ທ່ານຮູ້ບໍ່ວ່າ ສະຫະລັດທົດສອບອາວຸດນິວເຄລຍໄປຫຼາຍເຖິງ 1,054 ຄັ້ງ ລະຫວ່າງປີ 1945 ເຖິງ 1992 ໂດຍມີທຣິນິຕີ້ ສ່ວນໜຶ່ງຂອງໂຄງການແມນຮັດຕັນ ເປັນລະເບີດນິວເຄລຍລູກທຳອິດທີ່ຖືກຈຸດຊະນວນ ຄືກັບທີ່ເປັນຉາກສຳຄັນໃນຮູບເງົາເລື່ອງອອບເພັນໄຮເມີ

ເຖິງແມ່ນວ່າສະຖານທີ່ທົດສອບທຣິນິຕີ້ ຈະຢູ່ໃນລັດນິວເມັກຊິໂກ ແຕ່ສະຖານທີ່ທົດສອບລະເບີດນິວເຄລຍຫຼັກຂອງສະຫະລັດ ແມ່ນພື້ນທີ່ທົດສອບເນວາດາ ຫຼື Nevada Test Site ເຊິ່ງເປັນຈຸດທີ່ມີການຈຸດຊະນວນລະເບີດນິວເຄລຍຫຼາຍກວ່າ 900 ຄັ້ງ ຈາກທັງໝົດ 1,054 ຄັ້ງ

ການທົດສອບລະເບີດນິວເຄລຍຄັ້ງສຸດທ້າຍຂອງສະຫະລັດ ແມ່ນ ເມື່ອວັນທີ 23 ກັນຍາ ປີ 1992 ເປັນການຈຸດລະເບີດພະລັງທຳລາຍລ້າງ 20 ກິໂລຕັນ ທີ່ເອີ້ນວ່າ ດິໄວເດີ ທີ່ເນວາດານີ້ເອງມັນຮຸນແຮງແນວໃດ ກໍນັບໄດ້ວ່າ 1 ກິໂລຕັນ ມີພະລັງທຳລາຍລ້າງເທົ່າກັບລະເບີດທີເອັນທີ 1,000 ຕັນ ຂະນະທີ່ລະເບີດທີ່ຖືກຖິ້ມຢູ່ເມືອງຮິໂຣຊິມະຂອງຍີ່ປຸ່ນ ມີພະລັງທຳລາຍລ້າງ 15 ກິໂລຕັນບໍ່ເທົ່າໃດວັນຫຼັງທົດສອບລະເບີດລູກນີ້ ປະທານາທິບໍດີຈອດ ເອັຊ ດັບເບີລຢູ ບຸຊ ກໍລົງນາມຢຸດການທົດສອບອາວຸດນິວເຄລຍທັງໝົດ

ສະຫຼຸບຂ່າວ

ເຮັດຄວາມຮູ້ຈັກຈຸດທົດລອງນິວເຄລຍເນວາດາໃນສະຫະລັດ ທີ່ອາດກັບມາເປັນຈຸດຖິ້ມລະເບີດນິວເຄລຍທົດສອບອີກຄັ້ງ ຫຼັງປະທານາທິບໍດີໂດນັລ ທຣຳ ໄຟຂຽວການກັບມາທົດສອບອາວຸດນິວເຄລຍ ແລະມັນກໍເປັນຄຳສັ່ງທີ່ເກີດຂຶ້ນກ່ອນການພົບປະທານາທິບໍດີສີ ຈິ້ນຜິງ ຂອງຈີນພຽງບໍ່ດົນ. ແຕ່ມາວັນນີ້ ຜ່ານມາ 33 ປີ ປະທານາທິບໍດີໂດນັລ ທຣຳ ຂອງສະຫະລັດ ໄດ້ປະກາດວ່າ ຈະກັບມາເລີ່ມທົດສອບອາວຸດນິວເຄລຍອີກຄັ້ງ ດ້ວຍເຫດຜົນວ່າ ເພາະປະເທດອື່ນທົດສອບອາວຸດນິວເຄລຍກັນໝົດ ສະຫະລັດຕ້ອງເຮັດແນວເພື່ອໃຫ້ສັກຍະພາບເທົ່າທຽມແລະມັນເປັນຄຳປະກາດທີ່ເກີດຂຶ້ນກ່ອນການຫາລືກັບປະທານາທິບໍດີຈີນບໍ່ດົນ ໂດຍທຣຳ ລະບຸດ້ວຍວ່າ ເຖິງແມ່ນຈີນຈະເປັນມະຫາອຳນາດນິວເຄລຍອັນດັບ 3 ທີ່ຍັງເບິ່ງຫ່າງໄກຈາກສະຫະລັດ ແລະ ຣັດເຊຍ ແຕ່ໃນອີກ 5 ປີ ຈີນຈະເທົ່າທຽມກັບສະຫະລັດ ແລະ ຣັດເຊຍໄດ້ ຫາກສະຫະລັດບໍ່ເຮັດຫຍັງເລີຍ

ທີ່ມາຂໍ້ມູນ: Atomic Heritage
ທີ່ມາຮູບພາບ: Getty Images

ສະແດງຄຳຄິດເຫັນ