ອິສຣາເອນຈະອະນຸຍາດໃຫ້ສົ່ງອາຫານ “ປະລິມານພື້ນຖານ” ເຂົ້າໄປໃນ ກາຊາ ຫຼັງປິດລ້ອມ 10 ອາທິດ
ອິສຣາເອນປະກາດວ່າຈະອະນຸຍາດໃຫ້ສົ່ງອາຫານ “ໃນປະລິມານພື້ນຖານ” ເຂົ້າໄປໃນກາຊາ ເພື່ອໃຫ້ແນ່ໃຈວ່າ “ຈະບໍ່ເກີດວິກິດຂາດແຄນອາຫານ” ຫຼັງຈາກປິດລ້ອມພື້ນທີ່ດັ່ງກ່າວເປັນເວລາ 10 ອາທິດ ຖະແຫຼງການຈາກສຳນັກງານນາຍົກລັດຖະມົນຕີອິສຣາເອນລະບຸວ່າ ການເຄື່ອນໄຫວດັ່ງກ່າວເກີດຂຶ້ນຕາມຄຳແນະນຳຂອງກອງກຳລັງປ້ອງກັນອິສຣາເອນ (IDF) ແລະ ອີງຕາມຄວາມຈຳເປັນໃນການສະໜັບສະໜູນການໂຈມຕີທາງທະຫານຕໍ່ກຸ່ມຮາມາສ ການປະກາດດັ່ງກ່າວເກີດຂຶ້ນພຽງບໍ່ເທົ່າໃດຊົ່ວໂມງຫຼັງຈາກທີ່ກອງທັບອິສຣາເອນກ່າວວ່າໄດ້ເລີ່ມປະຕິບັດການພາກພື້ນດິນຢ່າງຄອບຄຸມທົ່ວກາຊາ ອິສຣາເອນຕົກຢູ່ພາຍໃຕ້ແຮງກົດດັນທີ່ເພີ່ມຂຶ້ນໃຫ້ຍົກເລີກການປິດລ້ອມ ຊຶ່ງບໍ່ອະນຸຍາດໃຫ້ສົ່ງອາຫານ ເຊື້ອເພີງ ຫຼື ຢາຮັກສາໂລກໃດໆ ເຂົ້າໄປໃນກາຊາ ໜ່ວຍງານດ້ານຄວາມຊ່ວຍເຫຼືອໄດ້ເຕືອນກ່ຽວກັບຄວາມສ່ຽງຕໍ່ການເກີດຄວາມອຶດຢາກໃນໝູ່ປະຊາກອນ 2.1 ລ້ານຄົນຂອງກາຊາ ໂດຍມີການເຜີຍແຜ່ພາບແລະລາຍງານຂອງເດັກນ້ອຍຈ່ອຍໂຊທີ່ຂາດສານອາຫານ ຖະແຫຼງການຈາກສຳນັກງານນາຍົກລັດຖະມົນຕີເບນຈາມິນ ເນທັນຢາຮູ ລະບຸວ່າ ອິສຣາເອນຈະອະນຸຍາດໃຫ້ “ນຳອາຫານຈຳນວນໜຶ່ງມາໃຫ້ກັບປະຊາຊົນໃນກາຊາ” ເພື່ອໃຫ້ແນ່ໃຈວ່າຈະບໍ່ມີວິກິດອາຫານຂາດແຄນ ແລະ ເສີມວ່າສະຖານະການດັ່ງກ່າວຈະສົ່ງຜົນກະທົບຕໍ່ປະຕິບັດການໃໝ່ທີ່ຮຽກວ່າ Operation Gideon’s Chariot ໂດຍອິສຣາເອນຈະດຳເນີນການເພື່ອປະຕິເສດຄວາມສາມາດຂອງຮາມາສໃນການຄວບຄຸມການແຈກຈ່າຍຄວາມຊ່ວຍເຫຼືອດ້ານມະນຸດສະທຳ ກ່ອນໜ້ານີ້ໃນວັນອາທິດ ກອງທັບອິສຣາເອນໄດ້ເປີດສາກໂຈມຕີສະຖານທີ່ຕ່າງໆ ລວມເຖິງໂຮງໝໍໃນກາຊາຕອນເໜືອ ອິສຣາເອນກ່າວວ່າມີເປົ້າໝາຍທີ່ຈະປ່ອຍຕົວປະກັນທີ່ຖືກຈັບກຸມໃນສະຫນວນກາຊາ ແລະ ເອົາຊະນະກຸ່ມຮາມາສ ເຈົ້າໜ້າທີ່ກູ້ໄພກ່າວວ່າ ການໂຈມຕີດັ່ງກ່າວເກີດຂຶ້ນທີ່ເມືອງຂ່ານຢູນິສທາງຕອນໃຕ້ ລວມເຖິງເມືອງຕ່າງໆ ທາງຕອນເໜືອຂອງກາຊາ ເຊັ່ນ: ເບດ, […]
ເກີດແຜ່ນດິນໄຫວ 2,4 ຣິກເຕີ ຢູ່ເມືອງສັງທອງນະຄອນຫຼວງວຽງຈັນ
ອີງຕາມລາຍງານການເກີດແຜ່ນດິນໄຫວຈາກສູນຂໍ້ມູນຂ່າວສານແຜ່ນດິນໄຫວແຫ່ງຊາດລາວ ໃຫ້ຮູ້ໃນວັນທີ 18 ພຶດສະພາ 2025 ວ່າ: ສະຖານນີກວດຈັບແຜ່ນດິນໄຫວ ໄດ້ກວດພົບສັນຍານການເກີດແຜ່ນດິນໄຫວ ພາຍໃນປະເທດ ຄັ້ງທີ 01 ຢູ່ໃນບໍລິເວນນະຄອນຫຼວງວຽງຈັນ ລາຍລະອຽດຂອງການເກີດແຜ່ນດິນໄຫວ ມີຈຸດສູນກາງເກີດແຜ່ນດິນໄຫວທີ່ເມືອງສັງທອງ ນະຄອນຫຼວງວຽງຈັນ, ເວລາ 23:31:17 ໂມງ, ຂະໜາດຄື້ນ 2,4 ຣິກເຕີ້ຄວາມເລິກ 1 ກິໂລແມັດ ຄົນທົ່ວໄປຮູ້ສຶກໄດ້ເລັກນ້ອຍ. ທີ່ມາ: ສູນຂໍ້ມູນຂ່າວສານແຜ່ນດິນໄຫວແຫ່ງຊາດ
ເບິ່ງດວງ ດວງລາຍອາທິດ 19 – 25 ພຶດສະພາ 2025
ຄົນເກີດວັນຈັນ ການເງິນ ເຖິງແມ່ນວ່າຈະຈັດສັນການເງິນໄດ້ເປັນຢ່າງດີ ແຕ່ຈະມີເຫດໃຫ້ຕ້ອງເສຍເງິນ ໂດຍສະເພາະກັບຍານພາຫະນະ ແລະ ບໍລິວານ ໂຊກລາບທີ່ໄດ້ມາກໍຕ້ອງຈ່າຍອອກໄປ ບໍ່ສາມາດເກັບໄວ້ໄດ້ ແຕ່ໂດຍພາບລວມກໍຍັງບໍ່ເຖິງຂັ້ນມີບັນຫາ ການງານ ຊ່ວງນີ້ວຽກຈະເດັ່ນຫຼາຍ ເພາະເຈົ້າເປັນຄົນທີ່ມີຄວາມຄິດຄວາມອ່ານລ້ຳຍຸກສະໄຫມ ເບິ່ງແລະວາງແຜນງານໄດ້ໄກ ເຮັດໃຫ້ເປັນທີ່ຍອມຮັບແລະສ້າງຄວາມໄວ້ເນື້ອເຊື່ອໃຈກັບຄົນຮອບຂ້າງ ແຕ່ສິ່ງທີ່ຕ້ອງລະວັງຄືຢ່າຕັດສິນໃຈໄວເກີນໄປ ຈົນຂາດສະຕິ ຄວາມຮັກ ຄົນໂສດຈະມີຄົນເຂົ້າມາ ເຊິ່ງອາດຈະໃຊ້ໄລຍະເວລາຈັກໜ່ອຍກວ່າເຂົາຈະຍອມເປີດເຜີຍຕົວຕົນໃຫ້ເຈົ້າຮູ້ ສ່ວນຄົນມີຄູ່ ຊ່ວງນີ້ເປັນຊ່ວງທີ່ມີສະເຫນ່ຫຼາຍ ຄູ່ຂອງເຈົ້າຈະເອົາອົກເອົາໃຈເຖິງວ່າບໍ່ໄດ້ເທົ່າສິ່ງທີ່ເຈົ້າຫວັງໄວ້ກໍຕາມ ສຸຂະພາບ ລະວັງເລື່ອງການກິນ ເພາະເຈົ້າເລືອກກິນແບບເນັ້ນແຊບຖືກປາກ ຈຶ່ງເຮັດໃຫ້ມີບັນຫາເລື່ອງນ້ຳໜັກຕົວ ລວມໄປເຖິງພວກໄຂມັນໃນເສັ້ນເລືອດ ໂລກຫົວໃຈ ເບົາຫວານ ນ້ຳຕານໃນເລືອດສູງໄດ້ ເລກນຳໂຊກ 1, 2, ຂໍ້ແນະນຳເສີມດວງ ໝັ່ນຕື່ມນ້ຳມັນຕະກຽງ, ຖວາຍຫຼອດໄຟຟ້າ, ທຽນ ຫຼື ຮ່ວມຖວາຍປັດໄຈຄ່າໄຟຟ້າ ໂດຍສະເພາະກັບວັດທີ່ຢູ່ຫ່າງໄກ ນອກຈາກນີ້ລອງຖວາຍສັງຄະທານເຂົ້າສານອາຫານແຫ້ງແກ່ພະພິກຂຸສົງ ແລະ ຫາໂອກາດປ່ອຍປາຕາມຈຳນວນກຳລັງວັນເກີດດ້ວຍ ຄົນເກີດວັນອັງຄານ ການເງິນ ລະວັງເລື່ອງການລົງທຶນ […]
ແອບຄຳນວນຄ່າພະລັງງານໄຟຟ້າສຳລັບພາກທີ່ຢູ່ອາໄສ
ຜູ້ຊົມໃຊ້ໄຟຟ້າທ່ານໃດ ທີ່ຕ້ອງການຢາກຄຳນວນ ການຊົມໃຊ້ພະລັງງານໄຟຟ້າໃນແຕ່ລະເດືອນ ຂອງທ່ານ ສາມາດຄຳນວນໄດ້ເລີຍ ຜ່ານ app ດັ່ງກ່າວ ກົດລີ້ງ👇🏻 📌📌Link: https://e-service.edl.com.la/electric-calculator ທີ່ມາ: EDL LAOS
ຕຳຫຼວດໄທ ຢືນຢັນສົບທີ່ລອຍນ້ຳມາຖືກຄາດຕະກຳມາຢ່າງແນ່ນອນ ແຕ່ຍັງບໍ່ຮູ້ສັນຊາດ ພີ່ນ້ອງໃຜສູນຫາຍຂໍໃຫ້ກວດສອບ
ເຈົ້າໜ້າທີ່ຕຳຫຼວດໄທ ຢືນຢັນສົບທີ່ລອຍນ້ຳມາເມື່ອວານນີ້ ຖືກຄາດຕະກຳມາຢ່າງແນ່ນອນ ເນື່ອງຈາກມີຮອຍບາດແຜຕາມຕົວຫຼາຍແຫ່ງ ອີກທັງມີການຫໍ່ສົບແລະຖ່ວງສົບດ້ວຍເສົາຖ່ວງດຶງໄວ້ ເບື້ອງຕົ້ນຍັງບໍ່ສາມາດຢືນຢັນໄດ້ວ່າ ເປັນສົບຂອງຄົນສັນຊາດໃດ ຕ້ອງລໍຜົນການຜ່າກວດສູດສົບເພື່ອຫາຫຼັກຖານຂອງວິທະຍາສາດກ່ອນ ຝາກນີ້ປະຊາສຳພັນເຖິງປະຊາຊົນທັງຝັ່ງໄທແລະຝັ່ງ ສປປ.ລາວ ຫາກມີຍາດພີ່ນ້ອງສູນຫາຍໃນຊ່ວງ ຫຼື ສົງໄສວ່າຍາດຖືກຄາດຕະກຳ ໃຫ້ຕິດຕໍ່ກັບພະນັກງານສອບສວນຫຼື ຜກກ.ສພ.ໂພນພິໄສ ເພື່ອຈະໄດ້ຮ່ວມກັນກວດສອບ
ຊາຍໄວ 35 ຫຼອນຢາບ້າ ໃຊ້ມີດແທງແມ່ເສຍຊີວິດ ສ່ວນພໍ່ບາດເຈັບສາຫັດ
ໃນວັນທີ 14 ພຶດສະພາ 2025, ເຈົ້າໜ້າທີ່ ພະແນກຕໍາຫຼວດ ໜ່ວຍງານສືບສວນ – ສອບສວນ ຄະດີອາຍາ ກອງບັນຊາການ ປກສ ເມືອງວາປີ ແຂວງສາລະວັນ ໄດ້ຮັບການລາຍງານຈາກເຈົ້າໜ້າທີ່ ປກສ ບໍລິການປະຊາຊົນຈຸດທີ 5 ວ່າ: ມີຄົນກໍ່ເຫດຄາດຕະກຳຢູ່ສວນມັນບ້ານຂະເໝົາ ເມືອງວາປີ ແຂວງສາລະວັນ ມີຜູ້ໄດ້ຮັບບາດເຈັບສາຫັດຄື ທ້າວ ຝ່າຍ ອາຍຸ 56 ປີ ແລະ ມີຜູ້ເສຍຊີວິດຄື ນາງ ສາຍ ອາຍຸ 55 ປີ. ສ່ວນຜູ້ກໍ່ເຫດຄື ທ້າວ ໂກມ ອາຍຸ 35 ປີ ທັງສາມເປັນພໍ່ແມ່ລູກກັນ ຢູ່ບ້ານຂະເໝົາ ເມືອງ ວາປີ ແຂວງ ສາລະວັນ. ນາງ ແພງ ລູກສາວຂອງຜູ້ເສຍຊີວິດ ເຊິ່ງເປັນຜູ້ເຫັນເຫດການ ໃຫ້ຮູ້ວ່າ: […]
ສະຫະລັດ ສັ່ງກວດສອບເພດທະຫານໃນກອງທັບ ຫາກພົບເປັນຄົນຂ້າມເພດຈະຖືກເຊີນອອກ
ກະຊວງປ້ອງກັນປະເທດສະຫະລັດ ສັ່ງການ ໃຫ້ຜູ້ບັງຄັບບັນຊາກວດສອບທະຫານໃນກອງທັບສະຫະລັດ ວ່າມີທະຫານທີ່ເປັນຄົນຂ້າມເພດ ຫຼື ມີ “ພາວະບໍ່ມັກເພດ” ຫຼືບໍ່ ເມື່ອວັນທີ 15 ພຶດສະພາ ທີ່ຜ່ານມາ ກະຊວງປ້ອງກັນປະເທດສະຫະລັດຯ ມີຄຳສັ່ງໃຫ້ເຈົ້າໜ້າທີ່ກອງທັບດຳເນີນການກວດເຊັກທະຫານໃນໜ່ວຍຂອງຕົນເອງວ່າ ມີໃຜເປັນຄົນຂ້າມເພດຫຼືມີ “ພາວະບໍ່ມັກເພດ” (Gender Dysphoria) ຫຼືບໍ່ ຫາກມີ ຕ້ອງສົ່ງພວກເຂົາໄປກວດສຸຂະພາບເພື່ອໃຫ້ພວກເຂົາອອກຈາກລາຊະການທະຫານ ເຈົ້າໜ້າທີ່ລະດັບສູງດ້ານປ້ອງກັນປະເທດໄດ້ກຳນົດຂັ້ນຕອນໃໝ່ນີ້ ເພື່ອປະຕິບັດຕາມຄຳສັ່ງຂອງປະທານາທິບໍດີສະຫະລັດຯ ໂດນັລດ໌ ທຣຳ ທີ່ຕ້ອງການຂັບໄລ່ທະຫານຂ້າມເພດອອກຈາກກອງທັບສະຫະລັດຯ ພີຕ ເຮັກເຊທ ລັດຖະມົນຕີປ້ອງກັນປະເທດສະຫະລັດຯ ຄຳສັ່ງໃໝ່ນີ້ລະບຸວ່າ ຜູ້ບັງຄັບບັນຊາຈະຕ້ອງໃຊ້ການກວດສຸຂະພາບປະຈຳປີຕາມປົກກະຕິທີ່ທະຫານຕ້ອງເຂົ້າຮັບໃນການກວດສອບວ່າ ມີທະຫານນາຍໃດແດ່ທີ່ເປັນຄົນຂ້າມເພດຫຼືມີພາວະບໍ່ມັກເພດ ໃນທາງກັບກັນ ທະຫານຂ້າມເພດທີ່ບໍ່ສະໝັກໃຈເປີດເຜີຍຕົວຕົນອາດຖືກຜູ້ບັງຄັບບັນຊາຫຼືບຸກຄົນອື່ນທີ່ຮັບຮູ້ສະຖານະທາງການແພດຂອງພວກເຂົາເປີດເຜີຍໄດ້ ທັງນີ້ ພາວະບໍ່ມັກເພດນັ້ນມີຄວາມແຕກຕ່າງຈາກການເປັນຄົນຂ້າມເພດ ຖືເປັນພະຍາດທາງຈິດເວດ ເກີດຈາກບຸກຄົນນັ້ນໆ ມີຄວາມທຸກທໍລະມານຄັບຂ້ອງໃຈຢ່າງຍິ່ງຈາກເຫດທີ່ມີເພດສະພາບບໍ່ສອດຄ່ອງກັບເພດກຳເນີດ ມີລາຍງານວ່າ ທະຫານປະຈຳການໃນກອງທັບສະຫະລັດຯ ຈະມີເວລາຈົນເຖິງວັນທີ 6 ມິຖຸນາ ໃນການສະແດງຕົວຕໍ່ກະຊວງປ້ອງກັນປະເທດໂດຍສະໝັກໃຈ ສ່ວນທະຫານໃນກອງກຳລັງພິທັກມາຕຸພູມແລະກອງໜຸນຈະມີເວລາຈົນເຖິງວັນທີ 7 ກໍລະກົດ […]
ທຽບອາການໂຄວິດ-19 VS ໄຂ້ຫວັດໃຫຍ່ ໃກ້ຄຽງແຕ່ບໍ່ຄືກັນ!
ໂຄວິດລະບາດຢ່າງໜັກຫຼັງເຂົ້າລະດູຝົນ ອາການຄ້າຍກັບໄຂ້ຫວັດໃຫຍ່ແຕ່ບໍ່ຄືກັນ ຮູ້ກ່ອນຮັບມືທັນ ຊ່ວຍບັນເທົາອາການໄດ້ບໍ່ໜັກ ຟື້ນຕົວໄວ ຊ່ວງລະດູຝົນທີ່ເຮັດໃຫ້ການແຜ່ລະບາດຂອງພະຍາດຕິດເຊື້ອໃນລະບົບທາງເດີນຫາຍໃຈງ່າຍຂຶ້ນ ເຮັດໃຫ້ໂຄວິດ 19 ກັບມາລະບາດອີກຄັ້ງ ຊຶ່ງຍັງມີທັງຜູ້ຕິດເຊື້ອ ປ່ວຍໜັກ ແລະ ເສຍຊີວິດ ເຮັດໃຫ້ຫຼາຍຄົນເລີ່ມກັງວົນວ່າອາການຄັ່ນເນື້ອຄັ່ນຕົວ ທີ່ເປັນຢູ່ ຫຼື ກຳລັງຈະເປັນນີ້ ເປັນຫຍັງກັນແນ່ ໄຂ້ຫວັດໃຫຍ່ ຫຼື ໂຄວິດ 19 ທີ່ເປັນຕາຍ້ານບໍ່ແພ້ກັນ ອີກທັງຍັງມີລັກສະນະອາການໃກ້ຄຽງກັນ ຕັ້ງແຕ່ອາການເລັກນ້ອຍໄປຈົນຮອດຮຸນແຮງ ໂຄວິດ VS ໄຂ້ຫວັດໃຫຍ່ ພະຍາດໂຄວິດ-19 ການຕິດເຊື້ອ ບາງຄົນອາດມີອາການຮຸນແຮງບໍ່ຫຼາຍ ມີລັກສະນະຄືກັບໄຂ້ຫວັດທົ່ວໄປ ຂະນະທີ່ບາງຄົນມີອາການຮຸນແຮງຫຼາຍ ເຮັດໃຫ້ເກີດປອດອັກເສບໄດ້ ອາການພະຍາດໂຄວິດ-19 ໄຂ້ ຮູ້ສຶກເມື່ອຍລ້າ ໄອແຫ້ງໆ ຫາຍໃຈໄດ້ລຳບາກ ບາງຄັ້ງອາດມີອາການເຈັບຄໍ ທັງນີ້ພະຍາດນີ້ສາມາດຫາຍໄດ້ເອງ ຮູບແບບການປິ່ນປົວເປັນໄປຕາມອາການທີ່ແຕກຕ່າງກັນໃນແຕ່ລະບຸກຄົນ ການເຮັດຄວາມເຂົ້າໃຈກ່ຽວກັບໄວຣັສຊະນິດນີ້ຈະຊ່ວຍໃຫ້ດູແລສຸຂະພາບ ສຸຂະອະນາໄມ ແລະ ສາມາດປ້ອງກັນຕົນເອງໄດ້ຢ່າງຖືກວິທີ ພະຍາດໄຂ້ຫວັດໃຫຍ່ […]
ແຈ້ງການມອດວັນ ວັນທີ 17,18/05/2025
ແຈ້ງການມອດວັນ ວັນທີ 17,18/05/2025 ລາຍລະອຽດດັ່ງລຸ່ມນີ້: ທີ່ມາ: EDL LAOS ລັດວິສາຫະກິດໄຟຟ້າລາວ ສາຂານະຄອນຫຼວງ1
ຈີນ-ກຳປູເຈຍເປີດສາກຊ້ອມຮົບ “ມັງກອນທອງ” ທະຫານກວ່າ 2 ພັນນາຍ-ຈັດເຕັມອາວຸດສຸດໄຮເທັກ
ຈີນ-ກຳປູເຈຍເປີດສາກຊ້ອມຮົບ – ວັນທີ 15 ພຶດສະພາ ສະເຕຣັດທາມສ໌ ລາຍງານວ່າ ຈີນ ແລະ ກຳປູເຈຍເປີດສາກຊ້ອມຮົບຮ່ວມຄັ້ງໃຫຍ່ທີ່ສຸດເມື່ອວັນທີ 14 ພຶດສະພາ ໂດຍມີທະຫານຈີນເກືອບ 900 ນາຍ ແລະທະຫານກຳປູເຈຍກວ່າ 1,300 ນາຍເຂົ້າຮ່ວມການຊ້ອມຮົບທີ່ມີການໃຊ້ອຸປະກອນທາງທະຫານຂັ້ນສູງຂອງຈີນ ລວມເຖິງຍານເກາະ ປືນໃຫຍ່ ເຮລິຄອບເຕີ ເຮືອຮົບ ໂດຣນລາດຕະເວນ ຫຸ່ນຍົນຮົບສຸນັກ ແລະຈະຝຶກຊ້ອມຈົນເຖິງວັນທີ 28 ພຶດສະພາ ຄວາມເຄື່ອນໄຫວດັ່ງກ່າວເຮັດໃຫ້ສະຫະລັດອາເມລິກາວິຕົກກັງວົນວ່າຈີນກຳລັງໃຊ້ຖານທັບເຮືອກຳປູເຈຍທີ່ປັບປຸງໃໝ່ເພື່ອຂະຫຍາຍອິດທິພົນໃນພູມິພາກອາຊີຕາເວັນອອກສ່ຽງໃຕ້ ໂຄສົກກອງທັບກຳປູເຈຍ (ອາຣ໌ຊີເອເອຟ) ລະບຸໃນຖະແຫຼງການວ່າການຊ້ອມຮົບປະຈຳປີຈະ “ພັດທະນາຄວາມສຳພັນແລະຄວາມຮ່ວມມືທີ່ເລິກເຊິ່ງຍິ່ງຂຶ້ນລະຫວ່າງກອງທັບຂອງທັງສອງປະເທດ ການຊ້ອມຮົບຄັ້ງນີ້ມີກຳລັງພົນແລະອຸປະກອນຫຼາຍກວ່າປີທີ່ແລ້ວ” ຂະນະທີ່ ທ່ານອູ ວິຣັກ ນັກວິເຄາະການເມືອງກຳປູເຈຍ ໃຫ້ສຳພາດວ່າຈີນຕ້ອງການສະແດງພະລັງ ແລະ ສົ່ງສັນຍານວ່າຈີນເປັນມະຫາອຳນາດຜ່ານການຊ້ອມຮົບຮ່ວມທີ່ເອີ້ນວ່າ “ມັງກອນທອງ” ແນ່ນອນວ່າຈີນກຳລັງພະຍາຍາມຂະຫຍາຍອິດທິພົນພາຍໃນພູມິພາກ ລວມທັງສ້າງຄວາມເຊື່ອໝັ້ນໃນກຸ່ມປະເທດພັນທະມິດວ່າຈີນກຳລັງເຕີບໂຕ ຂະຫຍາຍຕົວ ແລະ ແຂງແກ່ງຂຶ້ນ ທັງໃນດ້ານຂະໜາດ ຄວາມກ້າວໜ້າທາງເຕັກໂນໂລຢີ ແລະ […]