ການກິນຢາດັກໄຂ້  ຖືເປັນຄວາມເຊື່ອທີ່ສືບທອດກັນມາດົນນານໃນຫຼາຍຄອບຄົວ ໂດຍມັກຄິດວ່າຖ້າຖືກຝົນຕົກ ຫຼື ເລີ່ມຮູ້ສຶກບໍ່ສະບາຍ ຖ້າກິນຢາແກ້ໄຂ້ໄວ້ກ່ອນ ຈະຊ່ວຍປ້ອງກັນບໍ່ໃຫ້ເປັນໄຂ້ໃນພາຍຫຼັງ ແຕ່ແພດຢືນຢັນວ່າວິທີນີ້ບໍ່ຖືກຕ້ອງ ແລະ ອາດກໍ່ໃຫ້ເກີດຜົນເສຍຕໍ່ສຸຂະພາບຫຼາຍກວ່າທີ່ຄິດ

ຢາພາຣາເຊຕາມອນ ກິນດັກໄຂ້ບໍ່ໄດ້ ຍັງສ່ຽງຕັບອັກເສບ ທ່ານໝໍພົດ ອິນທະລາພາພອນ ຫົວໜ້າງານພະຍາດຕິດເຊື້ອ ການກິນ ຢາພາຣາເຊຕາມອນ ຄວນໃຊ້ພຽງແຕ່ເມື່ອມີໄຂ້ຈິງເທົ່ານັ້ນ ການກິນດັກໄວ້ລ່ວງໜ້າ

ທີ່ຮ່າງກາຍຍັງບໍ່ທັນເຈັບ ອາດເພີ່ມຄວາມສ່ຽງເກີດຜົນຂ້າງຄຽງ ເຊັ່ນ ທຳລາຍຕັບ ຫຼື ສ່ຽງຕັບອັກເສບໄດ້ ໂດຍສະເພາະຖ້າກິນເລື້ອຍໆ ຫຼື ເກີນຂະໜາດ

ຢາຟ້າທະລາຍໂຈນ ບໍ່ແມ່ນຢາກິນດັກໄຂ້

ສຳລັບຄວາມເຊື່ອທີ່ວ່າການກິນ ຢາຟ້າທະລາຍໂຈນ ລ່ວງໜ້າຈະຊ່ວຍດັກໄຂ້ໄດ້ ຟ້າທະລາຍໂຈນມີໄວ້ເພື່ອຫຼຸດໄຂ້ ບັນເທົາອາການເຈັບຄໍ ແລະ ເມື່ອຍຕົວໃນກໍລະນີທີ່ມີອາການເປັນໄຂ້ຫວັດຈິງເທົ່ານັ້ນ ບໍ່ຈຳເປັນຕ້ອງກິນດັກໄວ້ກ່ອນ

ຂໍ້ຄວນລະວັງໃນການໃຊ້ຢາຟ້າທະລາຍໂຈນ

• ຫ້າມກິນພ້ອມກັບພາຣາເຊຕາມອນ ຄວນຫ່າງກັນຢ່າງໜ້ອຍ 2-4 ຊົ່ວໂມງ ເພາະທັງສອງຊະນິດຖືກຂັບອອກທີ່ຕັບຄືກັນ

• ປະລິມານການໃຊ້ຂຶ້ນກັບຊະນິດຢາ ຕ້ອງອ່ານປ້າຍຢ່າງລະອຽດ ໂດຍທົ່ວໄປບໍ່ຄວນເກີນວັນລະ 4 ເທື່ອ ຫ່າງກັນທຸກ 6-8 ຊົ່ວໂມງ

• ຖ້າໃຊ້ຢາຟ້າທະລາຍໂຈນຕິດຕໍ່ກັນ 1-2 ວັນແລ້ວອາການບໍ່ດີຂຶ້ນ ຄວນໄປພົບແພດທັນທີ

ສະຫຼຸບ

ການກິນຢາດັກໄຂ້ ບໍ່ວ່າຈະເປັນພາຣາເຊຕາມອນ ຫຼື ຟ້າທະລາຍໂຈນ ບໍ່ໄດ້ຊ່ວຍປ້ອງກັນການເກີດໄຂ້ຈິງ ແຕ່ກັບສ່ຽງທຳລາຍຕັບ ແລະ ເກີດຜົນຂ້າງຄຽງໂດຍບໍ່ຈຳເປັນ ດັ່ງນັ້ນຄວນໃຊ້ຢາຢ່າງຖືກຕ້ອງຕາມຂໍ້ຄຳເເນະນຳຂອງເເພດ ແລະ ປຶກສາແພດ ຫຼື ເພສັດຊະກອນກ່ອນໃຊ້ຢາທຸກຄັ້ງເພື່ອຄວາມປອດໄພ

ສະແດງຄຳຄິດເຫັນ