Vietjet ເພີ່ມຍົນລໍາໃໝ່ ເປັນ 121ລໍາ ເພື່ອຮອງຮັບການເດີນທາງໃນທ້າຍປີ ແລະ ການຂະຫຍາຍເສັ້ນທາງສາກົນ
(ນະຄອນຫຼວງວຽງຈັນ, ວັນທີ 15 ກັນຍາ 2025) – ສາຍການບິນ Vietjet ໄດ້ຕ້ອນຮັບຍົນໂດຍສານແອຣບັສ A330 ລໍາໃໝ່, ເຊິ່ງເຮັດໃຫ້ເຮືອບິນທັງໝົດຂອງສາຍການບິນມີເຖິງ 121 ລໍາ (ລວມທັງການດໍາເນີນງານອື່ນໆຂອງ Vietjet). ຄວາມສໍາເລັດທີ່ໂດດເດັ່ນນີ້ແມ່ນໄດ້ເນັ້ນໜັກເຖິງຍຸດທະສາດການເຕີບໂຕແບບຍືນຍົງຂອງສາຍການບິນ ແລະ ຄວາມພ້ອມທີ່ຈະຕອບສະໜອງຄວາມຕ້ອງການໃນການເດີນທາງ ແລະ ການຄ້າທີ່ເພີ່ມຂຶ້ນໃນຊ່ວງລະດູທ່ອງທ່ຽວທ້າຍປີ. ເຮືອບິນ A330 ທີ່ໃຊ້ເຄື່ອງຈັກ Rolls-Royce Trent 700 ໄດ້ຊ່ວຍປະຢັດນໍ້າມັນ ແລະ ເພີ່ມປະສິດທິພາບໃນການບິນ. ເຮືອບິນລຳນີ້ຈະຖືກນຳໃຊ້ໃນທັນທີສຳລັບຖ້ຽວບິນຂອງ Vietjet ໄປອົດສະຕາລີ, ອິນເດຍ, ຍີ່ປຸ່ນ, ແລະ ກາຊັກສະຖານ ເພື່ອໃຫ້ຜູ້ໂດຍສານໄດ້ຮັບຄວາມສະດວກສະບາຍຫຼາຍຂຶ້ນ. ທັງນີ້, ນັກທ່ອງທ່ຽວຈາກລາວກໍໄດ້ຮັບຜົນປະໂຫຍດຈາກການຂະຫຍາຍສາຍການບິນນີ້ ເມື່ອເດີນທາງໄປຫາຈຸດໝາຍປາຍທາງຕ່າງໆໃນພາກພື້ນອາຊີປາຊີຟິກໂດຍຜ່ານປະເທດຫວຽດນາມ, ໂດຍສາຍການບິນມີຖ້ຽວບິນໂດຍກົງລະຫວ່າງນະຄອນຫຼວງວຽງຈັນ ແລະ ນະຄອນໂຮ່ຈີມິນ. ເຮືອບິນດັ່ງກ່າວມີສັນຍາລັກພິເສດຂອງສາຍການບິນ Vietjet ຄື: ສີແດງ ແລະ ສີເຫຼືອງສົດໃສ, […]
ນູແວນເຊລັງ ຄາດວ່າປະຊາກອນເຊື້ອສາຍອາຊີ ຈະເພີ່ມຂຶ້ນເປັນ 33%
ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ຫ້ອງການສະຖິຕິແຫ່ງຊາດຂອງນູແວນເຊລັງເປີດເຜີຍຂໍ້ມູນຄາດຄະເນລ້າສຸດວ່າ, ນູແວນເຊລັງ ຈະມີປະຊາກອນເຊື້ອສາຍອາຊີປະມານ 33% ໃນປີ 2048, ເພີ່ມຂຶ້ນຈາກ 19% ໃນປີ 2023. ໂດຍຜູ້ທີ່ມີເຊື້ອສາຍຈີນຈະເພີ່ມຂຶ້ນຈາກ 6% ເປັນປະມານ 8%, ໃນຂະນະທີ່ເຊື້ອສາຍອິນເດຍຈະເພີ່ມຂຶ້ນຈາກ 7% ເປັນປະມານ 12%. ຫ້ອງການດັ່ງກ່າວໄດ້ຄາດຄະເນວ່າ: ອັດຕາສ່ວນຂອງປະຊາກອນຊົນເຜົ່າອື່ນໆເຊັ່ນ: ເມົາຣີ, ປາຊີຟິກ ແລະ ຕາເວັນອອກກາງ/ອາເມຣິກາ ລາຕິນອາ/ອາຟຣິກາ ຈະເພີ່ມຂຶ້ນເຊັ່ນດຽວກັນ, ແຕ່ປະຊາກອນເຊື້ອສາຍເອີຣົບ ຫຼື ເຊື້ອສາຍອື່ນໆ, ລວມທັງຊາວນູແວນເຊລັງ ຄາດວ່າຈະຍັງຄົງຢູ່ທີ່ປະມານ 3.5 ລ້ານຄົນ. ທ່ານ ວິກຕໍເຣຍ ເທຣລິຟວິງ ໂຄສົກຂອງຫ້ອງການດັ່ງກ່າວຄາດຄະເນວ່າ: ຈຳນວນປະຊາກອນເຊື້ອສາຍເອີຣົບ ຫຼື ເຊື້ອສາຍອື່ນໆ ຊຶ່ງເປັນກຸ່ມຊົນເຜົ່າທີ່ສໍາຄັນພຽງກຸ່ມດຽວທີ່ຄາດວ່າຈະຫຼຸດລົງເມື່ອທຽບໃສ່ປະຊາກອນນູແວນເຊລັງທັງໝົດ, ຈະຫຼຸດລົງຈາກ 67% ໃນປີ 2023 ເປັນປະມານ 52% ໃນປີ 2048. ທ່ານ […]
ເປີດການຊ້ອມຮົບຮ່ວມ ລາວ-ຣັດເຊຍ ລາໂຣສ-2025
ໃນວັນທີ 15 ກັນຍາ ນີ້ ທີ່ວິທະຍາຄານ ນາຍທະຫານບົກ ກົມມະດໍາ ໄດ້ມີພິທີ ເປີດການຊ້ອມຮົບຮ່ວມ ລາວ-ຣັດເຊຍ “ລາໂຣສ-2025” ຂຶ້ນຢ່າງເປັນທາງການ, ພາຍໃຕ້ຄໍາຂວັນ: “ຄຽງບ່າຄຽງໄຫຼ່ຕໍ່ສູ້ເພື່ອສັນຕິພາບ ແລະ ຄວາມໝັ້ນຄົງ” ໂດຍການເປັນຮ່ວມປະທານ ຂອງສະຫາຍ ພົນຕີ ສາຍໃຈ ກົມມະສິດ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການ ກອງທັບປະຊາຊົນລາວ ຫົວໜ້າຫົວໜ້າຄະນະຊີ້ນໍາຊ້ອມຮົບຮ່ວມ ລາວ-ຣັດເຊຍ “ລາໂຣສ-2025”, ສະຫາຍ ພັນເອກ ອີວານ ຕາຣາເຢັບ ຮັກສາການຮອງຜູ້ບັນຊາການທະຫານເຂດຕາເວັນອອກ ສ ຣັດເຊຍ ຫົວໜ້າຄະນະຊີ້ນໍາຊ້ອມຮົບຮ່ວມ ຣັດເຊຍ-ລາວ “ລາໂຣສ-2025”, ມີຄະນະຮັບຜິດຊອບຊີ້ນຳຝ່າຍ ລາວ-ຣັດເຊຍ ພ້ອມດ້ວຍນາຍ ແລະ ພົນທະຫານກອງທັບປະຊາຊົນລາວ ແລະ ກອງທັບ ສ ຣັດເຊຍເຂົ້າຮ່ວມ. ໂອກາດນີ້, ສະຫາຍ ພັນເອກ ອີວານ ຕາຣາເຢັບ ໄດ້ກ່າວວ່າ: […]
ນຳສະເໜີ ໂລໂກ້ 70 ປີ ສປປ ລາວ ເຂົ້າເປັນສະມາຊິກ ອົງການສະຫະປະຊາຊາດ
ກະຊວງການຕ່າງປະເທດ ຮ່ວມກັບອົງການເຄືອຂ່າຍ ສະຫະປະຊາຊາດ (ສປຊ) ປະຈໍາ ສປປ ລາວ ນຳສະເໜີ ໂລໂກ້ 70 ປີ ສປປ ລາວ ເຂົ້າເປັນສະມາຊິກ ອົງການສະຫະປະຊາຊາດ ຢ່າງເປັນທາງການ ໃນວັນທີ 15 ກັນຍາ ນີ້ ທີ່ນະຄອນຫຼວງວຽງຈັນ ໂດຍການເປັນປະທານຮ່ວມຂອງ ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ, ທ່ານ ບັກໂຮເດຍ ເບີຄະນ໋ອຟ ຜູ້ປະສານງານອົງການສະຫະປະຊາຊາດ ປະຈໍາ ສປປ ລາວ ພ້ອມດ້ວຍບັນດາເອກອັກຄະລັດຖະທູດ, ຫົວໜ້າສໍານັກງານການທູດ, ຜູ້ຕາງໜ້າອົງການເຄືອຂ່າຍ ສປຊ ແລະ ອົງການຈັດຕັ້ງສາກົນ ປະຈໍາ ສປປ ລາວ ກໍໄດ້ໃຫ້ກຽດເຂົ້າຮ່ວມ. ທ່ານ ທອງສະຫວັນ ພົມວິຫານ ໄດ້ກ່າວວ່າ: ນັບແຕ່ ສປປ ລາວ ເຂົ້າເປັນສະມາຊິກອົງການ ສປຊ ໃນວັນທີ […]
ເຄື່ອງປະດັບເສີມການແຕ່ງຕົວຕາມລາສີ ເພີ່ມສະເໜ່ໄດ້ງ່າຍໆ
ການແຕ່ງຕົວບໍ່ໄດ້ເປັນພຽງແຕ່ເລື່ອງຂອງແຟຊັ່ນ ແຕ່ຍັງຊ່ວຍເສີມບຸກຄະລິກ ແລະ ພະລັງງານໃນຊີວິດປະຈຳວັນໄດ້ດ້ວຍ ໂດຍສະເພາະຖ້າເລືອກໄອເທັມທີ່ຕົງກັບລາສີ ຈະຊ່ວຍຂັບສະເໜ່ ແລະ ສົ່ງເສີມຄວາມໝັ້ນໃຈໂດຍບໍ່ຕ້ອງປັບລຸກຫຼາຍ! ມາມ່ວນໄປກັບການແຕ່ງຕົວຕາມລາສີໄປນຳກັນ. ລາສີເມກ Venus in Aries ຜູ້ທີ່ເກີດລາສີເມກມີຄວາມກະຕືລືລົ້ນ ແລະ ມັກຄວາມທ້າທາຍ ການເພີ່ມໄອເທັມສີແດງ ຫຼື ເຄື່ອງປະດັບທີ່ມີດີໄຊແປກຕາ ຈະຊ່ວຍຂັບພະລັງຄວາມໝັ້ນໃຈ ແລະ ສະທ້ອນຄວາມເປັນຜູ້ນຳໃນຕົວໄດ້ຢ່າງຊັດ ລາສີພຶສະພາ Venus in Taurus ລາສີພຶສະພາເປັນຄົນຮັກຄວາມສະບາຍ ແລະ ມີສະໄຕລທີ່ໝັ້ນຄົງ ການເລືອກກະເປົາໜັງດີໄຊງ່າຍຫຼູຫຼາ ຫຼື ເກີບທີ່ເບິ່ງເປັນຜູ້ໃຫຍ່ຈະຊ່ວຍຂັບສະເໜ່ໃຫ້ເບິ່ງໜ້າເຊື່ອຖື ແລະ ເພີ່ມຄວາມໝັ້ນຄົງທາງດ້ານພະລັງງານ ລາສີເມຖຸນ Venus in Gemini ຊາວເມຖຸນມີຄວາມສົດໃສ ແລະ ຊອບການປ່ຽນແປງ ການເສີມຜ້າພັນຄໍສີສົດ ຫຼື ເຄື່ອງປະດັບນ້ອຍໆທີ່ສາມາດປ່ຽນໄດ້ຫຼາຍແບບ ຈະຊ່ວຍເສີມສະເໜ່ໃນແບບຄົນທີ່ສົນທະນາມີສີສັນມ່ວນຊື່ນ ແລະ ບໍ່ຈຳເຈ […]
ກອງປະຊຸມເວທີປຶກສາຫາລືວັດທະນະທຳສາກົນ ໝີແພນດາຄຳ 2025 ຈັດຂຶ້ນຢູ່ນະຄອນເສີງຕູ່ ສ ປ ຈີນ
ຂປລ. ວິທະຍຸໂທລະພາບສູນກາງຈີນ CMG ໄດ້ລາຍງານວ່າ: ຕອນເຊົ້າວັນທີ 13 ກັນຍາ ນີ້, ກອງປະຊຸມເວທີປຶກສາຫາລືວັດທະນະທຳສາກົນ ໝີແພນດາຄຳ 2025 ໄດ້ຈັດຂຶ້ນຢູ່ສູນປະຊຸມສາກົນທ່ຽນຝູ ນະຄອນເສີງຕູ່ ແຂວງເສສວນ ຈີນ. ທ່ານ ຫລີຊູເຫລີຍ ກຳມະການກົມການເມືອງສູນກາງພັກ ຫົວໜ້າຄະນະໂຄສະນາອົບຮົມສູນກາງພັກຄອມມູນິດຈີນ ໄດ້ເຂົ້າຮ່ວມ ແລະ ກ່າວເປີດກອງປະຊຸມເວທີປຶກສາຫາລືດັ່ງກ່າວ. ໃນຖານະເປັນໜຶ່ງໃນກິດຈະກຳສຳຄັນຂອງລາງວັນໝີແພນດາຄຳ, ກອງປະຊຸມເວທີປຶກສາຫາລື ຄັ້ງນີ້ມີຫົວຂໍ້ “ອະລິຍະທຳເຕົ້າໂຮມກັນ, ບຸກເບີກອະນາຄົດ”, ໄດ້ເຊື້ອເຊີນແຂກທີ່ມີກຽດຂອງຈີນ ແລະ ຕ່າງປະເທດ 780 ກວ່າທ່ານ ເຂົ້າຮ່ວມ, ເພື່ອແລກປ່ຽນສິລະປະ, ແບ່ງປັນທັດສະນະ ແລະ ຊຸກຍູ້ການແລກປ່ຽນ ແລະ ຖອດຖອນບົດຮຽນເຊິ່ງກັນ ແລະ ກັນ ລະຫວ່າງ ອະລິຍະທຳຕ່າງໆ.
ເບິ່ງດວງປະຈຳວັນຈັນ ທີ່ 15 ກັນຍາ 2025
ສຳລັບທ່ານທີ່ເກີດວັນອາທິດ ການງານ: ພົບການປ່ຽນແປງຍ້າຍຖິ່ນຖານ ການເງິນ: ພົບລາຍຈ່າຍຫຼາຍເປັນພິເສດ ຄວາມຮັກ: ຍັງບໍ່ໄດ້ຕັດສິນໃຈໃນເລື່ອງຄວາມຮັກ ເຄັດລັບເສີມດວງປະຈຳວັນນີ້ ເຮັດບຸນເຕີມນ້ຳມັນຕະກຽງ ແກ້ວມົງຄຸນ: ເຊຣາຟີໄນທ໌ ສີມົງຄົນ: ສີບົວ ເລກນຳໂຊກ: 2, 5, 7, 8 ສຳລັບທ່ານທີ່ເກີດວັນຈັນ ການງານ: ການຂະຫຍາຍທຸລະກິດໃໝ່ປະສົບຄວາມສຳເລັດ ການເງິນ: ມີໂອກາດໄດ້ເງິນກ້ອນໃຫຍ່ ຄວາມຮັກ: ສຸກສົມຫວັງເລື່ອງຄວາມສຳພັນ ເຄັດລັບເສີມດວງປະຈຳວັນນີ້ ຕົກແຕ່ງທີ່ຢູ່ອາໄສດ້ວຍຕົ້ນກະບອງເພັດ ແກ້ວມົງຄຸນ: ມັນຕິສະຕາແຊບໄຟ(ແຮ່ Sapphire) ສີມົງຄົນ: ສີແດງ ເລກນຳໂຊກ: 0, 3, 6, 7, 8, 9 ສຳລັບທ່ານທີ່ເກີດວັນອັງຄານ ການງານ: ວາງແຜນຂະຫຍາຍທຸລະກິດປະສົບຄວາມສຳເລັດ ການເງິນ: ຈະໄດ້ໂຊກຈາກຜູ້ໃຫຍ່ ຄວາມຮັກ: […]
ສະຫະລັດ ອາເມຣິກາ ຈະທຳລາຍສະຖິຕິການໃຊ້ໄຟຟ້າຢ່າງຕໍ່ເນື່ອງຈົນເຖິງປີໜ້າ
ຂ່າວຕ່າງປະເທດລາຍງານ ເມື່ອບໍ່ດົນມານີ້ວ່າ: ອົງການຂໍ້ມູນຂ່າວສານດ້ານພະລັງງານຂອງ ສະຫະລັດ ອາເມຣິກາ (EIA) ໄດ້ເປີດເຜີຍບົດລາຍງານທ່າອ່ຽງພະລັງງານໄລຍະສັ້ນ (STEO) ໃນວັນ 9 ກັນຍາ ຜ່ານມາ ຄາດວ່າ, ຄວາມຕ້ອງການໃຊ້ໄຟຟ້າຂອງ ສະຫະລັດ ອາເມຣິກາ ຈະສືບຕໍ່ສ້າງສະຖິຕິສູງສຸດຄັ້ງໃໝ່ໃນປີ 2025 ແລະ 2026, ທຳລາຍສະຖິຕິທີ່ຜ່ານມາ 4,097 ພັນຕື້ກິໂລວັດຕໍ່ຊົ່ວໂມງ (kWh) ໃນປີ 2024. ໂດຍຈະເພີ່ມຂຶ້ນເປັນ 4,187 ພັນຕື້ kWh ໃນປີ 2025 ແລະ ເພີ່ມຂຶ້ນອີກເປັນ 4,305 ພັນຕື້ kWh ໃນປີ 2026 ຊຶ່ງປັດໄຈຕົ້ນຕໍມາຈາກການຂະຫຍາຍຕົວຂອງສູນຂໍ້ມູນທີ່ຮອງຮັບປັນຍາປະດິດ (AI) ແລະ cryptocurrencies, ລວມເຖິງການຫັນປ່ຽນຂອງຄົວເຮືອນ ແລະ ຂະແໜງທຸລະກິດ ທີ່ໃຊ້ໄຟຟ້າແທນນໍ້າມັນເຊື້ອໄຟໃນການເຮັດຄວາມຮ້ອນ ແລະ ການຂົນສົ່ງ. ກ່ຽວກັບການຂາຍໄຟຟ້າ, EIA ຄາດວ່າໃນປີ […]
ກວດເຊັກດວງຊ່ວງນີ້ ດາວອັງຄານຍ້າຍ 45 ວັນ ກະທົບ 3 ລັກຄະນາລາສີ ແລະ ເຄັດລັບເສີມດວງ
ດາວອັງຄານຍ້າຍລາສີ ໂດຍຈະໂຄຈອນເຂົ້າສູ່ລາສີຕຸລາ ຕັ້ງແຕ່ວັນທີ 12 ກັນຍາຍ-26 ຕຸລາ2026 ລວມເວລາ 45 ວັນ ດາວອັງຄານຍ້າຍລາສີ ກະທົບ 3 ລັກຄະນາ ໂດຍສະເພາະເລື່ອງການໃຊ້ຊີວິດດ້ວຍຄວາມບໍ່ປະໝາດ ໂດຍມີຄຳທຳນາຍດັ່ງນີ້: ກວດເຊັກດວງຫຫຼັງດາວອັງຄານຍ້າຍ ດາວອັງຄານຍ້າຍລາສີ 45 ວັນ ວັນທີ 12 ກັນຍາຍົນ – 26 ຕຸລາຄົມ 2568 ດາວອັງຄານ (3) ໂຄຈອນເຂົ້າສູ່ລາສີຕຸລາ ໃນຕຳແໜ່ງ ການທຳນາຍດວງເມືອງ “ນັກຮົບຜູ້ກ້າ” ຖືກຄາວໄດ້ພັກຮົບກັບສັດຕູ ແຕ່ກັບເປັນຈຸດເລີ່ມຕົ້ນທີ່ຄົນອາດຫັນມາຂັດແຍ້ງກັນເອງຫລາຍຂຶ້ນ ລັກນາ ພຶດສະພາ, ມີນາ, ພະຈິກ ລະວັງສຸຂະພາບທັງຂອງຕົນເອງແລະຄົນໃກ້ຊິດ ອາດເຈັບປ່ວຍກະທັນຫັນ ສ່ຽງອຸບັດຕິເຫດ ເລືອດຕົກຢາງອອກ ບໍລິວານ ຫຼື ຜູ້ໃຕ້ບັງຄັບບັນຊາສ້າງພາລະບັນຫາໃຫ້ຕ້ອງແກ້ໄຂ ເສີມດວງ : ໄປເຮັດບຸນສົງເຄາະສັດເຈັບປ່ວຍຫຼືພິການ […]
ທ່ານ ຈາຕຸລົງ ບົວສີສະຫວັດ ທູດລາວຄົນໃໝ່ປະຈຳ ນິວຊີແລນ
ໃນວັນທີ 10 ກັນຍາ ຜ່ານມາ ທີ່ ທໍານຽບລັດຖະບານ ທີ່ ນະຄອນຫຼວງແວວລິງຕັນ, ທ່ານ ຈາຕຸລົງ ບົວສີສະຫວັດ ໄດ້ຍື່ນສານຕາຕັ້ງ ຕໍ່ ທ່ານ ນາງ ແດມ ຊິນດີ ຄີໂຣ ຜູ້ສຳເລັດຣາຊະການ ແຫ່ງ ເຄືອຈັກກະພົບ ນິວຊີແລນ ເພື່ອປະຕິບັດໜ້າທີ່ເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈໍາ ເຄືອຈັກກະພົບ ນິວຊີແລນ ໂດຍມີສໍານັກງານຕັ້ງຢູ່ນະຄອນຫຼວງແຄນເບີຣາ ປະເທດອົສຕຣາລີ. ໃນໂອກາດນີ້, ນາງ ແດມ ຊິນດີ ຄີໂຣ ໄດ້ສະແດງຄວາມຊົມເຊີຍ ແລະ ຍິນດີຕ້ອນຮັບ ທ່ານ ຈາຕຸລົງ ບົວສີສະຫວັດ ທີ່ໄດ້ຖືກແຕ່ງຕັ້ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈໍາເຄືອຈັກກະພົບນິວຊີແລນ. ພ້ອມທັງໄດ້ຕີລາຄາສູງຕໍ່ໝາກຜົນຂອງການພົວພັນຮ່ວມມືສອງຝ່າຍ ຕະຫຼອດໄລຍະຫຼາຍກວ່າ 6 ທົດສະວັດ ແຫ່ງການພົວພັນການທູດ ລະຫວ່າງ […]