ອິນໂດເນເຊຍຍົກລະດັບເຕືອນໄພສູງສຸດ ຫຼັງພູເຂົາໄຟປະທຸຮຸນແຮງ
ພູເຂົາໄຟ ເລໂວໂຕບີ ລາກິ ລາກິ ໃນອິນໂດເນເຊຍ ປະທຸຄັ້ງໃຫຍ່ ພົ່ນເຖົ້າຖ່ານຂຶ້ນສູ່ທ້ອງຟ້າສູງກວ່າ 11 ກິໂລແມັດ ສົ່ງຜົນໃຫ້ຖ້ຽວບິນຈຳນວນຫຼາຍເຂົ້າ-ອອກຈາກເກາະບາຫລີຖືກຍົກເລີກຢ່າງກວ້າງຂວາງ ໄດ້ຮັບຜົນກະທົບຢ່າງໜັກ ເຈົ້າໜ້າທີ່ປະກາດເຕືອນໄພຂັ້ນສູງສຸດ ແລະ ສັ່ງອົບພະຍົບປະຊາຊົນໃນພື້ນທີ່ໃກ້ຄຽງ ໃນວັນທີ 17 ມິຖຸນາ 2025 ເວລາ 17:35 ຕາມເວລາທ້ອງຖິ່ນ ພູເຂົາໄຟເລໂວໂຕບີ ລາກິ ລາກິ ເທິງເກາະຟລໍເລສ ປະເທດອິນໂດເນເຊຍ ປະທຸຢ່າງຮຸນແຮງ ພົ່ນເຖົ້າຖ່ານພຸ່ງສູງເຖິງ 10,000 ແມັດ (ປະມານ 32,800 ຟຸດ) ສ້າງເມກສີສົ້ມຂະໜາດໃຫຍ່ຮູບດັ່ງດອກເຫັດ ປົກຄຸມໝູ່ບ້ານຕາລີບູຣາໃກ້ຄຽງ ສາມາດເບິ່ງເຫັນເຖົ້າພູເຂົາໄຟໄດ້ໄກເຖິງ 150 ກິໂລແມັດ ການປະທຸຄັ້ງນີ້ທຳໃຫ້ເກີດຄວາມວຸ່ນວາຍ ທັງດ້ານການຄົມມະນາຄົມ ການທ່ອງທ່ຽວ ແລະ ຄວາມປອດໄພຂອງປະຊາຊົນ ໂດຍສະໜາມບິນນາໆຊາດເດັນປາຊາຣ໌ໃນບາຫລີ ຊຶ່ງເປັນຈຸດໝາຍທ່ອງທ່ຽວຍອດນິຍົມ ໄດ້ຍົກເລີກ ແລະ ຢຸດຖ້ຽວບິນຈຳນວນຫຼາຍ ທັງພາຍໃນປະເທດໄປຍັງຈາກາດຕາ ແລະ ລອມບອກ ແລະ ລະຫວ່າງປະເທດໄປຍັງອົດສະເຕເລຍ, […]
ອິນໂດເນເຊຍຍົກລະດັບເຕືອນໄພສູງສຸດ ຫຼັງພູເຂົາໄຟປະທຸຮຸນແຮງ
ພູເຂົາໄຟ ເລໂວໂຕບີ ລາກິ ລາກິ ໃນອິນໂດເນເຊຍ ປະທຸຄັ້ງໃຫຍ່ ພົ່ນເຖົ້າຖ່ານຂຶ້ນສູ່ທ້ອງຟ້າສູງກວ່າ 11 ກິໂລແມັດ ສົ່ງຜົນໃຫ້ຖ້ຽວບິນຈຳນວນຫຼາຍເຂົ້າ-ອອກຈາກເກາະບາຫລີຖືກຍົກເລີກຢ່າງກວ້າງຂວາງ ໄດ້ຮັບຜົນກະທົບຢ່າງໜັກ ເຈົ້າໜ້າທີ່ປະກາດເຕືອນໄພຂັ້ນສູງສຸດ ແລະ ສັ່ງອົບພະຍົບປະຊາຊົນໃນພື້ນທີ່ໃກ້ຄຽງ ໃນວັນທີ 17 ມິຖຸນາ 2025 ເວລາ 17:35 ຕາມເວລາທ້ອງຖິ່ນ ພູເຂົາໄຟເລໂວໂຕບີ ລາກິ ລາກິ ເທິງເກາະຟລໍເລສ ປະເທດອິນໂດເນເຊຍ ປະທຸຢ່າງຮຸນແຮງ ພົ່ນເຖົ້າຖ່ານພຸ່ງສູງເຖິງ 10,000 ແມັດ (ປະມານ 32,800 ຟຸດ) ສ້າງເມກສີສົ້ມຂະໜາດໃຫຍ່ຮູບດັ່ງດອກເຫັດ ປົກຄຸມໝູ່ບ້ານຕາລີບູຣາໃກ້ຄຽງ ສາມາດເບິ່ງເຫັນເຖົ້າພູເຂົາໄຟໄດ້ໄກເຖິງ 150 ກິໂລແມັດ ການປະທຸຄັ້ງນີ້ທຳໃຫ້ເກີດຄວາມວຸ່ນວາຍ ທັງດ້ານການຄົມມະນາຄົມ ການທ່ອງທ່ຽວ ແລະ ຄວາມປອດໄພຂອງປະຊາຊົນ ໂດຍສະໜາມບິນນາໆຊາດເດັນປາຊາຣ໌ໃນບາຫລີ ຊຶ່ງເປັນຈຸດໝາຍທ່ອງທ່ຽວຍອດນິຍົມ ໄດ້ຍົກເລີກ ແລະ ຢຸດຖ້ຽວບິນຈຳນວນຫຼາຍ ທັງພາຍໃນປະເທດໄປຍັງຈາກາດຕາ ແລະ ລອມບອກ ແລະ ລະຫວ່າງປະເທດໄປຍັງອົດສະເຕຣເລຍ, […]
ຊາວແຂວງອຸດົມໄຊ ຈະໄດ້ຮັບການຜ່າຕັດແກ່ນຕາຂຸ້ນ ຟຣີ
ບັນດາທ່ານຊາວແຂວງອຸດົມໄຊ ຫຼື ແຂວງໃກ້ຄຽງ ໃຜມີບັນຫາສາຍຕາແກ່ນຕາຂຸ້ນ ແລະ ມີຄວາມສົນໃຈເຂົ້າຮັບການກວດ ແລະ ຜ່າຕັດແກ່ນຕາຂຸ້ນ ຟຣີ (ບໍ່ເສຍຄ່າໃຊ້ຈ່າຍ) ສາມາດມາຮັບການບໍລິການໄດ້ ທີ່ໂຮງໝໍແຂວງອຸດົມໄຊ ເລີ່ມໃນວັນທີ 19-25 ມີຖຸນາ 2025, ໂດຍທີມແພດໂຮງໝໍແຂວງອຸດົມໄຊ ຮ່ວມມືກັບ The Fred Hollows Foundation. ພະຍາດສາຍຕາຂຸ້ນ (ແກ່ນຕາຂຸ້ນ) ຈະມີອາການເປັນໄປຢ່າງຊ້າໆບໍ່ເຈັບປວດ ແລະ ເຮັດໃຫ້ສາຍຕາໃນການເບິ່ງເຫັນເລີ່ມຫຼຸດລົງ, ແກ່ນຕາຂຸ້ນ ຍັງເກີດຈາກສະພາບແກ່ນຕາມີການປ່ຽນແປງ ແລະ ຍັງເປັນສາເຫດເຮັດໃຫ້ຄົນຕາບອດໄດ້ຖ້າບໍ່ໄດ້ຮັບການປິ່ນປົວດ້ວຍວິທີຜ່າຕັດ ແລະ ໃສ່ແກ່ນຕາທຽມ, ຊຶ່ງປັດໄຈທີ່ພາໃຫ້ເປັນພະຍາດແກ່ນຕາຂຸ້ນ ຄື: ເບົາຫວານ, ມີການອັກເສບຕາ, ມີຄອບຄົວທີ່ເປັນແກ່ນຕາຂຸ້ນ, ການໃກ້ຊິດກັບຄວັນໄຟຫຼາຍເກີນໄປ, ການສຳຜັດກັບແສງແດດທີ່ກ້າ ແລະ ບໍ່ໃສ່ແວ່ນປ້ອງກັນ ແລະ ອື່ນໆ.ສະນັ້ນ ໃຜມີບັນຫາສາຍຕາແກ່ນຕາຂຸ້ນ ຖ້າໄດ້ຮັບການຜ່າຕັດ, ປິ່ນປົວໃຫ້ຖືກວິທີກໍຈະຫາຍດີໄດ້.
ນະຄອນຫຼວງພະບາງຈະເອົາ ການພັດທະນາອັດສະລິຍະເປັນເປົ້າໝາຍຍຸດທະສາດໄລຍະຍາວ
ອົງການປົກຄອງນະຄອນຫຼວງພະບາງ ແຂວງຫຼວງພະບາງຈະເອົາການພັດທະນາອັດສະລິຍະ (Smart City) ເປັນເປົ້າໝາຍຍຸດທະສາດໄລຍະຍາວ ໃນການລິເລີ່ມສ້າງການຫັນປ່ຽນໃໝ່ ການພັດທະນາເສດຖະກິດ, ຄຸ້ມຄອງສັງຄົມ ແລະ ການພັດທະນາຄຸ້ມຄອງຕົວເມືອງ ເພື່ອກ້າວໄປສູ່ຄວາມທັນສະໄໝ, ສາມາດເຊື່ອມໂຍງກັບພາກພື້ນ ແລະ ສາກົນ ໃນອະນາຄົດ. ການພັດທະນາແຜນຍຸດທະສາດສ້າງນະຄອນຫຼວງພະບາງ ເປັນນະຄອນອັດສະລິຍະ ແລະ ຮອບດ້ານພາຍໃຕ້ 3 ເສົາຄໍ້າວຽກງານ ຄື: ເສົາຄໍ້າທີ 1: ປະສົມປະສານການທ່ອງທ່ຽວ ແລະ ມໍລະດົກໂລກ; ເສົາຄໍ້າທີ 2: ສ້າງສະພາບແວດລ້ອມທີ່ສະອາດ ແລະ ປອດໄພ; ເສົາຄໍ້າທີ 3: ສ້າງບ້ານທີ່ຍືນຍົງ ແລະ ເດີນທາງຕາມຕົວເມືອງທີ່ໃຊ້ເວລາ 15 ນາທີ. ທ່ານ ສະເຫວີຍ ສີລາວັນ ຮັກສາການເຈົ້ານະຄອນຫຼວງພະບາງ ໄດ້ໃຫ້ສຳພາດຕໍ່ສື່ມວນຊົນແຂວງຫຼວງພະບາງ ເມື່ອມໍ່ໆມານີ້ວ່າ: ຕາມແຜນຍຸດທະສາດການພັດທະນານະຄອນຫຼວງພະບາງ 5 ປີ 2025-2029 ແມ່ນຈະສ້າງທຸກເງື່ອນໄຂອໍານວຍຄວມສະດວກໃຫ້ແກ່ພາກເອກະຊົນພາຍໃນ ແລະ ຕ່າງປະເທດເຂົ້າມາລົງທຶນໃນການພັດທະນາໂຄງການນະຄອນອັດສະລິຍະ ພາຍໃຕ້ຮູບແບບການຮ່ວມມືພາກລັດ-ພາກເອກະຊົນໃຫ້ນັບມື້ຫຼາຍຂຶ້ນ […]
ລັດຖະບານ ໄດ້ປະກາດເພີ່ມງົບປະມານຫຼາຍກວ່າ 215 ຕື້ກີບ ເຂົ້າໃນວຽກງານການພັດທະນາການສຶກສາ
ເພື່ອໃຫ້ບັນລຸຄາດໝາຍແຜນພັດທະນາເສດ ຖະກິດ-ສັງຄົມແຫ່ງຊາດຄັ້ງທີ IX (ໃນຂົງເຂດການສຶກສາ), ລັດຖະບານ ໄດ້ປະກາດເພີ່ມງົບປະມານທັງໝົດ 215.30 ຕື້ກີບ ເຂົ້າໃນວຽກງານບູລິມະສິດ ໃນຂະແໜງການສຶກສາ. ອີງຕາມບົດຊີ້ແຈງຂອງ ທ່ານ ສອນໄຊ ສີພັນດອນ ນາຍົກລັດຖະມົນຕີ ໃນກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດຊຸດທີ IX ເມື່ອວັນທີ 11 ມິຖຸນາ 2025 ງົບປະມານທັງໝົດ 215.30 ຕື້ກີບ ຈະຖືກຈັດສັນເຂົ້າໃນ 5 ວຽກງານບຸລິມະສິດ ໃນຂະແໜງການສຶກສາ ດັ່ງນີ້: 1.ເພີ່ມງົບປະມານ 106.26 ຕື້ກີບ ເພື່ອເສີມສ້າງໃຫ້ນັກຮຽນ ໄດ້ຮັບໂພຊະນາການທີ່ດີ ແລະ ການພັດທະນາການຈະເລີນໄວຕາມເກນອາຍຸແຕ່ລະໄລຍະ, ໂດຍສະເພາະເພີ່ມອັດຕາກິນອາຫານທ່ຽງໃຫ້ນັກຮຽນປະຖົມຢູ່ເຂດຫ່າງໄກສອກຫຼີກ, ຈາກ 1,000 ກີບ ມາເປັນ 5,000 ກີບ/ຄົນ/ມື້. ເພີ່ມເບ້ຍລ້ຽງນັກຮຽນສາມັນ 91.54 ຕື້ກີບ, ເປັນຕົ້ນ ນັກຮຽນອາຊີວະ ຈາກ 200,000 ກີບ ມາເປັນ […]
ກິນຈືດເກີນໄປເລັ່ງຄວາມແກ່! ໝໍຍີ່ປຸ່ນແນະນຳເຄື່ອງດື່ມ “ວັນລະແກ້ວ” ຊ່ວຍຍືດອາຍຸ-ຫຼຸດສະໝອງເສື່ອມ
ຮູ້ບໍ່? ກິນອາຫານຈືດເກີນໄປອາດເລັ່ງຄວາມແກ່! ແຕ່ມີເຄື່ອງດື່ມທີ່ໝໍຍີ່ປຸ່ນແນະນຳ “ມື້ລະແກ້ວ” ຊ່ວຍຍືດອາຍຸ ຫຼຸດສ່ຽງສະໝອງເສື່ອມ ໝໍຊື່ດັງຊາວຍີ່ປຸ່ນເຕືອນວ່າ ການກິນອາຫານຈືດ ຫຼື ມີສານອາຫານບໍ່ພຽງພໍ ໂດຍສະເພາະໃນກຸ່ມຜູ້ສູງອາຍຸ ອາດເປັນຕົວເລັ່ງໃຫ້ຮ່າງກາຍເສື່ອມສະພາບໄວຂຶ້ນ ພ້ອມແນະນຳໃຫ້ດື່ມ “ນົມມື້ລະແກ້ວ” ເພື່ອຊ່ວຍຊະລໍຄວາມແກ່ ເສີມສ້າງກ້າມເນື້ອ ແລະ ຫຼຸດຄວາມສ່ຽງພະຍາດສະໝອງເສື່ອມ ຈາກບົດລາຍງານຂອງສື່ຍີ່ປຸ່ນ PRESIDENT Online ລະບຸວ່າ ທ່ານໝໍ ຮິເດກິ ວາດາ (Hideki Wada) ຊີ້ໃຫ້ເຫັນວ່າ ຜູ້ສູງອາຍຸມັກຫຼີກເວັ້ນອາຫານໂປຣຕີນສູງ ເຊັ່ນ ຊີ້ນສັດ ເພາະກັງວົນວ່າຈະຍ່ອຍຍາກ ຈຶ່ງຫັນໄປບໍລິໂພກອາຫານທີ່ເບິ່ງຈືດແລະ ເບົາ ເຊັ່ນ: ຜັກ ຫຼື ແກງໃສ ຊຶ່ງເຖິງແມ່ນຈະເບິ່ງສຸຂະພາບດີ ແຕ່ກັບເຮັດໃຫ້ຮ່າງກາຍໄດ້ຮັບສານອາຫານບໍ່ພຽງພໍ ໂດຍສະເພາະ “ໂປຣຕີນ” ແລະ “ໄຂມັນດີ” ທີ່ຈຳເປັນຕໍ່ການຮັກສາມວນກ້າມເນື້ອ ລະບົບພູມຄຸ້ມກັນ ແລະ ຄວາມສາມາດຂອງສະໝອງ ໝໍວາດາ ອະທິບາຍວ່າ ຫາກຮ່າງກາຍໄດ້ຮັບໂປຣຕີນບໍ່ພຽງພໍ ອາດເຮັດໃຫ້ກ້າມເນື້ອຂາ […]
ແຂວງຈຳປາສັກເຫັນການເຕີບໂຕດ້ານການທ່ອງທ່ຽວທີ່ແຂງແຮງ ເນື່ອງຈາກສະຖານທີ່ທ່ອງທ່ຽວທາງວັດທະນະທຳ ແລະ ທຳມະຊາດດຶງດູດນັກທ່ອງທ່ຽວ
ແຂວງຈຳປາສັກ, ຊັບສົມບັດທາງວັດທະນະທຳ ແລະ ທຳມະຊາດໃນພາກໃຕ້ຂອງລາວ, ກຳລັງປະສົບກັບການເພີ່ມຂຶ້ນຢ່າງວ່ອງໄວຂອງການທ່ອງທ່ຽວ ໂດຍການຂັບເຄື່ອນຈາກມໍລະດົກອັນອຸດົມສົມບູນ, ພູມທັດທີ່ເປັນສັນຍາລັກ, ແລະ ຄວາມພະຍາຍາມດ້ານການສົ່ງເສີມທີ່ມີຍຸດທະສາດ (ຂ່າວປະຊາຊົນລາວ) ແຂວງຈຳປາສັກ, ຊັບສົມບັດທາງວັດທະນະທຳ ແລະ ທຳມະຊາດໃນພາກໃຕ້ຂອງລາວ, ກຳລັງປະສົບກັບການເພີ່ມຂຶ້ນຢ່າງວ່ອງໄວຂອງການທ່ອງທ່ຽວ ໂດຍການຂັບເຄື່ອນຈາກມໍລະດົກອັນອຸດົມສົມບູນ, ພູມທັດທີ່ເປັນສັນຍາລັກ, ແລະ ຄວາມພະຍາຍາມດ້ານການສົ່ງເສີມທີ່ມີຍຸດທະສາດ. ແຂວງນີ້ມີຊື່ສຽງຈາກສະຖານທີ່ທ່ອງທ່ຽວອັນໂດ່ງດັງ ເຊັ່ນ ວັດພູ ມໍລະດົກໂລກຂອງອົງການຢູເນສໂກ, ນ້ຳຕົກຄອນຜາເພັງ ແລະ ສົມຜາມິດທີ່ໜ້າປະທັບໃຈ, ສວນກາເຟປາກຊ່ອງທີ່ມີອາກາດເຢັນສະບາຍ, ແລະ ພູພຽງບໍລະເວນທີ່ກວ້າງໃຫຍ່ ຕໍ່ຍັງດຶງດູດນັກທ່ອງທ່ຽວທັງພາຍໃນປະເທດ ແລະ ຕ່າງປະເທດ. ຕາມການລາຍງານຂອງພະແນກຂໍ້ມູນຂ່າວສານ, ວັດທະນະທຳ ແລະ ການທ່ອງທ່ຽວແຂວງຈຳປາສັກ, ນັກທ່ອງທ່ຽວທັງໝົດ 298,024 ຄົນໄດ້ມາຢ້ຽມຢາມໃນຊ່ວງ 5 ເດືອນທຳອິດຂອງປີ 2025 ເປັນການເພີ່ມຂຶ້ນ 1% ເມື່ອທຽບກັບປີກ່ອນ ແລະ ບັນລຸ 84% ຂອງເປົ້າໝາຍການທ່ອງທ່ຽວປະຈຳປີຂອງແຂວງທີ່ 350,958 ຄົນ. […]
ສະພາແຫ່ງຊາດຊຸກຍູ້ການພັດທະນາໄຟຟ້າທີ່ເຂັ້ມແຂງ ແລະ ເປັນມິດກັບສິ່ງແວດລ້ອມໃນລາວ
ສະພາແຫ່ງຊາດກຳລັງຮຽກຮ້ອງໃຫ້ລັດຖະບານເລັ່ງລັດຄວາມພະຍາຍາມໃນການພັດທະນາຂະແໜງໄຟຟ້າຂອງປະເທດ ເພື່ອຮັບປະກັນຄວາມໝັ້ນຄົງດ້ານພະລັງງານ ແລະ ຄວາມຍືນຍົງ ການຮຽກຮ້ອງນີ້ໄດ້ເກີດຂຶ້ນໃນລະຫວ່າງກອງປະຊຸມສະໄໝສາມັນຄັ້ງທີ 9 ຂອງສະພາແຫ່ງຊາດຊຸດທີ 9 ທີ່ຈັດຂຶ້ນໃນວັນທີ 16 ມິຖຸນາ 2025 ກອງປະຊຸມໄດ້ຮັບການນຳໂດຍທ່ານ ສົມມາດ ພອນເສນາ, ຮອງປະທານສະພາແຫ່ງຊາດ (ຂ່າວປະຊາຊົນລາວ) ສະພາແຫ່ງຊາດກຳລັງຮຽກຮ້ອງໃຫ້ລັດຖະບານເລັ່ງລັດຄວາມພະຍາຍາມໃນການພັດທະນາຂະແໜງໄຟຟ້າຂອງປະເທດ ເພື່ອຮັບປະກັນຄວາມໝັ້ນຄົງດ້ານພະລັງງານ ແລະ ຄວາມຍືນຍົງ ການຮຽກຮ້ອງນີ້ໄດ້ເກີດຂຶ້ນໃນລະຫວ່າງກອງປະຊຸມສະໄໝສາມັນຄັ້ງທີ 9 ຂອງສະພາແຫ່ງຊາດຊຸດທີ 9 ທີ່ຈັດຂຶ້ນໃນວັນທີ 16 ມິຖຸນາ 2025 ກອງປະຊຸມໄດ້ຮັບການນຳໂດຍທ່ານ ສົມມາດ ພອນເສນາ, ຮອງປະທານສະພາແຫ່ງຊາດ ໃນລະຫວ່າງກອງປະຊຸມ, ທ່ານ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກຳ ແລະ ການຄ້າ, ໄດ້ນຳສະເໜີຜົນສຳເລັດສຳຄັນຈາກການທົບທວນການຈັດຕັ້ງປະຕິບັດນະໂຍບາຍພະລັງງານແຫ່ງຊາດ ການທົບທວນໄດ້ເນັ້ນໃສ່ວິທີການທີ່ນະໂຍບາຍພະລັງງານສອດຄ່ອງກັບການພັດທະນາເສດຖະກິດ ແລະ ເປົ້າໝາຍດ້ານສິ່ງແວດລ້ອມຂອງລາວ ຫຼັງຈາກການສົນທະນາຢ່າງລະອຽດ, ສະພາໄດ້ໃຫ້ຂໍ້ແນະນຳທີ່ສ້າງສັນເປັນຈຳນວນຫຼາຍ ເພື່ອຊ່ວຍປັບປຸງການພັດທະນາໄຟຟ້າ ຂໍ້ແນະນຳເຫຼົ່ານີ້ສະໜັບສະໜູນວິໄສທັດການສ້າງເສດຖະກິດທີ່ພຶ່ງພາຕົນເອງ ແລະ ໝັ້ນຄົງຜ່ານການສະໜອງພະລັງງານທີ່ຍືນຍົງ ແລະ […]
ການນໍາໂຮງໝໍແຂວງຈໍາປາສັກ ສະແດງທັດສະນະ ຕໍ່ກັບວັນແພດລາວ
ວຽກງານຮັກສາສຸຂະພາບ ຂອງພໍ່ແມ່ປະຊາຊົນບັນດາເຜົ່າ ແລະ ການພັດທະນາບຸກຄະລາກອນສາທາລະນະສຸກ ມີການເຕີບໃຫຍ່ຂະຫຍາຍຕົວຢູ່ ແຂວງຈຳປາສັກ ທ່ານ ດຣ. ຄິດສະແຫວງ ສີສຸລາດ ຮອງຜູ້ອໍານວຍການໂຮງໝໍແຂວງຈໍາປາສັກ ຕາງໜ້າ ຄະນະນໍາ ແລະ ພະນັກງານ ແລະ ຊ່ຽວຊານແພດໝໍ ສະແດງທັດສະນະ ເນື່ອງໃນໂອກາດວັນສາທາລະນະສຸກລາວ (ວັນແພດລາວ) ທີ່ໝູນວຽນມາບັນຈົບຄອບຮອບ 60 ປີ (18/6/1965 - 18/6/2025) ທ່ານ ກ່າວວ່າ: ວັນແພດລາວ ແມ່ນວັນທີ່ມີຄວາມໝາຍ ເພື່ອລະນຶກເຖິງການກຳເນີດ, ການເຕີບໃຫຍ່ຂະຫຍາຍຕົວ ຂອງວຽກງານຮັກສາສຸຂະພາບ ແລະ ການພັດທະນາບຸກຄະລາກອນສາທາລະນະສຸກ ໂດຍສະເພາະ ເພື່ອຈາລຶກບຸນຄຸນຕໍ່ແພດໝໍ ແລະ ພະນັກງານ ສາທາລະນະສຸກລາວ ໄດ້ເສຍສະຫຼະຊີວິດ, ອຸທິດສະຕິປັນຍາ ແລະ ເຫື່ອແຮງ ເປັນເຈົ້າການ ໃນການປະຕິບັດໜ້າທີ່ໃນແຕ່ລະໄລຍະ ນອກນີ້, ວັນດັ່ງກ່າວ ແມ່ນເພື່ອປູກຈິດສໍານຶກ ໃຫ້ແກ່ແພດໝໍ ແລະ […]
MEA ຄວ້າ 5 ລາງວັນນະວັດຕະກຳເວທີໂລກ ໃນງານ The 18th Int’l Inventions Show ທີ່ໂປແລນ
MEA ຄວ້າລຽນທອງລວມ 5 ລາງວັນໃນການປະກວດຜົນງານນະວັດຕະກຳລະດັບເວທີນານາຊາດ ແລະ ຈັດສະແດງນິທັດຊະການໃນງານ “The 18th International Inventions and Innovations Show” ຢູ່ເມືອງຄາໂຕວິເຊ ສາທາລະນະລັດໂປແລນ ເມື່ອວັນທີ່ 6 ມິຖຸນາ 2025 MEA ຫຼື ການໄຟຟ້ານະຄອນຫຼວງ ຄວ້າ 5 ລາງວັນ ຈາກການປະກວດຜົນງານນະວັດຕະກຳລະດັບເວທີນານາຊາດໃນງານ “The 18th International Inventions and Innovations Show” ທີ່ MEA ເຂົ້າຮ່ວມປະກວດ ແລະ ຈັດສະແດງຜົນງານຄົ້ນຄວ້າ ສິ່ງປະດິດ ແລະ ນະວັດຕະກຳ ພາຍໃນງານມີຜົນງານນະວັດຕະກຳຕ່າງໆ ທີ່ຮ່ວມປະກວດ ແລະ ຈັດສະແດງນິທັດຊະການຈຳນວນກວ່າ 300 ຜົນງານ ຈາກ 7 ປະເທດ ຊຶ່ງ MEA ເປັນໜຶ່ງໃນຕົວແທນປະເທດໄທເຂົ້າຮ່ວມປະກວດຯ ລະຫວ່າງວັນທີ່ […]