ເຕະບານຊາຍ ທີມຊາດລາວ ໄດ້ຖືກຈັດຢູ່ໃນກຸ່ມ B ຮ່ວມກັບຫວຽດນາມ ແລະ ມາເລເຊຍ, ສ່ວນກຸ່ມ A ປະກອບມີ: ທີມຊາດໄທ, ກຳປູເຈຍ ແລະ ຕີມໍ ເລສເຕ ແລະ ກຸ່ມC ປະກອບມີ: ທີມຊາດ ອິນໂດເນເຊຍ, ມຽນມາ, ຟີລິບປິນ ແລະ ສິງກະໂປ ໃນງານມະຫະກຳກິລາຊີເກມ 2025 ຄັ້ງທີ 33 ທີ່ປະເທດໄທ.

ການແຂ່ງຂັນບານເຕະຊາຍໃນງານກິລາຊີເກມ ຄັ້ງນີ້ ຈະເລີ່ມເປີດສາກໃນວັນທີ 3 ທັນວາ ຈົນເຖິງ 19 ທັນວາ 2025 ເຊິ່ງຮູບແບບການແຂ່ງຂັນພົບກັນໝົດໃນກຸ່ມ ແລ້ວຄັດເອົາທີ 1 ຂອງກຸ່ມ ແລະ ທີ 2 ດີສຸດໜຶ່ງທີມ ເຂົ້າຮອບຮອງຊະນະເລີດຕໍ່ໄປ.

ສ່ວນ ງານມະຫະກຳກິລາຊີເກມ 2025 ຄັ້ງທີ 33 ແມ່ນຈະເປີດສາກຢ່າງເປັນທາງການ ແຕ່ວັນທີ 9-20 ທັນວາ 2025 ຢູ່ບາງກອກ, ສົງຂຣາ ແລະ ຊົນບູຣີ ປະເທດໄທ.

ທີ່ມາ: ສຕລ

ຮູບພາບປະກອບ:

ສະແດງຄຳຄິດເຫັນ