ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ຜ່ານມາ, ກອງທັບມຽນມາປະຕິບັດການຈູ່ໂຈມຖານສະແກມເມີ ຢູ່ເຄເຄພາກ ໃນເມືອງມຽວດີ ປະເທດມຽນມາ ສາມາດຢຶດອຸປະກອນດາວທຽມອິນເຕີເນັດສະຕາລິ້ງ (Starlink) ຈຳນວນ 30 ຊຸດ ແລະ ຄວບຄຸມແຮງງານໄດ້ຫຼາຍກວ່າ 2,000 ຄົນຈາກຫຼາຍສັນຊາດ.

ສຳລັບອຸປະກອນດາວທຽມອິນເຕີເນັດສະຕາລິ້ງ (Starlink) ຍັງບໍ່ມີໃບອະນຸຍາດດຳເນີນການໃນປະເທດມຽນມາ ເຊິ່ງປະລິມານໃນການຮັບສົ່ງຂໍ້ມູນຂ່າວສານຍັງບໍ່ພຽງພໍທີ່ຈະຕິດຢູ່ໃນລາຍຊື່ຜູ້ໃຫ້ບໍລິການອິນເຕີເນັດຂອງປະເທດ ກ່ອນຈະມີການປາບປາມຄັ້ງຍິ່ງໃຫຍ່ໃນເດືອນກຸມພາ 2025 ທີ່ຜ່ານມາ, ແຕ່ດາວທຽມອິນເຕີເນັດສະຕາລິ້ງ (Starlink) ຕິດອັນດັບການມໃຊ້ງານສູງສຸດໃນໄລຍະ 10 ເດືອນໃນຕົ້ນປີ 2025 ຜ່ານມາ.

ຕາມຂໍ້ມູນຂອງໜ່ວຍງານຈົດທະບຽນອິນເຕີເນັດໃນພາກພື້ນອາຊີ APNIC ທາງດ້ານສຳນັກງານຕ້ານຢາເສບຕິດ ແລະ ອາດຊະຍາກຳແຫ່ງສະຫະປະຊາຊາດ (UNODC) ລະບຸວ່າ: ການສໍ້ໂກງທາງອອນລາຍ ຫຼື ສະແກມເມີ ໃນອາຊີຕາເວັນອອກສຽງໃຕ້ ສ້າງຄວາມເສຍຫາຍຫຼານເຖິງ 37,000 ລ້ານໂດລາສະຫະລັດ ໃນປິ 2023.

ສະແດງຄຳຄິດເຫັນ