ພົບຜູ້ເສຍຊີວິດ 2 ຄົນໃນລົດທີ່ເກີດອຸບັດເຫດລົດເສຍຫຼັກຕໍາຂອບທາງແລ້ວໄຟໄໝ້ລົດຢູ່ທາງດ່ວນ
ຈາກກໍລະນີທີ່ມີລົດໃຫຍ່ເກີດອຸບັດເຫດລົດເສຍຫຼັກຕໍາຂອບທາງປີ້ນອອກຂ້າງທາງແລ້ວໄຟໄໝ້ລົດຢູ່ທາງດ່ວນໃນວັນທີ 16 ເມສາ 2024 ນີ້ ເວລາປະມານ 13:15 ນາທີ ຢູ່ທາງດ່ວນ ເຂດບ້ານຫ້ວຍທົນ ເມືອງໂພນໂຮງ ແຂວງວຽງຈັນ, ອີງຕາມການລາຍງານຈາກເຈົ້າໜ້າທີ່ກູ້ໄພ ພົບວ່າໃນລົດ ມີຜູ້ເສຍຊີວິດ 2 ຄົນ ເປັນເພດຊາຍ ສັນຊາດຈີນ ໂດຍຖືກຢ້າງສົດເສຍຊີວິດຄາທີ່.
3 ເດືອນຕົ້ນປີ 2024 ມີນັກທ່ອງທ່ຽວເຂົ້າມາຜ່ານດ່ານສາກົນສາມຫຼ່ຽມຄຳ ຫຼາຍກວ່າ 80 ພັນຄົນ
ທ່ານ ພັນໂທ ບຸນສິດ ພົມນິຍົມ ຫົວໜ້າດ່ານສາກົນສາມຫຼ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວ ໄດ້ລາຍງານກ່ຽວກັບສະພາບເຂົ້າອອກດ່ານສາກົນສາມຫຼ່ຽມຄຳໃນໄລຍະ 3 ເດືອນຕົ້ນປີ 2024 ວ່າ: ນັບແຕ່ເດືອນມັງກອນ ຫາ ເດືອນ ມິນາ 2024 ນີ້, ມີນັກທ່ອງທ່ຽວ ທັງພາຍໃນ ແລະ ຕ່າງປະເທດໄດ້ເຂົ້າ-ອອກເມືອງຜ່ານດ່ານສາກົນສາມຫຼ່ຽມຄຳ ເຂດເສດຖະກິດພິເສດສາມຫຼ່ຽມຄຳ ມີຈໍານວນ 83.549 ຄົນ (ຍິງ 37.568 ຄົນ, ເດັກນ້ອຍ 1.883 ຄົນ), ລວມມີ 95 ສັນຊາດ ຖ້າທຽບໃສ່ ໄລຍະດຽວກັນຂອງ ປີ 2023 ແມ່ນມີນັກທ່ອງທ່ຽວເພີ່ມຂຶ້ນເຖິງ 1,84% ຊຶ່ງສາເຫດທີ່ພາໃຫ້ມີນັກທ່ອງທ່ຽວເພີ່ມຂຶ້ນ ກໍ່ຍ້ອນ ວ່າປະເທດລາວ ໄດ້ເປີດປີທ່ອງທ່ຽວລາວ ປີ 2024 ຢ່າງ ເປັນທາງການ. ແຫຼ່ງຂ່າວ: ນັກຂ່າວ ເຂດເສດຖະກິດພິເສດສາມຫຼ່ຽມຄຳ
ADB ຄາດຄະເນວ່າ ເສດຖະກິດ ລາວ ຈະມີການຂະຫຍາຍຕົວລະດັບປານກາງ ຈາກແຮງສະໜັບສະໜູນ ຈາກພາຍນອກ
ທະນາຄານພັດທະນາ ອາຊີ Asian Development Bank (ADB) ຄາດຄະເນວ່າ ເສດຖະກິດ ສປປ ລາວ ຈະມີການເຕີບໂຕໃນລະດັບ ປານກາງ ໃນປີ 2024 ນີ້ ແລະ ປີ ໜ້າ ຈາກແຮງສະໜັບສະໜູນຈາກພາຍນອກ ເຊັ່ນ: ການທ່ອງທ່ຽວ, ການລົງທຶນ ແລະ ການຄ້າ. ທ່າມກາງຄວາມກົດດັນຈາກພາວະເງິນເຟີ້ ແລະ ພັນທະທີ່ຕ້ອງຊຳລະໜີ້ ໃຫ້ກັບຕ່າງປະເທດ. ບົດລາຍງານເສດຖະກິດປະຈຳເດືອນ ເມສາ ຂອງ ADB ລະບຸວ່າ GDP ຂອງ ສປປ ລາວ ໃນປີ 2024 ແລະ 2025 ຈະມີການຂະຫຍາຍຕົວປະມານ 4%. ໂດຍໄດ້ຮັບແຮງສະໜັບສະໜູນຈາກຄວາມຕ້ອງການພາຍນອກ ໃນຂະແໜງການບໍລິການ ເຊັ່ນ: ການທ່ອງທ່ຽວ ທີ່ຄາດວ່າຈະມີນັກທ່ອງທ່ຽວເຂົ້າມາເຖິງ 4,2ລ້ານຄົນໃນປີ 2024 ແລະ ຍັງຈະໄດ້ຜົນປະໂຫຍດຈາກການພັດທະນາພື້ນຖ່ານໂຄ່ງລາງໃນການເດີນທາງທີ່ງ່າຍຂຶ້ນ. ADB ລະບຸຕື່ມອີກວ່າ ນອກນີ້ […]
ເດືອນມີນາ ມີຜູ້ເສຍຊີວິດເຖິງ 85 ຄົນ ຈາກອຸບັດເຫດໃນທົ່ວປະເທດ
ໃນໄລຍະເດືອນມີນາ 2024 ຜ່ານມານີ້, ທົ່ວປະເທດລາວ ມີຜູ້ເສຍຊີວິດເຖິງ 85 ຄົນ, ມີຜູ້ບາດເຈັບ 918 ຄົນ ແລະ ມີພາຫະນະເປ່ເພ 959 ຄັນ ຈາກອຸບັດເຫດເກີດຂຶ້ນທັງໝົດ 549 ຄັ້ງ, ແຕ່ເມື່ອທຽບໃສ່ກັບຜູ້ເສຍຊີວິດໃນເດືອນກຸມພາ ທີ່ຜ່ານມາ ຫຼຸດລົງ 16 ຄົນ ຊຶ່ງມີຜູ້ເສຍຊີວິດ 101 ຄົນ. ກົມຕຳຫຼວດຈາລະຈອນ ໄດ້ລາຍງານສະພາບການເກີດອຸບັດເຫດທົ່ວປະເທດປະຈຳເດືອນມີນາ 2024 ທີ່ຜ່ານມາ ຊາບວ່າ: ສະພາບອຸບັດເຫດຕາມທ້ອງຖະໜົນໃນຂອບເຂດທົ່ວປະເທດ ຍັງໜ້າເປັນຫ່ວງ ເຖິງແມ່ນວ່າເຈົ້າໜ້າທີ່ຕໍາຫຼວດ ຈະໃຊ້ມາດຕະການຕ່າງໆເພື່ອຫຼຸດຜ່ອນອຸບັດເຫດກໍ່ຕາມ, ຊຶ່ງສາຍເຫດທີ່ພາໃຫ້ເກີດອຸບັດເຫດແຕ່ລະຄັ້ງ ສ່ວນໃຫຍ່ເກີດຈາກການລະເມີດກົດລະບຽບການສັນຈອນຂອງຜູ້ຂັບຂີ່ ໂດຍສະເພາະຂັບຂີ່ໄວເກີນກຳນົດ, ດື່ມສິ່ງມຶນເມົາ ແລະ ອື່ນໆ, ໃນນັ້ນ ອຸບັດຕິເຫດສ່ວນໃຫຍ່ແມ່ນເກີດຂຶ້ນ ນັບແຕ່ເວລາ 17:00-24:00 ໃນກຸ່ມອາຊີບກໍາມະກອນ ແລະ ນັກຮຽນ ນັກສຶກສາ. ຈາກອຸບັດເຫດທີ່ເກີດຂຶ້ນດັ່ງກ່າວ, ທາງເຈົ້າໜ້າທີ່ກົມຕຳຫຼວດຈາລະຈອນ ຈຶ່ງຮຽກຮ້ອງມາຍັງຜູ້ທີ່ໃຊ້ລົດໃຊ້ຖະໜົນຕ້ອງຮ່ວມໃຈກັນປະຕິບັດກົດລະບຽບການສັນຈອນທາງບົກໃຫ້ເຄັ່ງຄັດ ມີສະຕິໃນການຂັບຂີ່ແຕ່ລະຄັ້ງ ເຊັ່ນ: ເມົາແລ້ວຫ້າມຂັບ, ຂັບຂີ່ລົດຈັກຕ້ອງໃສ່ໝວກກັນກະທົບທຸກຄັ້ງ […]
ນາຍົກລັດຖະມົນຕີ ສົງພະທີ່ວັດອົງຕື້ ມະຫາວິຫານ
ທ່ານ ສອນໄຊ ສີພັນດອນ ນາຍົກລັດຖະມົນຕີ ພ້ອມດ້ວຍພັນລະຍາ ແລະ ບັນດາການນຳພັກ-ລັດ ຕະຫຼອດຮອດມວນຊົນ ຊາວນະຄອນຫຼວງວຽງຈັນ ໄດ້ຈັດພິທີຫົດສົງພະພຸດທະຮູບ ທີ່ວັດອົງຕື້ ມະຫາວິຫານ ໃນວັນທີ 13 ເມສາ ນີ້ ຊຶ່ງເປັນວັນສັງຂານລ່ວງ, ເປັນມື້ທໍາອິດຂອງການເຮັດພິທີກໍາທາງສາສະໜາ ຕາມຮີດຄອງປະເພນີອັນດີງາມຂອງລາວເຮົາທີ່ໄດ້ປະຕິບັດກັນມາ. ວັດອົງຕື້ເປັນວັດໜຶ່ງ ໃນຈຳນວນຫຼາຍໆວັດທີ່ເກົ່າແກ່ ແລະ ມີຄວາມໝາຍຄວາມສຳຄັນທາງບູຮານສະຖານ ແລະ ປະຫວັດສາດຢູ່ໃນນະຄອນຫຼວງວຽງຈັນ ສາທາລະນະລັດ ປະຊາທິປະໄຕ ປະຊາຊົນລາວ ທັງເປັນວັດທີ່ປະຊາຊົນທັງພາຍໃນ ແລະ ຕ່າງປະເທດໃຫ້ຄວາມເຄົາລົບ. ວັດອົງຕື້ ເດີມຊື່ວ່າ ວັດສີພູມ ຫຼື ໄຊຍະພູມໄດ້ປະຕິສັງຂອນເອົາວັດສີພູມ ຊຶ່ງເປັນວັດເກົ່າແກ່ມາແຕ່ສະໄໝພະຍາຈັນທະບູລີປະສິດທິສັກ ໄດ້ສ້າງຂຶ້ນ ໃນລະຫວ່າງ 300 ປີກ່ອນ ຄ.ສ; ຕໍ່ມາເຖິງປີ ຄ.ສ 1566, ພະເຈົ້າໄຊຍະເສດຖາທິລາດ ໄດ້ປະຕິສັງຂອນ ແລະ ມາສ້າງພະເຈົ້າອົງຕື້ຂຶ້ນ ແລ້ວມາປະດິດສະຖານໄວ້ໃນວັດສີພູມນີ້ ຈຶ່ງໄດ້ຕັ້ງຊື້ວັດໃໝ່ວ່າ “ວັດອົງຕື້” ຕາມຊື່ຂອງພະພຸດທະຮູບໃຫຍ່ນັ້ນ. ຂ່າວ-ພາບ: ປະຊາຊົນ
ປີ 2023 ຂະແໜງການອຸດສາຫະກຳ ແລະ ການຄ້າ ຂອງ ສປປ ລາວ ຂະຫຍາຍຕົວ 5-17%
ທ່າມກາງຄວາມຝືດເຄືອງ ແລະ ຄວາມຫຍຸ້ງຍາກດ້ານເສດຖະກິດ ປີ 2023 ທີ່ຜ່ານມາ ຂະແໜງການ ອຸດສາຫະກຳ ແລະ ການຄ້າ ຂອງ ສປປ ລາວ ມີການຂະຫຍາຍຕົວຢ່າງຕໍ່ເນື່ອງ ໂດຍມີການຂະຫຍາຍຕົວຕັ້ງແຕ່ 2,1% ໄປຮອດ 17,75%. ມູນຄ່າການຜະລິດອຸດສາຫະກໍາປຸງແຕ່ງ ປີ 2023 ແມ່ນສາມາດປະຕິບັດໄດ້ 14.531 ຕື້ກີບ, ເມື່ອທຽບໃສ່ໄລຍະດຽວກັນຂອງປີຜ່ານມາເຫັນວ່າມີອັດຕາເພີ່ມຂຶ້ນ 10%. ໃນປີ 2022 ມີມູນຄ່າ 13.210 ຕື້ກີບ. ອີງຕາມຂໍ້ມູນຈາກ ກະຊວງອຸດສາຫະກຳ ແລະ ການຄ້າ ໃນການຜະລິດອຸດສາຫະກໍາປຸງແຕ່ງ ປີ 2023 ປະເພດສິນຄ້າທີ່ມີມູນຄ່າຫຼາຍທີ່ສຸດແມ່ນໄດ້ແກ່ ປະເພດ ສະບຽງອາຫານ ມູນຄ່າ 3.403 ຕື້ກີບ, ປະເພດ ເຄື່ອງດື່ມ 2.426 ຕື້ກີບ, ເຄື່ອງນຸ່ງຫົ່ມ 1.809 ຕື້ກີບ, ເຈ້ຍ ແລະ ຜະລິດຕະພັນເຈ້ຍ 1.168 […]
ເຈົ້າໜ້າທີ່ແຂວງຫຼວງນໍ້າທາ ກຽມພ້ອມໃນການປ້ອງກັນຄວາມສະຫງົບ ໃນໄລຍະປີໃໝ່ລາວ
ພະແນກຕຳຫຼວດຈະລາຈອນ ປ້ອງກັນຄວາມສະຫງົບ ແຂວງຫຼວງນໍ້າທາ ໄດ້ສ້າງແຜນວຽກ ບັນຈຸກຳລັງປະຈຳປ້ອມບ່ອນທີ່ມີການສັນຈອນແອອັດຢູ່ 6 ຈຸດ ເປັນຕົ້ນ ປະຈຳຢູ່ຫ້ອງການເພື່ອລໍຖ້າແກ້ໄຂວຽກງານຕ່າງໆ, ປ້ອມຕະຫຼາດກະສິກຳແຂວງ, ປ້ອມຂົວວັງເງິນ, ຈຸດບ້ານທົ່ງດີ, ຈຸດຈັບຄວາມໄວຢູ່ບ້ານວຽງເໜືອ ແລະ ຈຸດບ້ານໂພນໄຊສະຫວ່າງ, ເຊິ່ງແຕ່ລະຈຸດມີພະນັກງານຈະລາຈອນ ປະຈໍາຢູ່ 5 ທ່ານ ພ້ອມກັບຊາວໜຸ່ມອາສານັກຮຽນໂຮງຮຽນເທສະບານແຂວງ 2 ຄົນ, ໃນມື້ໜຶ່ງມີພະນັກງານປະຕິບັດງານ ແລະ ປະຈຳການຕົວຈິງ 45 ທ່ານ ໂດຍໄດ້ເລີ່ມປະຕິບັດງານແຕ່ 8:30 ໂມງ ຫາ 22:30 ໂມງ ປັດຈຸບັນແມ່ນກຽມພ້ອມ 100%. ທ່ານ ພັນຕີ ອິນຫົງ ຂຽນທະວົງ ຮອງຫົວໜ້າພະແນກຕຳຫຼວດຈະລາຈອນ ປກສ ແຂວງຫຼວງນໍ້າທາໄດ້ສຳພາດ ຕໍ່ສື່ມວນຊົນເມື່ອມໍ່ໆມານີ້ ວ່າ: ເພື່ອເຮັດໃຫ້ການສົ່ງທ້າຍປີເກົ່າ ພສ 2566 ແລະ ຕ້ອນຮັບປີໃໝ່ລາວ ພສ 2567 ໃຫ້ມີຄວາມສະຫງົບ ແລະ ປອດໄພ ໃນການສັນຈອນຕາມເສັ້ນທາງຫຼວງ […]
ປະທານປະເທດ ອວຍພອນມາຍັງພີ່ນ້ອງຮ່ວມຊາດ ໃຫ້ຢູ່ເຢັນເປັນສຸກ ເນື່ອງໃນໂອກາດຕ້ອນຮັບປີໃໝ່ລາວ 2024
ເນື່ອງໃນໂອກາດອັນເປັນສີຣິມຸງຄຸນ ສົ່ງທ້າຍປີເກົ່າ ພ.ສ 2566 ຕ້ອນຮັບປີໃໝ່ລາວ ພ.ສ 2567, ທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດ ແຫ່ງ ສປປ ລາວ ໄດ້ສົ່ງຄໍາອວຍພອນໄຊອັນປະເສີດ ມາຍັງພີ່ນ້ອງຮ່ວມຊາດ ຕະຫຼອດເຖິງພີ່ນ້ອງຄົນເຊື້ອຊາດລາວ ທີ່ອາໄສຢູ່ຕ່າງປະເທດ ກໍ່ຄື ຊາວຕ່າງປະເທດທີ່ກຳລັງດຳລົງຊີວິດ ແລະ ປະຕິບັດໜ້າທີ່ ຢູ່ ສປປ ລາວ ຈົ່ງມີຄວາມຢູ່ເຢັນເປັນສຸກ, ປາສະຈາກໂລກໄພໄຂ້ເຈັບ ແລະ ຈົ່ງພ້ອມກັນສະຫຼອງປີໃໝ່ດ້ວຍຄວາມເບີກບານມ່ວນຊື່ນ, ມີໂຊກມີໄຊ ແລະ ສະຫງົບ ປອດໄພທຸກປະການເທີ້ນ. ທ່ານ ປະທານປະເທດ ໄດ້ກ່າວວ່າ: ປີເຖາະ ພ.ສ 2566 ທີ່ກຳລັງຜ່ານພົ້ນໄປນີ້ ກໍ່ເປັນອີກປີໜຶ່ງ ທີ່ປວງຊົນລາວທັງຊາດ ໄດ້ປະສົບກັບຄວາມຫຍຸ້ງຍາກດ້ວຍຜົນກະທົບຈາກສະພາບການທັງນອກຕົວ ແລະ ໃນຕົວ, ເຮັດໃຫ້ຊີວິດການເປັນຢູ່ທາງດ້ານຕ່າງໆຂອງປະຊາຊົນເຮົາພົບຄວາມຫຍຸ້ງຍາກຝືດເຄືອງຕະຫຼອດປີຜ່ານມາ. ແຕ່ເຖິງຢ່າງໃດກໍ່ຕາມ ດ້ວຍຄວາມເປັນເຈົ້າປະເທດ, ຄວາມບາກບັ່ນພະຍາຍາມ ແລະ ຄວາມສາມັກຄີ ເປັນປຶກແຜ່ນ ຂອງປວງຊົນລາວທຸກຄົນ ທີ່ໄດ້ເຂົ້າຮ່ວມຢ່າງຕັ້ງໜ້າໃນການປະຕິບັດແນວທາງນະໂຍບາຍ […]
ຂ່າວດີ ເປີດຂາຍປີ້ລົດໄຟລາວ-ຈີນ ລ່ວງໜ້າ 7 ວັນເນື່ອງໃນເທດສະການປີໃໝ່ລາວ
ເພື່ອອຳນວຍຄວາມສະດວກໃຫ້ແກ່ຜູ້ໂດຍສານ ແລະ ນັກທ່ອງທ່ຽວໃນການເດີນທາງໄລຍະເທດສະການປີໃໝ່ລາວທີ່ຈະມາເຖິງ, ບໍລິສັດທາງລົດໄຟລາວ-ຈີນ ຈຳກັດ ໄດ້ເປີດຂາຍປີ້ລົດໄຟລ່ວງໜ້າເຖິງ 7 ວັນ ສຳລັບປີ້ວັນທີ 14-22 ເມສາ 2024. ນອກຈາກນີ້, ບໍລິສັດທາງລົດໄຟລາວ-ຈີນ ຈຳກັດ ຍັງເປີດນຳໃຊ້ລົດໄຟ EMU ສອງຂະບວນຕໍ່ໃສ່ກັນ ໃນລະຫວ່າງວັນທີ 12-19 ເມສາ 2024 ສໍາລັບຖ້ຽວ C92/1 ແລະ C84/3 ໄປ-ກັບ ນະຄອນຫຼວງວຽງຈັນ-ຫຼວງພະບາງ ເພື່ອຕອບສະໜອງຄວາມຮຽກຮ້ອງຕ້ອງການຂອງຜູ້ໂດຍສານຈຳນວນຫຼວງຫຼາຍ ໃນການເດີນທາງລະຫວ່າງສອງສະຖານີນີ້. ພ້ອມດຽວກັນນັ້ນ, ບໍລິສັດທາງລົດໄຟລາວ-ຈີນ ໄດ້ປັບຕາຕະລາງເດີນລົດບາງສະຖານີ ເພື່ອອຳນວຍຄວາມສະດວກໃນການເດີນທາງຂອງຜູ້ໂດຍສານຫຼາຍຂຶ້ນ. ລາຍລະອຽດຕາຕະລາງເດີນລົດ ເບິ່ງຕາມຕາຕະລາງ. ທີ່ມາ: ບໍລິສັດທາງລົດໄຟລາວ-ຈີນ ຈຳກັດ
ນາຍົກ ແນະນຳໃຫ້ຈຳປາສັກ ເພີ່ມບໍລິການ ສາຍການບິນ ດຶງດູດການລົງທຶນ ແລະ ການທ່ອງທ່ຽວ
ທ່ານສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ແນະນຳໃຫ້ ອຳນາດການປົກຄອງແຂວງ ຈຳປາສັກ ເປີດບໍລິການສາຍການບິນເພີ່ມ ເພື່ອອໍານວຍຄວາມສະດວກ, ດຶງດູດການລົງທຶນ, ດຶງດູດການທ່ອງທ່ຽວ ແລະ ອື່ນໆ. ຄຳເຫັນດັ່ງກ່າວມີຂຶ້ນເມື່ອບໍ່ດົນມານີ້ ໃນໂອກາດ ທ່ານ ສອນໄຊ ສີພັນດອນ ນາຍົກລັດຖະມົນຕີ ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມ, ຕິດຕາມຊຸກຍູ້ ແລະ ຊີ້ນຳວຽກງານການພັດທະນາເສດຖະກິດ-ສັງຄົມ ຢູ່ແຂວງຈຳປາສັກ ໂດຍມີທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ ພ້ອມດ້ວຍການນຳຫຼັກແຫຼ່ງຂອງແຂວງ, ເມືອງ ແລະ ພາກສ່ວນທີ່ກ່ຽວຂ້ອງ ໃຫ້ການຕ້ອນຮັບ. ອີງຕາມຂໍ້ມູນຈາກ ເວັບໄຊ ການບິນລາວ, ປັດຈຸບັນ ຖ້ຽວບິນວຽງຈັນ-ປາກເຊ ມີ 2 ຖ້ຽວຕໍ່ມື້ ແລະ ມີ 3ຖ້ຽວຕໍ່ມື້ ສຳລັບວັນ ວັນອັງຄານ, ວັນພະຫັດ ແລະ ວັນເສົາ, ຖ້ຽວບິນຈາກ ຫຼວງພະບາງ-ປາກເຊ ອີກ […]