ສຳນັກຂ່າວຊິນຫົວລາຍງານຄວາມຄືບໜ້າສະຖານະການພະຍຸໄຕ້ຝຸ່ນຄາຈິກິ (Kajiki) ພັດຖະຫຼົ່ມຫວຽດນາມໃນວັນທີ 27 ສິງຫາ 2025

ໂດຍອ້າງອີງຂໍ້ມູນຈາກສຳນັກຂ່າວຫວຽດນາມວ່າ ຍອດຜູ້ເສຍຊີວິດລ່າສຸດເພີ່ມຂຶ້ນເປັນ 7 ຄົນ, ບາດເຈັບ 34 ຄົນ ແລະ ຍັງຄົງມີຜູ້ສູນຫາຍອີກ 1 ຄົນ

ກະຊວງກະສິກຳ ແລະ ສິ່ງແວດລ້ອມຫວຽດນາມເປີດເຜີຍຕົວເລກຄວາມເສຍຫາຍວ່າ ບ້ານເຮືອນປະຊາຊົນເສຍຍທັງຫຼັງ 15 ຫຼັງ ແລະ ໄດ້ຮັບຄວາມເສຍຫາຍອີກກວ່າ 8,700 ຫຼັງ

ໃນຈຳນວນນີ້ລວມເຖິງໂຮງຮຽນ 63 ແຫ່ງ ແລະ ໂຮງໝໍ 8 ແຫ່ງ, ນາເຂົ້າ ຫຼາຍກວ່າ 500,000 ບ່ອນ ຈົມຢູ່ໃຕ້ນ້ຳ ແລະ ສັດລົ້ມຕາຍໄປປະມານ 2,000 ໂຕ

ດ້ານນາຍົກລັດຖະມົນຕີ ຝາມ ມິນ ຈິນ ໄດ້ມີຄຳສັ່ງດ່ວນຫາໜ່ວຍງານທ້ອງຖິ່ນໃຫ້ເລັ່ງຟື້ນຟູໂຄງລ່າງພື້ນຖານທີ່ຈຳເປັນ ທັງໄຟຟ້າ ການສື່ສານ ແລະ ເສັ້ນທາງຄົມມະນາຄົມ ລວມເຖິງໂຮງຮຽນ ແລະ ໂຮງໝໍ

ພ້ອມທັງເລັ່ງແຈກຈ່າຍສິ່ງຂອງບັນເທົາທຸກ ແລະ ຊ່ອມແຊມບ້ານເຮືອນຜູ້ປະສົບໄພ ເພື່ອໃຫ້ສະຖານະການກັບສູ່ພາວະປົກກະຕິໂດຍໄວກ່ອນທີ່ຈະເປີດພາກການສຶກສາໃໝ່

ສະແດງຄຳຄິດເຫັນ