'ດູໄບ' ຕັ້ງເປົ້າແກ້ໄຂບັນຫາການຈະລາຈອນດ້ວຍ 'ແທັກຊີ່ບິນໄດ້' Joby Air Taxi ໃນປີ 2026

10/09/2025

ໂດດເດັ່ນ

ການຊໍາລະຄ່າທໍານຽມທາງປະຈຳປີ 2023 ມີ 2 ຮູບແບບແມ່ນສາມາດຢັ້ງຢືນທາງກົດໝາຍໄດ້

ມາເບິ່ງດວງປະຈຳວັນ ປະຈຳວັນອາທິດທີ 23 ເມສາ ຂອງຄົນເກີດແຕ່ລະວັນ

ຫລວງພະບາງອັງເຊີນພະມ່ານ ພຣະຄູ່ບ້ານຄູ່ເມືອງຫລວງພະບາງ ລົງມາຫົດສົງຈົນເຖິງ 29 ເມສາ 2023

ທະຫານແຂວງວຽງຈັນລະດົມກຳລັງເຂົ້າ ມອດໄຟໄໝ້ລາມປ່າຢູ່ເມືອງແກ້ວອຸດົມ

"ດູໄບ" ຕັ້ງເປົ້າແກ້ໄຂບັນຫາການຈະລາຈອນດ້ວຍ "ແທັກຊີ່ບິນໄດ້" Joby Air Taxi ໃນປີ 2026

ຮຽບຮຽງໂດຍ:Soulinda

ເຜີຍແຜ່: 18 July, 2025

ໝວດ: ຂ່າວ

ໂຈບີ ເອວິເອຊັ່ນ (Joby Aviation)

ບໍລິສັດຜູ້ພັດທະນາແທັກຊີ່ບິນໄດ້ພະລັງງານໄຟຟ້າຈາກສະຫະລັດອາເມລິກາ ທົດສອບການບິນເຕັມຮູບແບບຄັ້ງທຳອິດຢູ່ໃນມະຫານະຄອນດູໄບ ສະຫະລັດອາຫລັບເອມິເຣດ

ຖືວ່າເປັນກ້າວສຳຄັນໃນຄວາມພະຍາຍາມຂອງເມືອງ ທີ່ຈະນຳການຂົນສົ່ງທາງອາກາດມາໃຊ້ໃນເຄືອຂ່າຍການຄົມມະນາຄົມທີ່ມີຢູ່ແລ້ວ ໂດຍຄາດວ່າຈະເລີ່ມໃຊ້ງານໄດ້ໄວທີ່ສຸດພາຍໃນປີ 2026 ນີ້

ແທັກຊີ່ບິນໄດ້ແກ້ໄຂບັນຫາລົດຕິດ

ບໍລິສັດຫວັງວ່າບໍລິການແທັກຊີ່ບິນໄດ້ ຈະຊ່ວຍຫຼຸດຜ່ອນຄວາມກົດດັນໃນການຂົນສົ່ງທາງບົກທີ່ມີຢູ່ ແລະ ເປັນທາງເລືອກທີ່ໄວກວ່າສຳລັບນັກເດີນທາງ

ເນື່ອງຈາກດູໄບກຳລັງປະເຊີນກັບບັນຫາລົດຕິດທີ່ເພີ່ມຂຶ້ນ ໂດຍຍົກຕົວຢ່າງວ່າຈາກເດີມ ການເດີນທາງຫຼັກຈາກທ່າອາກາດຍານນານາຊາດດູໄບ (DXB) ໄປຫາສະຖານທີ່ທ່ອງທ່ຽວທີ່ມີຊື່ສຽງຢ່າງ ປາມ ຈູໄມຣາ (Palm Jumeirah) ດ້ວຍລົດຍົນ ຈະຕ້ອງໃຊ້ເວລາເຖິງ 45 ນາທີ ແຕ່ດ້ວຍບໍລິການແທັກຊີ່ບິນໄດ້ຈະຊ່ວຍຫຼຸດລະຍະເວລາການເດີນທາງເຫຼືອ 12 ນາທີເທົ່ານັ້ນ

ຖ້ຽວບິນສາທິດເກີດຂຶ້ນຢູ່ໃສ?

ສຳລັບຖ້ຽວບິນສາທິດດັ່ງກ່າວ ຈັດຂຶ້ນເມື່ອວັນທີ 30 ມິຖຸນາທີ່ຜ່ານມາ ບໍລິເວນພື້ນທີ່ທະເລຊາຍຫ່າງໄກ ທາງຕາເວັນອອກສຽງໃຕ້ຂອງຕົວເມືອງດູໄບ

ໃນງານມີເຈົ້າໜ້າທີ່ລະດັບສູງຂອງລັດຖະບານ ຜູ້ບໍລິຫານດ້ານການຂົນສົ່ງ ແລະ ຕົວແທນບໍລິສັດເຂົ້າຮ່ວມ ຊົມການສາທິດແທັກຊີ່ບິນໄດ້ ທີ່ເຮັດການຂຶ້ນບິນໃນແນວຕັ້ງ ບິນໄປຫຼາຍກິໂລແມັດ ແລະ ກັບມາລົງຈອດໃນແນວຕັ້ງອີກຄັ້ງ

ລາຍລະອຽດຂອງແທັກຊີ່ບິນໄດ້

ໂດຍແທັກຊີ່ບິນໄດ້ທີ່ໃຊ້ໃນການສາທິດຄັ້ງນີ້ ເອີ້ນວ່າ ໂຈບີ ເອເຣຍ ແທັກຊີ່ (Joby Aerial Taxi)

ຊຶ່ງເປັນ ເຄື່ອງບິນໄຟຟ້າຂຶ້ນລົງໃນແນວຕັ້ງທີ່ສາມາດບິນໄດ້ໄກເຖິງ 160 ກິໂລແມັດ ດ້ວຍຄວາມໄວສູງສຸດ 320 ກິໂລແມັດຕໍ່ຊົ່ວໂມງ ແລະ ຍັງໃຊ້ພະລັງງານໄຟຟ້າເຕັມຮູບແບບ ບໍ່ປ່ອຍມົນລະພິດຈາກການບິນ ເປັນມິດຕໍ່ສິ່ງແວດລ້ອມ ແລະ ມິດງຽບພໍສຳລັບການນຳໃຊ້ເຊິງການຄ້າໃນເຂດເມືອງທີ່ມີຄວາມໜາແໜ້ນສູງ

ຢ່າງໃດກໍຕາມ ເຖິງແມ່ນວ່າແທັກຊີ່ບິນໄດ້ຂອງບໍລິສັດ ຈະອອກແບບມາເພື່ອການນຳໃຊ້ໃນເມືອງ ແລະ ຕັ້ງເປົ້າໝາຍລະຍະຍາວໃຫ້ກາຍເປັນບໍລິການທີ່ທຸກຄົນສາມາດນຳໃຊ້ໄດ້ໃນລາຄາທີ່ເຂົ້າເຖິງໄດ້ ແຕ່ບໍລິສັດຍອມຮັບວ່າໃນຊ່ວງທຳອິດຈະກຳໜົດລາຄາໃຫ້ເໝາະສົມກັບກຸ່ມເປົ້າໝາຍຜູ້ໃຊ້ງານທີ່ມີລາຍໄດ້ສູງກ່ອນ

ບໍລິສັດວາງແຜນທີ່ຈະເປີດໃຫ້ບໍລິການແທັກຊີ່ບິນໄດ້ເຊິງການຄ້າໃນດູໄບ ພາຍໃນປີ 2026

ໂດຍມີຈຸດຮັບ-ສົ່ງເລີ່ມຕັ້ງ 4 ແຫ່ງດ້ວຍກັນ ໄດ້ແກ່ ທ່າອາກາດຍານນານາຊາດດູໄບ (DXB), ປາມ ຈູໄມຣາ (Palm Jumeirah), ຍ່ານການທ່ອງທ່ຽວດູໄບ ດາວທາວ (Dubai Downtown) ແລະ ດູໄບມາຣີນາ (Dubai Marina)