ວັນທີ 15 ກັນຍາ 2025 ເວລາ 14:40 ໂມງ, ອີງຕາມນະໂຍບາຍກວາດລ້າງຈັບກຸມຄົນຕ່າງດ້າວທີ່ຢູ່ເກີນກຳນົດອະນຸ ຍາດ ແລະ ລັກລອບເຮັດວຽກຜິດກົດໝາຍ ຂອງສຳນັກງານຕຳຫຼວດແຫ່ງຊາດ ແລະ ສຳນັກງານກວດຄົນເຂົ້າເມືອງ, ຊຸດສືບ ສວນປາບປາມກວດຄົນເຂົ້າເມືອງ ຈ ຂອນແກ່ນ ໄດ້ປະສານງານກັນເຂົ້າກວດກາຮ້ານຄ້າຂາຍຍ່ອຍແຫ່ງໜຶ່ງ ໃນຂອບເຂດເທດສະ ບານເມືອງ ຈ.ຂອນແກ່ນ ຫຼັງຈາກໄດ້ຮັບແຈ້ງຈາກສາຍ ລັບວ່າມີການຈ້າງແຮງງານຕ່າງດ້າວຜິດກົດໝາຍ.

ຈາກການເຂົ້າກວດກາຮ້ານເຈ໊ແຄັດ ທີ່ຖະໜົນໜ້າເມືອງ, ເຈົ້າໜ້າທີ່ພົບເຫັນແຮງງານຕ່າງດ້າວສັນຊາດລາວຈຳນວນ 3 ຄົນ ກໍາລັງເຮັດວຽກຈັດລຽງສິນຄ້າພາຍໃນຮ້ານ. ຈຶ່ງໄດ້ສະແດງຕົວເປັນພະນັກງານກວດຄົນເຂົ້າເມືອງ ເພື່ອຂໍກວດກາເອກະສານໜັງສືເດີນທາງ ແລະ ໃບອະນຸຍາດເຮັດວຽກ. ພົບວ່າທັງສາມຄົນມີໜັງສືເດີນທາງ ແຕ່ບໍ່ມີໃບອະນຸຍາດເຮັດວຽກຢ່າງຖືກຕ້ອງຕາມກົດໝາຍ. ຄົນຕ່າງດ້າວທີ່ຖືກຈັບກຸມທັງ 3 ຄົນປະກອບມີ:

– ນາງ ຄອງມາ ອາຍຸ 30 ປີ

– ທ້າວ ສີສຸມັງ ອາຍຸ 31 ປີ

– ທ້າວ ໄໝໄທ ອາຍຸ 21 ປີ

ຈາກການສອບສວນພົບວ່າ ທັງສາມຄົນໄດ້ເດີນທາງເຂົ້າມາປະເທດໄທດ້ວຍວີຊ່ານັກທ່ອງທ່ຽວ ແລະ ຍັງໄດ້ຮັບອະນຸຍາດໃຫ້ຢູ່ໃນລາຊະອານາຈັກ ແຕ່ກັບລັກລອບເຮັດວຽກໂດຍບໍ່ມີໃບອະນຸຍາດ ເຊິ່ງຖືວ່າເປັນການກະທຳຜິດ ຕາມມາດຕາ 8 ຂອງພະຣາຊະກຳນົດການບໍລິຫານຈັດການການເຮັດວຽກຂອງຄົນຕ່າງ ດ້າວ ພ.ສ. 2560 ແລະ ທີ່ໄດ້ແກ້ໄຂເພີ່ມເຕີມ ສະບັບທີ 2 ພ.ສ. 2561.

ເຈົ້າໜ້າທີ່ ຕມ. ຂອນແກ່ນ ຈຶ່ງໄດ້ແຈ້ງຂໍ້ຫາກັບຄົນຕ່າງດ້າວທັງສາມຄົນວ່າ “ເປັນບຸກຄົນຕ່າງດ້າວເຮັດວຽກໂດຍບໍ່ມີໃບອະນຸຍາດເຮັດວຽກ” ພ້ອມທັງນໍາຕົວຜູ້ຕ້ອງຫາທັງສາມຄົນສົ່ງພະນັກງານສອບສວນສະຖານີຕຳຫຼວດພູທອນເມືອງຂອນແກ່ນ ເພື່ອດໍາເນີນຄະດີຕາມກົດໝາຍຕໍ່ໄປ.

ຂ່າວຈາກ : ข่าวขอนแก่นวีคลี่นิวส์

ສະແດງຄຳຄິດເຫັນ