ເຊື່ອວ່າຫຼາຍຄົນຍັງຄົງຈື່ກ່ຽວກັບຂ່າວການພົບເຫັນສົບຂອງຜູ້ຍິງຄົນໜຶ່ງຢູ່ໃນລົດ Tesla ຂອງແຣັບເປີທີ່ມີຊື່ສຽງ D4vd ຫຼື David Burke ອາຍຸ 20 ປີ ເຈົ້າຂອງເພງຮິດຕ່າງໆ ເຊັ່ນ “Here with me”, “Romantic Homicide” ທີ່ຈອດ ຢູ່ລານຈອດລົດແຖວ Hollywood Hills ເຊິ່ງເປັນບ່ອນເກັບລົດທີ່ຖືກຈອດຖິ້ມໄວ້ດົນໆ ຫຼື ລົດທີ່ເຈົ້າຂອງປະຖິ້ມໄວ້ ໃນວັນທີ 8 ກັນຍາທີ່ຜ່ານມາ

ຕອນແລ້ວເລື່ອງມັນກໍ່ສັບສົນພໍເບິ່ງແລ້ວ ເພາະວ່າລົດຄັນດັ່ງກ່າວຈົດທະບຽນຢູ່ລັດເທັກຊັສ ແຕ່ກັບມາຈອດຖິ້ມໄວ້ຂ້າງທາງແຖວ Hollywood Hills ເປັນເວລາເກືອບເດືອນກ່ອນຖືກລາກມາເກັບໄວ້ຢູ່ບ່ອນດັ່ງກ່າວ. ທີ່ສຳຄັນກໍ່ຄື ທາງນັກຮ້ອງມີຊື່ສຽງເອງກໍ່ບໍ່ໄດ້ໄປແຈ້ງຄວາມກັບຕຳຫຼວດໄວ້ວ່າລົດເສຍ ຫຼື ຖືກໂຈນລັກໄປແຕ່ຢ່າງໃດ ແລະ ຍັງຄົງອອກທົວຄອນເສີດຕໍ່ໄປ.  ຫຼ້າສຸດໄດ້ມີການເປີດເຜີຍຊື່ຂອງຜູ້ເສຍຊີວິດອອກມາແລ້ວ ແລະ ກໍ່ຍິ່ງເຮັດໃຫ້ເລື່ອງມັນຊວນງົງ ແລະ ສັບສົນກັນຂຶ້ນໄປອີກ.

ໂດຍສົບຂອງຍິງສາວຄົນດັ່ງກ່າວກໍ່ຄື “ເຊເລສເຕ ລິວາສ” (Celeste Rivas) ອາຍຸພຽງ 15 ປີເທົ່ານັ້ນ. ສ່ວນທີ່ເຮັດໃຫ້ເລຶ່ອງມັນຊວນງົງກໍ່ເພາະວ່າພໍ່ແມ່ຂອງເດັກສາວທີ່ລະບຸວ່າລູກສາວໄດ້ຫາຍໂຕໄປຈາກບ້ານຕັ້ງແຕ່ເມື່ອເດືອນເມສາປີທີ່ແລ້ວ. ທີ່ສຳຄັນລູກສາວເຄີຍບອກວ່າມີແຟນທີ່ຊື່ “ເດວິດ” ແຖມເດັກສາວຍັງສັກລາຍອັກສອນ “Shhh” ທີ່ບັນດານັກຮ້ອງເຊິ່ງກໍ່ລວມເຖິງແຣັບເປີ້ຄົນດັງສັກອີກດ້ວຍ.

ດ້ານທາງແຣັບເປີີ D4vd ຫຼັງຮູ້ຂ່າວເຈົ້າໂຕກໍ່ຍົກເລີກການທົວຄອນເສີດທີ່ຊີແອັດເທິນແລ້ວ. ຢ່າງໃດກໍ່ຕາມ ຍັງບໍ່ມີລາຍງານວ່າເຖິງຕອນນີ້ທາງເຈົ້າໜ້າທີ່ນັ້ນໄດ້ລະບຸວ່າທັງສອງມີຄວາມເຊື່ອມໂຍງກັນຫຼືບໍ່ ລວມເຖິງໂຕເດວິດໄດ້ຕົກເປັນຜູ້ຖືກສົງໄສແລ້ວ ຫຼື ຍັງ.

ຕົງຂ້າມກັບບັນດາຊາວເນັດທີ່ຕອນນີ້ໄດ້ເຊື່ອໄປແລ້ວ ຫຼາຍຄົນພະຍາຍາມຫາຄວາມເຊື່ອມໂຍງຂອງທັງຄູ່ຈາກໂພສເກົ່າໆ ບາງຄົນມີການໂພສຮູບຫນ້າຄ້າຍຄົນທັງສອງຢືນຢັນວ່າມີການຄົບຫາກັນແທ້ ບາງຄົນກໍ່ມີທິດສະດີຈາກຂໍ້ມູນທີ່ວ່າສົບຫາກໍ

ຖືກນຳມາຖິ້ມເມື່ອຊ່ວງ 5 ວັນກ່ອນເຈີຮ່າງ ແລະ ເປັນຊ່ວງທີ່ແຣັບເປີດັງພັກຄອນເສີດພໍດີ ເຊິ່ງທັງໝົດຄົງຕ້ອງລໍຖ້າຜົນລາຍງານການຕິດຕາມກວດກາຈາກທາງເຈົ້າໜ້າທີ່ຕໍ່ໄປ…

ສະແດງຄຳຄິດເຫັນ