ຄິມຈົງອຶນ ນຳພັນລະຍາ-ລູກສາວ ເປີດໂຕໂຄງການຣີສອດຊາຍທະເລສຸດຫຼູໃກ້ວອນຊານ ກຽມເປີດຮັບນັກທ່ອງທ່ຽວໃນປະເທດ 1 ກໍລະກົດນີ້

ນັກຂ່າວທາງການຂອງເກົາຫຼີເໜືອລາຍງານວ່າ ຄິມຈົງອຶນ ຜູ້ນຳສູງສຸດຂອງປະເທດ ເປັນປະທານໃນພິທີເປີດ “ຄັລມາ ບີສຣີສອດ” ຣີສອດຂະໜາດໃຫຍ່ຕິດແຄມຝັ່ງຕາເວັນອອກຂອງປະເທດ ໂດຍມີຮູບພາບເຜີຍແຜ່ຈາກສຳນັກຂ່າວ KCNA ສະແດງໃຫ້ເຫັນຄິມຈົງອຶນພ້ອມກັບພັນລະຍາ ຣີ ຊອລຈູ ແລະ ລູກສາວ ຄິມ ຈູແອ ຮ່ວມພິທີຕັດຣິບບິ້ນເປີດໂຄງການຄັ້ງນີ້

ນັບເປັນຄັ້ງທຳອິດໃນຮອບໄລຍະເວລາຫຼາຍເດືອນທີ່ນັກຂ່າວເກົາຫຼີເໜືອເປີດເຜີຍພາບຂອງສຸພາບສະຕີຫມາຍເລກໜຶ່ງ ຣີ ຊອລຈູ ອີກທັງຍັງຕອກຍ້ຳພາບຄານຄອບຄົວຜູ້ນຳຕໍ່ສາທາລະນະຊົນ

ຣີສອດຄັລມາ ຕັ້ງຢູ່ໃກ້ເມືອງທ່າແຄມຝັ່ງຕາເວັນອອກ ວອນຊານ ຊຶ່ງໃນອະດີດເຄີຍເປັນເມືອງທີ່ຮຸ່ງເຮືອງດ້ານເສດຖະກິດ ໂດຍສະເພາະການເຊື່ອມຕໍ່ທາງເຮືອກັບປະເທດຍີ່ປຸ່ນ ທັງການຂົນສົ່ງຜູ້ໂດຍສານ ລົດຍົນມືສອງ ແລະ ລົດຖີບ ແຕ່ບໍລິການນີ້ໄດ້ຍຸດຕິລົງໃນປີ 2006 ຫຼັງຍີ່ປຸ່ນລະງັບການດຳເນີນເຮືອ ເນື່ອງຈາກເກົາຫຼີເໜືອເຮັດການທົດສອບນິວເຄຼຍເປັນຄັ້ງທຳອິດ

ສະແດງຄຳຄິດເຫັນ