ພະຍຸໂຊນຮ້ອນ “ຄາລແມກີ” ໃນມະຫາສະໝຸດແປຊິຟິກຕາເວັນຕົກ (ທາງຕາເວັນອອກຂອງປະເທດຟິລິບປິນ) ກຳລັງເຄື່ອນຕົວທາງຕາເວັນຕົກ ຄາດວ່າຈະເຄື່ອນຜ່ານຕອນກາງປະເທດຟິລິບປິນ ລົງສູ່ທະເລຈີນໃຕ້ ແລະ ໃນຊ່ວງ 6-8 ພ.ຍ.68 ຈະເຄື່ອນຕົວເຂົ້າໃກ້ຝັ່ງປະເທດຫວຽດນາມ ແຕ່ພໍມາປະທະອາກາດເຢັນ ຈະອ່ອນກຳລັງລົງຢ່າງໄວຍັງຕ້ອງຕິດຕາມເປັນໄລຍະໆ ເນື່ອງຈາກທິດທາງ ແລະ ກຳລັງຂອງພາຍຸຍັງມີການປ່ຽນແປງ.

ຈາກຂໍ້ມູນແຜນທີ່ນີ້ທີ່ມີ ພາຍຸ “ຄັລແມກີ” ພະຍຸອາດຈະກະທົບລາວໂດຍກົງໃນພາກກາງ–ໃຕ້ ແລະ ຈະເຮັດໃຫ້ມີຝົນຕົກໜັກຢູ່ໃຕ້ຂອງ ສປປ ລາວ ແຕ່ເມື່ອປະທະກັບອາກາດເຢັນ ກໍຈະອ່ອນກຳລັງລົງຢ່າງໄວວາ. ເຖິງຢ່າງໃດກໍຕາມ ຍັງຕ້ອງຕິດຕາມເຝົ້າລະວັງຢ່າງໃກ້ຊິດ ເພາະທິດທາງພາຍຸອາດປ່ຽນແປງໄດ້.

ສຳລັບພະຍຸ “ຄັລແມກີ” (KALMAEGI) ໝາຍເຖິງ ນົກນາງນວນ, ຕັ້ງຊື່ໂດຍ ສາທາລະນະລັດ ປະຊາທິປະໄຕ ປະຊາຊົນເກົາຫລີ ເປັນພະຍຸຫົວທີ 25 ຈາກການນັບຈຳນວນພາຍຸຂອງສູນ RSMC ໂຕກຽວ ປະເທດຍີ່ປຸ່ນ.

ເສັ້ນທາງພາຍຸຈະເຄື່ອນຕົວ:

• ຜ່ານຟິລິບປິນ → ທະເລຈີນໃຕ້ → ເຂົ້າໃກ້ຝັ່ງຫວຽດນາມ (6-8 ພ.ຍ.)
• ຈະອ່ອນກຳລັງລົງເມື່ອປະທະອາກາດເຢັນ

ສະແດງຄຳຄິດເຫັນ