ເກົາຫຼີເໜືອທົດສອບ ໂດຣນລະເບີດຕົວເອງໄດ້ ໂດຍໃຊ້ເທັກໂນໂລຊີປັນຍາປະດິດ (AI)
ຄິມ ຈອງອຶນ ຊົມການທົດສອບໂດຣນ ໂດຣນລະເບີດຕົວເອງໄດ້ (ໂດຣນປິດຊີບ) ທີ່ໃຊ້ເທັກໂນໂລຊີເອໄອ ສັ່ງໃຫ້ການພັດທະນາອາວຸດສະໄໝໃໝ່ຕ້ອງມຸ່ງເນັ້ນຄວາມສາມາດຂອງເອໄອ ສຳນັກຂ່າວກາງເກົາຫຼີ (KCNA) ຂອງເກົາຫຼີເໜືອ ລາຍງານວ່າ ເມື່ອວັນທີ 26 ມີນາ; ຜູ້ນຳສູງສຸດ ຄິມ ຈອງອຶນ ໄດ້ເດີນທາງໄປກຳກັບດູແລການທົດສອບໂດຣນປິດຊີບເທັກໂນໂລຊີປັນຍາປະດິດ (AI) ດ້ວຍຕົວເອງ ພ້ອມກ່າວວ່າ ການຄວບຄຸມແບບໄຮ້ຄົນຂັບ ແລະ ຄວາມສາມາດຂອງເອໄອຈະຕ້ອງເປັນລຳດັບຄວາມສຳຄັນສູງສຸດໃນການພັດທະນາອາວຸດສະໄໝໃໝ່ ໂດຍຜູ້ນຳຄິມກວດສອບໂດຣນລາດຕະເວນຮຸ່ນໃໝ່ທີ່ປັບປຸງແລ້ວ ຊຶ່ງສາມາດກວດຈັບເປົ້າໝາຍຍຸດທະວິທີຕ່າງໆ ແລະ ກິດຈະກຳຂອງສັດຕູເທິງບົກ ແລະ ໃນທະເລໄດ້ ເກົາຫຼີເໜືອທົດສອບ ໂດຣນປິດຊີບທີ່ໃຊ້ເທັກໂນໂລຊີປັນຍາປະດິດ ຄຳເວົ້າຂອງຄິມ ຈອງອຶນ “ອຸປະກອນໄຮ້ຄົນຂັບ ແລະ ປັນຍາປະດິດຄວນໄດ້ຮັບການໃຫ້ຄວາມສຳຄັນສູງສຸດ ແລະ ພັດທະນາໃນການປັບປຸງກອງທັບໃຫ້ທັນສະໄໝ” ຮູບຖ່າຍສະແດງໃຫ້ເຫັນໂດຣນປີກຕຶງຂອງເກົາຫຼີເໜືອໂຈມຕີເປົ້າທີ່ເຮັດເປັນຮູບລົດຖັງ-ລົດຫຸ້ມເກາະ ຈາກນັ້ນກໍລະເບີດເປັນແປວໄຟ ໂດຍມີຮູບຄິມຍ່າງໄປກັບຜູ້ຊ່ວຍພ້ອມກັບສິ່ງທີ່ເບິ່ງຄືເຄື່ອງບິນກວດການໄຮ້ຄົນຂັບຊຶ່ງມີລັກສະນະຄ້າຍກັບເຄື່ອງບິນກວດການລະດັບສູງ RQ-4 Global Hawk ຂອງສະຫະລັດ ທີ່ຈອດຢູ່ເທິງລານຈອດເຄື່ອງບິນ […]
“ທຣັມ” ປະກາດເກັບພາສີນຳເຂົ້າລົດຍົນ 25% ເລີ່ມ 3 ເມສາ ຄາດວ່າລາຍໄດ້ຕໍ່ປີ 1 ແສນລ້ານຫຼຽນ
ລົດຍົນທີ່ທ່າເຮືອຂົນສົ່ງສິນຄ້າໃນເມືອງຊານດິເອໂກ ລັດແຄລິຟໍເນຍ ສະຫະລັດອາເມລິກາ ເມື່ອວັນທີ 26 ມີນາ 2025 (ຣອຍເຕີ). ທຣັມປ໌ຂຶ້ນພາສີນຳເຂົ້າລົດຍົນເປັນ 25% ເລີ່ມເກັບວັນທີ 3 ເມສາ ຫຼັງປະກາດວັນທີ 2 ເມສາ ຄາດສ້າງລາຍໄດ້ໃໝ່ຕໍ່ປີ 1 ແສນລ້ານຫຼຽນ ໂດນັລ ທຣັມປ໌ ປະທານາທິບໍດີສະຫະລັດ “ທຣັມປ໌” ລົງນາມເກັບພາສີນຳເຂົ້າລົດຍົນ 25% ບລູມເບີກ (Bloomberg) ແລະ ຣອຍເຕີ (Reuters) ລາຍງານວ່າ ປະທານາທິບໍດີໂດນັລ ທຣັມປ໌ ຜູ້ນຳສະຫະລັດລົງນາມໃນປະກາດຮຽກເກັບພາສີນຳເຂົ້າລົດຍົນເປັນ 25% ຊຶ່ງເປັນການຂະຫຍາຍສົງຄາມການຄ້າທີ່ອອກແບບມາເພື່ອດຶງດູດງານຜະລິດມາຍັງສະຫະລັດຫຼາຍຂຶ້ນ ແລະ ປູທາງໄປສູ່ການຮຽກເກັບພາສີຕ່າງຕອບແທນ ຫຼື ຕ່າງຕອບໂຕ້ທີ່ຄອບຄຸມໃນວົງກວ້າງຫຼາຍຂຶ້ນໃນອາທິດໜ້າ “ສິ່ງທີ່ພວກເຮົາຈະເຮັດຄືຮຽກເກັບພາສີ 25% ສຳລັບລົດຍົນທຸກຄັນທີ່ບໍ່ໄດ້ຜະລິດໃນສະຫະລັດ ພວກເຮົາຈະຮຽກເກັບພາສີຈາກປະເທດຕ່າງໆ ທີ່ເຮັດທຸລະກິດໃນປະເທດຂອງພວກເຮົາ ແລະ ຍຶດງານຂອງພວກເຮົາ ຍຶດຊັບຂອງພວກເຮົາ ແລະ ຍຶດສິ່ງຂອງຕ່າງໆ ຫຼາຍຢ່າງທີ່ພວກເຂົາຍຶດມາຫຼາຍປີກັບຄືນມາ” […]
ແຈ້ງປັບລາຄານ້ຳມັນ ຂອງວັນທີ 27/03/2025
ແຈ້ງປັບລາຄານ້ຳມັນ ເລິ່ມປະຕິບັດ 06:00 ໂມງຂອງວັນທີ 27/03/2025 ຕາມແຈ້ງການຈາກ ກຊ ອຸດສະຫະກຳແລະການຄ້າ ເລກທີ 0322/ກຄພນ ລົງວັນທີ 26 ມນ. 2025
ເຮລິຄອບເຕີດັບເພີງ ຕົກຂະນະປະຕິບັດໜ້າທີ່ດັບໄຟປ່າເກົາຫຼີ ນັກບິນເສຍຊີວິດຄາທີ່
ສື່ເກົາຫຼີໃຕ້ລາຍງານເມື່ອວັນທີ 26 ມີນາວ່າ ທ່າມກາງຄວາມພະຍາຍາມຈະດັບໄຟປ່າທີ່ກຳລັງເຜົາຜານພື້ນທີ່ທາງພາກຕາເວັນອອກສ່ຽງໃຕ້ຂອງປະເທດເກົາຫຼີໃຕ້ໃຫ້ໄດ້ຮັບຄວາມເສຍຫາຍ ຊຶ່ງເຮັດໃຫ້ມີຜູ້ເສຍຊີວິດແລ້ວ 18 ລາຍແລ້ວນັ້ນ ລ່າສຸດ ໄດ້ເກີດເຫດສະຫຼົດຂຶ້ນອີກເມື່ອເຮລິຄອບເຕີດັບເພີງທີ່ຖືກສົ່ງເຂົ້າຮ່ວມໃນການດັບໄຟປ່າຄັ້ງນີ້ນັ້ນໄດ້ປະສົບເຫດຕົກຂະນະຄວບຄຸມໄຟປ່າໃນແຂວງອຸຍຊາງ ສົ່ງຜົນໃຫ້ນັກບິນບົນເຮລິຄອບເຕີລຳນີ້ເສຍຊີວິດໃນທັນທີ ເຫດເກີດເມື່ອເວລາ 12.54 ນ.ຂອງວັນດຽວກັນຕາມເວລາທ້ອງຖິ່ນ ສຳນັກງານປ່າໄມ້ເກົາຫຼີລະບຸວ່າເຮລິຄອບເຕີລຳປະສົບເຫດເປັນຮຸ່ນ S-76 ທີ່ທຳການເຊົ່າມາໂດຍເມືອງອິນເຈ ໃນແຂວງກັງວອນ ໄດ້ຕົກລົງພື້ນທີ່ພູເຂົາໃກ້ກັບເມືອງກຽນລີໃນຂະນະຮ່ວມດັບໄຟປ່າ ໃນສ່ວນຂອງນັກບິນນັ້ນຍັງບໍ່ມີການເປີດເຜີຍຕໍ່ສາທາລະນະວ່າເປັນໃຜ ແຕ່ໄດ້ພົບຮ່າງແລ້ວໃນພື້ນທີ່ເຮລິຄອບເຕີຕົກ ສ່ວນສາເຫດຂອງອຸບັດຕິເຫດຄັ້ງນີ້ຢູ່ໃນລະຫວ່າງການສອບສວນລວມເຖິງການພິສູດອັດຕະລັກຂອງນັກບິນ.
ສະຖານທູດລາວ ປະຈຳສະຫະລັດອາເມຣິກາ ແຈ້ງເຖິງພົນລະເມືອງລາວໃຫ້ພິຈາລະນາເດີນທາງກັບຄືນປະເທດ
ສະຖານທູດລາວ ປະຈຳສະຫະລັດອາເມຣິກາ ແຈ້ງເຖິງພົນລະເມືອງລາວ ໃຫ້ພິຈາລະນາເດີນທາງກັບຄືນປະເທດແບບສະໝັກໃຈໂດຍທັນທີ ເພື່ອຫຼີກລ່ຽງການຖືກຈັບກຸມ, ຄຸມຂັງ ແລະ ຂຶ້ນບັນຊີເນຣະເທດອອກນອກປະເທດ ອີງຕາມແຈ້ງການຂອງສະຖານເອກອັກຄະລັດຖະທູດແຫ່ງ ສປປ ລາວ ປະຈຳ ສະຫະລັດອາເມຣິກາ ສະບັບວັນທີ 25 ມີນາ 2025 ໄດ້ລະບຸວ່າ: ໃນຫຼາຍປີຜ່ານມາ, ພົນລະເມືອງລາວໄດ້ເດີນທາງເຂົ້າມາທ່ອງທ່ຽວ, ຢ້ຽມຢາມ ແລະ ສຶກສາຮໍ່າຮຽນຢູ່ ສ.ອາເມຣິກາ ເປັນຈຳນວນເພີ່ມຂຶ້ນໃນແຕ່ລະປີ, ໂດຍໄດ້ຮັບວິຊາປະເພດຕ່າງໆອີງຕາມລະບຽບການຂອງລັດຖະບານ ສ.ອາເມຣິກາ. ພາຍຫຼັງການຢ້ຽມຢາມ ຫຼື ສຳເລັດພາລະກິດແລ້ວ, ພົນລະເມືອງລາວສ່ວນໃຫຍ່ແມ່ນໄດ້ເດີນທາງກັບຄືນປະເທດ, ແຕ່ກໍມີຈຳນວນບໍ່ໜ້ອຍຍັງສືບຕໍ່ດຳລົງຊີວິດຢູ່ ສ.ອາເມຣິກາ ແລະ ບໍ່ກັບຄືນປະເທດຍ້ອນສະພາບໃນຕົວ ແລະ ນອກຕົວ. ອີງໃສ່ມູນເຊື້ອອັນດີໃນການພົວພັນຮ່ວມມືສອງຝ່າຍລາວ-ອາເມຣິກາໃນໄລຍະຜ່ານມາ, ລັດຖະບານ ສ.ອາເມຣິກາ ກໍໄດ້ເຫັນໃຈ ແລະ ຜ່ອນຜັນໃຫ້ແກ່ພົນລະເມືອງລາວທີ່ຍັງຕົກຄ້າງຢູ່ອາເມຣິກາໄດ້ຢູ່ນຳຍາດຕິພີ່ນ້ອງ. ນັບແຕ່ຕົ້ນປີ 2025 ເປັນຕົ້ນມາ, ລັດຖະບານໃໝ່ຂອງ ສ.ອາເມຣິກາ ໄດ້ຖືສຳຄັນການດຳເນີນນະໂຍບາຍເນຣະເທດຜູ້ຢູ່ອາໄສແບບຜິດກົດໝາຍອອກນອກປະເທດ, ເຊິ່ງເຮັດໃຫ້ສະພາບການພາຍໃນອາເມຣິກາມີການປ່ຽນແປງຢ່າງໄວວາ […]
ທຣຳລົງນາມຄຳສັ່ງ ບັງຄັບສະແດງຫຼັກຖານຢືນຢັນການເປັນພົນລະເມືອງສະຫະລັດ ກ່ອນໃຊ້ສິດເລືອກຕັ້ງ
ສຳນັກຂ່າວຕ່າງປະເທດລາຍງານຈາກນະຄອນວໍຊິງຕັນ ປະເທດສະຫະລັດອາເມລິກາ ເມື່ອວັນທີ 26 ມີນາ 2025; ວ່າປະທານາທິບໍດີໂດນັລດ໌ ທຣຳ ຜູ້ນຳສະຫະລັດ ລົງນາມໃນຄຳສັ່ງຝ່າຍບໍລິຫານ ວ່າດ້ວຍການຍົກລະດັບມາດຕະການທີ່ກ່ຽວຂ້ອງກັບການຈັດການເລືອກຕັ້ງລະດັບລັດ ລວມເຖິງການທີ່ຜູ້ລົງທະບຽນເລືອກຕັ້ງຕ້ອງສະແດງຫຼັກຖານທີ່ຊັດເຈນ ເພື່ອຢືນຢັນການຖືສັນຊາດສະຫະລັດ ສຳລັບຫຼັກຖານທີ່ສາມາດໃຊ້ຢືນຢັນຕົວຕົນໄດ້ວ່າ ເປັນຜູ້ທີ່ຖືສັນຊາດສະຫະລັດຕາມກົດໝາຍເຊັ່ນ: ໜັງສືເດີນທາງ… ລັດແຫ່ງໃດກໍຕາມທີ່ປະຕິເສດປະຕິບັດຕາມ ຫຼື ບໍ່ສາມາດປະຕິບັດຕາມມາດຕະການເຫຼົ່ານີ້ ອາດພົບກັບການຖືກຕັດງົບປະມານສະໜັບສະໜູນຈາກສ່ວນກາງ. ນອກຈາກນີ້ ຄຳສັ່ງຂອງທຣຳກຳນົດໃຫ້ກະຊວງຍຸຕິທຳເປັນຜູ້ມີອຳນາດ ໃນການດຳເນີນການທີ່ຈຳເປັນຕາມກອບຂອງກົດໝາຍ ຕໍ່ລັດແຫ່ງໃດກໍຕາມ ທີ່ຝ່າຝືນຂໍ້ກຳນົດ ດ້ວຍການນັບຄະແນນຈາກບັດເລືອກຕັ້ງທີ່ສົ່ງທາງໄປສະນີ ຫຼື ບັດລົງຄະແນນຂອງຜູ້ທີ່ບໍ່ສາມາດໃຊ້ສິດດ້ວຍຕົວເອງ ແລະ ໄດ້ຮັບບັດຫຼັງວັນເລືອກຕັ້ງ ແລ້ວນຳມາສະຫຼຸບລວມກັບຜົນຄະແນນ ປັດຈຸບັນ ຫຼາຍລັດຂອງອາເມລິການັບຄະແນນຈາກບັດທີ່ສົ່ງທາງໄປສະນີ ເຖິງຜ່ານພົ້ນວັນເລືອກຕັ້ງໄປແລ້ວ ໂດຍຍຶດຕາມຕາໄປສະນີຊຶ່ງຕ້ອງລະບຸວັນ ແລະ ເວລາ ກ່ອນກຳນົດການປິດຫີບຂອງລັດແຫ່ງນັ້ນ ດ້ານສະຫະພາບເສລີພາບພົນລະເມືອງອາເມລິກັນ (ເອຊີແອລຢູ) ອອກຖະແຫຼງການ ປະນາມທຣຳໃຊ້ອຳນາດເກີນຂອບເຂດຂອງປະທານາທິບໍດີ ແລະ ຢືນຢັນຈະນຳເລື່ອງເຂົ້າສູ່ກະບວນການຍຸຕິທຳ ກົດໝາຍຂອງສະຫະລັດລະບຸຊັດເຈນຢູ່ແລ້ວວ່າ ຫາກບຸກຄົນຊຶ່ງບໍ່ແມ່ນຊາວອາເມລິກັນລົງຄະແນນໃຊ້ສິດເລືອກຕັ້ງ ຖືວ່າມີຄວາມຜິດທາງອາຍາ ອາດຕ້ອງປະເຊີນກັບບົດລົງໂທດຈຳຄຸກ, […]
ChatGPT ບົ່ງອາການສາວໄວ 27 ປີ ວ່າກຳລັງປ່ວຍເປັນມະເຮັງ ສຸດທ້າຍໄປໃຫ້ໝໍກວດກໍພົບວ່າເປັນມະເຮັງແທ້ໆ
ສຳນັກຂ່າວ ມິຣ໌ເຣີ ແຫ່ງປະເທດອັງກິດ ລາຍງານວ່າ ມາຣ໌ລີ ກາຣ໌ນໄຣແຕຣ໌ (Marly Garnreiter) ຍິງຊາວຝຣັ່ງ ອາຍຸ 27 ປີ ເຄີຍຄິດວ່າອາການຂອງລາວເກີດຈາກຄວາມກົດດັນແລະຄວາມເສົ້າຫຼັງຈາກສູນເສຍພໍ່ໄປ ແຕ່ສຸດທ້າຍລາວກັບພົບວ່າຕົວເອງກຳລັງປະເຊິນກັບໂລກມະເຮັງເລືອດ ຊຶ່ງເປັນ ChatGPT ທີ່ບອກໃບ້ເຖິງໂຣກນີ້ກ່ອນທີ່ແພດຈະວິນິດໄສໄດ້ ມາຣ໌ລີ ເລີ່ມມີເຫື່ອອອກຕອນກາງຄືນ ແລະ ອາການຄັນທີ່ຜິວໜັງ ລາວເຊື່ອວ່າອາການເຫຼົ່ານີ້ເກີດຈາກຄວາມເສົ້າໂສກຫຼັງຈາກທີ່ພໍ່ຂອງລາວ ອາຍຸ 58 ປີ ເສຍຊີວິດຈາກມະເຮັງລຳໄສ້ໃຫຍ່ໃນປີ 2024. ນອກຈາກນີ້ ລາວຍັງມີນ້ຳໜັກລົດລົງຢ່າງວ່ອງໄວ ແຕ່ຄິດວ່າເປັນຜົນຈາກຄວາມກົດດັນ ເມື່ອລາວລອງປ້ອນອາການເຫຼົ່ານີ້ລົງໃນ ChatGPT ລະບົບຕອບວ່າລາວອາດເປັນມະເຮັງເລືອດ ເຖິງຢ່າງໃດກໍຕາມ ລາວເລືອກທີ່ຈະບໍ່ໃສ່ໃຈເພາະຄິດວ່າເປັນພຽງການຄາດເດົາຂອງ AI ບໍ່ດົນຫຼັງຈາກນັ້ນ ລາວເລີ່ມຮູ້ສຶກເມື່ອຍຢູ່ຕະຫຼອດເວລາ ແລະ ມີແຮງກົດດັນທີ່ໜ້າເອິກ ເຮັດໃຫ້ຕັດສິນໃຈໄປພົບແພດ ເມື່ອແພດເຮັດການສະແກນພົບວ່າມີກ້ອນເນື້ອງອກຂະໜາດໃຫຍ່ທີ່ປອດເບື້ອງຊ້າຍຂອງລາວ ລາວຖືກສົ່ງຕົວໄປພົບແພດສະເພາະທາງດ້ານປອດ ຊຶ່ງເຮັດການກວດຊິ້ນເນື້ອ ແລະ ບົ່ງອາການວ່າລາວເປັນ ມະເຮັງຕ່ອມນ້ຳເຫຼືອງຮອດຈ໌ກິນ (Hodgkin’s lymphoma) ຊຶ່ງເປັນມະເຮັງຊະນິດໜຶ່ງທີ່ເກີດຂຶ້ນໃນລະບົບນ້ຳເຫຼືອງ. […]
ໄຟປ່າເກົາຫຼີໃຕ້ຍັງຮຸນແຮງ ແປວໄຟລາມໄປ 6 ເມືອງ ຍອດເສຍຊີວິດເພີ່ມເປັນ 18 ຄົນ
ວັນທີ 26 ມີນາ 2025ທາງການເກົາຫຼີໃຕ້ເປີດເຜີຍວ່າ ສະຖານະການໄຟປ່າຄັ້ງໃຫຍ່ໃນພາກຕາເວັນອອກສ່ຽງໃຕ້ຍັງຮຸນແຮງ ຈຳນວນຜູ້ເສຍຊີວິດເພີ່ມຂຶ້ນເປັນ 18 ຄົນແລ້ວ, ມີຜູ້ທີ່ບາດເຈັບອີກ 16ຄົນ, ບາດເຈັບສາຫັດ 8 ຄົນ ແລະ ຍັງມີຜູ້ສູນຫາຍ 1 ຄົນ ທ່າມກາງຄວາມພະຍາຍາມຢ່າງໜັກຂອງເຈົ້າໜ້າທີ່ດັບເພີງໃນການຄວບຄຸມແປວໄຟທີ່ລຸກລາມຢ່າງວ່ອງໄວ ເຈົ້າໜ້າທີ່ກຽມການຮັບມືໄຟປ່າ ທີ່ໝູ່ບ້ານຮາເຮວ ໃນແຂວງຄຍອງຊັງເໜືອ ທາງຕາເວັນອອກຂອງເກົາຫຼີໃຕ້ ເຈົ້າໜ້າທີ່ລະບຸວ່າ ໄຟປ່າທີ່ເລີ່ມຕົ້ນຂຶ້ນໃນເຂດຊັນຊອງ ແຂວງຄຍອງຊັງເໜືອ ເມື່ອວັນສຸກທີ່ຜ່ານມາ ໄດ້ລຸກລາມໄປຍັງເມືອງໃກ້ຄຽງຢ່າງ ອຶຍຊອງ ແລະ ກຳລັງລຸກລາມໄປຍັງເມືອງອື່ນໆ ຢ່າງເມືອງອັນດົງ ຊອງຊອງ ຍອງຍາງ ແລະ ຍອງດ໋ອກ ຊຶ່ງເປັນຜົນມາຈາກກະແສລົມແຮງ ແລະ ອາກາດແຫ້ງ ຂະນະທີ່ເຈົ້າໜ້າທີ່ດັບເພີງຫຼາຍພັນນາຍ ພ້ອມດ້ວຍເຮລິຄອບເຕີ ແລະ ຍານພາຫະນະຫຼາຍສິບຄັນຖືກສົ່ງເຂົ້າປະຈຳການເພື່ອຕໍ່ສູ້ກັບໄຟປ່າ ຂະນະທີ່ສຳນັກງານບໍລິການມໍລະດົກເກົາຫຼີ ຊຶ່ງເປັນໜ່ວຍງານຂອງລັດຖະບານເກົາຫຼີໃຕ້ ທີ່ດູແລໂບຮານສະຖານແລະໂບຮານວັດຖຸໃນປະເທດ ເປີດເຜີຍວ່າ ໄຟປ່າຄັ້ງນີ້ເຜົາທຳລາຍວັດໂກອຶນຊາ ຊຶ່ງເປັນວັດທີ່ມີອາຍຸເກົ່າແກ່ຫຼາຍກວ່າ 1,000 ປີ […]
ສະພາບ PM2.5 ປະຈຳວັນທີ 26 ມີນາ 2025 ເຂດໃດແດ່ທີ່ມີຜົນກະທົບຕໍ່ສຸຂະພາບ
ສະພາບຜົນການວັດແທກຝຸ່ນລະອອງຂະໜາດນ້ອຍກວ່າ 2.5 ໄມຄຣອນ (PM 2.5) ປະຈໍາວັນທີ 26 ມີນາ 2025 ຈາກຂໍ້ມູນຂອງ ການວັດແທກຝຸ່ນລະອອງ PM 2.5 ຂອງ ສະຖາບັນຄົ້ນຄວ້າ ຊັບພະຍາກອນທຳມະຊາດ ແລະ ສິ່ງແວດລ້ອມ, ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໃນການຈັດລະດັບຄຸນນະພາບອາກາດ ທີ່ມີຜົນ ກະທົບຕໍ່ສຸຂະພາບຢູ່ແຕ່ລະຈຸດ ມີຄືດັ່ງລຸ່ມນີ້: ແຫຼ່ງທີ່ມາ: MONRE ກຊສ
ດ່ານຂົວມິດຕະພາບໄທ-ລາວພົບຂອງກາງເປັນຢາ”ໄອຊ໌” ຈຳນວນກວ່າ 120 ກິໂລກຣາມ
ເມື່ອວັນທີ 24 ມີນາ 2025 ເວລາ 19.30 ນ. ທີ່ດ່ານຊາຍແດນຂົວມິດຕະພາບໄທ-ລາວ; ສຳນັກງານພາສີໜອງຄາຍ ທ່ານນາງວັນນາ ຜູ້ອຸດສ່າຫ໌ ຫົວໜ້າດ່ານພາສີໜອງຄາຍ ສັ່ງການເຈົ້າໜ້າທີ່ພາສີໜອງຄາຍ ຮ່ວມກັບ ນບ.ຍສ.24 ແລະ ບກ.ຄວບຄຸມທີ 2 (ຮ.13) ກອງກຳລັງສຸລະສັກດິ໌ມົນຕີ ພ້ອມດ້ວຍ ພ.ຕ.ອ.ນົບດົນ ຮັກຊາດ ຜກກ.ຕມ.ຈວ.ໜອງຄາຍ, ພ.ຕ.ຕ.ພານຸວັດ ວົງວິຈິດ ຜບ.ຮ້ອຍ ຕຊດ. 245, ທ່ານຄະນິສອນ ພາພີຣະນົນ ຜອ.ປປສ.ພ.4, ພ.ຕ.ອ.ຈິຣະວິດ ປານຍິ້ມ ຜກກ.ສພ.ເມືອງໜອງຄາຍ ແລະ ໜ່ວຍງານທີ່ກ່ຽວຂ້ອງ; ໄດ້ທຳການຈັບກຸມຂອງກາງເປັນຢາເສບຕິດປະເພດ 1 ຫຼື “ໄອຊ໌” ຈຳນວນກວ່າ 120 ກິໂລກຣາມ ມູນຄ່າກວ່າ 36 ລ້ານບາດ ໂດຍໃຊ້ລົດກະບະ FORD ຮຸ່ນ RANGER […]