ຂ່າວແຂວງຜົ້ງສາລີ ລາຍງານວັນທີ 10 ຕຸລາ 2025 ນີ້ວ່າ: ວັນທີ 6-8 ຕຸລາ 2025 ທີ່ຜ່ານມາ ຄະນະພັກ-ຄະນະບັນຊາ ກອງຮ້ອຍທະຫານຊາຍແດນ 111 ໄດ້ຈັດຕັ້ງກໍາລັງອ້າຍ-ນ້ອງທະຫານຈໍານວນ 15 ສະຫາຍ ຊ່ວຍເຫລືອພໍ່ແມ່ປະຊາຊົນທີ່ຖືກຜົນກະທົບຈາກໄພພິບັດທໍາມະຊາດ ນໍ້າຖ້ວມຢູ່ບ້ານອູເໜືອ ເມືອງຍອດອູ ເເຂວງຜົ້ງສາລີ. ເນື່ອງຈາກມີຝົນຕົກໜັກຕິດຕໍ່ກັນຫລາຍວັນ ເຮັດໃຫ້ນໍ້າໄດ້ຖ້ວມເຂົ້ານາ ແລະ ເຂົ້າທີ່ກອງໄວ້ ປະມານ 2 ເຮັກຕາ. ດັ່ງນັ້ນ, ກໍາລັງອ້າຍ-ນ້ອງທະຫານຈຶ່ງໄດ້ພາກັນຊ່ວຍຂົນເຂົ້າ ແລະ ຍ້າຍກອງເຂົ້າໄດ້ສຳເລັດຕາມຄາດໝາຍທີ່ວາງໄວ້.

ສະແດງຄຳຄິດເຫັນ