ຣັດເຊຍສັ່ງປິດ 4 ສະໜາມບິນມົດສະໂກ ຖືກຢູເຄຣນໂຈມຕີດ້ວຍໂດຣນ
ສະໜາມບິນຫຼັກ 4 ແຫ່ງຂອງນະຄອນຫຼວງມົດສະໂກ ຖືກປິດເປັນເວລາຫຼາຍຊົ່ວໂມງເພື່ອຄວາມປອດໄພ ຫຼັງຈາກຣັດເຊຍລະບຸວ່າຢູເຄຣນໄດ້ໂຈມຕີນະຄອນຫຼວງມົດສະໂກດ້ວຍໂດຣນເປັນຄືນທີສອງຕິດຕໍ່ກັນ Rosaviatsia ເຊິ່ງເປັນໜ່ວຍງານກຳກັບດູແລການບິນຂອງຣັດເຊຍ ກ່າວຜ່ານເທເລແກຣມວ່າ ສະໜາມບິນຫຼັກ 4 ແຫ່ງຂອງນະຄອນຫຼວງມົດສະໂກຖືກປິດເປັນເວລາຫຼາຍຊົ່ວໂມງເພື່ອຄວາມປອດໄພ ແຕ່ຕໍ່ມາໄດ້ກັບມາເປີດທຳການອີກຄັ້ງ ຫຼັງຈາກຣັດເຊຍລະບຸວ່າຢູເຄຣນໄດ້ໂຈມຕີດ້ວຍໂດຣນເມື່ອຄືນທີ່ຜ່ານມາ ເປັນຄືນທີສອງຕິດຕໍ່ກັນ ທ່ານເຊີເກ ໂຊເບຍນິນ ນາຍົກເທດສະມົນຕີນະຄອນຫຼວງມົສະໂກ ກ່າວຢູ່ໃນສື່ສັງຄົມອອນລາຍວ່າໂດຣນຂອງຢູເຄຣນຢ່າງໜ້ອຍ 19 ລຳ ຖືກທຳລາຍກ່ອນທີ່ຈະມາຮອດເມືອງ “ຈາກທິດທາງທີ່ແຕກຕ່າງກັນ” ເຂົາກ່າວວ່າເສດຊາກບາງສ່ວນຕົກລົງໃສ່ທາງຫຼວງສາຍຫຼັກສາຍໜຶ່ງທີ່ມຸ່ງໜ້າສູ່ເມືອງ ແຕ່ບໍ່ມີຜູ້ເສຍຊີວິດ ຢູເຄຣນຍັງບໍ່ໄດ້ສະແດງຄວາມຄິດເຫັນ ແຕ່ນາຍົກເທດສະມົນຕີເມືອງຄາຣ໌ຄິຟກ່າວວ່າຣັດເຊຍໄດ້ໂຈມຕີເມືອງດ້ວຍໂດຣນມື້ຄືນນີ້ເຊັ່ນກັນ ລວມເຖິງໃນພື້ນທີ່ນະຄອນຫຼວງເຄຍຟດ້ວຍ ທ່ານໂອເລ ຄິເປີ ຜູ້ວ່າການເຂດໂອເດສຊາຂອງຢູເຄຣນ ກ່າວວ່າມີຜູ້ເສຍຊີວິດຈາກການໂຈມຕີດ້ວຍໂດຣນ 1 ຄົນ ຣັດເຊຍລາຍງານການໂຈມຕີດ້ວຍໂດຣນຂອງຢູເຄຣນເປັນຄືນທີສອງຕິດຕໍ່ກັນ ໂດຍກະຊວງປ້ອງກັນປະເທດຂອງຣັດເຊຍລາຍງານວ່າໄດ້ທຳລາຍໂດຣນຂອງຢູເຄຣນໄປແລ້ວ 26 ລຳເມື່ອຄືນນີ້ ລາຍງານທີ່ຍັງບໍ່ໄດ້ຮັບການຢືນຢັນຈາກບລັອກເກີດ້ານທະຫານຂອງຣັດເຊຍລະບຸວ່າ ໜ້າຕ່າງຂອງອະພາດເມັນທາງຕອນໃຕ້ຂອງມົດສະໂກໄດ້ຮັບຄວາມເສຍຫາຍ ນອກຈາກນະຄອນຫຼວງມົດສະໂກແລ້ວ ຜູ້ວ່າການເມືອງອື່ນໆ ຂອງຣັດເຊຍ ເຊັ່ນ: ເພນຊາ ແລະ ໂວໂຣເນສ ຍັງລາຍງານດ້ວຍວ່າຖືກໂດຣນໂຈມຕີເມື່ອຄືນວັນຈັນຈົນຮອດວັນອັງຄານ ຕັ້ງແຕ່ຣັດເຊຍຮຸກຮານຢູເຄຣນເຕັມຮູບແບບເມື່ອກວ່າ […]
Skype ປິດໃຫ້ບໍລິການແລ້ວ ສາມາດຍ້າຍໄປໃຊ້ Microsoft Teams ແທນໄດ້
ໃນທີ່ສຸດ, ມື້ທີ່ຫລາຍຄົນອາດເຄີຍໄດ້ຍິນຂ່າວລືມາແດ່ແລ້ວ ກໍມາຮອດ ເມື່ອ Microsoft ປະກາດຢຸດດການໃຫ້ບໍລິການ Skype ຢ່າງເປັນທາງການໃນວັນນີ້ (5 ພຶດສະພາ 2025) ປິດສາກໜຶ່ງໃນໜ້າປະຫວັດສາດຂອງໂລກການສື່ສານອອນລາຍ ທີ່ເຄີຍປະຕິວັດວິທີການຕິດຕໍ່ສື່ສານຂອງຜູ້ຄົນທົ່ວໂລກມາຢ່າງຍາວນານ ສຳລັບຜູ້ທີ່ຢູ່ໃນແວດວົງ IT ແລະ ຕິດຕາມຄວາມເຄື່ອນໄຫວຂອງເທັກໂນໂລຢີມາໂດຍຕະຫລອດ, ການຕັດສິນໃຈຄັ້ງນີ້ຂອງ Microsoft ອາດບໍ່ແມ່ນເລື່ອງທີ່ໜ້າແປກໃຈນັກ ເພາະໃນຊ່ວງຫລາຍປີທີ່ຜ່ານມາ ບໍລິສັດໄດ້ຜັກດັນແລະພັດທະນາ Microsoft Teams ຢ່າງຕໍ່ເນື່ອງ ໂດຍມຸ່ງຫວັງໃຫ້ເປັນສູນກາງການເຮັດວຽກຮ່ວມກັນ (Collaboration Hub) ທີ່ຄົບວົງຈອນຫລາຍກວ່າ ຜົນກະທົບທີ່ຫລີກລ່ຽງບໍ່ໄດ້ ການປິດຕົວຂອງ Skype ຍ່ອມສົ່ງຜົນກະທົບຕໍ່ຜູ້ໃຊ້ງານຈຳນວນບໍ່ໜ້ອຍ ບໍ່ວ່າຈະເປັນຜູ້ໃຊ້ງານທົ່ວໄປ ຫລື ແມ່ນແຕ່ໃນພາກທຸລະກິດທີ່ຍັງຄົງພຶ່ງພາ Skype ໃນການສື່ສານຢູ່. ຜົນກະທົບຫລັກໆ ທີ່ເຫັນໄດ້ຊັດເຈນຄື: ການເຂົ້າເຖິງບໍລິການສິ້ນສຸດ: ຜູ້ໃຊ້ງານຈະບໍ່ສາມາດເຂົ້າເຖິງແອັບພລິເຄຊັນ ແລະ ຟັງຊັນຕ່າງໆ ຂອງ Skype ໄດ້ອີກຕໍ່ໄປ ບໍ່ວ່າຈະເປັນການໂທດ້ວຍສຽງ, ວິດີໂອ, ການສົ່ງຂໍ້ຄວາມ ຫລື ການແຊຣ໌ໄຟລ໌ […]
“ປະເທດລາວ” ເລັ່ງຊອກຫາແນວທາງລອດຈາກ ‘ພາສີທຣຳ’
ທ່ານ ໄຊບັນດິດ ຣາຊະພົນ ຮອງປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ) ,(LNCCI) ກ່າວວ່າ: “ເວົ້າກົງໆ, ພວກເຮົາບໍ່ສາມາດຫຼີກລ້ຽງຜົນກະທົບທີ່ອາດເກີດຂຶ້ນຈາກການຂຶ້ນພາສີຕອບໂຕ້ໄດ້, ເຖິງແມ່ນວ່າພວກເຮົາຈະໄດ້ຮັບເວລາພິເສດ 90 ວັນ ຫຼື 10 ເປີເຊັນສຳລັບລາວ, ເພື່ອເຈລະຈາກັບລັດຖະບານສະຫະລັດກໍຕາມ.” ການປະກາດຂຶ້ນພາສີ 48% ເມື່ອຕົ້ນເດືອນທີ່ຜ່ານມາ, ເຊິ່ງເປັນຕົວເລກທີ່ສູງເປັນອັນດັບສອງໃນອາຊຽນຮອງຈາກກຳປູເຈຍ, ໄດ້ສ້າງຄວາມກັງວົນຢ່າງຮ້າຍແຮງ, ໂດຍສະເພາະໃນບັນດາຜູ້ສົ່ງອອກລາວ. ທ່ານ ດຣ. ໄຊບັນດິດ ກ່າວວ່າ ລັດຖະບານລາວ, ນຳພາໂດຍກະຊວງອຸດສາຫະກຳ ແລະ ການຄ້າ ຮ່ວມກັບພາກເອກະຊົນ, ກຳລັງປຶກສາຫາລືກັນເພື່ອຊອກຫາວິທີແກ້ໄຂຕໍ່ສະຖານະການທີ່ໜ້າເປັນຫ່ວງນີ້. ທ່ານກ່າວຕື່ມວ່າ “ພວກເຮົາ, ໂດຍການຮ່ວມມືກັບລັດຖະບານ, ໄດ້ຕິດຕາມສະຖານະການຢ່າງໃກ້ຊິດນັບຕັ້ງແຕ່ມີການປະກາດຂຶ້ນພາສີ. ລັດຖະບານໄດ້ສ້າງຕັ້ງຄະນະສະເພາະກິດເພື່ອຊອກຫາວິທີແກ້ໄຂເພື່ອຫຼຸດຜ່ອນຜົນກະທົບທາງລົບຕໍ່ການສົ່ງອອກ.” ເມື່ອຖືກຖາມກ່ຽວກັບຜົນກະທົບຕໍ່ການສົ່ງອອກຂອງລາວໄປຍັງສະຫະລັດ, ທ່ານ ດຣ. ໄຊບັນດິດ, ເຊິ່ງເປັນຕົວແທນຂອງພາກທຸລະກິດໃນການຍື່ນບົດລາຍງານຕໍ່ລັດຖະບານ, ກ່າວວ່າ ມູນຄ່າການຄ້າສອງຝ່າຍລະຫວ່າງລາວ ແລະ ສະຫະລັດໄດ້ເພີ່ມຂຶ້ນຢ່າງຫຼວງຫຼາຍໃນປີ 2024. […]
ເອັກເຜີງ ຍອດຂາຍເພີ່ມຂຶ້ນ 313% ພັດທະນາ AI ໂຕໃໝ່ ຮອງຮັບຍານພາຫະນະໄຟຟ້າ ໂດຣນ ຫຸ່ນຍົນມະນຸດ
ເອັກຊ໌ເຜີງ (XPENG) ປິດຍອດຂາຍ 4 ເດືອນທຳອິດຂອງປີ 2025 ລວມໃນທຸກປະເທດໄດ້ 129,053 ຄັນ ເພີ່ມຂຶ້ນ 313% ເມື່ອທຽບກັບຊ່ວງດຽວກັນຂອງປີທີ່ແລ້ວ ພ້ອມພັດທະນາ AI ຕົວໃໝ່ ເພື່ອຮອງຮັບຍານພາຫະນະໄຟຟ້າ ໂດຣນ ຫຸ່ນຍົນຮິວແມນອຍດ໌ ສຕາດອັບຍານພາຫະນະໄຟຟ້າຂອງຈີນ ເອັກຊ໌ເຜີງ ເຮັດຍອດຂາຍໃນເດືອນເມສາ 2025 ໄດ້ 35,045 ຄັນ ເຊິ່ງຖືເປັນເດືອນທີ 6 ຕິດຕໍ່ກັນ ທີ່ມີຍອດຂາຍເກີນ 30,000 ຄັນຕໍ່ເດືອນ ຂະນະທີ່ຍອດຂາຍເດືອນມັງກອນ-ເມສາ ລວມ 129,053 ຄັນ ເພີ່ມຂຶ້ນ 313% ເມື່ອທຽບກັບຊ່ວງດຽວກັນຂອງປີທີ່ແລ້ວ ທັງນີ້ໃນງານ Auto Shanghai 2025 ທີ່ພຶ່ງຈົບໄປ ເອັກຊ໌ເຜີງ ນຳນະວັດຕະກຳໃໝ່ ທີ່ຈະມີ AI ເປັນຕົວຂັບເຄື່ອນ ທັງຫຸ່ນຍົນຮິວແມນອຍດ໌ IRON ດ້ວຍມືທີ່ຂະຫຍັບໄດ້ 22 ຮູບແບບ […]
ພາມາຮູ້ຈັກ Qwen3 AIນ້ອງໃໝ່ ທີ່ Alibaba ສົ່ງມາແຂ່ງກັບ ChatGPT ແລະ Google Gemini
ອາລີບາບາ (Alibaba) ເປີດຕົວປັນຍາປະດິດໃໝ່ “Qwen3” ເຄື່ອງມື AI ຕົວຫລ້າສຸດທີ່ທ້າທາຍເຈົ້າຕະຫລາດຢ່າງແຊັດຈີພີທີ (ChatGPT) ແລະ ກູເກິລເຈມິໄນ (Google Gemini) ຍັກໃຫຍ່ແຫ່ງເອເຊຍຢ້ຳວ່າ Qwen3 ເປັນຮຸ່ນຫລ້າສຸດຂອງໂມເດວພາສາຂະໜາດໃຫຍ່ແບບໂອເພັນຊອສທີ່ບໍ່ທຳມະດາ ເພາະສາມາດເຮັດ “Hybrid Reasoning” ຫລື ການໃຊ້ເຫດຜົນແບບປະສົມປະສານ ເຊິ່ງເປັນຄັ້ງທຳອິດທີ່ Alibaba ພ້ອມໃຫ້ບໍລິການ ຈາກຖະແຫຼງການ Alibaba ຊີ້ວ່າ Hybrid Reasoning ຄືການປະສົມປະສານລະຫວ່າງ 2 ໂໝດການເຮັດວຽກ ທັງໂໝດທຳອິດຄື “thinking mode” ຫລື ໂໝດການຄິດເປັນຂັ້ນເປັນຕອນ ແລະ ໂໝດທີສອງ “non-thinking mode” ຫລື ໂໝດການໃຊ້ສັນຊາດຕະຍານ ເຊິ່ງເປັນລັກສະນະການຄິດຄ້າຍຄືກັບສະໝອງມະນຸດ ທີ່ບາງຄັ້ງກໍຄິດຢ່າງຮອບຄອບ ເປັນຂັ້ນເປັນຕອນ ແຕ່ບາງຄັ້ງກໍໃຊ້ສັນຊາດຕະຍານຕອບສະໜອງຢ່າງວ່ອງໄວ Alibaba ຊີ້ວ່າ Qwen3 ສາມາດສັບປ່ຽນໄປມາລະຫວ່າງ 2 […]
ແຈ້ງການມອດໄຟ 10-11ພຶດສະພາ 2025
ແຈ້ງການມອດໄຟ 10-11ພຶດສະພາ 2025 ລາຍລະອຽດດັ່ງລຸ່ມນີ້:
ແຈ້ງການ ການປິດນ້ຳຊົ່ວຄາວ ໃນວັນທີ 07 ພຶດສະພາ 2025
ແຈ້ງການ ການປິດນ້ຳຊົ່ວຄາວ ເພື່ອດຳເນີນການຕັດທໍ່ ຂະໜາດ HDPE DN 280 mm ສຳໃສ່ທໍ່ນ້ຳ ຂະໜາດ HDPE DN 90 mm ສະຖານທີ່: ບ້ານ ໂພນແກ້ວ ເມືອງ ໄຊທານີ ນະຄອນຫຼວງວຽງຈັນ. ລັດວິສາຫະກິດນ້ຳປະປານະຄອນຫຼວງວຽງຈັນ ຂໍຖືເປັນກຽດຢ່າງສູງແຈ້ງມາຍັງ ບັນດາລູກຄ້າຜູ້ຊົມໃຊ້ນ້ຳປະປາ ໃນເຂດ ເມືອງ ໄຊທານີ ນະຄອນຫຼວງວຽງຈັນ ຊາບວ່າ: ໃນວັນທີ 07 ພຶດສະພາ 2025 ກົງກັບ ວັນພຸດ ເລີ່ມແຕ່ເວລາ: 9:00ໂມງ ຫາ 16:00 ໂມງ ຈະໄດ້ປິດນ້ຳຊົ່ວຄາວ ເພື່ອຕັດທໍ່ຂະໜາດ HDPE DN 280 mm ສຳໃສ່ທໍ່ນ້ຳ ຂະໜາດ HDPE DN 90 mm […]
ວໍເຣນ ບັບເຟັດ ກຽມວາງມືຈາກ “ເບີກເຊຍ ຮາທາເວ” ທ້າຍປີນີ້
“ວໍເຣນ ບັບເຟັດ” ປະກາດກຽມລົງຈາກຕຳແໜ່ງຊີອີໂອ ເບີກເຊຍ ຮາທາເວ” ທ້າຍປີນີ້ ຫຼັງຄຸມບັງຫງຽນມາກວ່າ 60 ປີ ພ້ອມສົ່ງໄມ້ຕໍ່ໃຫ້ຮອງປະທານຯ ດູແລຕໍ່ “ວໍເຣນ ບັບເຟັດ” ນັກທຸລະກິດ ແລະ ນັກລົງທຶນຊື່ດັງຊາວອາເມລິກາ ອາຍຸ 94 ປີ ປະກາດວ່າຈະລົງຈາກຕຳແໜ່ງປະທານເຈົ້າໜ້າທີ່ບໍລິຫານ ຫຼື ຊີອີໂອຂອງບໍລິສັດ “ເບີກເຊຍ ຮາທາເວ” (Berkshire Hathaway) ກຸ່ມບໍລິສັດໂຮລດິ້ງຂ້າມຊາດທີ່ດຳເນີນທຸລະກິດຜ່ານການຖືຫຸ້ນໃນບໍລິສັດຍ່ອຍ ແລະ ການລົງທຶນໃນຫຸ້ນຂອງບໍລິສັດອື່ນໃນພາກທຸລະກິດສຳຄັນ ພາຍໃນຊ່ວງສິ້ນປີ 2025 ນີ້ ແລະ ຈະສົ່ງຕໍ່ໃຫ້ກັບ “ເກຣກ ອາເບລ” ຮອງປະທານຂອງບໍລິສັດ ວໍເຣນ ບັບເຟັດ ການປະກາດລົງຈາກຕຳແໜ່ງຂອງ “ບັບເຟັດ” ເກີດຂຶ້ນໃນງານປະຊຸມປະຈຳປີຂອງບໍລິສັດ ໂດຍມະຫາເສດຖີລາຍນີ້ລະບຸວ່າ ຕົວເອງຄິດວ່າເວລານັ້ນມາຮອດແລ້ວ ເວລາທີ່ເກຣກຄວນຈະໄດ້ກ້າວຂຶ້ນມາເປັນຊີອີໂອຂອງບໍລິສັດໃນຊ່ວງສິ້ນປີນີ້ ພ້ອມເສີມວ່າ ຮອງປະທານບໍລິສັດບໍ່ເຄີຍຮູ້ແຜນການນີ້ມາກ່ອນການປະກາດນີ້ ແລະ ຢໍ້າວ່າບໍ່ມີຄວາມຕັ້ງໃຈແມ່ນແຕ່ໜ້ອຍທີ່ຈະຂາຍຮຸ້ນເບີກຊຽງທີ່ຕົວເອງຖືຢູ່ ເຖິງຢ່າງໃດກໍຕາມ ຂ່າວນີ້ສ້າງຄວາມປະຫຼາດໃຈໃຫ້ກັບຫຼາຍຝ່າຍ […]
ເຝົ້າລະວັງ ປ້ອງກັນ ແລະ ສະກັດກັ້ນ ການແຜ່ລະບາດ ຂອງພະຍາດໄຂ້ເລືອດດໍາ ບໍ່ໃຫ້ແຜ່ລະບາດເຂົ້າມາ ສປປລາວ
ກະຊວງກະສິກຳ ແລະ ປ່າໄມ້ ອອກແຈ້ງການ ເລື່ອງ ເພີ່ມທະວີການເຝົ້າລະວັງ ແລະ ຈັດຕັ້ງປະຕິບັດມາດຕະການປ້ອງກັນ ແລະ ສະກັດກັ້ນ ການແຜ່ລະບາດຂອງພະຍາດໄຂ້ເລືອດດຳ ບໍ່ໃຫ້ແຜ່ລາມເຂົ້າມາ ສປປ ລາວ. ເນື່ອງຈາກພົບການລະບາດຂອງພະຍາດໄຂ້ເລືອດດຳໃນສັດລ້ຽງຢູ່ແຂວງມຸກດາຫານ ປະເທດໄທ ເຊິ່ງເປັນພະຍາດຕິດຕໍ່ຮ້າຍແຮງທີ່ເກີດກັບສັດລ້ຽງລູກດ້ວຍນ້ຳນົມ ແລະ ສາມາດຕິດຕໍ່ສູ່ຄົນໄດ້. ກະຊວງກະສິກຳ ແລະ ປ່າໄມ້ ຈຶ່ງໄດ້ອອກແຈ້ງການດັ່ງນີ້: ໃຫ້ໂຈະການນຳເຂົ້າ ແລະ ສົ່ງຜ່ານສັດ ແລະ ຜະລິດຕະພັນສັດປະເພດ ງົວ, ຄວາຍ, ມ້າ, ໝູ, ແກະ ແລະ ແບ້ ຈາກປະເທດໄທຢ່າງເດັດຂາດ ຈົນກວ່າສະພາບການລະບາດຈະກັບຄືນສູ່ສະພາບປົກກະຕິ. ໃຫ້ພະແນກກະສິກຳ ແລະ ປ່າໄມ້ແຂວງ ແລະ ນະຄອນຫຼວງວຽງຈັນ ສົມທົບກັບພາກສ່ວນກ່ຽວຂ້ອງ ເອົາໃຈໃສ່ປະຕິບັດມາດຕະການປ້ອງກັນພະຍາດຢ່າງເຂັ້ມງວດຢູ່ດ່ານຕ່າງໆ ແລະ ດຳເນີນການສີດພົ່ນຢາຂ້າເຊື້ອພາຫະນະທີ່ເຂົ້າມາຈາກປະເທດໄທ. ໃຫ້ພະແນກກະສິກຳ ແລະ ປ່າໄມ້ແຂວງ ແລະ […]
“ທຣຳ” ສະແດງຄວາມຍິນດີ “ມາຣ໌ກ ຄາຣ໌ເນ” ຊະນະການເລືອກຕັ້ງການາດາ
ປະທານາທິບໍດີໂດນັລດ໌ ທຣຳ ຂອງສະຫະລັດຯ ໂທລະສັບໄປຫາທ່ານມາຣ໌ກ ຄາຣ໌ເນ ນາຍົກລັດຖະມົນຕີການາດາເພື່ອສະແດງຄວາມຍິນດີທີ່ເພິ່ນເປັນຜູ້ຊະນະໃນການເລືອກຕັ້ງທົ່ວໄປຂອງການາດາເມື່ອມື້ນີ້ (29 ເມສາ) ແລະ ໄດ້ຕົກລົງວ່າຜູ້ນຳທັງສອງຈະພົບແລະເຈລະຈາປະເດັນຕ່າງໆເຊັ່ນ: ຄວາມສຳພັນທາງເສດຖະກິດແລະຄວາມໝັ້ນຄົງ ໃນອີກບໍ່ດົນຕໍ່ຈາກນີ້. ຜົນການເລືອກຕັ້ງຢ່າງເປັນທາງການຂອງການາດາ, ປີແອຣ໌ ປົວລີຟຣ໌ ຫົວໜ້າພັກຝ່າຍຄ້ານ ອະນຸລັກນິຍົມ ພ່າຍແພ້ເຖິງກັບສູນເສຍທີ່ນັ່ງຂອງຕົວເອງຢ່າງບໍ່ໜ້າເຊື່ອດ້ວຍ ຂະນະທີ່ ມາຣ໌ກ ຄາຣ໌ເນ ຍັງຮັກສາຕຳແຫນ່ງນາຍົກລັດຖະມົນຕີຂອງການາດາເອົາໄວ້ຕໍ່ໄປ ເຖິງແມ່ນວ່າບໍ່ໄດ້ຄອງສຽງສ່ວນຫຼາຍໃນສະພາ. ນາຍົກລັດຖະມົນຕີມາຣ໌ກ ຄາຣ໌ເນ ຂອງການາດາ ຮ້ອງເພງແລະເຕັ້ນຢ່າງມ່ວນຊື່ນຮ່ວມກັບກຸ່ມຜູ້ສະໜັບສະໜູນ ຫຼັງຮູ້ຜົນການເລືອກຕັ້ງພັກເສລີນິຍົມຂອງເພິ່ນເປັນຝ່າຍຊະນະເມື່ອວັນຈັນທີ່ຜ່ານມາ ໄດ້ບໍລິຫານປະເທດຕໍ່ໄປອີກສະໄໝ ໂດຍພັກເສລີນິຍົມ ເອົາຊະນະພັກອະນຸລັກນິຍົມ ທີ່ນຳໂດຍປີແອຣ໌ ປົວລີຟຣ໌ ຜູ້ມີສະໂລແກນ “ການາດາຕ້ອງມາກ່ອນ” ແລະ ບາງຄັ້ງສະໄຕການເວົ້າຈາສຽດສີຂອງເພິ່ນເຮັດໃຫ້ເກີດການປຽບທຽບກັບປະທານາທິບໍດີໂດນັລດ໌ ທຣຳ ຜູ້ນຳສະຫະລັດຯ ຊຶ່ງອາດເຮັດໃຫ້ເພິ່ນແພ້ການເລືອກຕັ້ງ. ທັງນີ້, ພັກອະນຸລັກນິຍົມ ມີຄະແນນນິຍົມນຳໃນຜົນການສຳຫຼວດຄວາມຄິດເຫັນຂອງໂພລຫຼາຍສຳນັກມາຕິດຕໍ່ກັນຫຼາຍເດືອນ ກ່ອນຈະຫາຍໄປຫຼັງຈາກປະທານາທິບໍດີທຣຳປະກາດຂຶ້ນພາສີນຳເຂົ້າຈາກການາດາແລະຂູ່ຈະລວມເອົາການາດາເປັນຂອງສະຫະລັດຯ. ຊາວການາດາຈຶ່ງຫຼີກລ້ຽງທີ່ຈະຊື້ສິນຄ້າແລະເດີນທາງເຂົ້າສະຫະລັດຯ ເພື່ອຕອບໂຕ້. ຂະນະດຽວກັນ, ເຖິງແມ່ນວ່າຄາຣ໌ເນຍັງຄົງເປັນນາຍົກລັດຖະມົນຕີ […]