ແຈ້ງປັບລາຄານ້ຳມັນ ເລີ່ມປະຕິບັດ 06:00 ໂມງຂອງວັນທີ 03 ກໍລະກົດ 2025
ແຈ້ງປັບລາຄານ້ຳມັນ ເລິ່ມປະຕິບັດ 06:00 ໂມງຂອງວັນທີ 03 ກໍລະກົດ 2025 ຕາມແຈ້ງການຈາກ ກຊ ອຸດສະຫະກຳແລະການຄ້າ ເລກທີ 0740/ກຄພນ ລົງວັນທີ 02 ກກ. 2025 ທີ່ມາ: ລັດວິສາຫະກິດ ນໍ້າມັນເຊຶ້ອໄຟລາວ (ລນລ)
ຈາກການລາຍງານລະບຸວ່າ ທຣຳຕັດຄວາມຊ່ວຍເຫຼືອ ເຮັດຄົນທົ່ວໂລກສ່ຽງເສຍຊີວິດ 14 ລ້ານຄົນ ພາຍໃນອີກ 5 ປີ
ຜົນການວິໄຈທີ່ຕີພິມໃນວາລະສານການແພດ “ເດີ ແລນເຊັດ” ການຕັດສິນໃຈຂອງປະທານາທິບໍດີໂດນາລ ທຣຳ ໃນການຕັດເງິນທຶນສ່ວນໃຫຍ່ທີ່ສະຫະລັດມອບໃຫ້ກັບຄວາມຊ່ວຍເຫຼືອດ້ານມະນຸດສະທຳຈາກຕ່າງປະເທດ ອາດເຮັດໃຫ້ມີຜູ້ເສຍຊີວິດເພີ່ມຂຶ້ນຫຼາຍກວ່າ 14 ລ້ານຄົນພາຍໃນປີ 2030 ຜົນການສຶກສາພົບວ່າ 1 ໃນ 3 ຂອງຜູ້ທີ່ມີຄວາມສ່ຽງຕໍ່ການເສຍຊີວິດກ່ອນໄວອັນຄວນເປັນເດັກ ມາໂກ ຣູບີໂອ ລັດຖະມົນຕີຕ່າງປະເທດສະຫະລັດ ກ່າວເມື່ອເດືອນມີນາວ່າ ລັດຖະບານຂອງປະທານາທິບໍດີທຣຳໄດ້ຍົກເລີກໂຄງການກວ່າ 80% ຂອງສຳນັກງານເພື່ອການພັດທະນາລະຫວ່າງປະເທດຂອງສະຫະລັດ ຫຼື USAID ດາວິເດ ຣາເຊລລາ ຜູ້ຮ່ວມຂຽນລາຍງານຂອງເດີ ແລນເຊັດ ກ່າວໃນຖະແຫຼງການວ່າ “ສຳລັບປະເທດທີ່ມີລາຍໄດ້ໜ້ອອຍ ແລະ ປານກາງຫຼາຍປະເທດ ຜົນກະທົບທີ່ເກີດຂຶ້ນຈະທຽບໄດ້ກັບການລະບາດໃຫຍ່ທົ່ວໂລກ ຫຼື ຄວາມຂັດແຍ້ງທາງອາວຸດຄັ້ງໃຫຍ່” ການຕັດເງິນທຶນທົ່ວໂລກມີຄວາສ່ຽງທີ່ຈະມີຜູ້ເສຍຊີວິດ 14 ລ້ານຄົນໃນຫ້າປີ ດາວິດ ຣາເຊລລາ ນັກວິໄຈຈາກສະຖາບັນສຸຂະພາບໂລກແຫ່ງບາເຊໂລນາ ກ່າວເສີມວ່າ ການຕັດເງິນທຶນ “ມີຄວາມສ່ຽງທີ່ຈະຢຸດຊະງັກທັນທີ ຫຼື ອາດເຖິງຂັ້ນຖອຍຫຼັງ ຄວາມກ້າວໜ້າດ້ານສຸຂະພາບໃນກຸ່ມປະຊາກອນທີ່ບອບບາງໃນຊ່ວງສອງທົດສະວັດທີ່ຜ່ານມາ” ລາຍງານດັ່ງກ່າວອອກມາໃນຂະນະທີ່ຜູ້ນຳໂລກກຳລັງປະຊຸມກັນທີ່ເມືອງເຊບີຍາ ປະເທດສະເປນໃນອາທິດນີ້ […]
ອີຣ່ານຍອດເສຍຊີວິດເພີ່ມຂຶ້ນ ໃນສົງຄາມ 12 ວັນກັບອິສຣາເອນເປັນ 935 ຄົນ
ສຳນັກຂ່າວ IRNA ຂອງລັດຖະບານອີຣ່ານ ລາຍງານເມື່ອມື້ວານນີ້ 30 ມິຖຸນາ 2025 ວ່າ ອີຣ່ານໄດ້ປັບເພີ່ມຍອດຜູ້ເສຍຊີວິດຢ່າງເປັນທາງການໃນອີຣ່ານ ໃນ “ສົງຄາມ 12 ວັນ” ກັບອິສຣາເອນເມື່ອເດືອນມິຖຸນາເພີ່ມອີກກວ່າ 300 ຄົນ ເປັນ 935 ຄົນ ຈາກເດີມ 627 ຄົນທີ່ອີຣ່ານເຄີຍລາຍງານໃນເບື້ອງຕົ້ນເມື່ອອາທິດກ່ອນ ໃນຈຳນວນຜູ້ເສຍຊີວິດດັ່ງກ່າວ ເປັນເດັກ 38 ຄົນ ຜູ້ຍິງ 132 ຄົນ ແຕ່ IRNA ບໍ່ໄດ້ແຍກຜູ້ເສຍຊີວິດທີ່ເປັນທະຫານແລະພົນລະເຮືອນອອກຈາກກັນ ຢ່າງໃດກໍຕາມ ເຖິງວ່າແຕ່ຕົວເລກຜູ້ເສຍຊີວິດທີ່ປັບເພີ່ມໃໝ່ນີ້ ກໍຍັງໜ້ອຍກວ່າທີ່ລາຍງານໂດຍກຸ່ມສິດທິມະນຸດຊື່ “Human Rights Activists” ມີຖານຢູ່ໃນສະຫະລັດ ທີ່ໄດ້ລາຍງານເມື່ອທ້າຍອາທິດທີ່ຜ່ານມາ ຈາກຕົວເລກທີ່ທາງກຸ່ມສິດທິມະນຸດລວບລວມເອງຈາກເຄືອຂ່າຍການແພດ ແລະ ອາສາສະໝັກວ່າ ຍອດຜູ້ເສຍຊີວິດໃນອີຣ່ານຈາກສົງຄາມ 12 ວັນ ຢູ່ທີ່ 1,190 ຄົນ ແລະ ແຍກຜູ້ເສຍຊີວິດທີ່ເປັນທະຫານ […]
“ທຣຳ” ຂຶ້ນພາສີເຄື່ອງໃຊ້ໃນເຮືອນທີ່ເຮັດຈາກ “ເຫລັກ” ເຊັ່ນ: “ຕູ້ເຢັນ – ຈັກຊັກເຄື່ອງ – ເຕົາອົບ” ອ້າງວ່າຜະລິດຈາກເຫລັກ
“ທຣຳ” ຂຶ້ນພາສີເຄື່ອງໃຊ້ໃນເຮືອນທີ່ເຮັດຈາກ “ເຫລັກ” ພາສີທຣຳຍັງບໍ່ທັນຈົບ ຍັງເດີນໜ້າຢ່າງຕໍ່ເນື່ອງ ລ່າສຸດລາມໄປຮອດສິນຄ້າສະເພາະກຸ່ມ ຄືເຄື່ອງໃຊ້ໄຟຟ້າໃນເຮືອນ ເພາະສ່ວນໃຫຍ່ເປັນສິນຄ້ານຳເຂົ້າ ຜະລິດຈາກຕ່າງປະເທດ. ດັ່ງນັ້ນທຣຳເລີຍ ຂຶ້ນພາສີຕັ້ງແຕ່ຕູ້ເຢັນ ຮອດຈັກຊັກເຄື່ອງ ໂດຍຈະຄິດຈາກພາສີເຫລັກທີ່ຕອນນີ້ຕັ້ງກຳແພງໄວ້ທີ່ 50% ປະທານາທິບໍດີໂດນາລ ທຣຳ ຜູ້ນຳສະຫະລັດ ຍັງຄົງຍຶດໝັ້ນໃນການຂຶ້ນພາສີນຳເຂົ້າ ຫວັງໃຫ້ເປັນກຳແພງປ້ອງກັນສິນຄ້າຕ່າງໆ ທີ່ນຳເຂົ້າມາຈາກຕ່າງປະເທດ ໃຫ້ຄົນອາເມລິກາໄດ້ກັບຄືນມາໃຊ້ສິນຄ້າໃນປະເທດ ຫຼື ໃຫ້ທຸລະກິດຕ່າງໆ ອຸດສາຫະກຳຕ່າງໆ ເຂົ້າມາຕັ້ງຖານການຜະລິດສິນຄ້າ ຫຼື ຕັ້ງໂຮງງານໃນອາເມລິກາ ນອກຈາກພາສີຕອບໂຕ້ທີ່ຍັງຢູ່ລະຫວ່າງການເຈລະຈາກັບບັນດານາໆຊາດ ກໍຈະມີພາສີລາຍກຸ່ມອຸດສາຫະກຳ ຊຶ່ງມື້ນີ້ທີ່ເຮົາຈະເວົ້າເຖິງກັນກໍຄື ພາສີເຫລັກ ແລະ ອາລູມິນຽມ ລ່າສຸດ ລັດຖະບານສະຫະລັດເລີ່ມເກັບພາສີນຳເຂົ້າເຫລັກ ແລະ ອາລູມິນຽມໃນອັດຕາສູງສຸດທີ່ 50% ຕັ້ງແຕ່ວັນທີ່ 23 ມິຖຸນາ 2025 ເປັນຕົ້ນມາ ແຕ່ປະເດັນສຳຄັນຄືບໍ່ໄດ້ໝາຍເຖິງພຽງແຕ່ເຫລັກກ້າທາງອຸດສາຫະກຳ ແຕ່ໝາຍລວມເຖິງສິນຄ້າຕ່າງໆທີ່ເຮັດຈາກເຫລັກດ້ວຍ ໂດຍສະເພາະເຄື່ອງໃຊ້ໃນເຮືອນຕ່າງໆ ຊຶ່ງມີສ່ວນປະກອບຂອງເຫລັກ ແລະ ອາລູມິນຽມ ທີ່ປາກົດວ່າຖືກເອີ້ນເກັບພາສີນຳເຂົ້າດ້ວຍຕາມປະກາດຂອງກະຊວງການຄ້າ […]
ຈີນເຮັດແທ້! ພາວເວີແບັງ (Power Bank) ບໍ່ມີເຄື່ອງໝາຍ CCC ຫ້າມບໍ່ໃຫ້ເອົາຂຶ້ນຍົນ
ເມື່ອບໍ່ດົນມານີ້ປະເທດຈີນໄດ້ມີການອອກ ກົດລະບຽບໃໝ່ທີ່ເຮັດໃຫ້ນັກເດີນທາງຕ້ອງລະວັງຫຼາຍຂຶ້ນ ໂດຍສຳນັກງານການບິນພົນລະເຮືອນຂອງຈີນ (CAAC) ໄດ້ມີຜົນບັງຄັບໃຊ້ຢ່າງເປັນທາງການ ໂດຍສັ່ງ ຫ້າມນຳ Power Bank ທີ່ບໍ່ມີເຄື່ອງໝາຍຮັບຮອງພາກບັງຄັບຂອງຈີນ (China Compulsory Certification – CCC) ຂຶ້ນຍົນໃນທຸກຖ້ຽວບິນພາຍໃນປະເທດ ຖືເປັນການຍົກລະດັບມາດຕະການຄວາມປອດໄພຄັ້ງສຳຄັນ ຫຼັງເກີດເຫດການທີ່ກ່ຽວຂ້ອງກັບ Power Bank ໄໝ້ກາງອາກາດ ແລະ ບັນຫາດ້ານຄຸນນະພາບທີ່ໜ້າກັງວົນ ໂດຍກົດລະບຽບໃໝ່ທີ່ປະກາດອອກມານີ້ມີຄວາມຊັດເຈນ ແລະ ເຂັ້ມງວດກວ່າເກົ່າຫຼາຍ ໂດຍລະບຸວ່າ Power Bank ທີ່ຈະນຳຂຶ້ນຍົນໃນປະເທດຈີນໄດ້ນັ້ນ ຕ້ອງມີຄຸນສົມບັດນັ້ນຄື: ຕ້ອງມີເຄື່ອງໝາຍ CCC ປາກົດຢູ່ເທິງຕົວຜະລິດຕະພັນຢ່າງຊັດເຈນ ເຄື່ອງໝາຍ CCC ຫຼື ປ້າຍຂໍ້ມູນຕ່າງໆ ຕ້ອງບໍ່ຈາງ ຫຼື ລົບເລືອນ ຈົນບໍ່ສາມາດອ່ານໄດ້ ຕ້ອງບໍ່ແມ່ນລຸ້ນທີ່ຢູ່ໃນລາຍການ “ສິນຄ້າທີ່ຖືກເອີ້ນຄືນ” (Product Recall) CAAC ໃຫ້ເຫດຜົນວ່າ “ເຫດການທີ່ເກີດຂຶ້ນໃນຊ່ວງກ່ອນບົ່ງຊີ້ວ່າ Power Bank […]
ທຣຳ ເປີດເຜີຍ “ມະຫາເສດຖີ” ກຽມຊື້ TikTok ໝັ້ນໃຈວ່າ “ສີ ຈິ້ນຜິງ” ຈະອະນຸຍາດໃຫ້ຂາຍ
ປະທານາທິບໍດີ ໂດນັລ ທຣຳ ເປີດເຜີຍມີ “ກຸ່ມມະຫາເສດຖີ” ພ້ອມຈະຊື້ TikTok ທີ່ເຄີຍຖືກສັ່ງແບນໃນສະຫະລັດ ເຊື່ອໝັ້ນວ່າ ປະທານາທິ ສີ ຈິ້ນຜິງ ຈະອະນຸຍາດໃຫ້ຂາຍ ພ້ອມກັນນີ້ຜູ້ນຳສະຫະລັດ ໄດ້ເລື່ອນການບັງຄັບໃຊ້ກົດໝາຍສັ່ງໃຫ້ຂາຍ TikTok ອອກໄປເປັນຄັ້ງທີ 3 ກຳນົດເສັ້ນຕາຍ 17 ກັນຍາ ນີ້ ວັນນີ້ 30 ມິຖຸນາ 2025 ຕາມເວລາທ້ອງຖິ່ນ BBC ລາຍງານ ປະທານາທິບໍດີ ໂດນັລ ທຣຳ ຜູ້ນຳສະຫະລັດ ໄດ້ປະກາດວ່າມີຜູ້ຊື້ແອັບພລິເຄຊັນວິດີໂອສັ້ນຍອດນິຍົມເຊັ່ນ TikTok ແລ້ວ ແອັບພລິເຄຊັນທີ່ເຄີຍຖືກສັ່ງແບນໃນສະຫະລັດ ຈາກຂໍ້ກ່າວອ້າງທີ່ວ່າອາດເປັນໄພຄຸກຄາມຕໍ່ຄວາມໝັ້ນຄົງຂອງຊາດ ໃນການສຳພາດກັບ Fox News ທຣຳກ່າວວ່າລາວມີ “ກຸ່ມບຸກຄົນທີ່ຮັ່ງມີຫຼາຍ” ທີ່ພ້ອມຈະເຂົ້າຊື້ແພລັດຟອມນີ້ ໂດຍບອກບາງສ່ວນວ່າຈະເປີດເຜີຍຂໍ້ມູນເພີ່ມເຕີມພາຍໃນປະມານ 2 ອາທິດຕໍ່ໄປ ການຂາຍ TikTok ຄັ້ງນີ້ ຈຳເປັນຕ້ອງໄດ້ຮັບການອະນຸມັດຈາກລັດຖະບານຈີນ […]
ນັກດັບເພີງຖືກມືປືນຊຸ່ມຍິງເສຍຊີວິດ ໃນຂະນະທີ່ກຳລັງດັບໄຟປ່າຢູ່ສະຫະລັດ
ເກີດເຫດລັກລອບຍິງສຸດສະເທືອນຂວັນໃນລັດໄອດາໂຮ ສະຫະລັດ ເມື່ອເຈົ້າໜ້າທີ່ດັບເພີງ ທີ່ພະຍາຍາມຄວບຄຸມໄຟປ່າເທິງພູແຄນຟິລ ຖືກມືປືນສະໄນເປີຊຸ່ມຍິງເສຍຊີວິດ 2 ຄົນ ເລັ່ງຕາມຫາຕົວຄົນຮ້າຍ ເກີດເຫດລັກລອບຍິງເຈົ້າໜ້າທີ່ດັບເພີງ ຂະນະປະຕິບັດໜ້າທີ່ຄວບຄຸມໄຟປ່າເທິງພູເຂົາແຄນຟິລ ໃນຊ່ວງບ່າຍວັນອາທິດ (ຕາມເວລາທ້ອງຖິ່ນ) ສົ່ງຜົນໃຫ້ມີຜູ້ເສຍຊີວິດຢ່າງໜ້ອຍ 2 ຄົນ ແລະ ເກີດການຍິງປະທະຕໍ່ເນື່ອງຫຼາຍຊົ່ວໂມງ ສ້າງຄວາມແຕກຕື່ນໃຫ້ກັບປະຊາຊົນ ແລະ ເຈົ້າໜ້າທີ່ໃນພື້ນທີ່ ສຳນັກງານເຈົ້າເມືອງເຂດຄູເຕໄນລາຍງານວ່າ ເຫດຮ້າຍແຮງເລີ່ມຕົ້ນເມື່ອເວລາ 13.30 ນ. ຂະນະທີ່ທີມດັບເພີງເຂົ້າພື້ນທີ່ເພື່ອຄວບຄຸມໄຟໄໝ້ເທິງພູເຂົາແຄນຟິລ ເຊິ່ງຢູ່ຫ່າງຈາກຕົວເມືອງເຄີເດີລີນປະມານ 6.5 ກິໂລແມັດ ຈາກນັ້ນບໍ່ດົນກໍ່ມີລາຍງານສຽງປືນດັງຂຶ້ນ ໂດຍເຈົ້າໜ້າທີ່ດັບໄຟຕົກເປັນເປົ້າຂອງການຍິງໂດຍພວກຊູ່ມຍິງ ມີລາຍງານຜູ້ເສຍຊີວິດ 2 ຄົນ ແລະ ຍັງບໍ່ສາມາດຢືນຢັນໄດ້ວ່າມີຜູ້ບາດເຈັບຫຼືເສຍຊີວິດເພີ່ມເຕີມຫຼືບໍ່ ໂດຍລ່າສຸດ ເຈົ້າໜ້າທີ່ຍັງຄົງເຂົ້າພື້ນທີ່ເພື່ອຄວບຄຸມສະຖານະການ ແລະ ເລັ່ງຊອກຫາຕົວມືປືນ ເຊິ່ງຍັງບໍ່ຊັດເຈນວ່າມີພຽງຄົນດຽວ ຫຼື ຫຼາຍກວ່ານັ້ນ ຂະນະທີ່ຍັງມີປະຊາຊົນບາງສ່ວນຕິດຄ້າງຢູ່ເທິງພູ ດ້ານຜູ້ວ່າການລັດໄອດາໂຮ ແບຣດ ລິດເທິນ ໄດ້ອອກຖະແຫຼງການໃນແພລັດຟອມ X […]
ເຕືອນໄພ ລະວັງມິດສາຊີບ!!! ໄດ້ນຳໃຊ້ໂລໂກ້, ເບີໂທ ແລະ ຊື່ ຂອງ ລັດວິສາຫະກິດໄຟຟ້າລາວ ໄປສ້າງຄວາມບໍ່ສະຫງົບຕໍ່ສັງຄົມ
ລັດວິສາຫະກິດໄຟຟ້າລາວ ໄດ້ອອກມາແຈ້ງເຕືອນໃຫ້ລະວັງມິດສາຊີບ!!! ປະຈຸບັນມິດສາຊີບນຳໃຊ້ໂລໂກ້, ເບີໂທ ແລະ ຊື່ ຂອງ ລັດວິສາຫະກິດໄຟຟ້າລາວ ໄປສ້າງຄວາມບໍ່ສະຫງົບຕໍ່ສັງຄົມ…ຢ່າຫຼົງເຊື່ອຢ່າງເດັດຂາດ!!! ທີ່ມາ: EDL LAOS
ຈີນສະເໜີເງິນເດືອນໃຫ້ບຸກຄະລາກອນດ້ານ AI ສູງກວ່າຄ່າສະເລ່ຍຂອງເງິນເດືອນທົ່ວໄປ 3 ເທົ່າ
ລາຍງານຂ່າວຈາກ ເຊົາທ໌ ໄຊນ່າ ມໍນິ່ງ ໂພສທ໌ ລະບຸວ່າການເຕີບໂຕຂອງອຸດສາຫະກຳຫຸ່ນຍົນຄ້າຍມະນຸດ ຫຼື ຮິວແມນນອຍດ໌ (humanoid) ໃນປະເທດຈີນ ກຳລັງເຕີບໂຕຢ່າງກ້າວກະໂດດ ຜັກດັນໃຫ້ເກີດການຈ້າງງານໃນອຸດສາຫະກຳນີ້ເປັນຈຳນວນຫຼາຍ ແຕ່ປັດຈຸບັນກຳລັງພົບກັບບັນຫາການຂາດແຄນວິສະວະກອນທີ່ມີທັກສະສູງຢ່າງຮຸນແຮງ ເຫັນໄດ້ຈາກການທີ່ບໍລິສັດຜູ້ພັດທະນາ ຮິວແມນນອຍດ໌ ມີການສະເໜີເງິນເດືອນໃຫ້ແກ່ວິສະວະກອນທີ່ມີປະສົບການ ແລະ ບຸກຄະລາກອນດ້ານ AI ສູງກວ່າຄ່າສະເລ່ຍຂອງເງິນເດືອນທົ່ວໄປ ໃນຫົວເມືອງໃຫຍ່ທົ່ວປະເທດ ເຖິງ 3 ເທົ່າ ຕາມລາຍງານໃໝ່ທີ່ເຜີຍແພ່ໂດຍ ຈ້າວປິນ (Zhaopin) ແພລັດຟອມຈັດຫາງານອອນລາຍ ພົບວ່າ ປັດຈຸບັນມີການສະເໜີເງິນເດືອນເພີ່ມຂຶ້ນ ໃຫ້ແກ່ວິສະວະກອນອາລກໍຣິທຶມ ຊຶ່ງເປັນຕຳແໜ່ງງານຂອງຜູ້ພັດທະນາອາລກໍຣິທຶມ ທີ່ເຮັດໃຫ້ຫຸ່ນຍົນຄ້າຍມະນຸດ ສາມາດເຮັດວຽກໄດ້ຢ່າງຊານສະຫຼາດ ຈາກເດີມເງິນເດືອນເດືອນລະ 31,512 ຫຍວນ ເພີ່ມຂຶ້ນເປັນ 38,489 ຫຍວນຕໍ່ເດືອນ ສຳລັບຕຳແໜ່ງງານທີ່ມີປະສົບການຫຼາຍກວ່າ 5 ປີ ຊຶ່ງສູງກວ່າອັດຕາເງິນເດືອນສະເລ່ຍໃນເຂດເມືອງທົ່ວປະເທດກວ່າ 3 ເຖິງ 4 ເທົ່າ ໂດຍອັດຕາເງິນເດືອນສະເລ່ຍໃນເຂດເມືອງ ທີ່ອ້າງອີງຈາກຂໍ້ມູນຄ່າຕອບແທນລ່າສຸດຂອງບໍລິສັດ ນະໄຕມາດ 3 […]
ໜ້າເສົ້າໃຈ! ພົບສົບ ນັກທ່ອງທ່ຽວສາວບຣາຊິວ ປະສົບອຸບັດຕິເຫດຕົກພູເຂົາໄຟອິນໂດເນເຊຍ ເສຍຊີວິດແລ້ວ
ພົບສົບ ນັກທ່ອງທ່ຽວສາວ ຄົນບຣາຊິວ ເສຍຊີວິດແລ້ວ ຫຼັງຕົກພູເຂົາໄຟຣິນຈານີໃນອິນໂດເນເຊຍ ແລະ ຄົ້ນຫານານ 4 ມື້ ເມື່ອວັນພຸດທີ່ 25 ມິຖຸນາ 2025 ສຳນັກຂ່າວ NBC News ລາຍງານວ່າ ຄວາມຫວັງຂອງຄົນບຣາຊິວນັບລ້ານໄດ້ສິ້ນສຸດລົງພ້ອມກັບເຫດການໂສກເສົ້າ ເມື່ອປະຕິບັດການຄົ້ນຫາ ນາງ ຈູເລຍນາ ມາຣິນສ໌ ນັກທ່ອງທ່ຽວສາວຄົນບຣາຊິວອາຍຸ 26 ປີ ຕະຫຼອດ 4 ວັນເຕັມ ໄດ້ຢຸດຕິລົງຫຼັງທີມຄົ້ນພົບສົບຂອງນາງທີ່ບໍ່ມີຊີວິດຢູ່ໃກ້ກັບປາກປ່ອງພູເຂົາໄຟຣິນຈານີ ປະເທດອິນໂດເນເຊຍ ເຫດການທີ່ ຈູເລຍນາ ພະລາດຕົກບໍລິເວນປາກປ່ອງພູເຂົາໄຟໃນອິນໂດເນເຊຍ ເກີດຂຶ້ນເມື່ອວັນເສົາທີ່ຜ່ານມາ (21 ມິຖຸນາ 2025) ຂະນະທີ່ຈູເລຍນາພ້ອມເພື່ອນຄົນຕ່າງປະເທດອີກ 5 ຄົນ ແລະ ໄກ້ນຳທາງ ກຳລັງປີນພູເຂົາໄຟຣິນຈານີທີ່ຍັງຄົງຄຸກຮຸ່ນຢູ່ເທິງເກາະລອມບອກ ປະເທດອິນໂດເນເຊຍ ກ່ອນທີ່ລາວຈະປະສົບອຸບັດຕິເຫດຕົກລົງໄປ ທີມຄົ້ນຫາ ແລະ ກູ້ໄພແຫ່ງຊາດຂອງອິນໂດເນເຊຍໄດ້ລະດົມກຳລັງຄົ້ນຫາຢ່າງໜັກຕະຫຼອດ 4 ມື້ ທ່າມກາງສະພາບອາກາດ […]