ວັນທີ່ 1 ສິງຫາ 2025 ໂດນາລ ທຣໍາ ປະທານາທິບໍດີສະຫະລັດ ລົງນາມເລັ່ງເກັບພາສີສິນຄ້ານຳເຂົ້າຈາກ ສປປ ລາວອັດຕາ 40% ຈາກເດີມ 44% ມີຜົນພາຍໃນ 7 ວັນຫຼັງປະກາດຫຼ້າສຸດ ເມື່ອວັນທີ່ 1 ສິງຫາ 2025 ນີ້

ຂະນະທີ່ອັດຕາພາສີແບບຕ່າງຕອບໂຕ້ (Reciprocal Tariff) ຂອງປະເທດອື່ນໆ ໃນເຂດອາຊຽນ:

• ມຽນມາ 40% ຈາກເດີມ 44%
• ບຣູໄນ 25% ຈາກເດີມ 24%
• ຫວຽດນາມ 20% ຈາກເດີມ 46%
• ອິນໂດເນເຊຍ 19% ຈາກເດີມ 32%
• ຟິລິບປີນ 19% ຈາກເດີມ 18%
• ໄທ 19% ຈາກເດີມ 36%
• ກຳປູເຈຍ 19% ຈາກເດີມ 49%
• ມາເລເຊຍ 19% ຈາກເດີມ 24%
• ສິງກະໂປ 10% ຈາກເດີມ 10%

“ທຣໍາ” ຂະຫຍາຍເສັ້ນຕາຍເກັບພາສີເມັກຊິໂກໄປອີກ 90 ມື້

ໂດນາລ ທຣໍາ ປະກາດຈະຢຸດຊົ່ວຄາວການຂຶ້ນພາສີສິນຄ້ານຳເຂົ້າຈາກເມັກຊິໂກຕາມທີ່ວາງແຜນໄວ້ກ່ອນ ແລະ ຈະຄົງພາສີໃນອັດຕາປັດຈຸບັນຕໍ່ໄປອີກ 90 ວັນ ຫຼັງຈາກທີ່ໄດ້ສົນທະນາກັບປະທານາທິບໍດີ Claudia Sheinbaum

ທຣໍາໂພສຂໍ້ຄວາມນີ້ເທິງ Truth Social ລະບຸດ້ວຍວ່າຈະຫາລືເລື່ອງການຄ້າກັນຕໍ່ໄປ ໂດຍປັດຈຸບັນເມັກຊິໂກກຳລັງປະເຊີນກັບພາສີນຳເຂົ້າ 25% ສຳລັບສິນຄ້າທີ່ບໍ່ໄດ້ນຳເຂົ້າພາຍໃຕ້ຂໍ້ຕົກລົງການຄ້າອະເມລິກາເໜືອ ໂດຍເມັກຊິໂກຈະຍັງຄົງຕ້ອງຈ່າຍພາສີລົດຍົນໃນອັດຕາ 25% ພາສີສຳລັບເຫຼັກ ອະລູມິນຽມ ແລະ ທອງແດງໃນອັດຕາ 50% ຕໍ່ໄປ

ເປົ້າໝາຍ 90 ມື້ 90 ດີລ

ເຫັນໄດ້ຊັດເຈນວ່າເປົ້າໝາຍ 90 ວັນ 90 ດີລ ຂອງສະຫະລັດທີ່ປະກາດໄວ້ຕອນເລື່ອນກຳໜົດເກັບພາສີເມື່ອ 3 ເດືອນກ່ອນ ເປັນເປົ້າໝາຍທີ່ທ້າທາຍເກີນໄປ ຊ່ວງເກືອບ 4 ເດືອນທີ່ຜ່ານມາ

ຖ້າເບິ່ງຂໍ້ມູນຫຼ້າສຸດທີ່ລວບລວມໄວ້ຈົນເຖິງເມື່ອວານນີ້ (31 ກໍລະກົດ) ຜູ້ນຳສະຫະລັດຢືນຢັນການປິດດີລການຄ້າກັບ 7 ຄູ່ຄ້າເທົ່ານັ້ນ ໄດ້ແກ່:

ອັງກິດ ທີ່ໄດ້ອັດຕາພາສີເທົ່າເກົ່າ ແຕ່ຈະຫຼຸດພາສີນຳເຂົ້າສິນຄ້າບາງລາຍການທີ່ຖືກເກັບສູງກວ່າຮ້ອຍລະ 10 ເຊັ່ນ: ລົດຍົນ ຕາມດ້ວຍເຂດອາຊຽນທີ່ຈະໄດ້ອັດຕາພາສີຢູ່ທີ່ 19-20% ແລະ ພັນທະມິດໃກ້ຊິດຂອງສະຫະລັດ ເຊັ່ນຍີ່ປຸ່ນ ສະຫະພາບຢູໂຣບ ແລະ ເກົາຫຼີໃຕ້ ໄດ້ຫຼຸດພາສີລົງມາເຫຼືອ 15%

ຊຶ່ງຫຼາຍປະເທດໂດຍສະເພາະເຂດອາຊຽນຕ້ອງແລກກັບການເປີດຕະຫຼາດໃຫ້ສິນຄ້າສະຫະລັດເຂົ້າປະເທດໄດ້ໂດຍບໍ່ເສຍພາສີ

ສະແດງຄຳຄິດເຫັນ