ອິສຣາແອລໂຈມຕີທົ່ວກາຊາ ຍຶດພື້ນທີ່ໄດ້ກວ່າ 80% ຍອດຜູ້ເສຍຊີວິດໃນກາຊາເປັນຢ່າງຫນ້ອຍ 57,418 ຄົນ
ກະຊວງສາທາລະນະສຸກຂອງຮາມາສທີ່ດູແລເຂດກາຊາເປີດເຜີຍວ່າ ໃນຊ່ວງ 24 ຊົ່ວໂມງທີ່ຜ່ານມາ ມີຜູ້ເສຍຊີວິດຈາກການໂຈມຕີຂອງອິສຣາແອລໃນເຂດກາຊາເພີ່ມຂຶ້ນຢ່າງຫນ້ອຍ 80 ຄົນ ບາດເຈັບອີກ 304 ຄົນ ແລະ ອີກຈຳນວນຫຼາຍອາດຕິດຢູ່ພາຍໃຕ້ຊາກອາຄານເຮືອນທີ່ພັງຖະລົ່ມ ເພີ່ມຍອດຜູ້ເສຍຊີວິດໃນກາຊາເປັນຢ່າງຫນ້ອຍ 57,418 ຄົນ ບາດເຈັບ 136,261 ຄົນ ດ້ານກອງທັບອິສຣາແອລເປີດເຜີຍວ່າ ໃນຊ່ວງ 24 ຊົ່ວໂມງທີ່ຜ່ານມາ ໄດ້ດຳເນີນການໂຈມຕີເປົ້າໝາຍຕ່າງໆ ທົ່ວເຂດກາຊາກວ່າ 130 ແຫ່ງ ສ່ວນໃຫຍ່ເປັນສູນບັນຊາການ ແລະ ໂຄງສ້າງພື້ນຖານຂອງກຸ່ມຮາມາສ ສາງອາວຸດ ແທ່ນຍິງລູກຈະຫຼວດ ລວມທັງສັງຫານກຸ່ມຕິດອາວຸດໄດ້ຈຳນວນຫຼາຍໃນເມືອງກາຊາຊິຕີ້ ແລະ ຈາບາເລຍ ນອກຈາກນີ້ ກອງທັບອິສຣາແອລຍັງໄດ້ປະກາດໃຫ້ຊາວປາເລັສຕາຍໃນເມືອງຂານ ຢູນິສ ທາງພາກໃຕ້ຂອງກາຊາ ເກັບເຄື່ອງອົບພະຍົບອອກຈາກພື້ນທີ່ຕັ້ງແຕ່ຊ່ວງແລງວັນອາທິດທີ່ຜ່ານມາ ເພື່ອກະກຽມກ້າວໄປດຳເນີນການທາງທະຫານຢ່າງໜັກໜ່ວງຮອບໃໝ່ໃນພື້ນທີ່ດັ່ງກ່າວ ໃນຂະນະທີ່ເຈົ້າໜ້າທີ່ຮັກສາຄວາມປອດໄພລະດັບສູງຂອງກຸ່ມຮາມາສເປີດເຜີຍກັບສຳນັກຂ່າວບີບີຊີວ່າ ຜົນຈາກການໂຈມຕີທາງອາກາດຂອງອິສຣາແອລ ສົ່ງຜົນໃຫ້ກຸ່ມຕິດອາວຸດໃນປາເລັສຕາຍ ສູນເສຍການຄວບຄຸມພື້ນທີ່ໃນເຂດກາຊາໄປແລ້ວກວ່າຮ້ອຍລະ 80 ນອກຈາກນີ້ຍັງເຮັດໃຫ້ລະບົບການບັງຄັບບັນຊາແລະການຄວບຄຸມຂອງກຸ່ມຮາມາສລົ້ມລະລາຍ ໃນເວລານີ້ໂຄງສ້າງດ້ານຄວາມໝັ້ນຄົງຂອງກຸ່ມຮາມາສເກືອບບໍ່ເຫຼືອຫຍັງອີກແລ້ວ ແລະ ຜູ້ນຳແລະເຈົ້າໜ້າທີ່ລະດັບຜູ້ບັນຊາການຂອງກຸ່ມທັງໝົດກໍຖືກສັງຫານໄປດ້ວຍ […]
ລົດໃຫຍ່ ຕໍາເອົາລົດຈັກຈອດຢູ່ແຄມທາງ(ຄົນຂັບເປັນຄົນຈີນ) 2 ຄັນ ມີຜູ້ເສຍຊີວິດ 1 ຄົນ ບາດເຈັບ 3 ຄົນ
ຕາມການບອກເລົ່າຜູ້ເຫັນເຫດການ ເວລາປະມານ 10:30 ທີ 8 ກໍລະກົດ 2025 ໄດ້ເກີດອຸບັດຕິເຫດ ລົດໃຫຍ່ ຄົນຂັບເປັນຄົນຈີນ ໄດ້ຕໍາເອົາລົດຈັກ ທີ່ຈອດຢູ່ແຄມທາງ ຢູ່ເຂດປໍ້ານໍ້າມັນນາສ້ຽວ ເມືອງນາຊາຍທອງ ນະຄອນຫຼວງວຽງຈັນ. ເຮັດໃຫ້ມີຜູ້ເສຍຊີວິດ 1 ຄົນ ເພດຍິງ ແລະ ໄດ້ຮັບບາດເຈັບ 3 ຄົນ. ຜູ້ເສຍຊິວີດ ຊື່ ນາງປ້ອງ ຢູ່ບ້ານ ດອນໄຊ ເມື່ອງໄຊ ແຂວງອຸດົມໄຊ ຂໍສະແດງຄວາມເສຍໃຈກັບຄອບຄົວຜູ້ເສຍຊີວິດ ທີ່ມາ:ຄວາມສະຫງົບ Lao Security News; Creamm Wang
ນັກວິໄຈພົບ “ກຸ່ມໂປຣຕີນ” ທີ່ຊ່ວຍຕ້ານມະເຮັງ ຊະລໍຄວາມແກ່
ນັກວິທະຍາສາດຈາກສະຖາບັນວິໄຈການແພດເດັກ (CMRI) ໃນນະຄອນຊິດນີ້ຂອງອົດສະຕາລີ ພົບກຸ່ມໂປຣຕີນທີ່ອາດປ່ຽນແປງແນວທາງການຮັກສາໂລກມະເຮັງ ແລະ ໂລກທີ່ກ່ຽວຂ້ອງກັບຄວາມແກ່ ໂດຍໂປຣຕີນເຫຼົ່ານີ້ມີບົດບາດສຳຄັນໃນການຄວບຄຸມເອນໄຊມ໌ເທໂລເມີເຣສ (telomerase) ຊຶ່ງເຮັດໜ້າທີ່ປົກປ້ອງດີເອັນເອລະຫວ່າງການແບ່ງເຊວ ຄວາມຄືບໜ້າໃນການຄົ້ນພົບຄັ້ງນີ້ຊ່ວຍອະທິບາຍເຖິງບົດບາດຂອງເອນໄຊມ໌ເທໂລເມີເຣສໃນການສະໜັບສະໜູນກະບວນການສູງໄວຢ່າງມີສະພາວະ ແລະ ໃນຂະນະດຽວກັນຍັງເປັນຕົວກະຕຸ້ນການເຕີບໂຕຂອງເຊວມະເຮັງ ໂດຍການວິໄຈໄດ້ເປີດໂອກາດໃໝ່ສຳລັບການພັດທະນາການຮັກສາທີ່ຊະລໍຄວາມແກ່ ຫຼື ຢຸດຢັ້ງການເຕີບໂຕຂອງມະເຮັງຜ່ານການມຸ່ງເປົ້າໄປທີ່ໂປຣຕີນທີ່ຄົ້ນພົບໃໝ່ນີ້ ການສຶກສາດັ່ງກ່າວເຜີຍແພ່ໃນວາລະສານເນເຈີ ຄອມມູນິເຄຊັນສ໌ (Nature Communications) ລະບຸວ່າເອນໄຊມ໌ເທໂລເມີເຣສເຮັດໜ້າທີ່ຮັກສາເທໂລເມຍ (Telomere) ຫຼື ສ່ວນທີ່ຢູ່ບໍລິເວນປາຍສຸດຂອງໂຄໂຣໂມໂຊມ ຊຶ່ງສຳຄັນຕໍ່ຄວາມໝັ້ນຄົງຂອງສານກຳມະພັນ (genetic stability) ໂດຍເອນໄຊມ໌ນີ້ຈຳເປັນສຳລັບສຸຂະພາບຂອງເຊວຕົ້ນກຳເນີດ ແລະ ເຊວພູມຄຸ້ມກັນບາງປະເພດ ແຕ່ເຊວມະເຮັງມັກໃຊ້ເທໂລເມີເຣສເປັນເຄື່ອງມືໃນການແບ່ງຕົວຢ່າງຄວບຄຸມບໍ່ໄດ້ ທີມວິໄຈຄົ້ນພົບວ່າໂປຣຕີນ 3 ຊະນິດ ໄດ້ແກ່ໂນໂນ (NONO) ເອສເອຟພີຄິວ (SFPQ) ແລະ ພີເອສພີຊີ1 (PSPC1) ຊ່ວຍນຳທາງເອນໄຊມ໌ເທໂລເມີເຣສໄປຍັງສ່ວນປາຍຂອງໂຄໂຣໂມໂຊມ ຫາກໄປຂັດຂວາງການເຮັດວຽກຂອງໂປຣຕີນເຫຼົ່ານີ້ໃນເຊວມະເຮັງ ຈະສາມາດຢຸດການຊ່ອມແຊມເທໂລເມຍ ແລະ ອາດຢຸດການເຕີບໂຕຂອງເຊວມະເຮັງໄດ້ ອະເລັກຊານເດີ ໂຊບິນອຟຟ໌ ຫົວໜ້າຜູ້ຂຽນການສຶກສາດັ່ງກ່າວ ລະບຸວ່າການຄົ້ນພົບນີ້ສະແດງໃຫ້ເຫັນວ່າໂປຣຕີນເຫຼົ່ານີ້ເຮັດໜ້າທີ່ຄືເຈົ້າໜ້າທີ່ຄວບຄຸມການຈະລາຈອນລະດັບໂມເລກຸນ […]
ອີລອນ ມັສກ໌ ລະບຸວ່າລາວກຳລັງກໍ່ຕັ້ງພັກການເມືອງຂຶ້ນມາໃໝ່ ຫຼັງຈາກເກີດຄວາມຂັດແຍ້ງຮຸນແຮງກັບປະທານາທິບໍດີໂດນັລດ໌ ທຣັມ ຂອງສະຫະລັດ
ອີລອນ ມັສກ໌ ຊີອີໂອແຫ່ງເທສລາ ລະບຸວ່າລາວກຳລັງກໍ່ຕັ້ງພັກການເມືອງຂຶ້ນມາໃໝ່ ຫຼັງຈາກເກີດຄວາມຂັດແຍ້ງຮຸນແຮງກັບປະທານາທິບໍດີໂດນັລດ໌ ທຣັມ ຂອງສະຫະລັດ ເມື່ອຫຼາຍອາທິດກ່ອນ ມະຫາເສດຖີຜູ້ນີ້ປະກາດເລື່ອງການຕັ້ງພັກການເມືອງຜ່ານແພລດຟອມ “ເອັກຊ໌” ໂດຍລະບຸວ່າ ເຂົາກຳລັງຕັ້ງພັກທີ່ຊື່ວ່າ “ພັກອະເມຣິກາ” (America Party) ແລະ ບອກວ່າພັກນີ້ຈະເປັນທາງເລືອກທ້າທາຍຕໍ່ລະບົບການເມືອງແບບສອງພັກຂອງສະຫະລັດ ຊຶ່ງໄດ້ແກ່ ພັກຣີພັບລິກັນ ແລະ ພັກເດໂມແຄຣັດ ຢ່າງໃດກໍຕາມ ຍັງບໍ່ຊັດເຈນວ່າພັກດັ່ງກ່າວໄດ້ຈົດທະບຽນຢ່າງເປັນທາງການ ກັບໜ່ວຍງານການເລືອກຕັ້ງຂອງສະຫະລັດແລ້ວຫຼືບໍ່ ແລະ ມັສກ໌ ກໍຍັງບໍ່ໄດ້ເປີດເຜີຍລາຍລະອຽດວ່າໃຜຈະເປັນຜູ້ນຳພັກ ຫຼື ພັກນີ້ຈະມີຮູບແບບຢ່າງໃດ ມັສກ໌ ເຄີຍເວົ້າເຖິງຄວາມປາຖະໜາໃນການຕັ້ງພັກການເມືອງເປັນຄັ້ງທຳອິກ ລະຫວ່າງທີ່ລາວກຳລັງມີເຫດການບາດຫມາງກັບໂດນັລດ໌ ທຣັມ ແລະ ມີປາກສຽງກັນຢ່າງດຸເດືອດໃນທີ່ສາທາລະນະກັບອະດີດພັນທະມິດຂອງລາວ ຊຶ່ງເຮັດໃຫ້ລາວອອກຈາກຕຳແໜ່ງທາງການບໍລິຫານໃນລັດຖະບານທຣັມ ທີ່ລາວເຂົ້າໄປມີສ່ວນຮ່ວມໃນການຕັດຫຼຸດງົບປະມານພາກລັດທີ່ບໍ່ຈຳເປັນ ຫຼື ທີມທີ່ຮູ້ຈັກກັນໃນຊື່ ກະຊວງປະສິດທິພາບຂອງລັດຖະບານ ຫຼື Department of Government Efficiency (Doge) ລະຫວ່າງທີ່ລາວກຳລັງຂັດແຍ້ງກັບທຣັມ ມັສກ໌ໄດ້ໂພສຕ໌ແບບສຳຫຼວດເທິງ “ເອັກຊ໌” ໂດຍຖາມຜູ້ໃຊ້ງານໃນແພລດຟອມໂຊຊຽລດັ່ງກ່າວວ່າຄວນຈະມີພັກການເມືອງໃໝ່ໃນສະຫະລັດຫຼືບໍ່ […]
ຍອດຜູ້ເສຍຊີວິດເຫດການນ້ຳຖ້ວມລັດເທັກຊັສ ສູງເຖິງ 100 ຄົນແລ້ວ ແລະ ຍັງມີຜູ້ສູນຫາຍອີກຈຳນວນໜຶ່ງ
ຜູ້ເສຍຊີວິດຈາກເຫດນ້ຳຖ້ວມກະທັນຫັນໃນລັດເທັກຊັສຂອງສະຫະລັດ ເພີ່ມຂຶ້ນເປັນຫຼາຍກວ່າ 100 ຄົນແລ້ວ ທ່າມກາງຄວາມຫວັງພົບຜູ້ລອດຊີວິດທີ່ນ້ອຍລົງ ຍອດຜູ້ເສຍຊີວິດຈາກອຸທົກກະໄພກະໃນລັດເທັກຊັສຂອງສະຫະລັດ ຕັ້ງແຕ່ເມື່ອວັນທີ່ 4 ກໍລະກົດ ທີ່ຜ່ານມາ ສູງຂຶ້ນເປັນກວ່າ 100 ຄົນແລ້ວ ແລະ ຍັງມີຜູ້ສູນຫາຍອີກຈຳນວນໜຶ່ງ ທີມຄົ້ນຫາ ແລະ ກູ້ໄພກຳລັງລຸຍຜ່ານຂອບຝັ່ງແມ່ນ້ຳທີ່ເຕັມໄປດ້ວຍກອງຂີ້ຕົມທັບ ຂະນະທີ່ຝົນ ແລະ ພາຍຸຝົນຟ້າຄະນອງຍັງຄົງເກີດຂຶ້ນ ແຕ່ຄວາມຫວັງທີ່ຈະພົບຜູ້ລອດຊີວິດເພີ່ມເຕີມໜ້ອຍລົງ “ຄ່າຍມິສຕິກແຄມປ໌” ຄ່າຍລະດູຮ້ອນສຳລັບເດັກຍິງຄຣິສຕຽນຢືນຢັນວ່າ ມີເດັກຍິງແລະເຈົ້າໜ້າທີ່ຢ່າງໜ້ອຍ 27 ຄົນລວມຢູ່ໃນກຸ່ມຜູ້ເສຍຊີວິດ ສ່ວນເດັກຍິງອີກ 10 ຄົນ ແລະ ທີ່ປຶກສາຄ່າຍຍັງຄົງສູນຫາຍ ໃນບັນດາຜູ້ເສຍຊີວິດ ສາມາດຢືນຢັນຕົວຕົນໄດ້ແລ້ວ 84 ຄົນ ເປັນຜູ້ໃຫຍ່ 56 ຄົນ ແລະ ເດັກ 28 ຄົນ ແຕ່ຍັງບໍ່ມີການລະບຸຕົວຕົນຂອງຜູ້ໃຫຍ່ 22 ຄົນ ແລະ ເດັກ 10 ຄົນໄດ້ […]
ຈີນເຕືອນທຣັມກໍລະນີເກັບພາສີນຳເຂົ້າ ຂູ່ຈະຕອບໂຕ້ປະເທດທີ່ຈັບມືສະຫະລັດ ໂດຍແລກກັບການຕັດຈີນອອກຈາກຫ່ວງໂຊ່ອຸປະທານປະເທດນັ້ນ
ຈີນອອກມາເຕືອນລັດຖະບານທຣັມ ຢ່າກໍ່ຄວາມຕຶງຄຽດທາງການຄ້າ ດ້ວຍການຟື້ນມາດຕະການຂຶ້ນພາສີນຳເຂົ້າສິນຄ້າຈາກຈີນໃນເດືອນໜ້າ ກ່ອນໜ້ານີ້ໃນເດືອນມິຖຸນາ ສະຫະລັດແລະຈີນຫາກໍບັນລຸ ກອບຄວາມຮ່ວມມືທາງການຄ້າ ເພື່ອຟື້ນຟູສັນຕິພາບຊົ່ວຄາວ ແຕ່ຍັງຄົງມີລາຍລະອຽດຫຼາຍປະການທີ່ບໍ່ຊັດເຈນ ເຮັດໃຫ້ບັນດານັກລົງທຶນ ແລະ ຜູ້ຄ້າໃນທັງສອງປະເທດຕ່າງຈັບຕາໃກ້ຊິດວ່າ ຂໍ້ຕົກລົງນີ້ຈະລົ່ມເຫຼວ ຫຼື ສາມາດນຳໄປສູ່ຄວາມສຳພັນທີ່ຍືນຍົງໄດ້ຫຼືບໍ່ ຢ່າງໃດກໍຕາມ ເມື່ອວັນຈັນ ທຣັມໄດ້ເລີ່ມແຈ້ງເຕືອນປະເທດຄູ່ຄ້າຫຼາຍລາຍວ່າ ສະຫະລັດ ເຕື່ອນຈະຂຶ້ນພາສີນຳເຂົ້າຢ່າງຮຸນແຮງໃນວັນທີ່ 1 ສິງຫາ ນີ້ ຫຼັງຈາກທີ່ເຄີຍປະກາດເລື່ອນເກັບພາສີທີ່ອອກເມື່ອເດືອນເມສາ ອອກໄປກ່ອນໜ້ານີ້ ໂດຍຮຽກເກັບພຽງ 10% ກັບບາງປະເທດ ເພື່ອເປີດໂອກາດໃຫ້ມີການເຈລະຈາ ຈີນຊຶ່ງກ່ອນໜ້ານີ້ຖືກສະຫະລັດ ຂຶ້ນພາສີນຳເຂົ້າສູງກວ່າ 100% ໂດຍເພາະໃນຊ່ວງຕອບໂຕ້ກັນລະຫວ່າງເດືອນເມສາ–ພຶດສະພາ ໄດ້ຮັບເສັ້ນຕາຍເຖິງວັນທີ່ 12 ສິງຫາ ໃນການເຈລະຈາເພື່ອຫຼີກເວັ້ນການກັບມາໃຊ້ມາດຕະການກີດກັນທາງການຄ້າຮອບໃໝ່ຈາກສະຫະລັດ ບົດບັນນາທິການລົງຊື່ໂດຍ ຈົງເຊັງ (Zhong Sheng) ຫຼື “ສຽງແຫ່ງຈີນ” ຊຶ່ງເປັນນາມແຝງທີ່ໃຊ້ສະແດງທ່າທີທາງການທູດຢ່າງເປັນທາງການຂອງຈີນ ໃນໜັງສືພິມ People’s Daily ຊຶ່ງເປັນກະບອກສຽງຂອງພັກຄອມມູນິສຈີນ ລະບຸວ່າ ບົດສະຫຼຸບທີ່ຊັດເຈນທີ່ສຸດຄື ການເຈລະຈາແລະຄວາມຮ່ວມມືຄືທາງອອກທີ່ຖືກຕ້ອງເທົ່ານັ້ນ […]
ທຣັມເປີດເຜີຍອີກ ຕັ້ງກຳແພງພາສີຕອບໂຕ້ ລາວ-ມຽນມາຖືກຮຽກເກັບພາສີ 40% ມາເລເຊຍ 25%
ໂດນັລດ໌ ທຣັມເຜີຍຈົດໝາຍແຈ້ງອັດຕາພາສີອີກຫຼາຍສະບັບ ໂດຍລາວກັບມຽນມາຖືກເອີ້ນເກັບຫຼາຍສຸດເຖິງ 40% ຂະນະທີ່ມາເລເຊຍຖືກໄປ 25% ເມື່ອ 7 ກໍລະກົດ 2025 ສະຫະລັດເລີ່ມສົ່ງຈົດໝາຍເຖິງປະເທດຕ່າງໆ ເພື່ອແຈ້ງອັດຕາພາສີຕ່າງຕອບແທນທີ່ສະຫະລັດຈະບັງຄັບໃຊ້ກັບພວກເຂົາຕາມນະໂຍບາຍຂອງ ໂດນັລດ໌ ທຣັມ ແລ້ວ ໂດຍທຣັມ ໂພສຕ໌ພາບຜ່ານ Truth Social ສະແດງໃຫ້ເຫັນຈົດໝາຍທີ່ສົ່ງເຖິງຫຼາຍປະເທດ ທັງຍີ່ປຸ່ນ, ເກົາຫຼີໃຕ້, ຄາຊັກສະຖານ, ມາເລເຊຍ, ລາວ ແລະ ມຽນມາ ນອກຈາກນັ້ນຍັງມີອາຟຣິກາໃຕ້ອີກດ້ວຍ ໃນຕອນທຳອິດທຣັມໂພສຕ໌ພາບຈົດໝາຍທີ່ສົ່ງເຖິງຍີ່ປຸ່ນກັບເກົາຫຼີໃຕ້ກ່ອນ ໂດຍລະບຸວ່າຈະບັງຄັບໃຊ້ພາສີຕ່າງຕອບແທນໃນອັດຕາ 25% ກັບທັງສອງປະເທດ ເລີ່ມຕັ້ງແຕ່ 1 ສິງຫາ ເປັນຕົ້ນໄປ ປະມານ 2 ຊົ່ວໂມງຕໍ່ມາ ທຣັມຈຶ່ງໂພສຕ໌ຈົດໝາຍທີ່ສົ່ງເຖິງ ຄາຊັກສະຖານ, ມາເລເຊຍ, ລາວ, ມຽນມາ ແລະ ອາຟຣິກາໃຕ້ ໂດຍທີ່ ຄາຊັກສະຖານກັບມາເລເຊຍຖືກຕັ້ງກຳແພງພາສີໃນອັດຕາເທົ່າກັນຄື 25% ຂະນະທີ່ອາຟຣິກາ ຖືກໄປ […]
ໝໍໄຕ້ຫວັນແນະນຳ “ຂອງຫວານ” 1 ຊະນິດ ຊ່ວຍຫຼຸດນ້ຳໜັກໄດ້ ກິນພຽງມື້ລະຖ້ວຍ ຊ່ວຍຫຼູດໄຂມັນໃນຕັບ ແລະ ໄຂມັນຮອບອະໄວຍະວະພາຍໃນ
“ຂອງຫວານ” ຢ່າງໜຶ່ງຊ່ວຍຫຼຸດນ້ຳໜັກໄດ້! “ບໍ່ຕ້ອງອອກກຳລັງກາຍຫຼືອົດອາຫານ” ກິນພຽງມື້ລະຖ້ວຍ ກໍຊ່ວຍເຜົາຜານໄຂມັນ ນາຍແພດຊຽວ ຈ້ຽນຈ້ຽນ ຜູ້ຊ່ຽວຊານດ້ານການຫຼຸດນ້ຳໜັກ ຄົນໄຕ້ຫວັນ ເປີດເຜີຍວ່າ ເມື່ອແບັກທີເຣຍຊະນິດ “ໄຟມິຄິວຕສ໌” ໃນລຳໄສ້ໃຫຍ່ພົບກັບກົດອະຊີຕິກທີ່ເກີດຈາກການຫມັກອາຫານທີ່ມີໄຟເບີສູງ ແລະ ແປ້ງດື້ ຈະຊ່ວຍຫຼຸດໄຂມັນໃນຕັບແລະ ໄຂມັນຮອບອະໄວຍະວະພາຍໃນໄດ້ ຜົນລັບຄ້າຍກັບການກິນອາຫານຄາບໂບໄຮເດຣຕຕ່ຳ ລາວແນະນຳໃຫ້ກິນ “ຖົ່ວຂຽວຕົ້ມ” ເພາະອຸດົມໄປດ້ວຍແປ້ງດື້ ແລະ ເບຕ້າ-ກລູແຄນ ຊຶ່ງຊ່ວຍສົ່ງເສີມການເຜົາຜານໄຂມັນຕາມທຳມະຊາດ “ທີ່ດີຍິ່ງກວ່ານັ້ນຄື ເຮົາບໍ່ຕ້ອງທໍລະມານກັບການງົດແປ້ງແບບສຸດໂຕ່ງ ພຽງແຕ່ປ່ຽນປະເພດຂອງອາຫານຫຼັກ ກໍສາມາດເປີດສະວິຊການເຜົາຜານໄຂມັນໃນຮ່າງກາຍໄດ້ຢ່າງງ່າຍດາຍ” ທ່ານໝໍກ່າວ ໝໍຊຽວ ຈ້ຽນຈ້ຽນ ອະທິບາຍຜ່ານເຟດບຸກແຟນເພດວ່າ ຈາກງານວິໄຈໃໝ່ຫຼ້າສຸດໃນວາລະສານ Cell Metabolism ພົບວ່າ ເມື່ອແບັກທີເຣັຍຊະນິດ Bacteroides ໃນລຳໄສ້ໃຫຍ່ພົບກັບກົດອະຊີຕິກ (Acetate) ຊຶ່ງເກີດຈາກການຫມັກຂອງອາຫານທີ່ມີໃຍອາຫານສູງ ແລະ ແປ້ງດື້ ຈະຊ່ວຍລົດໄຂມັນໃນຕັບ ແລະ ໄຂມັນຮອບອະໄວຍະວະພາຍໃນໄດ້ ໂດຍໃຫ້ຜົນຄ້າຍກັບການຄວບຄຸມອາຫານແບບຄີໂຕຫຼືໂລວ໌ຄາບ (ກິນແປ້ງໜ້ອຍ) “ເມື່ອເຮົາກິນກ້ວຍດິບ ມັນເທດທີ່ຕົ້ມແລ້ວແຊ່ເຢັນ […]
ປກສ ແຂວງບໍ່ແກ້ວ ຈັບຕົວ ຊາຍ 2 ຄົນ ໃຊ້ລົດເມຂົນຢາເສບຕິດ 277 ມັດ
ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງບໍ່ແກ້ວ ລາຍງານວ່າ: ໃນຄັ້ງວັນທີ່ 03 ກໍລະກົດ 2025, ທາງເຈົ້າໜ້າທີ່ປະຈໍາຈຸດກວດການໍ້າທຸງໄດ້ເຮັດວຽກປົກກະຕິ, ຮອດເວລາ ປະມານ 13 ໂມງ, ໄດ້ກວດກາລົດເມ, ສີຂາວ ປ້າຍທະບຽນ ກກ 0513 ອຸດົມໄຊ, ແລ່ນມາແຕ່ທາງຫ້ວຍຊາຍ ຈະໄປ ແຂວງອຸດົມໄຊ. ມີຜູ້ຂັບຂີ່ມານຳລົດ ຈຳນວນ 02 ຄົນຄື: ທ້າວ ນະມີໄຊ ຈະເບ້ຍນີ ອາຍຸ 28 ປີ, ອາຊີບ ຂັບລົດ, ເຊື້ອຊາດ – ສັນຊາດ ລາວ, ຢູ່ ບ້ານ ກູໜຶ່ງ, ເມືອງ ນາໝໍ້, ແຂວງ ອຸດົມໄຊ. ທ້າວ ບີຊົງ ຈົ່ງລື ອາຍຸ 23 ປີ, […]
ອິສຣາເອນໂຈມຕີຮູຕີ ຄັ້ງທຳອິດຫລັງຈາກຢຸດຍິງອີຣ່ານ
ກອງກຳລັງປ້ອງກັນຕົນເອງອິສຣາເອນ (IDF) ຫຼື ກອງທັບອິສຣາເອນ ອອກມາລະບຸວ່າ ໂຈມຕີໃສ່ກຸ່ມກະບົດຮູຕີໃນດິນແດນເຢເມນ ເມື່ອກາງເດິກທີ່ຜ່ານມາຈົນເຖິງຊ່ວງເຊົ້າມື້ນີ້ (7 ກໍລະກົດ) ຕາມເວລາທ້ອງຖິ່ນ ໂດຍນັບເປັນການໂຈມຕີໃສ່ກຸ່ມກະບົດຮູຕີ ເປັນຄັ້ງທຳອິດຂອງອິສຣາເອນ ນັບຕັ້ງແຕ່ທີ່ບັນລຸຂໍ້ຕົກລົງຢຸດຍິງກັບອີຣ່ານ ກອງທັບອິສຣາເອນ ລະບຸວ່າ ກ່ອນຫນ້ານີ້ ຮູຕີຍິງຂີປະນາວຸດໃສ່ດິນແດນອິສຣາເອນ ຢ່າງຫນ້ອຍ 3 ລູກ ນັບຕັ້ງແຕ່ທີ່ອິສຣາເອນຢຸດຍິງກັບອີຣ່ານ ໂດຍໜຶ່ງໃນນັ້ນຖືກຍິງສະກັດເອົາໄວ້ໄດ້ເມື່ອວັນເສົາ (5 ກໍລະກົດ) ທີ່ຜ່ານມາ ສ່ວນເປົ້າຫມາຍການໂຈມຕີຂອງກອງທັບອິສຣາເອນ ຄື ເມືອງສຳຄັນໃນເຢເມນ ແລະ ໂຮງງານໄຟຟ້າທີ່ຢູ່ໃກ້ກັບທະເລແດງ ລວມເຖິງເຮືອບັນທຸກສິນຄ້າ “ແກແລັກຊີ່ ລີດເດີ” ທີ່ຖືກກຸ່ມກະບົດຮູຕີ ຍຶດເອົາໄວ້ຕັ້ງແຕ່ເມື່ອເດືອນພະຈິກ ປີ 2023 ໂດຍອິສຣາເອນໃຫ້ເຫດຜົນໃນການໂຈມຕີວ່າ ຮູຕີ ໃຊ້ປະໂຫຍດຈາກການຕິດຕັ້ງລະບົບເຣດາເອົາໄວ້ເທິງເຮືອລຳດັ່ງກ່າວ ເພື່ອຕິດຕາມເສັ້ນທາງເດີນເຮືອນາໆຊາດ ຊຶ່ງຈະຊ່ວຍໃຫ້ງ່າຍໃນປະຕິບັດການກໍ່ການຮ້າຍ ອິສຣາເອນ ແຄັດຊ໌ ລັດຖະມົນຕີກະຊວງປ້ອງກັນປະເທດອິສຣາເອນ ລະບຸວ່າ ປະຕິບັດການໂຈມຕີກຸ່ມກະບົດຮູຕີໃນເຢເມນຄັ້ງນີ້ ຢູ່ພາຍໃຕ້ປະຕິບັດການໃໝ່ທີ່ມີຊື່ວ່າ “ແບລັກ ແຟລັກ” ຫຼື […]