ວັດຖຸລຶກລັບເທິງທ້ອງຟ້າ UFO ເປັນປະເດັນຄວາມໝັ້ນຄົງລະດັບຊາດໃນຫຼາຍປະເທດມະຫາອຳນາດ ລວມທັງຍີ່ປຸ່ນ ທີ່ມີການຮຽກຮ້ອງໃຫ້ລັດຖະບານຈັດຕັ້ງຫົວໜ່ວຍສືບສວນເພື່ອຮັບມືກັບວັດຖຸລຶກລັບເທິງທ້ອງຟ້າຂຶ້ນມາ

ຊຶ່ງຖ້າຄຳຮ້ອງນີ້ຖືກພິຈາລະນາ ແລະ ເກີດຂຶ້ນແທ້ ຍີ່ປຸ່ນຈະກາຍເປັນປະເທດທຳອິດຂອງໂລກທີ່ມີຫົວໜ່ວຍສືບສວນວັດຖຸລຶກລັບຢ່າງເປັນທາງການ

UAP ແລະ UFO ແມ່ນຫຍັງ?

ເຖິງວ່າຄົນໃນສັງຄົມຈຳນວນຫນຶ່ງຈະນິຍົມເອີ້ນ ປະກົດການທີ່ພົບເຫັນວັດຖຸລຶກລັບເທິງທ້ອງຟ້າວ່າ ຢູເອຟໂອ (UFO – Unidentified Flying Object)

ແຕ່ຊື່ທີ່ເປັນທາງການ ແລະ ໃຊ້ໃນການລະບຸໃນເຊີງຄວາມໝັ້ນຄົງຈະນິຍົມເອີ້ນວ່າ ຢູເອພີ (UAP – Unidentified Aerial Phenomena)

ຊຶ່ງເປັນປະກົດການທາງອາກາດທີ່ຍັງບໍ່ສາມາດອະທິບາຍໄດ້ວ່າເປັນສິ່ງໃດ ມີຈາກປະເທດ ຫຼື ຕົວແທນຂອງໃຜ

ທາງການສະຫະລັດລະບຸລາຍງານວ່າໃນປີ 2024 ທີ່ຜ່ານມາ ມີລາຍງານການກວດພົບ UAP ກວ່າ 510 ລາຍການ ຊຶ່ງຫຼາຍກວ່າທີ່ກວດພົບໄດ້ໃນປີ 2021 ເຖິງ 3 ເທົ່າ ແລະ ອົງການບໍລິຫານການບິນແຫ່ງຊາດ ຫຼື ນາຊາ (NASA) ກໍຢູ່ລະຫວ່າງຜັກດັນການສຶກສາ UAP ເພື່ອຜົນປະໂຫຍດທາງວິທະຍາສາດຢູ່ໃນປັດຈຸບັນ

ນອກຈາກນີ້ ຄະນະອະນູກຳມາທິການຄວາມໝັ້ນຄົງແຫ່ງຊາດດ້ານແນວຊາຍແດນ ແລະ ກິດຈະການຕ່າງປະເທດ ສະພາຄົງເກຣສຂອງສະຫະລັດຍັງເຄີຍເປີດການສອບສວນຕໍ່ກໍລະນີທີ່ອ້າງວ່າ ລັດຖະບານສະຫະລັດປິດບັງຄວາມຈິງກ່ຽວກັບ UAP ແລະ ເກັບຊິ້ນສ່ວນຍານບິນລຶກລັບມາໄດ້ນານຫຼາຍທົດສະວັດ

ໂດຍມີພະຍານເປັນອະດີດເຈົ້າໜ້າທີ່ລະດັບສູງຫົວໜ່ວຍຂ່າວກອງສະຫະລັດຂຶ້ນເປັນພະຍານໃນປີ 2023 ທີ່ຜ່ານມາດ້ວຍ

ຫຼັກການຫົວໜ່ວຍສືບສວນ UAP ແລະ UFO ທີ່ຍີ່ປຸ່ນ

ດີເຟນສ໌ບລັອກ (Defence Blog) ສື່ດ້ານການທະຫານຊື່ດັງໃນສະຫະລັດລາຍງານວ່າ ຄະນະສຶກສາວ່າດ້ວຍການລະບຸວັດຖຸເທິງອາກາດທີ່ລະບຸທີ່ມາບໍ່ໄດ້ໃນເຊີງຄວາມໝັ້ນຄົງຂອງລັດສະພາຍີ່ປຸ່ນ ຫຼື ຄະນະ UAP (Parliamentary League for UAP Clarification from a Security Perspective, UAP League)

ໄດ້ຍື່ນເລື່ອງຕໍ່ລັດຖະມົນຕີວ່າການກະຊວງປ້ອງກັນປະເທດເພື່ອໃຫ້ຈັດຕັ້ງຫົວໜ່ວຍສືບສວນ UAP ແລະ UFO ຂຶ້ນຢ່າງເປັນທາງການ

ໂດຍຫົວໜ້າງານທີ່ວ່ານີ້ຈະຢູ່ໃນລະດັບພະແນກ (Division) ໃໝ່ພາຍໃຕ້ກະຊວງປ້ອງກັນປະເທດ ທີ່ມີໜ້າທີ່ຕິດຕາມ ລວບລວມ ວິເຄາະຂໍ້ມູນທີ່ກ່ຽວກັບເຫດການ UAP ກ່ອນທີ່ຈະເປີດເຜີຍຜົນການວິເຄາະບາງສ່ວນຕໍ່ສາທາລະນະ ແລະ ລາຍງານຜົນການສືບສວນໃຫ້ກັບລັດຖະບານ ແລະ ຫົວໜ້າງານຄວາມໝັ້ນຄົງຮັບຮູ້ຕໍ່ໄປ

ມຸມມອງເຊີງຄວາມໝັ້ນຄົງ UAP ແລະ UFO ໃນຍີ່ປຸ່ນ

ຮາມາດະ ຢາສຶຄະຊຸ (Hamada Yasukazu) ຜູ້ນຳຄະນະ UAP ກ່າວວ່າ “ການຍື່ນເລື່ອງເປັນສ່ວນສຳຄັນຢ່າງຫຼວງຫຼາຍທີ່ຕ້ອງປິດຊ່ອງວ່າງ ໃນການຮັບມືຕໍ່ເຫດການວັດຖຸເທິງອາກາດຊຶ່ງອະທິບາຍບໍ່ໄດ້ວ່າມັນແມ່ນຫຍັງ ແລະ ສະຫະພັນຈະເຮັດທຸກທາງໃນການກຽມພ້ອມກັບທຸກຄວາມເປັນໄປໄດ້ທີ່ຈະເກີດຂຶ້ນ”

ນອກຈາກນີ້ ຄະນະ UAP ຕ້ອງການຮຽກຮ້ອງໃຫ້ລັດຖະບານເພີ່ມການລະວັງໄພ ແລະ ລວບລວມຂໍ້ມູນໃນການຕອບໂຕ້ການຈູ່ໂຈມຈາກໂດຣນ ຫຼື ອາກາດຍານໄຮ້ຄົນຂັບ ແລະ ບອນລູນກວດການຊຶ່ງຄະນະ UAP ເຊື່ອວ່າມີສ່ວນກ່ຽວຂ້ອງກັບຈີນດ້ວຍເຊັ່ນກັນ

ດ້ານນາກາທານິ ເກັນ (Nakatani Gen) ລັດຖະມົນຕີວ່າການອຍີ່ປຸ່ນຊຶ່ງກໍຮ່ວມຕັ້ງຄະນະ UAP ກ່າວວ່າ

“ໃນຖານະທີ່ຂ້າພະເຈົ້າເຄີຍຮ່ວມຕັ້ງຄະນະ UAP ມາກ່ອນ ກໍຍັງຄົງລະລຶກເຖິງຄວາມສຳຄັນເຊີງກົນຍຸດຂອງ UAP ຢູ່ເສມີ ຊຶ່ງເຮົາກຳລັງຮັກສາການຈັບຕາຢ່າງລະອຽດແລະຄອບຄຸມກັບເຫດການເທິງອາກາດທັງໝົດທີ່ອາດກະທົບຄວາມໝັ້ນຄົງແຫ່ງຊາດ ລວມໄປເຖິງເຫດການສິ່ງທີ່ລະບຸທີ່ມາບໍ່ໄດ້ເທິງອາກາດດ້ວຍເຊັ່ນກັນ”

ສະແດງຄຳຄິດເຫັນ