ໃນໂລກຂອງສິ່ງມີຊີວິດທີ່ເຕັມໄປດ້ວຍຄວາມຫຼາກຫຼາຍ ມີສັດໂຕນ້ອຍຊະນິດໜຶ່ງທີ່ຄວາມງາມຂອງມັນກາຍເປັນໄພທີ່ຂົ່ມຂູ່ຊີວິດຕົວເອງ ນັ້ນຄື ຫອຍທາກຄິວບາ (Cuban Painted Snail) ຫຼື ຊື່ທາງວິທະຍາສາດເອິ້ນວ່າ

Polymita picta ດ້ວຍເປືອກທີ່ງົດງາມຄືກັບງານສິລະປະ ເຮັດໃຫ້ມັນກາຍເປັນທີ່ຕ້ອງການຂອງຕະຫຼາດ ແລະ ກຳລັງຖືກຜັກດັນໃຫ້ເຂົ້າໃກ້ການສູນພັນຢ່າງໜ້າເສົ້າ

ຫອຍທາກສີຄິວບາ “ອັນມະນີມີຊີວິດ” ຈາກຄິວບາ

ຫອຍທາກຄິວບາເປັນຫອຍທາກບົກທີ່ພົບໄດ້ພຽງແຕ່ໃນປ່າເຂດຮ້ອນທາງຕາເວັນອອກຂອງຄິວບາເທົ່ານັ້ນ ເອກະລັກທີ່ໂດດເດັ່ນຂອງມັນຄືເປືອກຫອຍທີ່ມັນວາວ ມີສີສັນສົດໃສຄືສາຍຮຸ້ງ ບໍ່ວ່າຈະເປັນສີເຫຼືອງ, ແດງ, ຂຽວ, ຫຼື ຟ້າ ປະສົມກັບ

ລວດລາຍທີ່ເປັນເອກະລັກສະເພາະຕົວມີຂະໜາດນ້ອຍໂດຍມີຄວາມກວ້າງປະມານ 2-3 ຊັງຕີແມັດ ເປັນຫອຍທາກບົກ ເຮັດໃຫ້ຫອຍທາກແຕ່ລະໂຕມີເສັ້ນຫາໄດ້ບໍ່ຊໍ້າກັນ ແລະ ຖືກຍົກໃຫ້ເປັນ “ອັນມະນີມີຊີວິດ” ທີ່ມີຄ່າ ແລະ ເປັນທີ່ຕ້ອງການຢ່າງຫຼວງຫຼາຍ

ໂດຍຫອຍທາກຄິວບາທີ່ໃກ້ສູນພັນຫຼາຍທີ່ສຸດຄືສາຍພັນໂພລີມິຕາ ຊັລຟູໂຣຊາ (Polymita sulphurosa) ເຊິ່ງມີສີຂຽວໝາກນາວ ພ້ອມດ້ວຍລວດລາຍເປວໄຟສີນ້ຳຟ້າຂົດເປັນວົງມົນ ປະສົມກັບແຖບສີສົ້ມເຫຼືອງສົດໃສທົ່ວເປືອກ

ຄວາມງາມນີ້ເອງທີ່ເຮັດໃຫ້ມັນກາຍເປັນສັດໃນກຸ່ມທີ່ຕ້ອງໄດ້ຮັບການຄຸ້ມຄອງຢ່າງຮີບດ່ວນ ເນື່ອງຈາກເປືອກຫອຍຂອງມັນຖືກລັກລອບເກັບຈາກທຳມະຊາດເພື່ອນຳໄປເຮັດເປັນເຄື່ອງປະດັບແຟຊັນ ແລະ ຂອງສະສົມຫາຍາກ ສົ່ງຜົນໃຫ້

ປະຊາກອນໃນທຳມະຊາດລົດລົງຢ່າງໄວ

ຄວາມງາມທີ່ກາຍເປັນໄພຕໍ່ໂຕມັນເອງ

ການທີ່ຫອຍທາກຄິວບາໃກ້ຈະສູນພັນມີສາເຫດມາຈາກຫຼາຍປັດໄຈ:

• ການລັກລອບຄ້າຂາຍ:  ຄວາມຕ້ອງການຂອງມະນຸດທີ່ຢາກເປັນເຈົ້າຂອງຄວາມງາມນີ້ ສົ່ງຜົນໃຫ້ມີການລັກລອບເກັບ ແລະ ຄ້າຂາຍຫອຍທາກຢ່າງຜິດກົດໝາຍ ເຊີ່ງເປັນໄພຂົ່ມຂູ່ທີ່ໃຫຍ່ທີ່ສຸດ

• ການທຳລາຍຖິ່ນທີ່ຢູ່ອາໄສ:  ການຂະຫຍາຍພື້ນທີ່ການກະສິກຳ ແລະ ການພັດທະນາທີ່ດິນ ໄດ້ທຳລາຍປ່າທີ່ເປັນບ້ານຂອງມັນ ເຮັດໃຫ້ຫອຍທາກບໍ່ສາມາດດຳລົງຊີວິດ ຫຼື ສືບພັນໄດ້ຕາມທຳມະຊາດ

• ວົງຈອນຊີວິດທີ່ບອບບາງ:  ຫອຍທາກຊະນິດນີ້ມີອາຍຸສັ້ນພຽງ 1-2 ປີ ແລະ ມີການສືບພັນທີ່ຄ່ອນຂ້າງຊ້າ ເຮັດໃຫ້ບໍ່ສາມາດຟື້ນຟູປະຊາກອນໄດ້ທັນກັບການຖືກຈັບໄປເປັນຈຳນວນຫຼາຍ

ເຖິງແມ່ນສະຖານະການການລົດຈຳນວນລົງຂອງຫອຍທາກສີຄິວບາຈະໜ້າເປັນຫ່ວງ ແຕ່ກໍຍັງມີຄວາມພະຍາຍາມໃນການປົກປ້ອງຫອຍທາກຄິວບາຈາກໄພຂົ່ມຂູ່ເຫຼົ່ານີ້ ປະເທດຄິວບາຈັດໃຫ້ຫອຍທາກຊະນິດນີ້ຢູ່ໃນສະຖານະ “ໃກ້ສູນພັນຢ່າງຍິ່ງ”

(Critically Endangered) ແລະ ມີຄວາມພະຍາຍາມຈາກນັກວິໄຈທົ່ວໂລກທີ່ຈະຜັກດັນໃຫ້ຫອຍທາກຊະນິດນີ້ໄດ້ຮັບການຂຶ້ນທະບຽນໃນບັນຊີແດງຂອງ IUCN (International Union for Conservation of Nature) ເພື່ອໃຫ້ໄດ້ຮັບການ

ຄຸ້ມຄອງໃນລະດັບສາກົນຫຼາຍຂຶ້ນ

ຫອຍທາກຄິວບາ ຈຶ່ງເປັນບົດຮຽນທີ່ສຳຄັນທີ່ເຕືອນໃຈພວກເຮົາວ່າ ຄວາມງາມທີ່ປາກົດໃນທຳມະຊາດສາມາດກາຍເປັນໄພຂົ່ມຂູ່ຕໍ່ສິ່ງມີຊີວິດໄດ້ ເມື່ອມະນຸດເບິ່ງຄຸນຄ່າໃນເຊິງພານິດຫຼາຍກວ່າຄຸນຄ່າທາງຊີວະພາບ

ສະແດງຄຳຄິດເຫັນ