ໃນໄລຍະບໍ່ເທົ່າໃດປີທີ່ຜ່ານມາ, ອາຫານເຊົ້າອຍ່າງ Oatmeal ແລະ Overnight Oat ໄດ້ຮັບຄວາມນິຍົມຢ່າງຫຼາຍ ດ້ວຍປະໂຫຍດຕໍ່ສຸຂະພາບແລະຄວາມສະດວກໃນການກະກຽມ. ມາເບິ່ງວ່າ Oatmeal ແລະ Overnight Oat ແຕກຕ່າງກັນແນວໃດ ແລະຄວນເລືອກກິນແບບໃດໃຫ້ເໝາະກັບໄລຟ໌ສະໄຕລ໌ຂອງຕົນເອງ.

Oatmeal ແມ່ນຫຍັງ

Oatmeal ແມ່ນອາຫານທີ່ເຮັດຈາກເຂົ້າໂອ໊ດນຳໄປຕົ້ມຈົນສຸກ ໄດ້ເນື້ອສຳຜັດອ່ອນນຸ່ມແລະລົດຊາດອ່ອນ. ສາມາດເພີ່ມສ່ວນປະສົມຕ່າງໆ ເຊັ່ນ ໝາກໄມ້, ຖົ່ວ, ຫຼືເຄື່ອງເທດເພື່ອເພີ່ມລົດຊາດແລະຄຸນຄ່າທາງໂພຊະນາການໄດ້. Oatmeal ມັກເປັນອາຫານເຊົ້າທີ່ໃຫ້ພະລັງງານສູງ ຊ່ວຍໃຫ້ອິ່ມທ້ອງນານແລະເໝາະກັບຄົນທີ່ຕ້ອງການດູແລສຸຂະພາບ.

Overnight Oat ແມ່ນຫຍັງ

Overnight Oat ແມ່ນເຂົ້າໂອ໊ດທີ່ນຳໄປແຊ່ໃນຂອງແຫລວ ເຊັ່ນ ນົມຫຼືນ້ຳເປົ່າ ໂດຍບໍ່ຜ່ານການຕົ້ມ ພຽງແຕ່ແຊ່ທິ້ງໄວ້ໃນຕູ້ເຢັນຂ້າມຄືນ. ເມັດເຂົ້າໂອ໊ດຈະດູດຊຶມນ້ຳແລະອ່ອນນຸ່ມລົງຈົນສາມາດກິນໄດ້ໃນຕອນເຊົ້າ. ສະດວກຫຼາຍສຳລັບຜູ້ທີ່ມີເວລາຈຳກັດໃນຕອນເຊົ້າ ແລະຍັງສາມາດກະກຽມລ່ວງໜ້າໄດ້ຫຼາຍວັນ.

ຄວາມແຕກຕ່າງລະຫວ່າງ Oatmeal ແລະ Overnight Oat

ວິທີການກະກຽມ: Oatmeal ຕ້ອງຜ່ານການຕົ້ມດ້ວຍຄວາມຮ້ອນ ສ່ວນ Overnight Oat ໃຊ້ວິທີການແຊ່ເຢັນໂດຍບໍ່ຕ້ອງໃຊ້ຄວາມຮ້ອນ.

ເນື້ອສຳຜັດ: Oatmeal ມີເນື້ອສຳຜັດອ່ອນນຸ່ມ ລະລາຍໃນປາກ ສ່ວນ Overnight Oat ຈະຫນຽບກວ່າເລັກນ້ອຍ ເພາະບໍ່ຜ່ານການແປງສຸກ.

ເວລາກະກຽມ: Oatmeal ໃຊ້ເວລາແປງບໍ່ນານ ສ່ວນ Overnight Oat ຕ້ອງກະກຽມລ່ວງໜ້າຢ່າງໜ້ອຍໜຶ່ງຄືນ.

Oatmeal ຫຼື Overnight Oat ເລືອກກິນແບບໃດດີ

ຫາກທ່ານຊອບກິນອາຫານເຊົ້າແບບອຸ່ນໆ ແລະມີເວລາໃນການແປງ Oatmeal ແມ່ນທາງເລືອກທີ່ຕອບໂຈທ. ແຕ່ຖ້າຕ້ອງການຄວາມສະດວກ ໄວ ແລະສາມາດກະກຽມອາຫານໄວ້ລ່ວງໜ້າ Overnight Oat ແມ່ນຄຳຕອບທີ່ເໝາະສົມ. ບໍ່ວ່າຈະເລືອກແບບໃດ ທັງ Oatmeal ແລະ Overnight Oat ກໍລ້ວນເປັນຕົວເລືອກທີ່ດີໃນການເລີ່ມຕົ້ນວັນໃໝ່ດ້ວຍອາຫານທີ່ມີປະໂຫຍດ.

ສະແດງຄຳຄິດເຫັນ