ອາຊຽນຮ່ວມມືໂຕ້ຕອບບັນດາໄພຂົ່ມຂູ່ທາງດ້ານຊີວະພາບທີ່ອາດຈະເກີດການລະບາດໃຫ່ຍຂື້ນໃນຕໍ່ໜ້າ
ກອງປະຊຸມ ຄັ້ງທີ 2 ໃນການສ້າງເຄືອຂ່າຍຄວາມປອດໄພ ແລະ ຄວາມໝັ້ນຄົງດ້ານຊີວະພາບຂອງອາຊຽນ ແລະ ພັດທະນາແຜນດໍາເນີນງານເຄືອຂ່າຍຄວາມປອດໄພ ແລະ ຄວາມໝັ້ນຄົງດ້ານຊີວະພາບອາຊຽນ ໄດ້ຈັດຂຶ້ນໃວັນທີ່ 16-18 ກັນຍາ 2025 ທີ່ນະຄອນຫຼວງວຽງຈັນ. ໃນໄລຍະກອງປະຊຸມ 3 ວັນນີ້ ບັນດາຜູ້ຕາງໜ້າປະເທດອາຊຽນ ຈະໄດ້ມີການສົນທະນາປືກສາຫາລື ແລະ ປະກອບຄຳເຫັນຈາກຜູ້ເຂົ້າຮ່ວມໃນບັນດາສະມາຊິກປະເທດອາຊຽນ ເພື່ອເຮັດໃຫ້ແຜນດໍາເນີນງານເຄືອຂ່າຍຄວາມປອດໄພ ແລະ ຄວາມໝັ້ນຄົງດ້ານຊີວະພາບອາຊຽນ ຄົບຖ້ວນສົມບູນ ແລະ ເປັນເອກະພາບໃນຂົງເຂດພາກພື້ນອາຊຽນ, ນອກຈາກນັ້ນ ຍັງຈະໄດ້ກຳນົດກີດຈະກຳລະອຽດເພື່ອລະບຸບັນດາປະເທດທີ່ຈະເປັນຜູ້ນຳພາ ແລະ ຄູ່ຮ່ວມງານໃນການຈັດຕັ້ງປະຕິບັດໃນແຕ່ລະຂົງເຂດວຽກງານຢ່າງລະອຽດ ທັງນັ້ນກໍ່ເພື່ອຮັບປະກັນໃນການເປັນເຈົ້າການຮ່ວມກັນໃນການຮ່ວມມືເສີມສ້າງຄວາມເຂັ້ມແຂງໃນຂົງເຂດພາກພື້ນອາຊຽນໃນການປ້ອງກັນ, ຄົ້ນຫາແຕ່ຫົວທີ ແລະ ໂຕ້ຕອບບັນດາໄພຂົ່ມຂູ່ທາງດ້ານຊີວະພາບທີ່ອາດຈະເກີດການລະບາດໃຫ່ຍຂື້ນໃນຕໍ່ໜ້າ. ພ້ອມກັນນັ້ນ, ຈຸດປະສົງຂອງກອງປະຊຸມໃນຄັ້ງນີ້ ເພື່ອ ປືກສາຫາລື ແລະ ລາຍງານຄວາມຄືບໜ້າສຳລັບການຮັບຮອງ ພາລະບົດບາດຂອງເຄືອຂ່າຍອາຊຽນຄວາມປອດໄພ ແລະ ຄວາມໝັ້ນຄົງດ້ານຊີວະພາບ; ກຳນົດ ແລະ ບູລິມະສິດກິດຈະກຳພາກພື້ນ ແລະ ຜູ້ຈັດຕັ້ງປະຕິບັດຫຼັກ, ຄູ່ຮ່ວມງານ ສຳລັບແຜນດຳເນີນງານເຄືອຂ່າຍຄວາມປອດໄພ […]
ຢູນິເທລ (Unitel) ມອບຄືນໃຫ້ສັງຄົມຜ່ານການສະໜັບສະໜູນກິດຈະກຳການກຸສົນ
ບໍລິສັດ ສະຕາ ເທເລຄອມ (ຢູນິເທລ) ໄດ້ໃຫ້ການສະໜັບສະໜູນແກ່ສັງຄົມໂດຍລວມ ແລະ ສຸຂະພາບທີ່ດີ ໂດຍການສະໜັບສະໜູນ ການແລ່ນຕ່າງໆຮ່ວມກັນ 5.5 ກິໂລແມັດ ເພື່ອຊຸມຊົນ ແລະ Ride.Run.Discover ແຂວງນະຄອນຫຼວງວຽງຈັນ. ກິດຈະກຳການກຸສົນເຫຼົ່ານີ້ ບໍ່ພຽງແຕ່ສົ່ງເສີມວິຖີຊີວິດທີ່ແຂງແຮງ ແລະ ມີສຸຂະພາບດີເທົ່ານັ້ນ ແຕ່ຍັງສ້າງຜົນປະໂຫຍດທີ່ມີຄວາມໝາຍຕໍ່ສັງຄົມໃນວົງກວ້າງອີກດ້ວຍ. ໃນຂອບເຂດຂອງໂຄງການນີ້, ຢູນິເທລ ຍັງໄດ້ຈັດຕັ້ງກິດຈະກຳການບໍລິຈາກເລືອດ ເພື່ອຊ່ວຍເຫຼືອຜູ້ທີ່ຕ້ອງການໃນຊ່ວງເວລາສຸກເສີນ ແລະ ການປິ່ນປົວທາງການແພດ. ນອກຈາກນັ້ນ, ຍັງໄດ້ລວບລວມການບໍລິຈາກເຄື່ອງນຸ່ງຫົ່ມ ແລະ ອຸປະກອນການຮຽນ ເພື່ອສົ່ງມອບໃຫ້ແກ່ເດັກນ້ອຍໃນເຂດຊົນນະບົດ. ກິດຈະກຳນີ້ໄດ້ຈັດຂຶ້ນທີ່ສຳນັກງານໃຫຍ່ຂອງຢູນິເທລ ໃນວັນທີ 1-2 ສິງຫາ. ກິດຈະກຳດັ່ງກ່າວໄດ້ຮັບການເຂົ້າຮ່ວມ ແລະ ການຮ່ວມມືຢ່າງກະຕືລືລົ້ນຈາກຫຼາຍກຸ່ມ, ສະທ້ອນໃຫ້ເຫັນເຖິງພະລັງຂອງຊຸມຊົນ ແລະ ຈິດໃຈອາສາສະໝັກ ແລະ ຄວາມພ້ອມທີ່ຈະຊ່ວຍເຫຼືອ ແລະ ສະໜັບສະໜູນເຊິ່ງກັນແລະກັນ. ນອກຈາກນັ້ນ, ມັນຍັງເປັນແຮງບັນດານໃຈໃຫ້ປະຊາຊົນທົ່ວໄປໄດ້ຮັບຮູ້ຄຸນຄ່າຂອງການໃຫ້. ຢູນິເທລກ່າວວ່າ ການພັດທະນາແບບຍືນຍົງບໍ່ໄດ້ມາຈາກເທັກໂນໂລຢີເທົ່ານັ້ນ ແຕ່ຕ້ອງໄດ້ຮັບການສະໜັບສະໜູນຈາກຊຸມຊົນທີ່ເຂັ້ມແຂງ ແລະ ເປັນຫ່ວງໃຍ. […]
ເກີດເຫດການແຜ່ນດິນໄຫວຢູ່ບັນດາປະເທດໃກ້ຄຽງ
ສູນຂໍ້ມູນຂ່າວສານແຜ່ນດິນໄຫວ ແຫ່ງຊາດລາວ ລາຍງານເຫດການເກີດແຜ່ນດິນໄຫວ ຢູ່ບັນດາປະເທດໃກ້ຄຽງ ໃນຄັັ້ງວັນທີ 16 ກັນຍາ 2025 ເວລາ 7:00 ໂມງເຊົ້າ ຫາ ວັນທີ 17 ກັນຍາ 2025 ເວລາ 7:00 ໂມງເຊົ້າ, ເຫດການ ແຜ່ນດິນໄຫວເກີດຂຶ້ນລວມທັງໝົດ 4 ຄັັ້ງ ເຊິິ່ງເຫດການແຜ່ນດິນໄຫວທີິ່ເກີດຂຶ້ນຢູ່ປະເທດມຽນມາ ໃນຄັັ້ງນີ້ແມ່ນບໍ່ໄດ້ສົ່ງຜົນກະທົບຕໍ່ ສປປ ລາວ. ມີລະອຽດດັັ່ງນີ້:
ເບີ່ງດວງປີ 2025 ຕາມລາສີ
ດວງປີ 2025 ຕາມລາສີ ລາສີເມກ (21 ມີນາ – 19 ເມສາ) ການງານ: ປີນີ້ເປັນປີແຫ່ງໂອກາດໃໝ່ໆ ແຕ່ທ່ານຕ້ອງກ້າຕັດສິນໃຈ ອາດມີການປ່ຽນແປງຄັ້ງໃຫຍ່ໃນໜ້າທີ່ການງານ ການເງິນ: ລາຍຮັບດີຂຶ້ນຈາກປີທີ່ຜ່ານມາ ແຕ່ຕ້ອງລະວັງເລື່ອງການໃຊ້ຈ່າຍທີ່ບໍ່ຈຳເປັນ ຄວາມຮັກ: ຄົນໂສດມີໂອກາດພົບຮັກໃໝ່ ຄົນມີຄູ່ຕ້ອງລະວັງເລື່ອງການສື່ສານ ເສີມດວງ: ໄຫວ້ພຣະຂໍພອນກ່ຽວກັບການງານ ແລະ ພົກເຄື່ອງລາງທີ່ຊ່ວຍເສີມໂຊກດ້ານການເງິນ ລາສີພຶດສົກ (20 ເມສາ – 20 ພຶດສະພາ) ການງານ: ມີຄວາມໝັ້ນຄົງຫຼາຍຂຶ້ນ ເໝາະກັບການຂະຫຍາຍທຸລະກິດ ການເງິນ: ລາຍຮັບດີ ແຕ່ມີຄ່າໃຊ້ຈ່າຍທີ່ຕ້ອງບໍລິຫານໃຫ້ດີ ຄວາມຮັກ: ຄົນໂສດມີໂອກາດພົບຮັກຈາກການເຮັດວຽກ ຄົນມີຄູ່ຈະເຂົ້າໃຈກັນຫຼາຍຂຶ້ນ ເສີມດວງ: ເຮັດບຸນກ່ຽວກັບການສຶກສາ ແລະ ບໍລິຈາກສິ່ງຂອງທີ່ຈຳເປັນໃຫ້ຜູ້ທຸກຍາກ ລາສີເມຖຸນ (21 ພຶດສະພາ – 20 ມິຖຸນາ) ການງານ: ມີການປ່ຽນແປງ […]
ຈັບແຮງງານລາວເຂົ້າເມືອງໄທຜິດກົດໝາຍ 3 ຄົນ
ວັນທີ 15 ກັນຍາ 2025 ເວລາ 14:40 ໂມງ, ອີງຕາມນະໂຍບາຍກວາດລ້າງຈັບກຸມຄົນຕ່າງດ້າວທີ່ຢູ່ເກີນກຳນົດອະນຸ ຍາດ ແລະ ລັກລອບເຮັດວຽກຜິດກົດໝາຍ ຂອງສຳນັກງານຕຳຫຼວດແຫ່ງຊາດ ແລະ ສຳນັກງານກວດຄົນເຂົ້າເມືອງ, ຊຸດສືບ ສວນປາບປາມກວດຄົນເຂົ້າເມືອງ ຈ ຂອນແກ່ນ ໄດ້ປະສານງານກັນເຂົ້າກວດກາຮ້ານຄ້າຂາຍຍ່ອຍແຫ່ງໜຶ່ງ ໃນຂອບເຂດເທດສະ ບານເມືອງ ຈ.ຂອນແກ່ນ ຫຼັງຈາກໄດ້ຮັບແຈ້ງຈາກສາຍ ລັບວ່າມີການຈ້າງແຮງງານຕ່າງດ້າວຜິດກົດໝາຍ. ຈາກການເຂົ້າກວດກາຮ້ານເຈ໊ແຄັດ ທີ່ຖະໜົນໜ້າເມືອງ, ເຈົ້າໜ້າທີ່ພົບເຫັນແຮງງານຕ່າງດ້າວສັນຊາດລາວຈຳນວນ 3 ຄົນ ກໍາລັງເຮັດວຽກຈັດລຽງສິນຄ້າພາຍໃນຮ້ານ. ຈຶ່ງໄດ້ສະແດງຕົວເປັນພະນັກງານກວດຄົນເຂົ້າເມືອງ ເພື່ອຂໍກວດກາເອກະສານໜັງສືເດີນທາງ ແລະ ໃບອະນຸຍາດເຮັດວຽກ. ພົບວ່າທັງສາມຄົນມີໜັງສືເດີນທາງ ແຕ່ບໍ່ມີໃບອະນຸຍາດເຮັດວຽກຢ່າງຖືກຕ້ອງຕາມກົດໝາຍ. ຄົນຕ່າງດ້າວທີ່ຖືກຈັບກຸມທັງ 3 ຄົນປະກອບມີ: – ນາງ ຄອງມາ ອາຍຸ 30 ປີ – ທ້າວ ສີສຸມັງ ອາຍຸ 31 ປີ – […]
ປກສ ແຂວງຊຽງຂວາງ ກວດຢຶດ ແລະ ກັກຕົວຜູ້ ລັກລອບຂຸດຄົ້ນແຮ່ຄຳ ຢູ່ເຂດພູແຮ່ ເມືອງແປກ
ປກສ ແຂວງຊຽງຂວາງ ລາຍງານວ່າ: 11 ກັນຍາ 2025 ກໍາລັງປ້ອງກັນຄວາມສະຫງົບ ສົມທົບກັບກໍາລັງປ້ອງກັນຊາດແຂວງຊຽງຂວາງ ນໍາໂດຍທ່ານ ພັອມ ຈູຊົ່ງ ຈື່ໄຊ ຮອງຫົວໜ້າປ້ອງກັນຄວາມສະຫງົບ ແຂວງຊຽງຂວາງ ພ້ອມດ້ວຍພາກສ່ວນທີ່ກ່ຽວຂ້ອງ ລົງກວດກາແກ້ໄຂບັນຫາລັກລອບຂຸດຄົ້ນແຮ່ຄໍາ ຢູ່ພູແຮ່ ເມືອງແປກ ແຂວງຊຽງຂວາງ. ໃນນີ້ໄດ້ພົບເຫັນແຮ່ທີ່ຖືກຂຸດຄົ້ນອອກມາຈໍານວນຫລວງຫລາຍ ແລະ ສາມາດກັກຕົວຜູ້ລັກລອບໄດ້ຈໍານວນໜຶ່ງ ພ້ອມຢຶດອຸປະກອນທີ່ໃຊ້ໃນການຂຸດຄົ້ນ ເປັນຕົ້ນ ຈັກປັ່ນໄຟຟ້າ, ຈົກ, ຊວ້ານ ແລະ ອຸປະກອນອື່ນໆ ອີກຈໍານວນໜຶ່ງ ເພື່ອທໍາລາຍຖິ້ມ. ສ່ວນແຮ່ທາດທີ່ຖືກຈຸດຄົ້ນອອກມາ ເຈົ້າໜ້າທີ່ຈະໄດ້ຢຶດໄວ້ເປັນຫລັກຖານ ເພື່ອດໍາເນີນຄະດີຕໍ່ຜູ້ລັກລອບຕາມລະບຽບກົດໝາຍ. ທັງນີ້ກໍເພື່ອແນ່ໃສ່ແກ້ໄຂບັນຫາ ລັກລອບ ຂຸດຄົ້ນຊັບພະຍາກອນທໍາມະຊາດ ເປັນຕົ້ນແມ່ນແຮ່ຄໍາ ຢູ່ຈຸດພູແຮ່ ເມືອງແປກ ແຂວງຊຽງຂວາງ ໃຫ້ຫລຸດລົງ ແລະ ກ້າວໄປສູ່ການຢຸດຕິໃນອະນາຄົດ. ໃນໄລຍະຜ່ານມາບັນຫາລັກລອບຂຸດຄົ້ນແຮ່ທໍາມະຊາດດັ່ງກ່າວ, ໄດ້ສ້າງຄວາມບໍ່ສະຫງົບ ແລະ ຄວາມບໍ່ເປັນລະບຽບຮຽບຮ້ອຍທາງດ້ານສັງຄົມ ເປັນຕົ້ນແມ່ນ ດິນຖະຫລົ່ມທັບຖົມຄົນເສຍຊີວິດ, ທັບຖົມພື້ນທີ່ທໍາການຜະລິດ […]
ການເສຍຊີວິດຈາກພະຍາດອະຫິວາ (cholera symptoms) ເພີ່ມຂຶ້ນ 50% ໃນປີດຽວ
ຂ່າວຕ່າງປະເທດລາຍງານ ໃນວັນທີ 15 ກັນຍາ ຜ່ານມາວ່າ: ອົງການອະນາໄມໂລກ ຫຼື WHO ໄດ້ລາຍງານວ່າ ຈຳນວນຜູ້ເປັນພະຍາດອະຫິວາ ແລະ ຜູ້ເສຍຊີວິດຈາກພະຍາດອະຫິວາໃນທົ່ວໂລກ ໃນປີ 2024 ໄດ້ເພີ່ມຂຶ້ນຢ່າງເປັນໜ້າວິຕົກກັງວົນ, ໂດຍມີຜູ້ຕິດເຊື້ອຫຼາຍກວ່າ 560,000 ຄົນ ແລະ ເສຍຊີວິດເພີ່ມຂຶ້ນ 50% ພາຍໃນປີດຽວ. ບົດລາຍງານຂອງ WHO ຊີ້ໃຫ້ເຫັນວ່າ: ພະຍາດອະຫິວາຍັງແຜ່ລະບາດໜັກຢູ່ໃນອາຟຣິກາ, ຕາເວັນອອກກາງແລະ ອາຊີ ຊຶ່ງກວມເຖິງ 98% ຂອງຄົນເຈັບທັງໝົດ. ໂດຍມີ 12 ປະເທດໄດ້ລາຍງານຜູ້ຕິດເຊື້ອຫຼາຍກວ່າ 10,000 ຄົນ ແລະ 7 ປະເທດໄດ້ປະສົບກັບການລະບາດຄັ້ງໃຫຍ່ເປັນຄັ້ງທໍາອິດໃນປີຜ່ານມາ. ເປັນທີ່ໜ້າສົນໃຈຄື ປະເທດໂຄໂມໂຣສ ເກາະນ້ອຍໆໃນອາຟຣິກາຕາເວັນອອກໄດ້ພົບການກັບມາຂອງພະຍາດອະຫິວາ ຫຼັງຈາກໄດ້ຫາຍສາບສູນໄປ 15 ປີ. ຈຳນວນຄົນເຈັບ ແລະ ຜູ້ເສຍຊີວິດຈາກພະຍາດອະຫິວາທົ່ວໂລກໃນປີ 2024 ຍັງສືບຕໍ່ເພີ່ມຂຶ້ນໃນອັດຕາທີ່ໜ້າເປັນຫ່ວງ, ໂດຍມີລາຍງານຄົນເຈັບຫຼາຍກວ່າ […]
ວັນທີ 16 ກັນຍາ ວັນໂອໂຊນໂລກ (World Ozone Day)
ວັນທີ 16 ກັນຍາ ຂອງທຸກໆປີແມ່ນ ວັນໂອໂຊນໂລກ (World Ozone Day) ເປັນວັນທີ່ໃຫ້ຄວາມສຳຄັນກັບບັນຍາກາດໂລກ ຊັ້ນໂອໂຊນມີບົດບາດໃນສະພາບແວດລ້ອມ ອົງການສະຫະປະຊາຊາດຈຶ່ງກຳນົດໃຫ້ມື້ນີ້ເປັນມື້ທີ່ສະທ້ອນໃຫ້ເຫັນເຖິງການຫລຸດລົງຂອງຊັ້ນບັນຍາກາດໂອໂຊນ. ຊັ້ນໂອໂຊນ ເປັນສ່ວນໜຶ່ງຂອງການຊ່ວຍດູດລັງສີອັລຕາໄວໂອເລດຈາກດວງອາທິດປະມານ 97-99% ຂອງລັງສີທັງໝົດທີ່ແພ່ມາໂລກ ແລະ ມີຄວາມສຳຄັນໃນການເປັນເກາະຄຸ້ມກັນປົກປ້ອງພືດ ແລະ ສັດ ຈາກລັງສີທີ່ເປັນອັນຕະລາຍຂອງດວງອາທິດ. ວັນໂອໂຊນໂລກ (World Ozone Day) ສ້າງຕັ້ງຂຶ້ນວັນທີ 16 ກັນຍາ 1987 – 16 ກັນຍາ 2025 ຄົບຮອບ 38 ປີ.
ອັບເດດຂ່າວສານກ່ອນຈະອັບ iOS 26 ທີ່ທາງ Apple ໄດ້ປ່ອຍອັບເດດແລ້ວມີຫຍັງໃໝ່ແດ່ມາເບິ່ງກັນ
Apple ໄດ້ປ່ອຍອັບເດດລະບົບປະຕິບັດການ iOS 26 ຢ່າງເປັນທາງການໃນ ວັນທີ 15 ກັນຍາ ພ້ອມສ້າງຄວາມປ່ຽນແປງຄັ້ງສຳຄັນຕໍ່ລະບົບປະຕິບັດການເທິງ iPhone ດ້ວຍການປັບປຸງດີໄຊນ໌ຄັ້ງໃຫຍ່ທີ່ສຸດນັບຕັ້ງແຕ່ iOS 7 ໂດຍນຳສະເໜີພາສາການອອກແບບໃໝ່ທີ່ເອີ້ນວ່າ “Liquid Glass” ເນັ້ນຄວາມໂປ່ງໃສ ແລະ ທັນສະໄໝ ພ້ອມຍົກລະດັບປະສົບການຜູ້ໃຊ້ (UX) ແລະ ອັບເກຣດແອັບ ສຳຄັນຫຼາຍຕົວ ລວມທັງເສີມຄວາມສາມາດຂອງ Apple Intelligence ໃຫ້ສະຫຼາດ ແລະ ໃຊ້ງານໄດ້ກວ້າງຂຶ້ນ ໄຮໄລທ໌ຟີເຈີໃໝ່ iOS 26 • ດີໄຊນ໌ Liquid Glass ອົງປະກອບ UI ຖືກປັບໃຫ້ໂປ່ງໃສ ແລະ ລື່ນໄຫຼຄືແກ້ວ ຜະສານແອນິເມຊັນທີ່ຕອບສະໜອງແບບໄດນາມິກ ໃຊ້ງານໄດ້ທຸກອຸປະກອນ Apple Ecosystem • Lock […]
ເກີດອຸບັດຕິເຫດລົດຕຳກັນ ວັນທີ16/9/25 ເຮັດໃຫ້ມີຄົນເຈັບ18 ຄົນ.
ເກີດອຸບັດຕິເຫດຮຸນແຮງລົດກະບະຕຳລົດສອງແຖວ ຢູ່ເສັັ້ນທາງເລກ 10 ໃກ້ຕະຫຼາດກະສິກໍາດ້ານຊ້າງ (ດົງໝາກຄາຍ) ເມືອງໄຊທານີ ນະຄອນຫຼວງວຽງຈັນ. ເມື່ອລົດກະບະຄັນໜຶ່ງໄດ້ຕຳເຂົ້າທ້າຍລົດສອງແຖວໂດຍສານ ຢ່າງແຮງ ບໍລິເວນໃກ້ກັບຕະຫຼາດດົງໝາກຄາຍ, ເມືອງໄຊທານີ, ນະຄອນຫຼວງວຽງຈັນ. ແຮງຕຳໄດ້ເຮັດໃຫ້ລົດທັງສອງຄັນເສຍຫຼັກ ໄປຕຳເຂົ້າຮ້ານຄ້າຂອງປະຊາຊົນທີ່ຕັ້ງຢູ່ຂ້າງທາງ. ເບື້ອງຕົ້ນລາຍງານວ່າມີຜູ້ໄດ້ຮັບບາດເຈັບຈາກເຫດການຄັ້ງນີ້ທັງໝົດ ຄົນ 18 ເຊິ່ງລວມມີທັງຜູ້ໂດຍສານໃນລົດສອງແຖວ ແລະ ຜູ້ຂັບຂີ່. ພົນລະເມືອງດີ ແລະ ໜ່ວຍກູ້ໄພໄດ້ຮີບຮ້ອນເຂົ້າຊ່ວຍເຫຼືອ ແລະ ນຳສົ່ງຜູ້ບາດເຈັບໄປໂຮງໝໍທີ່ໃກ້ຄຽງຢ່າງຮີບດ່ວນ. ສ່ວນສາເຫດຂອງອຸບັດຕິເຫດຄັ້ງນີ້, ເຈົ້າໜ້າທີ່ຕຳຫຼວດຈະລາຈອນກຳລັງຢູ່ໃນຂັ້ນຕອນການສືບສວນ-ສອບສວນ ເພື່ອຊອກຫາ ຂໍ້ເທັດຈິງ ແລະ ດຳເນີນການຕາມຂັ້ນຕອນຂອງກົດໝາຍຕໍ່ໄປ. ປັດຈຸບັນຜູ້ໄດ້ຮັບບາດເຈັບ ຖືກນຳສົ່ງໂຮງໝໍແລ້ວ ຕາມການລາຍງານເບື້ອງຕົ້ນລະບຸວ່າ: ເຈົ້າໜ້າທີ່ຈຶ່ງໄດ້ນຳຕົວສົ່ງໂຮງຫມໍມິດຕະພາບ. ຂໍໃຫ້ທຸກຄົນປອດໄພ ພາບຈາກ: noy, sysouphan