໄດ້ໃນອຸນຫະພູມທີ່ຕ່ໍາເຖິງ -40 ອົງສາເຊນເຊຍ ຊຶ່ງເປັນສະພາບແວດລ້ອມທີ່ພົບໄດ້ໃນພື້ນທີ່ເຮັດເໝືອງຂອງມົງໂກເລຍໃນ

 

ຫົວເຫວ່ຍ (Huawei) ເປີດເຜີຍວ່າ ລົດບັນທຸກຂອງ Huaneng Ruichi ນັບເປັນຍານເໝືອງໄຮ້ຄົນຂັບລຸ່ນທຳອິດຂອງຈີນທີ່ບໍ່ມີຫ້ອງໂດຍສານສໍາລັບຄົນຂັບ

 

ຊຶ່ງອອກແບບມາເພື່ອຫຼຸດຄວາມສ່ຽງຕໍ່ຄວາມປອດໄພຂອງບຸກຄະລາກອນ ໂດຍໃຫ້ມະນຸດຢູ່ຫ່າງຈາກອັນຕະລາຍທີ່ເກີດຈາກເຄື່ອງຈັກຂະໜາດໃຫຍ່ ຝຸ່ນລະອອງ ແລະ ສະພາບອາກາດທີ່ບໍ່ດີ ເຊັ່ນ: ຫິມະ, ຝົນຕົກໜັກ ຫຼື ລະດັບຄວາມສູງທີ່ຮຸນແຮງ

 

ຈາກຂໍ້ມູນຂອງຕົວແທນ Huaneng Group ຍານເຫຼົ່ານີ້ສາມາດເພີ່ມປະສິດທິພາບຂອງເໝືອງໄດ້ເຖິງ 20% ແລະ ໂຄງການນີ້ຍັງນັບເປັນ “ເໝືອງເປີດແຫ່ງທຳອິດຂອງໂລກ” ທີ່ດໍາເນີນການດ້ວຍເທັກໂນໂລຊີ 5G-A ໂດຍມີແຜນຂະຫຍາຍກອງຍານໃນອະນາຄົດເພີ່ມເປັນ 300 ຄັນ

 

ແມ້ວ່າຖ່ານຫີນຈະເປັນແຫຼ່ງພະລັງງານທີ່ມີຜົນກະທົບຕໍ່ສິ່ງແວດລ້ອມຢ່າງ ແຕ່ກໍ່ຍັງຄົງຖືກໃຊ້ໃນຫຼາຍປະເທດ ໂດຍສະເພາະໃນເອເຊຍ ຈາກລາຍງານຂອງ Enerdata ບໍລິສັດທີ່ປຶກສາ ແລະ ວິໄຈດ້ານພະລັງງານຈາກປະເທດຝຣັ່ງລະບຸວ່າ ອັດຕາການເຕີບໂຕຂອງການໃຊ້ຖ່ານຫີນທົ່ວໂລກຫຼຸດລົງຈາກປະມານ 6% ໃນປີ 2022 ເຫຼືອ 2.2% ໃນປີ 2023

 

ແຕ່ໃນຈີນ ອິນເດຍ ແລະຫວຽດນາມກັບມີອັດຕາການເຕີບໂຕຢູ່ທີ່ 6.9%, 9.9% ແລະ 25% ຕາມລໍາດັບ

 

ປັດຈຸບັນ ຈີນ ແລະ ອິນເດຍ ລວມກັນບໍລິໂພກຖ່ານຫີນເຖິງ 71% ຂອງທັງໂລກ ໂດຍຈີນພຽງປະເທດດຽວກໍາລັງພັດທະນາກໍາລັງການຂຸດໃໝ່ເຖິງ 1,280 ລ້ານໂຕນຕໍ່ປີ ຊຶ່ງຄິດເປັນປະມານຄຶ່ງໜຶ່ງຂອງກໍາລັງການຜະລິດທີ່ສະເໜີທົ່ວໂລກ

 

ທ່າມກາງຄວາມຕ້ອງການພະລັງງານທີ່ຍັງຄົງສູງ ຈີນຈຶ່ງມຸ່ງພັດທະນາເທັກໂນໂລຊີເພື່ອໃຫ້ການເຮັດເໝືອງມີຄວາມປອດໄພ ເປັນມິດກັບສິ່ງແວດລ້ອມ ແລະ ມີປະສິດທິພາບຫຼາຍຍິ່ງຂຶ້ນ ທັງໃນດ້ານແຮງງານ ແລະ ຊັບພະຍາກອນ

 

ສະແດງຄຳຄິດເຫັນ