ແຂວງສາລະວັນ ຮັບຮອງເອົາການປັບປຸງກົງຈັກການຈັດຕັ້ງຂອງອົງການປົກຄອງແຂວງ
ໃນຕອນເຊົ້າຂອງວັນທີ 30 ມິຖຸນານີ້ ທີ່ຫ້ອງປະຊຸມສະພາປະຊາຊົນ ແຂວງສາລະວັນ, ຄະນະປະຈໍາສະພາປະຊາຊົນ ແຂວງສາລະວັນ ໄດ້ຮັບຮອງເອົາມະຕິວ່າດ້ວຍການຮັບຮອງເອົາການປັບປຸງກົງຈັກການຈັດຕັ້ງຂອງອົງການປົກຄອງແຂວງ ໃນກອງປະຊຸມຄະນະປະຈໍາສະພາປະຊາຊົນແຂວງປະຈໍາເດືອນ ມິຖຸນາ 2025, ໂດຍການເປັນປະທານກອງປະຊຸມຂອງທ່ານ ສີເຮັງ ຫອມສົມບັດ ຮອງເລຂາພັກແຂວງ ປະທານຄະນະປະຈໍາ ສະພາປະຊາຊົນແຂວງ, ມີທ່ານ ນາງ ບຸນທະວີ ດວງລາສີ ຮອງເລຂາພັກແຂວງ ຜູ້ຊີ້ນໍາວຽກງານພັກ-ພະນັກງານ ທັງເປັນຮອງຫົວໜ້າຄະນະຮັບຜິດຊອບປັບປຸງກົງຈັກການຈັດຕັ້ງຂັ້ນແຂວງ. ທ່ານ ແຫວນເພັດ ລັດດາວົງ ຄະນະປະຈໍາພັກແຂວງ ຫົວໜ້າຄະນະຈັດຕັ້ງແຂວງ ໄດ້ລາຍງານຄວາມຄືບໜ້າການກະກຽມປັບປຸງກົງຈັກການຈັດຕັ້ງ ແລະ ບຸກຄະລາກອນຂອງແຂວງ, ຜ່ານໜັງສືສະເໜີຂອງອົງການປົກຄອງແຂວງ ກ່ຽວກັບການປັບປຸງກົງຈັກການຈັດຕັ້ງຂອງບັນດາພະແນກການ-ອົງການທຽບເທົ່າ; ຈາກນັ້ນ, ກອງປະຊຸມໄດ້ຜ່ານຮ່າງມະຕິ ວ່າດ້ວຍການພິຈາລະນາ ຮັບຮອງເອົາການປັບປຸງກົງຈັກການຈັດຕັ້ງຂອງອົງການປົກຄອງ ແຂວງສາລະວັນ ມີດັ່ງນີ້: ໂຮມພະແນກແຜນການ ແລະ ການລົງທຶນແຂວງ ເຂົ້າກັບ ພະແນກການເງິນແຂວງ ເປັນພະແນກການເງິນແຂວງ. ໂຮມພະແນກພະລັງງານ ແລະ ບໍ່ແຮ່ແຂວງ ເຂົ້າກັບ ພະແນກອຸດສາຫະກຳ ແລະ ການຄ້າແຂວງ […]
ສື່ມວນຊົນສໍາເລັດຊຸດອົບຮົມການລາຍງານຂ່າວສີຂຽວ
ບັນດາສື່ມວນຊົນຈາກແຂວງພາກກາງ ສຳເລັດການເຂົ້າຮ່ວມຝຶກອົບຮົມການລາຍງານຂ່າວສີຂຽວຢູ່ນະຄອນຫຼວງວຽງຈັນ ໃນລະຫວ່າງວັນທີ 23-27 ມິຖຸນາ ຜ່ານມາ ເພື່ອສົ່ງເສີມການພັດທະນາແບບຍືນຍົງໃນ ສປປ ລາວ ໂດຍການສະໜັບສະໜູນຈາກໂຄງການສ້າງຄວາມເຂັ້ມແຂງໃຫ້ແກ່ສື່ມວນຊົນ (ແກມຊິວ). ຊຸດອົບຮົມຄັ້ງນີ້, ສຳມະນາກອນໄດ້ຮຽນຮູ້ການລາຍງານຂ່າວບົດບາດ ແລະ ຄວາມສະເໝີພາບຍິງ-ຊາຍ, ການພັດທະນາສີຂຽວຍືນຍົງ ແລະ ບັນຫາສິ່ງແວດລ້ອມ, ຄວາມປອດໄພໃນການໃຊ້ສື່ສັງຄົມອອນລາຍ, ການຄຸ້ມຄອງສື່, ຈັນຍາບັນນັກຂ່າວ, ການນໍາໃຊ້ປັນຍາປະດິດໃນວຽກງານສື່ ແລະ ຜະລິດບົດເລື່ອງສັ້ນໃນຮູບແບບຕ່າງໆສຳລັບສື່ອອນລາຍ. ທ່ານ ສະຫວັນຄອນ ຣາຊະມຸນຕຣີ ປະທານສະມາຄົມນັກຂ່າວແຫ່ງ ສປປ ລາວ ກ່າວວ່າ: ການຝຶກອົບຮົມຄັ້ງນີ້, ມີຄວາມໝາຍສໍາຄັນ ເພື່ອນໍາໃຊ້ເຂົ້າໃນວຽກງານວິຊາສະເພາະ ເນື່ອງຈາກໃນຍຸກປັດຈຸບັນສັງຄົມຫັນມາບໍລິໂພກຂໍ້ມູນຂ່າວສານຜ່ານສື່ອອນລາຍຫຼາຍຂຶ້ນ ເຮັດໃຫ້ສື່ມວນຊົນມີຄວາມຈໍາເປັນຕ້ອງປັບປຸງຕົນເອງໃຫ້ແທດເໝາະກັບການພັດທະນາ ແລະ ການຂະຫຍາຍຕົວຂອງສື່ຕ່າງໆ ໂດຍສະເພາະເພື່ອຮອງຮັບໃຫ້ການຫັນເຂົ້າສູ່ລະບົບດີຈີຕອນໃນຕໍ່ໜ້າ ແລະ ສາມາດນໍາເອົາຄວາມຮູ້ທີ່ຮຽນມາໄປໝູນໃຊ້ເຂົ້າໃນວຽກງານຕົວຈິງ ພ້ອມທັງນໍາໄປເຜີຍແຜ່ໃຫ້ບົດຮຽນແກ່ເພື່ອນຮ່ວມງານພາຍໃນສໍານັກງານດ້ວຍກັນ. ນອກຈາກນັ້ນ, ສຳມະນາກອນຍັງໄດ້ໄປທັດສະນະສຶກສາຕົວຈິງໃນຫົວຂໍ້: ການທ່ອງທ່ຽວສີຂຽວຢູ່ ເມືອງວັງວຽງ ແຂວງວຽງຈັນ ເພື່ອໄປເກັບກຳຂໍ້ມູນມາຜະລິດເປັນຄລິບວິດີໂອເລື່ອງສັ້ນອອກສື່ຕ່າງໆເຊັ່ນ: ເຟສບຸກ, ຢູທູບ ຫຼື ເວັບໄຊ […]
ໄຊພູທອງ ປັກດໍາເຂົ້ານາປີໄດ້ແລ້ວ 3,450 ເຮັກຕາ
ຕາມການລາຍງານຂອງ ທ່ານ ສຸວັນ ໄຊຍະມັງດາລາ ຫົວໜ້າຫ້ອງການກະສິກໍາ ແລະ ປ່າໄມ້ເມືອງໄຊພູທອງ ແຂວງສະຫວັນນະເຂດ ໃນຄັ້ງວັນທີ 1 ກໍລະກົດນີ້ວ່າ: ສໍາລັບແຜນການຜະລິດເຂົ້ານາປີນີ້ ມີເນື້ອທີ່ 14,351.35 ເຮັກຕາ ຄາດຂະເນສະມັດຕະພາບ 5 ໂຕນ/ເຮັກຕາ, ຄາດຄະເນຜົນຜະລິດ 71,756.75 ໂຕນ, ແຜ່ນການຈັດຕັ້ງປະຕິບັດ 1,590.4 ເຮັກຕາ, ໃນລະບົບຊົນລະປະທານ 200 ເຮັກຕາ. ການປູກເຂົ້າລະດູຝົນແຜນ 14,351.35 ເຮັກຕາ, ແນວປູກ 861.06 ໂຕນ, ປະຕິບັດໄດ້ແລ້ວ 819.54 ໂຕນ ເທົ່າກັບ 94.82%, ໄຖຮຸດສໍາເລັດ 94.82% ເທົ່າກັບ 13,607.95 ເຮັກຕາ, ຕົກກ້າແລ້ວ 450 ໂຕນ ເທົ່າກັບ 52.26% ຂອງແນວປູກທັງໝົດ, ນາວ່ານໄດ້ 5,760 ເຮັກຕາ, ແນວປູກ 345.6 ໂຕນ […]
ຮອງລັດຖະມົນຕີ ກະຊວງກະສິກໍາ ແລະ ສິ່ງແວດລ້ອມ ເຄື່ອນໄຫວວຽກງານ ຢູ່ແຂວງຄໍາມ່ວນ
ແຫລ່ງຂ່າວຈາກ ແຂວງຄຳມ່ວນ ໃຫ້ຮູ້ວ່າ: ໃນລະຫວ່າງວັນທີ 28-29 ມິຖຸນາ 2025, ທ່ານ ນາງ ຈັນທະຄອນ ບົວລະພັນ ຮອງລັດຖະມົນຕີ ກະຊວງກະສິກໍາ ແລະ ສິ່ງແວດລ້ອມ ພ້ອມດ້ວຍຄະນະ ເຄື່ອນໄຫວ ຕິດຕາມ, ຊຸກຍູ້ວຽກງານຢູ່ເມືອງຍົມມະລາດ, ເມືອງທ່າແຂກ ແລະ ເມືອງໜອງບົກ ແຂວງຄໍາມ່ວນ ໂດຍການຕ້ອນຮັບຂອງຄະນະນໍາພະແນກກະສິກໍາ ແລະ ສິ່ງແວດລ້ອມແຂວງ. ການລົງຊຸກຍູ້ວຽກງານ ໃນຄັ້ງນີ້, ຄະນະດັ່ງກ່າວ ໄດ້ລົງຕິດຕາມເບິ່ງພື້ນຖານການຜະລິດ ຂອງປະຊາຊົນ ແລະ ໂຄງລ່າງດ້ານຊົນລະປະທານ ໂດຍສະເພາະ ລະບົບນໍ້າໄຫລເຂົ້າເອງປ່ອງທີ 1, ປ່ອງທີ 3 ແລະ ປ່ອງທີ 4 ຢູ່ເມືອງຍົມມະລາດ ເຊິ່ງມີຄວາມສາມາດຫົດເນື້ອທີ່ການຜະລິດໄດ້ເຖິງ 9.700 ເຮັກຕາ. ໃນນັ້ນປະຕູນໍ້າປ່ອງທີ 1 ສາມາດຫົດເນື້ອທີ່ການຜະລິດໄດ້ 3.300 ເຮັກຕາ, ປະຕູນໍ້າປ່ອງທີ 3 ສາມາດຫົດເນື້ອທີ່ການຜະລິດໄດ້ […]
ຈັບແກ້ງ ລັກຕັດສາຍໄຟ ປອກທອງໄປຂາຍ ພ້ອມມົ້ວສຸມເສບຢາເສບຕິດ
ກອງບັນຊາການ ປກສ ເມືອງ ທ່າແຂກ ແຂວງຄຳມ່ວນ ສາມາດມ້າງລາຍຄະດີລັກຕັດສາຍໄຟຟ້າເຍືອງທາງ ຢູ່ຂອບເຂດສີ່ແຍກ ບ້ານເລົ່າໂພໄຊ ເສັ້ນທາງໄປຫາ ບ້ານປາກດົງ ເມືອງທ່າແຂກ ແຂວງຄຳມ່ວນ ແລະ ຄ້າ-ຂາຍ, ມົ້ວສຸມເສບຢາເສບຕິດ ກັກຕົວຜູ້ຖືກຫາໄດ້ ຈຳນວນ 7 ຄົນ, ພ້ອມຢຶດເຄື່ອງຂອງກາງ ຢາບ້າ 214 ເມັດ, ສາຍທອງທີ່ປອກແລ້ວ ຈຳນວນ 4 ກິໂລ ແລະ ມີດຍາວ 40 cm 01 ເຫຼັມ. ໃນລະຫວ່າງວັນທີ 14 ຫາ 19 ພຶດສະພາ 2025 ຜ່ານມາ. ມີກຸ່ມຄົນບໍ່ຫວັງດີມາລັກຕັດສາຍໄຟຟ້າເຍືອງທາງ ຢູ່ຂອບ ເຂດສີ່ແຍກ ບ້ານເລົ່າໂພໄຊ ເສັ້ນທາງໄປຫາ ບ້ານປາກດົງ ເມືອງທ່າແຂກ, ແຂວງຄຳມ່ວນ, ສາມາດຈັບຕົວເປົ້າໝາຍໄດ້ ໃນວັນດຽວກັນ ຈຳນວນ 05 ຄົນ […]
ງານບຸນມະໂຫລານຊາວໜຸ່ມ-ເຍົາວະຊົນ ປະຈໍາປີ 2025 ປິດລົງດ້ວຍຜົນສໍາເລັດເປັນຢ່າງດີ
ງານບຸນມະໂຫລານຊາວໜຸ່ມ, ເຍົາວະຊົນ ປະຈໍາປີ 2025 ພາຍໃຕ້ຫົວຂໍ້: “ຊາວໜຸ່ມ, ເຍົາວະຊົນຍຸກໃໝ່ ເສີມຂະຫຍາຍບົດບາດປະຈັນບານ ເຂົ້າໃນການປະດິດສ້າງຫັນເປັນດີຈີຕອນ” ພາຍຫຼັງໄດ້ເປີດຂຶ້ນແຕ່ວັນທີ 25 ມິຖຸນາ ຜ່ານມາ ທີ່ສູນການຄ້າລາວ-ໄອເຕັກ (ຕຶກເກົ່າ). ດັ່ງນັ້ນ, ມາຮອດວັນທີ 29 ມິຖຸນານີ້ ງານບຸນດັ່ງກ່າວໄດ້ປິດລົງດ້ວຍຜົນສໍາເລັດເປັນຢ່າງດີ ໂດຍເປັນກຽດເຂົ້າຮ່ວມຂອງ ທ່ານ ນາງ ອາລີ ວົງໜໍ່ບຸນທຳ ປະທານຄະນະບໍລິຫານງານສູນກາງສະຫະພັນແມ່ຍິງລາວ (ສສຍລ), ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ, ມີຮອງປະທານສູນກາງກຳມະບານລາວ, ບັນດາຮອງລັດຖະມົນຕີ, ຊາວໜຸ່ມ-ເຍົາວະຊົນ ອ້ອມຂ້າງສູນກາງ, ພ້ອມດ້ວຍແຂກຖືກເຊີນເຂົ້າຮ່ວມ. ທ່ານ ທອງລີ ສີສຸລິດ ຮອງເລຂາຄະນະບໍລິຫານງານສູນກາງຊາວໜຸ່ມປະຊາຊົນ ປະຕິວັດລາວ (ຄຊປປລ) ໄດ້ຂຶ້ນກ່າວປິດງານວ່າ: ງານບຸນມະໂຫລານຊາວໜຸ່ມ, ເຍົາວະຊົນ ປີ 2025 ໄດ້ດໍາເນີນເປັນເວລາ 5 ວັນ ຊຶ່ງເຕັມໄປດ້ວຍບັນຍາກາດທີ່ເບີກບານມ່ວນຊື່ນ, ເຕັມໄປດ້ວຍເນື້ອໃນ ແລະ […]
ທູດລາວປະຈໍາມຽນມາ ເຂົ້າພົບປະເຮັດວຽກກັບປະທານສະມາຄົມມິດຕະພາບ ມຽນມາ-ລາວ ແລະ ລາວ-ມຽນມາ
ໃນວັນທີ 24 ມິຖຸນາຜ່ານມາທີ່ນະຄອນຫຼວງເນປີດໍ, ທ່ານ ບຸນພຽງ ຈັນທະວົງ ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສປປລາວ ປະຈໍາ ສາທາລະນະລັດ ສະຫະພາບມຽນມາ ໄດ້ເຂົ້າພົບປະ ແລະ ເຮັດວຽກກັບ ທ່ານ ວິນ ມ່ອງ ປະທານສະມາຄົມມິດຕະພາບ ມຽນມາ-ລາວ.ການພົບປະຄັ້ງນີ້, ສອງຝ່າຍໄດ້ຕີລາຄືນ ກ່ຽວກັບການພົວພັນຮ່ວມມື ລະຫວ່າງ ສະມາຄົມມິດຕະພາບ ລາວ-ມຽນມາ ແລະ ມຽນມາ-ລາວ ໃນໄລຍະຜ່ານມາ ຊຶ່ງພາຍຫຼັງສອງຝ່າຍໄດ້ສ້າງຕັ້ງສະມາຄົມນີ້ຂຶ້ນໃນປີ 2002ແລ້ວ,ເຫັນວ່າມີບາດກ້າວຂະຫຍາຍຕົວ ແລະ ໄດ້ຮັບການເສີມສ້າງເປັນກ້າວໆມາຕາມສະພາບເງື່ອນໄຂຂອງສອງຝ່າຍ, ມີການປະສານສົມທົບແລກປ່ຽນຂໍ້ມູນຂ່າວ, ພົວພັນຮ່ວມມືກັນຢ່າງເປັນປົກກະຕິ, ມີການຊຸກຍູ້ ແລະ ເປັນຂົວຕໍ່ໃນການພົວພັນຮ່ວມມືຂະແໜງການຕ່າງໆຕາມພາລະບົດບາດ ກໍຄືການເຄື່ອນໄຫວວຽກງານການທູດປະຊາຊົນ ຊຶ່ງຜົນສໍາເລັດໃນໄລຍະຜ່ານມາກໍແມ່ນການລົງນາມບົດບັນທຶກຮ່ວມກັນ ກ່ຽວກັບການສ້າງເມືອງແຮກສ່ຽວ ລະຫວ່າງ ເມືອງຫຼວງພະບາງ (ສປປ ລາວ) ກັບ ເມືອງບາການ (ສສ ມຽນມາ) ເພື່ອແນໃສ່ຊຸກຍູ້ສົ່ງເສີມການທ່ອງທ່ຽວ, ແລກປ່ຽນວັດທະນາທຳ ແລະ ເພີ່ມຄວາມເຂົ້າອົກເຂົ້າໃຈຊຶ່ງກັນ ແລະ […]
ເຄິ່ງປີ 2025 ທາງລົດໄຟລາວ-ຈີນ ບັນລຸການຂົນສົ່ງສິນຄ້າໄດ້ 3 ລ້ານໂຕນ
ນັບແຕ່ທາງລົດໄຟລາວ-ຈີນ ເປີດດຳເນີນງານເປັນຕົ້ນມາ, ການຂົນສົ່ງສິນຄ້າໄດ້ເຕີບໂຕຢ່າງແຂງແຮງ, ສະເພາະປີ 2025 ມາຮອດວັນທີ 28 ມິຖຸນາ ປະລິມານການຂົນສົ່ງສິນຄ້າຜ່ານທາງລົດໄຟລາວ-ຈີນ ບັນລຸເຖິງ 3,000,000 ໂຕນ, ເພີ່ມຂຶ້ນ 8.8% ເມື່ອທຽບໃສ່ໄລຍະດຽວກັນຂອງປີຜ່ານມາ, ກາຍເປັນຊ່ອງທາງຂົນສົ່ງຫຼັກທີ່ມີປະສິດທິພາບໃນການສົ່ງອອກສິນຄ້າຂອງລາວ ແລະ ປະເທດອ້ອມຂ້າງ. ເພື່ອເປັນການກະຕຸ້ນການສົ່ງອອກ, ປະກອບສ່ວນເຂົ້າໃນການສ້າງສາພັດທະນາເສດຖະກິດຂອງລາວ, ພ້ອມຍົກລະດັບການຂົນສົ່ງສິນຄ້າທາງລົດໄຟໃຫ້ມີປະສິດທິພາບສູງກວ່າເກົ່າ, ໃນໄລຍະຜ່ານມາ ທາງລົດໄຟລາວ-ຈີນ ໄດ້ໃຫ້ບຸລິມະສິດພິເສດໃນການຂົນສົ່ງສິນຄ້າຂອງລາວ ເປັນຕົ້ນແມ່ນສິນຄ້າກະສິກຳ ໂດຍຖືຫຼັກການ “ ໃຫ້ບຸລິມະສິດໃນການອະນຸມັດ ແລະ ໃຫ້ບຸລິມະສິດໃນການຂົນສົ່ງກ່ອນ ”. ບໍ່ວ່າປະລິມານຈະໜ້ອຍ ຫຼື ຫຼາຍ, ທາງລົດໄຟລາວ-ຈີນ ແມ່ນສະໜັບສະໜູນເຕັມທີ່ ພ້ອມກັນນີ້, ຍັງໄດ້ປັບປຸງການຈັດຕັ້ງ, ເພີ່ມຈຳນວນຖ້ຽວລົດໄຟ, ເພີ່ມຈຳນວນຕູ້ຄອນເທັນເນີ, ປັບນ້ຳໜັກບັນຈຸຈາກ 2500 ໂຕນຕໍ່ຂະບວນມາເປັນ 2800 ໂຕນຕໍ່ຂະບວນ, ລົງພື້ນທີ່ຕົວຈິງສຳຫຼວດຄວາມຕ້ອງການຂອງຜູ້ປະກອບການ ແລະ ຈັດກອງປະຊຸມສຳມະນາປຶກສາຫາລືກັບຜູ້ປະກອບການ, ພ້ອມສົມທົບເຈົ້າຫນ້າທີ່ດ່ານລາວ-ຈີນ ສ້າງກົນໄກປະສານງານ ເພື່ອຫຼຸດຂັ້ນຕອນ ແລະ ໄລຍະເວລາໃນການແຈ້ງພາສີ, ຮັບປະກັນໃຫ້ສິນຄ້າຂອງລາວໂດຍສະເພາະສິນຄ້າກະສິກຳທີ່ເກັບຮັກສາໄວ້ໄດ້ບໍ່ດົນ […]
ວາງສີລາລຶກໂຄງການ ກໍ່ສ້າງໂຮງຫມໍ ພົງສະຫວັນ ອິນເຕີເນຊັນແນວ ຈໍາກັດ
ພິທີວາງສີລາລຶກ ໂຄງການກໍ່ສ້າງ ໂຮງຫມໍ ພົງສະຫວັນ ອິນເຕີເນຊັນແນວ ຈໍາກັດ ໄດ້ຈັດຂຶ້ນໃນວັນທີ 26 ມິຖຸນາ 2025 ນີ້ ທີ່ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມມີທ່ານ ຄຳໄຫຼ ສີປະເສີດ ຮອງປະທານສູນກາງແນວລາວສ້າງຊາດ, ທ່ານນາງ ວິພາວັນ ພົມວິຫານ ປະທານກອງທຶນຊ່ວຍເຫລືອສັງຄົມ ສະພາແຫ່ງຊາດ, ທ່ານ ພົມ ແສງນວນ ໄຊຍະລາດ ປະທານກຸ່ມບໍລິສັດ ພົງສະຫວັນ, ມີທ່ານອາດີດລັດຖະມົນຕີກະຊວງສາທາລະນະສຸກ, ເອກອັກຄະລັດຖະທູດຣາຊະອານາຈັກໄທ ປະຈໍາ ສປປ ລາວ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ. ທ່ານນາງ ວິມາລາ ໄຊຍະສຸກ ຜູ້ອຳນວຍການໃຫຍ່ ໂຮງຫມໍ ພົງສະຫວັນ ອິນເຕີ ເນຊັນແນວ ຈໍາກັດ ກ່າວວ່າ: ຈຸດປະສົງໃນການລິເລີ່ມໂຄງການນີ້ເກີດຈາກ ໃນໄລຍະຜ່ານມາ ປະທານຜູ້ກໍ່ຕັ້ງກຸ່ມບໍລິສັດ ພົງສະຫວັນ ຈຳກັດ, ທີ່ມີເຈດຈຳນົງໃນການສ້າງຕັ້ງບໍລິສັດ ແລະ ບັນດາທຸລະກິດ ເພື່ອມາປະກອບສ່ວນໃນການພັດທະນາປະເທດຊາດຂອງ ລາວເຮົາ, […]
ຮອງລັດຖະມົນຕີ ສສກ ເຂົ້າຮ່ວມກອງປະຊຸມໂຕະມົນລັດຖະມົນຕີສຶກສາອາຊຽນ 2025 ແລະ ກອງປະຊຸມປິ່ນອ້ອມ
ໂດຍຕອບສະໜອງຕາມການເຊີນຂອງ ທ່ານລັດຖະມົນຕີກະຊວງສຶກສາ ແລະ ລັດຖະມົນຕີການສຶກສາຊັ້ນສູງ ແຫ່ງ ປະເທດມາເລເຊຍ ໂດຍການມອບໝາຍຈາກທ່ານລັດຖະມົນຕີ ກະຊວງສຶກສາທິການ ແລະ ກິລາ (ສສກ) ກ່ຽວກັບການເຂົ້າຮ່ວມກອງປະຊູມດັ່ງກ່າວ ທ່ານ ປອ ນາງ ດາລາວອນ ກິດຕິພັນ ຮອງລັດຖະມົນຕີ ກະຊວງ ສສກ ພ້ອມດ້ວຍຄະນະຈຳນວນ 4 ທ່ານ ຈາກກົມການສຶກສາຊັ້ນສູງ ແລະ ກົມຮ່ວມມືກັບຕ່າງປະເທດ ໄດ້ເດີນທາງເຂົ້າຮ່ວມກອງປະຊຸມໂຕະມົນລັດຖະມົນຕີສຶກສາ ແລະ ການສຶກສາຊັ້ນສູງອາຊຽນ ປະຈຳປີ 2025 (EduRoundtables 2025) ແລະ ກອງປະຊຸມປິ່ນອ້ອມຕ່າງໆ ທີ່ລັງກາວີ ປະເທດມາເລເຊຍ. ໃນລະຫວ່າງວັນທີ 17-20 ມິຖຸນາ 2025 ຜ່ານມາ ພາຍໃຕ້ຫົວຂໍ້: “ການເລັ່ງແກ້ໄຂບັນຫາເດັກນ້ອຍ ແລະ ໄວໜຸ່ມທີ່ຫຼຸດລອຍຈາກລະບບົບການສຶກສາ (OOSCY) ແລະ ບັນດາກິດຈະກຳປິ່ນອ້ອມ ໃນວຽກງານການສຶກສາຊັ້ນສູງ ຊຶ່ງມີຜູ້ແທນຈາກກະຊວງການສຶກສາ ແລະ ກະຊວງການສຶກສາຊັ້ນສູງຂອງປະເທດສະມາຊິກອາຊຽນ ແລະ […]