ເລີ່ມແລ້ວການເຈລະຈາສັນຕິພາບ ລັດເຊຍ-ຢູເຄຣນ ຮອບທີ 2 ກຽມສະເໜີເງື່ອນໄຂສູ່ສັນຕິ
ຜູ້ແທນເຈລະຈາຂອງທັງລັດເຊຍ ແລະ ຢູເຄຣນເດີນທາງຮອດນະຄອນອິສຕັນບູນ ປະເທດຕຸລະກີແລ້ວ ເພື່ອກຽມຫາລືຂໍ້ຕົກລົງສັນຕິພາບ ແລະ ຢຸດຍິງຮອບສອງໃນມື້ນີ້ ໂດຍທາງການຕຸລະກີກຽມຄວາມພ້ອມຈັດສະຖານທີ່ປະຊຸມທີ່ພະລາຊະວັງຊີລາກັນ ທ່າມກາງມາດຕະການຮັກສາຄວາມປອດໄພຢ່າງເຂັ້ມງວດ ໂດຍການຫາລືໄດ້ເລີ່ມຂຶ້ນເມື່ອເວລາປະມານ 13.00 ນ. ຕາມເວລາທ້ອງຖິ່ນ ຫຼືຶຶ ປະມານ 17.00 ນ. ຕາມເວລາໃນປະເທດລາວ ຄີດ ເຄລລັອກ ຜູ້ແທນຂອງໂດນານ ທຣຳ ປະທານາທິບໍດີສະຫະລັດ ເປີດເຜີຍວ່າ ການເຈລະຈາຮອບນີ້ ທັງສອງຝ່າຍຈະສະເໜີເອກະສານແນວທາງເງື່ອນໄຂເພື່ອສັນຕິພາບຂອງຕົວເອງ ເຖິງແມ່ນວ່າຈະເປັນທີ່ຮູ້ກັນດີວ່າ ຈຸດຢືນຂອງທັງຄູ່ແຕກຕ່າງກັນຢ່າງຈະແຈ້ງຕັ້ງແຕ່ສົງຄາມເລີ່ມເປີດສາກຂຶ້ນ ຈົນຮອດມື້ນີ້ກໍຕາມ ການເຈລະຈາດັ່ງກ່າວຊຶ່ງຖືເປັນຄວາມພະຍາຍາມເພື່ອບັນລຸຂໍ້ຕົກລົງຢຸດຍິງລະຫວ່າງທັງສອງຝ່າຍຄັ້ງທີ 2 ນັບຕັ້ງແຕ່ເລີ່ມຕົ້ນສົງຄາມໃນປີ 2022 ເກີດຂຶ້ນພຽງວັນດຽວ ຫຼັງຈາກຢູເຄຣນເປີດສາກປະຕິບັດການໂຈມຕີເຄື່ອງບິນລົບລັດເຊຍຕາມຖານທັບ 4 ແຫ່ງໃນສອງເຂດຂອງລັດເຊຍ ຄືເຂດເມີມັນສກ ທາງຕະວັນຕົກສ່ຽງເໜືອ ແລະ ໃນເຂດອີກຸດສກ ແຖວໄຊບີເລຍ ໃຊ້ຊື່ ‘ປະຕິບັດການໃຍແມງມຸມ’ (Spider’s Web operation) ທີ່ຢູເຄຣນໃຊ້ເວລາຊຸ່ມວາງແຜນຫຼາຍກວ່າ 1 ປີເຄິ່ງ ດ້ວຍການໃຊ້ໂດຣນພິຄາດ […]
“ຄົນຈີນ” ບໍ່ກ້າໃຊ້ຈ່າຍ 80% ຫັນອອມເງິນ ເຖິງແມ່ນດອກເບ້ຍຕ່ຳ
ບໍ່ໝັ້ນໃຈໃນເສດຖະກິດ ແລະ ລາຍໄດ້ ຄົນຈີນແຫ່ຝາກເງິນ ສວນທາງດອກເບ້ຍຕ່ຳ Yahoo Finance ລາຍງານວ່າ ຫຼັງຈາກທະນາຄານການາຄ້າຈີນຫຼຸດອັດຕາດອກເບ້ຍເງິນຝາກເມື່ອອາທິດທີ່ແລ້ວ “Miro Chen” ໄດ້ເປີດໂພສໃນໂຊເຊຍນມີເດຍຖາມວ່າ “ເມື່ອດອກເບ້ຍຫຼຸດລົງ ເຈົ້າຈະອອມຫຼືໃຊ້ຈ່າຍ?” ຜົນລັດທີ່ອອກມາຄື ຫຼາຍກວ່າ 80% ຈາກຜູ້ຕອບປະມານ 5,000 ຄົນເລືອກທີ່ຈະອອມ ຊຶ່ງສະທ້ອນເຖິງຄວາມທ້າທາຍຂອງຜູ້ກຳນົດນະໂຍບາຍທີ່ພະຍາຍາມກະຕຸ້ນອຸປະສົງ ແລະ ການເຕີບໂຕຂອງເສດຖະກິດ “Miro Chen” ອາຍຸ 37 ປີ ພະນັກງານບໍລິສັດອິນເຕີເນັດໃນພາກໃຕ້ຂອງຈີນ ແລະ ເປັນຜູ້ຈັດທຳແບບສຳຫຼວດນີ້ລະບຸວ່າ ຜົນສຳຫຼວດອອກມາຂ້າງດຽວເລີຍ ສະແດງວ່າຜູ້ຄົນກັງວົນຫຼາຍ ແລະ ລາວຍັງລະບຸເສີມວ່າ ເຖິງແມ່ນກະທັ່ງຕົວລາວເອງກໍຍັງບໍ່ແນ່ໃຈວ່າບໍລິສັດທີ່ເຮັດວຽກຢູ່ຈະຢູ່ລອດໄດ້ອີກດົນປານໃດ ແລະ ນັ້ນຄືເຫດຜົນທີ່ລາວເລືອກຈະອອມເງິນ ທັງນີ້ຂໍ້ມູນຈາກ “ທະນາຄານກາງຈີນ” ລະບຸວ່າ ໃນສິ້ນເດືອນມີນາ 2025 ຍອດເງິນຝາກຂອງຄົວເຮືອນໃນຈີນສູງເກີນ 160 ລ້ານລ້ານຫຍວນ ຫຼື ປະມານ 22.30 ລ້ານລ້ານໂດລາສະຫະລັດ ເພີ່ມຂຶ້ນ […]
ໜ້າເສົ້າໃຈ! “ໝູ່ບ້ານນັກກິລາໂອລິມປິກ 2020” ກາຍສະພາບເປີດເຊົ່າເຖື່ອນ ຄົນຈີນແຫ່ເຮັດທຸລະກິດມືດ
ເວັບໄຊ yahoo ລາຍງານພິເສດ ເມື່ອອະດີດໝູ່ບ້ານນັກກິລາໂອລິມປິກ “HARUMI FLAG” ທີ່ຕັ້ງຢູ່ໃນເມືອງຊູໂອ ກຸງໂຕກຽວ ໄດ້ຮັບການປັບໂສມຄັ້ງໃຫຍ່ຫຼັງຈົບໂຕກຽວໂອລິມປິກ 2020 ແລະ ເລີ່ມເປີດໃຫ້ປະຊາຊົນເຂົ້າຢູ່ອາໄສຕັ້ງແຕ່ເດືອນມັງກອນ 2024 ໃນຖານະໂຄງການເຮືອທົງຂອງເມືອງ ທີ່ຕັ້ງເປົ້າໃຫ້ທີ່ນີ້ເປັນເຂດທີ່ຢູ່ອາໄສທັນສະໄໝໃຈກາງມະຫານະຄອນ ແຕ່ໃນເວລາພຽງບໍ່ດົນ ສິ່ງທີ່ຊາວຍີ່ປຸ່ນໄດ້ພົບກັບບໍ່ແມ່ນຄວາມສະຫງົບສຸກແບບທີ່ຄາດໄວ້ ຫາກແຕ່ເປັນບັນຫາລົບກວນຈາກເຄືອຂ່າຍເສດຖະກິດໃຕ້ດິນ ທີ່ກ່ຽວຂ້ອງກັບກຸ່ມຊາວຈີນຊຶ່ງເຂົ້າມາດຳເນີນກິດຈະກໍາຜິດກົດໝາຍຢ່າງຕໍ່ເນື່ອງ ເສດຖະກິດເງົາເລີ່ມປັກຫຼັກກາງໂຕກຽວ ລາຍງານຈາກ ອາກາອິຊິ ຊິນອິຈິໂຣ ນັກຂ່າວສາຍສືບສວນຊື່ດັງຂອງຍີ່ປຸ່ນ ລະບຸວ່າ ບໍລິເວນ HARUMI FLAG ກຳລັງປະເຊີນກັບການກໍ່ຕົວຂອງ “ເຂດເສດຖະກິດຈີນແບບເງົາ” ໂດຍພົບການດຳເນີນທຸລະກິດຜິດກົດໝາຍຫຼາຍຮູບແບບ ຕັ້ງແຕ່ບໍລິການ “ມິນປາເຖື່ອນ” ຫຼື ການປ່ອຍເຊົ່າໄລຍະສັ້ນໂດຍບໍ່ໄດ້ຮັບອະນຸຍາດ, ລົດຕູ້ຮັບສົ່ງຜູ້ໂດຍສານແບບຜິດກົດໝາຍ (ທີ່ຮູ້ຈັກໃນຊື່ “ໄວແທັກຊີ່”) ໄປຈົນເຖິງຮ້ານອາຫານເຖື່ອນທີ່ແຝງຕົວຢູ່ໃນຄອນໂດພັກອາໄສ ລົດຕູ້ຫຼູຢ່າງ Toyota Alphard ຊຶ່ງໃຊ້ທະບຽນຕ່າງແຂວງ ປະກົດໃຫ້ເຫັນຢູ່ເປັນປະຈຳໃນພື້ນທີ່ ຈອດລໍຖ້າຮັບຜູ້ໂດຍສານປະຊົນຊົນຈີນຈາກສະໜາມບິນໄປຍັງສະຖານທີ່ທ່ອງທ່ຽວຍອດນິຍົມ ເຊັ່ນ ຮາໂກເນະ ຫຼື ຊິບຸຍະ ໂດຍບໍ່ຜ່ານລະບົບແທັກຊີ່ […]
ປະຊາຊົນເກົາຫລີໃຕ້ຫັນມາໃຊ້ສິດເລືອກຕັ້ງ ຊີ້ຊະຕາອະນາຄົດປະເທດ
ນັບຍ້ອນໄປຕັ້ງແຕ່ອະດີດປະທານາທິບໍດີຢຸນ ຊອກ ຢອລ ປະກາດກົດໄອຍະການສຶກ ການເມືອງເກົາຫລີໃຕ້ຮ້ອນແຮງມາຕະຫລອດ ແລະ ມື້ນີ້ຈະຊີ້ຊະຕາອະນາຄົດປະເທດ ທ່າມກາງຄວາມທ້າທາຍຫຼາກຫຼາຍໃນເວທີໂລກ ເຊົ້າມື້ນີ້ (3 ມິຖຸນາ 2025) ປະຊາຊົນເກົາຫລີໃຕ້ຫັນມາໃຊ້ສິດເລືອກຕັ້ງທັນທີທີ່ເປີດຫ້ອງລົງຄະແນນໃຫ້ເລີ່ມຕັ້ງແຕ່ເວລາ 06.00 ນ. ຕາມເວລາທ້ອງຖິ່ນ ຊຶ່ງໄວກວ່າລາວ 2 ໂມງ ໂດຍຈະເປີດໃຫ້ໃຊ້ສິດໄປຈົນຮອດເວລາ 20.00 ນ. ຕາມຫົວໜ່ວຍເລືອກຕັ້ງທົ່ວປະເທດ 14,295 ແຫ່ງ ຮອງຮັບຜູ້ມີສິດເລືອກຕັ້ງ ປະມານ 44.4 ລ້ານຄົນ ຈາກປະຊາກອນທັງໝົດ 52 ລ້ານຄົນ ໂດຍຄາດວ່າ ຈະຮູ້ຜົນແພ້ຊະນະຕັ້ງແຕ່ທ່ຽງຄືນ ຫຼື ເຊົ້າມືດມື້ຕໍ່ໄປ (4 ມິຖຸນາ 2025) ການເລືອກຕັ້ງຄັ້ງນີ້ຈັດຂຶ້ນໃນຊ່ວງເວລາຄົບ 6 ເດືອນພໍດີ ຫຼັງຈາກເກົາຫລີໃຕ້ປະເຊີນວິກິດການເມືອງຈາກການປະກາດໃຊ້ກົດໄອຍະການສຶກຢ່າງກະທັນຫັນ ໂດຍຢຸນ ຊອກ-ຢອລ ອະດີດປະທານາທິບໍດີເມື່ອວັນທີ 3 ທັນວາ ປີທີ່ຜ່ານມາ ສ້າງຄວາມປະຫຼາດໃຈໄປທົ່ວໂລກ ຊຶ່ງຕໍ່ມາລັດຖະສະພາລົງມະຕິຖອດຖອນ ທ່ານ […]
“Tidybot” ຫຸ່ນຍົນພະລັງ AI ແມ່ບ້ານຍຸກໃໝ່ ຊ່ວຍເຮັດຄວາມສະອາດບໍ່ມີຈົ່ມ
ໃຜທີ່ບໍ່ມັກທຳຄວາມສະອາດຫ້ອງນອນ ຫຼື ຈັດບ້ານໃຫ້ເປັນລະບຽບ ອີກບໍ່ນານນີ້ເຮົາອາດຈະບໍ່ຕ້ອງເຮັດສິ່ງເຫຼົ່ານີ້ເອງອີກຕໍ່ໄປ ເມື່ອມີນັກວິໄຈທີ່ກຳລັງພັດທະນາຫຸ່ນຍົນມາກຄວາມສາມາດຕົວໃໝ່ ອອກແບບໃຫ້ມາດູແລງານບ້ານໂດຍສະເພາະ ນັກວິໄຈດ້ານຫຸ່ນຍົນທີ່ມະຫາວິທະຍາໄລສະແຕນຟອດ ກຳລັງພັດທະນາແຂນຫຸ່ນຍົນເຄື່ອນທີ່ ຊຶ່ງໃຊ້ປະໂຫຍດຈາກປັນຍາປະດິດ (AI) ລວມເຖິງໂມເດລພາສາຂະໜາດໃຫຍ່ (LLM) ແລະ ໂມເດລການເບິ່ງເຫັນ ເພື່ອຮຽນຮູ້ ແລະ ເຮັດວຽກບ້ານສະເພາະຕົວ ເຊັ່ນ: ການແຍກຜ້າຊັກ ການເຮັດຄວາມສະອາດເຄົ້າເຕີ ແລະ ຈັດລະບຽບສິ່ງຂອງ ຫຸ່ນຍົນຕົວນີ້ຊື່ວ່າ ໄທດີບອດ (Tidybot) ມາຈາກຄຳວ່າໄທດີ (Tidy) ໃນພາສາອັງກິດທີ່ແປວ່າ ຄວາມເປັນລະບຽບຮຽບຮ້ອຍ ໄທດີບອດ (Tidybot) ຈຶ່ງເປັນເໝືອນຫຸ່ນຍົນທີ່ຊ່ວຍເຮັດຄວາມສະອາດ ຈັດການງານບ້ານໃຫ້ເປັນລະບຽບ ຫຸ່ນຍົນຕົວນີ້ໃຊ້ໂມເດນພາສາຂະໜາດໃຫຍ່ (LLM) ຄ້າຍກັບເທັກໂນໂລຊີທີ່ຂັບເຄື່ອນປັນຍາປະດິດ ແຊດຈີພີທີ (ChatGPT) ໃນການປະມວນຜົນຊຸດຂໍ້ມູນອິນເທີເນັດຈຳນວນຫຼາຍ ເຮັດໃຫ້ສາມາດຈົດຈຳ ແລະ ຈັດໝວດໝູ່ສິ່ງຂອງຕ່າງໆ ເຊັ່ນ: ເສື້ອຜ້າ ຂອງຫຼິ້ນ ແລະ ອາຫານໄດ້ຢ່າງແມ່ນຍຳ ດ້ວຍການລວມໂມເດລປັນຍາປະດິດເຂົ້າກັບໂມເດລການເບິ່ງເຫັນ ຫຸ່ນຍົນຕົວນີ້ຈຶ່ງສາມາດລະບຸລັກສະນະຂອງວັດຖຸ ເຊັ່ນ: ສີ […]
ຈາວໝາກພ້າວແມ່ນຫຍັງ ເປີດປະໂຫຍດຂອງດີຫາຍາກຈາກທຳມະຊາດ
ຈາວໝາກພ້າວ ຄືສ່ວນໜຶ່ງຂອງມະພ້າວທີ່ຄົນໂບຮານຍົກຍ້ອງວ່າເປັນຂອງດີຈາກທຳມະຊາດ ຫຼາຍຄົນອາດເຄີຍເຫັນແຕ່ບໍ່ຮູ້ວ່າກິນໄດ້ ແລະ ມີປະໂຍດຕໍ່ສຸຂະພາບຫຼາຍດ້ານ ມາເຮັດຄວາມຮູ້ຈັກກັບຈາວໝາກພ້າວ ພ້ອມເຄັດລັບການກິນຢ່າງປອດໄພກັນເລີຍ ຈາວໝາກພ້າວແມ່ນຫຍັງ? ຈາວໝາກພ້າວ ຄືເນື້ອສີຂາວນວນ ຫຼື ເຫຼືອງອ່ອນ ທີ່ເກີດຂຶ້ນພາຍໃນໝາກພ້າວແກ່ທີ່ເລີ່ມບົ່ງເປັນຕົ້ນອ່ອນ ໂດຍທຳມະຊາດແລ້ວ ໝາກພ້າວເມື່ອສຸກເຕັມທີ່ຈະມີເນື້ອມະພ້າວທີ່ແຂງ ຫາກເກັບໄວ້ດົນຈົນເລີ່ມບົ່ງ ຕົ້ນອ່ອນຂອງໝາກພ້າວຈະດູດຊັບສານອາຫານຈາກເນື້ອໝາກພ້າວເດີມ ກາຍເປັນເນື້ອຟູ ນຸ່ມ ເບົາ ຄ້າຍຟອງນ້ຳ ຊຶ່ງເຮົາເອີ້ນວ່າ “ຈາວໝາກພ້າວ” ນັ້ນເອງ ລົດຊາດຂອງຈາວໝາກພ້າວ ຈາວໝາກພ້າວ ເກີດຂຶ້ນຈາກການສະລາຍໄຂມັນ ແລະ ແປ້ງໃນເນື້ອໝາກພ້າວເດີມເພື່ອນຳໄປລ້ຽງຕົ້ນອ່ອນ ເຮັດໃຫ້ມີລົດຊາດຫວານມັນອ່ອນໆ ເນື້ອສຳຜັດກອບນອກນຸ່ມໃນ ປະໂຫຍດຂອງຈາວໝາກພ້າວ ການກິນຈາວໝາກພ້າວບໍ່ແມ່ນພຽງແຕ່ເລື່ອງຂອງລົດຊາດທີ່ແຊບກອບນອກນຸ່ມໃນ ແຕ່ຍັງມີຄຸນຄ່າທາງໂພຊະນາການທີ່ໜ້າສົນໃຈ ເຊັ່ນ: ອຸດົມດ້ວຍໄຟເບີ ຊ່ວຍກະຕຸ້ນການຂັບຖ່າຍ ມີຄາໂບໄຮເດຣດເຊີງຊ້ອນ ໃຫ້ພະລັງງານແລະອິ່ມທ້ອງນານ ມີກົດໄຂມັນດີຈາກມະພ້າວທີ່ຊ່ວຍບຳລຸງຮ່າງກາຍ ມີສານຕ້ານອະນຸມູນອິດສະຫຼະໃນປະລິມານເລັກນ້ອຍ ຊ່ວຍຫຼຸດຄວາມສ່ຽງການອັກເສບ ຄົນໂບຮານເຊື່ອວ່າຊ່ວຍບຳລຸງຮ່າງກາຍແລະເພີ່ມຄວາມແຂງແຮງ ຢ່າງໃດກໍຕາມ ການກິນໝາກພ້າວຄວນເລືອກກິນຈາວໝາກພ້າວທີ່ບໍ່ເກັບໄວ້ດົນເກີນໄປ ຫຼື ຂຶ້ນເຊື້ອຣາ […]
ນັກສຶກສາຈີນກ່າວສຸນທຣະພົດຈົບການສຶກສາ “ຮາວາດ” ຟາດທຣຳແຮງ “ສັດຕູກໍຄືມະນຸດ”
ຈຽງ ຫຍູຫຣົງ ນັກສຶກສາຍິງຈີນເປັນຕົວແທນຂຶ້ນກ່າວສຸນທຣະພົດໃນພິທີຈົບການສຶກສາຂອງມະຫາວິທະຍາໄລຮາວາດປະຈຳປີ 2025 ໃນຊ່ວງທາຍອາທິດທີ່ຜ່ານມາ ເຮັດໃຫ້ມີທັງສຽງຊື່ນຊົມ ແລະ ສຽງວິພາກວິຈານ ທ່າມກາງການຕໍ່ສູ້ອັນດຸເດືອດລະຫວ່າງປະທານາທິບໍດີໂດນາລ ທຣຳ ແລະ ມະຫາວິທະຍາໄລຮາວາດ ຮວມໄປເຖິງປະເດັນຫຼັງຈາກສະຫະລັດປະກາດຈະຖອນວີຊ່ານັກຮຽນຈີນຢ່າງຈິງຈັງເມື່ອອາທິດທີ່ແລ້ວ ສຸນທຣະພົດຂອງຈຽງມີໃຈຄວາມວ່າ ພວກເຮົາບໍ່ໄດ້ເຕີບໂຕຂຶ້ນມາດ້ວຍການບອກວ່າໃຜຄົນໃດຄົນໜຶ່ງຜິດ ແຕ່ເຮົາຖືກສອນໃຫ້ບໍ່ຖິ້ມໃຜໄວ້ທາງຂ້າງຫຼັງ ການຮຽນໃນມະຫາວິທະຍາໄລຮາວາດຮ່ວມກັບນັກຮຽນນານາຊາດຄົນອື່ນບໍ່ແມ່ນພຽງແຕ່ການຮຽນວິຊາການ ແຕ່ຍັງສອນໃຫ້ນາງ ແລະ ເພື່ອນຮ່ວມຊັ້ນໃຫ້ກຽດແລະເຂົ້າໃຈວັດທະນະທຳຂອງກັນແລະກັນ ໃຈຄວາມໜຶ່ງໃນສຸນທຣະພົດຂອງນາງທີ່ກາຍເປັນໄວຣັນໄປທົ່ວໂຊຊຽວມີເດຍຄືທ່ອນທີ່ນາງກ່າວວ່າ ຫາກເຮົາຍັງຄົງເຊື່ອໃນອະນາຄົດຮ່ວມກັນ “ຈົງຢ່າລືມວ່າຄົນທີ່ເຮົາລະບຸວ່າເປັນສັດຕູ ພວກເຂົາກໍເປັນມະນຸດເຊັ່ນກັນ” ແລະ ນັ້ນຄືຄວາມເປັນມະນຸດໃນຕົວພວກເຮົາ ຈຽງ ສຳເລັດການສຶກສາໃນສາຂາການພັດທະນາລະຫວ່າງປະເທດ ແລະ ກາຍເປັນບັນດິດຍິງຊາວຈີນຄົນທຳອິດທີ່ໄດ້ຂຶ້ນມາກ່າວສຸນທຣະພົດຈົບການສຶກສາຂອງມະຫາວິທະຍາໄລຮາວາດ ສຸນທຣະພົດຂອງຈຽງຫຼາຍຄົນມອງວ່າເປັນສິ່ງທີ່ມະຫາວິທະຍາໄລຮາວາດ ແລະ ນາງໃນຖານະຕົວແທນຂອງນັກຮຽນຕ່າງຊາດກຳລັງສົ່ງຂໍ້ຄວາມໄປເຖິງໃຜບາງຄົນທີ່ເດົາໄດ້ບໍ່ຍາກ ນັ້ນກໍຄືປະທານາທິບໍດີໂດນາລ ທຣຳ ແລະ ຝ່າຍບໍລິຫານຂອງລາວ ເຖິງແມ່ນວ່າສຸນທຣະພົດຂອງນາງຈະກາຍເປັນໄວຣັລໃນໂລກອອນລາຍ ແລະ ເຮັດໃຫ້ນ້ຳຕາໄຫຼໃຫ້ກັບນັກຮຽນຕ່າງຊາດອີກຈຳນວນຫຼາຍທີ່ໄດ້ຮັບຟັງ ໂດຍສະເພາະໃນທ່ອນທີ່ນາງກ່າວເຖິງຄວາມເປັນມະນຸດ ແຕ່ກັບມີບາງກຸ່ມທີ່ອອກມາວິຈານສຸນທຣະພົດຂອງນາງ ຜູ້ໃຊ້ງານ X ລາຍໜຶ່ງທີ່ອາດຈະເປັນສາຍອະນຸຣັກນິຍົມຜູ້ທີ່ມີຍອດຜູ້ຕິດຕາມກວ່າ 6 ແສນຄົນອອກມາໂພສຂໍ້ຄວາມວິພາກວິຈານຮາວາດທີ່ຕັ້ງໃຈເລືອກນັກສຶກສາຊາວຈີນຄົນນີ້ຂຶ້ນມາກ່າວສຸນທຣະພົດ ໂດຍອ້າງວ່າຄອບຄົວຂອງນາງຢູ່ທີ່ຈີນເຮັດວຽກໃຫ້ກັບອົງການພັດທະນາເອກະຊົນທີ່ເຮັດໜ້າທີ່ເປັນຕົວແທນທາງການຂອງພັກຄອມມິວນິສຈີນ ແລະ […]
ຈີນເດືອດ ໂຕ້ກັບຄືນທຣຳລະເມີດຂໍ້ຕົກລົງການຄ້າ ພ້ອມເອົາຄືນເພື່ອຜົນປະໂຫຍດປະເທດຊາດ
ທາງການຈີນອອກຖະແຫຼງການຕອບໂຕ້ສະຫະລັດໃນວັນນີ້ (2 ມິຖຸນາ) ທາງການຈີນອອກຖະແຫຼງການຕອບໂຕ້ສະຫະລັດໃນວັນນີ້ (2 ມິຖຸນາ) ວ່າຝ່າຍສະຫະລັດເອງທີ່ເປັນຜູ້ລະເມີດຂໍ້ຕົກລົງທາງການຄ້າທີ່ທັງສອງປະເທດບັນລຸຮ່ວມກັນທີ່ນະຄອນເຈນີວາຂອງສະວິດເຊີແລນ ເມື່ອເດືອນພຶດສະພາ ຫຼັງຈາກເມື່ອວັນສຸກທີ່ຜ່ານມາປະທານາທິບໍດີໂດນາລ ທຣຳ ກ່າວຫາຈີນວ່າລະເມີດຂໍ້ຕົກລົງກັບສະຫະລັດ “ໂດຍສິ້ນເຊີງ” ໂດຍບໍ່ໄດ້ໃຫ້ລາຍລະອຽດເພີ່ມເຕີມ ພ້ອມທັງປະກາດຂຶ້ນພາສີເຫຼັກ ແລະ ອາລູມິນຽມຈາກ 25% ເປັນ 50% ທີ່ຈະມີຜົນໃນວັນພຸດນີ້ ດ້ວຍເຫດຜົນວ່າຈະຊ່ວຍກະຕຸ້ນອຸດສາຫະກຳເຫຼັກໃນປະເທດ ແລະ ຫຼຸດການເພິ່ງພາຈີນ ໃນຂະນະທີ່ຜູ້ແທນການຄ້າສະຫະລັດ ເຈມີສັນ ເກຣຍ ລະບຸວ່າຈີນບໍ່ຍອມຍົກເລີກອຸປະສັກທາງການຄ້າຕາມທີ່ຕົກລົງກັນໄວ້ ຊຶ່ງຈີນປະກາດວ່າຈະດຳເນີນມາດຕະການຕອບໂຕ້ເພື່ອປົກປ້ອງຜົນປະໂຫຍດສູງສຸດຂອງປະເທດ ດ້ານກະຊວງການຄ້າຂອງຈີນລະບຸວ່າສະຫະລັດໄດ້ທຳລາຍຂໍ້ຕົກລົງການຄ້າທີ່ທັງສອງປະເທດບັນລຸຮ່ວມກັນຢ່າງຮ້າຍແຮງ ຊຶ່ງໃນຂໍ້ຕົກລົງດັ່ງກ່າວທີ່ລວມເຖິງການຫຼຸດພາສີນຳເຂົ້າສິນຄ້າລະຫວ່າງກັນ ໂດຍສະຫະລັດຫຼຸດພາສີສິນຄ້າຈາກຈີນຈາກ 145% ເຫຼືອ 30% ຂະນະທີ່ຈີນຫຼຸດພາສີສິນຄ້າຈາກສະຫະລັດຈາກ 125% ເຫຼືອ 10% ນີ້ເປັນການເພີ່ມຄວາມຕຶງເຄັ່ງໃນສົງຄາມການຄ້າລະຫວ່າງເສດຖະກິດໃຫຍ່ທີ່ສຸດສອງແຫ່ງຂອງໂລກ ແລະ ສ້າງຄວາມບໍ່ແນ່ນອນຕໍ່ຄວາມສຳພັນທາງເສດຖະກິດໃນອະນາຄົດ ນອກຈາກນີ້ ທາງການຈີນຍັງກ່າວວ່າຝັ່ງສະຫະລັດໄດ້ລະເມີດຂໍ້ຕົກລົງທີ່ປະທານາທິບໍດີສີ ຈິ້ນຜິງ ແລະ ປະທານາທິບໍດີໂດນາລ ທຣຳ ຕົກລົງກັນຮ່ວມຜ່ານທາງໂທລະສັບເມື່ອເດືອນມັງກອນ ຊຶ່ງການລະເມີດຂອງສະຫະລັດ […]
ກອງປະຊຸມສະໄໝສາ ມັນເທື່ອທີ 9 ຂອງສະພາແຫ່ງຊາດ ຊຸດທີ IX ຈະຈັດຂຶ້ນຢ່າງເປັນທາງການ ລະຫວ່າງວັນທີ 09-26 ມິຖຸນາ 2025
ກອງປະຊຸມສະໄໝສາ ມັນເທື່ອທີ 9 ຂອງສະພາແຫ່ງຊາດ ຊຸດທີ IX ຈະຈັດຂຶ້ນຢ່າງເປັນທາງການ ລະຫວ່າງວັນທີ 09-26 ມິຖຸນາ 2025 ທີ່ຫ້ອງປະຊຸມໃຫຍ່ສະພາແຫ່ງຊາດ, ນະຄອນຫຼວງວຽງຈັນ. ທີ່ມາ: ຂ່າວ “ຜູ້ແທນປະຊາຊົນ”
ແຈ້ງການມອດໄຟ ວັນທີ 1, 4 ມິຖຸນາ 2025
ແຈ້ງການມອດໄຟເພີ່ມຕື່ມ ວັນທີ 31 ພຶດສະພາ ແລະ ວັນທີ 1, 4 ມິຖຸນາ 2025⚡ ບາງເຂດ ເມືອງໄຊທານີ, ເມືອງຫາດຊາຍຟອງ ລາຍລະອຽດດັ່ງລຸ່ມນີ້: ທີ່ມາ: EDL LAOS ລັດວິສາຫະກິດໄຟຟ້າລາວ ສາຂານະຄອນຫລວງ2