ເອເຈນຊີ່ – ກະຊວງພາຍໃນໄທຝຣັ່ງຖະແຫຼງການ ມີຜູ້ຖືກເຄາະຮ້າຍລວມ 145 ຄົນທົ່ວປະເທດ ຕົກເປັນເຫຍື່ອຖືກຄົນບໍ່ຫວັງດີໃຊ້ເຂັມສັກຢາໄລ່ແທງເມື່ອທ້າຍອາທິດ ໃນງານເທດສະການດົນຕີສະຕຣີດເຟສຕິວັນປະຈຳປີທີ່ຈັດຂຶ້ນໃນຊ່ວງລະດູຮ້ອນເພື່ອການສະເຫຼີມສະຫຼອງ ຕຳຫຼວດຝຣັ່ງຈັບຜູ້ຕ້ອງສົງໄສມືໄລ່ແທງໄດ້ 12 ຄົນ

ເດີ່ກາຮ໌ດຽນຂອງອັງກິດລາຍງານວັນຈັນ (23 ມິຖຸນາ) ວ່າ ຫຼາຍລ້ານຄົນໃນຕອນຄ່ຳວັນເສົາ (21 ມິຖຸນາ) ເຂົ້າຮ່ວມງານ Fête de la Musique ປະຈຳປີທີ່ມີຊື່ສຽງທີ່ເກີດຂຶ້ນພ້ອມກັນທົ່ວຝຣັ່ງ ໂດຍມີລາຍງານຈຳນວນຜູ້ເຂົ້າຮ່ວມງານສູງເປັນປະຫວັດສາດທີ່ກຸງປາຣີສ

Abrège Soeur ອິນຟລູເອັນເຊີ ນັກສິດທິສະຕີຊື່ດັງໄດ້ອອກມາເຕືອນທາງອອນລາຍ ກ່ອນເລີ່ມງານວ່າ ກຸ່ມຜູ້ຍິງຈະຕົກເປັນເປົ້າໃນການໄລ່ແທງດ້ວຍເຂັມສັກຢາ ໄດ້ກາຍເປັນຄວາມວິຕົກທີ່ຫວນກັບມາອີກຄັ້ງຫຼັງເຄີຍເກີດເມື່ອປີ 2022 ໃນລະຫວ່າງທີ່ກຸງປາຣີສກຳລັງກະກຽມພ້ອມກັບການຈັດເທດສະການດົນຕີເພື່ອສະເຫຼີມສະຫຼອງຮັບໜ້າຮ້ອນຂອງຕົນເອງ

ດ້ານກະຊວງພາຍໃນຝຣັ່ງຖະແຫຼງການວ່າ ມີຄົນຕົກເປັນເຫຍື່ອໃນການໄລ່ແທງດ້ວຍເຂັມສັກຢາທົ່ວປະເທດຈຳນວນ 145 ຄົນ ທີ່ກຸງປາຣີສມີຜູ້ຕົກເປັນເຄາະຮ້າຍຈຳນວນ 13 ຄົນ

ກະຊວງພາຍໃນຝຣັ່ງກ່າວຜ່ານຖະແຫຼງການວ່າ “ມີຜູ້ຖືກເຄາະຮ້າຍບາງສ່ວນຖືກສົ່ງຕົວໄປໂຮງໝໍເພື່ອກວດຫາສານພິດ”

ທີ່ກຸງປາຣີສມີການເປີດການສອບສວນຫຼັງມີເຄາະຮ້າຍ 3 ຄົນ ລວມເດັກຍິງອາຍຸ 15 ປີແລະ ໄວຮຸ່ນຊາຍອາຍຸ 18 ປີ ມີລາຍງານວ່າຖືກ ໄລ່ແທງທຳຮ້າຍບໍ່ພ້ອມກັນໃນເຫດການທີ່ເກີດໄປທົ່ວກຸງປາຣີສ ອ້າງອິງຈາກຖະແຫຼງການຂອງໄອຍະການຝຣັ່ງ ຜູ້ທີ່ຖືກເຄາະຮ້າຍທັງ 3 ຄົນມີລາຍງານວ່າມີອາການເຈັບປ່ວຍ

ເດີ່ກາຮ໌ດຽນລາຍງານຕໍ່ວ່າ ກະຊວງພາຍໃນຝຣັ່ງຖະແຫຼງການວ່າ ໄດ້ມີການຈັບຕົວ 12 ຄົນສຳລັບຜູ້ຕ້ອງສົງໄສຄະດີໃຊ້ເຂັມສັກຢາໄລ່ແທງທົ່ວຝຣັ່ງ ໂດຍໃນຈຳນວນທັງໝົດມີ 4 ຄົນໂດນຈັບໄດ້ທີ່ເມືອງ Angoulême ທາງຕາເວັນຕົກ ໂດຍຕ້ອງສົງໄສວ່າທຳຮ້າຍປະມານ 50 ຄົນ

ແຫຼ່ງຂ່າວຕຳຫຼວດຝຣັ່ງເປີດເຜີຍບໍ່ຕ່ຳກວ່າ 370 ຄົນຍັງຖືກຄວບຄຸມຕົວລະຫວ່າງເທດສະການດົນຕີທີ່ຈັດຂຶ້ນພ້ອມກັນທົ່ວປະເທດໃນຂໍ້ຫາທີ່ຕ່າງກັນໄປ ແລະ ໃນຈຳນວນທັງໝົດມີການຄວບຄຸມຕົວ 90 ຄົນໃນກຸງປາຣີສ

ສຳນັກຂ່າວອັງກິດຊີ້ວ່າ ມີຜູ້ຮ່ວມງານ 14 ຄົນໃນງານເທດສະການດົນຕີໄດ້ຮັບບາດເຈັບຮ້າຍແຮງ ລວມເຖິງຜູ້ເຂົ້າຊົມອາຍຸ 17 ປີທີ່ຕ້ອງເຂົ້າຮັບການຮັກສາເບື້ອງຕົ້ນ ຫຼັງພົບນັ່ງຢູ່ໃນສະພາບອ່ອນແອເທິງຫົນທາງ ຂະນະທີ່ມີບາດແຜຖຶກແທງທີ່ບໍລິເວນທ້ອງນ້ອຍ

ຕາມລາຍງານຍັງກ່າວວ່າມີເຈົ້າໜ້າທີ່ບັງຄັບໃຊ້ກົດໝາຍຝຣັ່ງ 13 ຄົນໄດ້ຮັບບາດເຈັບເຊັ່ນກັນ

ສະແດງຄຳຄິດເຫັນ