ຂ່າວສານຊີອາໄອລາຍງານວ່າ: ໃນວັນທີ 30 ກັນຍາ ຜ່ານມາ, ທະນາຄານພັດທະນາອາຊີ ຫຼື ADB ໄດ້ເຜີຍແຜ່ ບົດລາຍງານວິໄສທັດການພັດທະນາອາຊີ 2025 ສະບັບເດືອນກັນຍາ. ເມື່ອທຽບໃສ່ບົດລາຍງານສະບັບທຳອິດທີ່ເຜີຍແຜ່ໃນເດືອນເມສາປີນີ້, ບົດລາຍງານສະບັບດັ່ງກ່າວໄດ້ປັບຫຼຸດການຄາດຄະເນການເຕີບໂຕດ້ານເສດຖະກິດຂອງກຸ່ມເສດຖະກິດທີ່ພວມພັດທະນາໃນອາຊີປາຊີຟິກ ປີ 2025 ລົງເຖິງ 4.8%, ຂະນະທີ່ການຄາດຄະເນການເຕີບໂຕດ້ານເສດຖະກິດໃນປີ 2026 ໄດ້ປັບຫຼຸດເຖິງ 4.5%.

ບົດລາຍງານດັ່ງກ່າວລະບຸວ່າ: ປັດຈຸບັນ, ອັດຕາພາສີຂອງ ສະຫະລັດ ອາເມຣິກາ ໄດ້ຮັກສາຢູ່ໃນລະດັບສູງເປັນປະຫວັດສາດ, ຄວາມບໍ່ແນ່ນອນດ້ານການຄ້າພວມຢູ່ໃນລະດັບສູງແບບບໍ່ເຄີຍມີມາກ່ອນ, ຍ້ອນໄດ້ຮັບຜົນກະທົບດັ່ງກ່າວ, ຈັງຫວະການເຕີບໂຕດ້ານເສດຖະກິດຂອງອິນເດຍ ແລະ ເຂດຕາເວັນອອກສ່ຽງໃຕ້ໄດ້ຖືກປັບຫຼຸດລົງ.ວິໄສທັດການພັດທະນາອາຊີ ເປັນບົດລາຍງານເສດຖະກິດປະຈຳປີທີ່ເປັນສັນຍາລັກຂອງທະນາ ຄານ ADB ຊຶ່ງເປັນການຄາດຄະເນຕໍ່ການພັດທະນາເສດຖະກິດໃນເຂດອາຊີປາຊີຟິກ.

ສະແດງຄຳຄິດເຫັນ