“ທຣຳ” ລົງນາມຄຳສັ່ງຍຸບກະຊວງສຶກສາທິການ ຢືນຢັນເປັນໜ່ວຍງານບໍ່ມີປະໂຫຍດ
ປະທານາທິບໍດີທຣຳລົງນາມໃນຄຳສັ່ງຝ່າຍບໍລິຫານປິດກະຊວງສຶກສາທິການ ອ້າງວ່າໃຊ້ຈ່າຍເງິນດ້ານການສຶກສາຫຼາຍແຕ່ນັກຮຽນບໍ່ປະສົບຄວາມສຳເລັດ ເມື່ອວັນທີ 20 ມີນາ ປະທານາທິບໍດີສະຫະລັດ ໂດນັລ ທຣຳ ໄດ້ລົງນາມໃນຄຳສັ່ງຝ່າຍບໍລິຫານ ເພື່ອສັ່ງເລີ່ມຂະບວນການຍຸບກະຊວງສຶກສາທິການ ຊຶ່ງເປັນໜຶ່ງໃນຄຳໝັ້ນສັນຍາທີ່ລາວໃຫ້ໄວ້ໃນຊ່ວງຫາສຽງເລືອກຕັ້ງປີ 2024 “ພວກເຮົາຈະປິດກະຊວງໂດຍໄວທີ່ສຸດ ມັນບໍ່ໄດ້ເປັນປະໂຫຍດອັນໃດກັບພວກເຮົາເລີຍ” ທຣຳກ່າວຫຼັງຈາກລົງນາມ ໂດຍລາວຮຽກຮ້ອງມາດົນແລ້ວໃຫ້ຍຸບກະຊວງສຶກສາທິການ ເນື່ອງຈາກເຫັນວ່າເປັນໜ່ວຍງານທີ່ມີຄ່າໃຊ້ຈ່າຍສູງແຕ່ໄດ້ຜົນລັບບໍ່ຄຸ້ມຄ່າ ໂດນັລ ທຣຳ ປະທານາທິບໍດີສະຫະລັດຯ ລົງນາມຄຳສັ່ງຍຸບກະຊວງສຶກສາທິການ ທຣຳກ່າວວ່າ “ສະຫະລັດຯ ໃຊ້ຈ່າຍເງິນດ້ານການສຶກສາຫຼາຍກວ່າປະເທດອື່ນໆ ຢ່າງຫຼວງຫຼາຍ ແຕ່ນັກຮຽນກັບຢູ່ໃນອັນດັບທ້າຍໆ ຂອງລາຍຊື່ໃນແງ່ຂອງຄວາມສຳເລັດ” ເຖິງຢ່າງໃດກໍຕາມ ຄາດວ່າຄຳສັ່ງຝ່າຍບໍລິຫານສະບັບນີ້ຈະປະເຊີນກັບອຸປະສັກດ້ານກົດໝາຍ ແບບດຽວກັບແຜນໄລ່ຄົນອອກຈຳນວນຫຼາຍ ການຕັດໜ່ວຍງານຂອງລັດຖະບານກາງ ແລະ ເປົ້າໝາຍໃນການຫຼຸດການໃຊ້ຈ່າຍ ຕ່າງກໍປະເຊີນກັບຄວາມທ້າທາຍທາງກົດໝາຍ ໃນພິທີລົງນາມ ທຣຳຍົກຍ້ອງທ່ານ ນ ລິນດາ ແມັກມາຮອນ ຊຶ່ງເຂົາແຕ່ງຕັ້ງໃຫ້ດຳລົງຕຳແໜ່ງລັດຖະມົນຕີວ່າການກະຊວງສຶກສາທິການ ແລະ ສະແດງຄວາມຫວັງວ່າ ລາວຈະເປັນລັດຖະມົນຕີກະຊວງສຶກສາທິການຄົນສຸດທ້າຍ ເຂົາກ່າວວ່າ ເຂົາຈະຊອກ “ແນວອື່ນ” ໃຫ້ລາວເຮັດພາຍໃນລັດຖະບານ ທັງນີ້ […]
ສະຫຼຸບຜົນບານໂລກ 2026 ຮອບຄັດເລືອກ ປະຈຳວັນທີ 21 ມີນາ 2025
ຜົນການແຂ່ງຂັນ ຟຸດບອນໂລກ 2026 ຮອບຄັດເລືອກ ປະຈຳວັນພະຫັດທີ 20 ມີນາ ທີ່ຜ່ານມາ “ຊາມູໄລບູ” ຍີ່ປຸ່ນ ກາຍເປັນຊາດທຳອິດທີ່ສາມາດຕີຕັ໋ວຜ່ານເຂົ້າໄປຫຼິ້ນບານໂລກ 2026 ຮອບສຸດທ້າຍໄດ້ສຳເລັດ ຫຼັງເປີດບ້ານເອົາຊະນະ ບາເຣນ 2-0 ເກັບເພີ່ມເປັນ 19 ຄະແນນ ແຕ້ມຂາດຮອຍແມ່ນຍັງເຫຼືອອີກ 3 ນັດກໍຕາມ ຜົນບານໂລກ 2026 ຮອບຄັດເລືອກ ໂຊນເອເຊຍ ກຸ່ມເອ ອຸດສະເບກິດຖານ 1-0 ຄີກີດສະຖານ ອີຣ່ານ 2-0 ຢູເອອີ ກາຕາ 5-1 ເກົາຫຼີເໜືອ ຜົນບານໂລກ 2026 ຮອບຄັດເລືອກ ໂຊນເອເຊຍ ກຸ່ມບີ ເກົາຫຼີໃຕ້ 1-1 ໂອມານ ຈໍແດນ 3-1 ປາແລສໄຕນ໌ ອີຣັກ 2-2 […]
ເຮັດພິທີຈູດທູບກາງແຈ້ງ 21 ມີນາ 2025 ຂໍຂະມາກຳ ເປີດທາງ ເປີດດວງ
ເຮັດພິທີຈູດທູບກາງແຈ້ງ ວັນທີ 21 ມີນາ 2025 ວັນວະສັນຕະວິສຸວັດ ຫຼື ວັນລາຕີເສມີພາບ ເປັນວັນທີ່ເວລາກາງຄືນເທົ່າກັບກາງເວັນ ເຊື່ອວ່າເປັນຊ່ວງເວລາທີ່ຫ້ວງມິຕິແຕ່ລະພົບເຊື່ອມຕໍ່ເຖິງກັນ ເປັນຄວາມເຊື່ອສ່ວນບຸກຄົນ ກະລຸນາໃຊ້ວິຈາລະນະຍານ ໂດຍ ອາຈານສຸດທິທຳ ພາກພຽນ ຜູ້ຊ່ຽວຊານວິຊາໂຫລາສາດໄທ ແລະ ໂຫລາສາດສາກົນ ແລະ ເຈົ້າຂອງເພຈ ເບິ່ງດວງໂຫລາສາດໄທລະບົບລັງສີດາວ ໄດ້ຄຳນວນ ມົງຄົນລະຫັດເດັດຂາດ ດວງດາວໄດ້ຍ້າຍໄດ້ເກນຕາມຕຳແໜ່ງ ເສດຖີມະຫາເສດຖີ ເພື່ອກ່າວຄຳອະທິຖານຂໍຂະມາກຳ ແລະ ຖອດຖອນຄຳບົນບານ ດັ່ງນີ້ ເຮັດພິທີຈູດທູບກາງແຈ້ງ ຂໍຂະມາກຳ ວັນທີ 21 ມີນາຄົມ 2568 ເວລາ 06.09 – 18.18 ໂມງ ວິທີຈູດທູບກາງແຈ້ງ ຂໍຂະມາກຳ ຈູດທູບ 9 ດອກ ຫັນໜ້າໄປທາງທິດຕາເວັນອອກ ກາງແຈ້ງ ຫຼື ໃນຮົ່ມກໍໄດ້ (ຄຳນຶງເຖິງຄວາມປອດໄພໃນສະຖານທີ່ຂອງການຈູດທູບ) […]
ຍີ່ປຸ່ນກຽມສ້າງສະຖານີລົດໄຟຈາກເຄື່ອງພິມ 3 ມິຕິແຫ່ງທຳອິດຂອງໂລກ
ບໍລິສັດຜູ້ໃຫ້ບໍລິການລົດໄຟລາຍໃຫຍ່ຂອງຍີ່ປຸ່ນກຽມສ້າງສະຖານີລົດໄຟແຫ່ງທຳອິດຂອງໂລກ ທີ່ໃຊ້ເຕັກໂນໂລຢີການພິມ 3 ມິຕິ ສ້າງແລ້ວສຳເລັດພາຍໃນເວລາພຽງແຕ່ 6 ຊົ່ວໂມງ ສະຖານີລົດໄຟແຫ່ງໃໝ່ນີ້ຈະຖືກສ້າງຂຶ້ນແທນທີ່ໂຄງສ້າງໄມ້ເກົ່າທີ່ຊຸດໂຊມ ຂອງສະຖານີຮັດຊິມະ ຕັ້ງຢູ່ໃນຈັງຫວັດວາກາຢາມະ ທາງຕອນໃຕ້ຂອງປະເທດຍີ່ປຸ່ນ ຫ່າງຈາກໂອຊາກ້າປະມານ 96 ກິໂລແມັດD ໂດຍໂຄງສ້າງສະຖານີໃໝ່ນີ້ຈະມີພື້ນທີ່ປະມານ 10 ຕາລາງແມັດ ໂດຍມີຄວາມສູງ 2.6 ແມັດ, ກວ້າງ 6.3 ແມັດ ແລະ ເລິກ 2.1 ແມັດ ຝາຂອງອາຄານຈະພິມນູນດ້ວຍຮູບໝາກກ້ຽງຊື່ດັງຂອງເມືອງອາລິດະ ແລະ ປາທະຊິອຸໂອະ ຊຶ່ງເປັນສັນຍາລັກຂອງວິຖີຊີວິດທ້ອງຖິ່ນ ໂຄງສ້າງຂອງສະຖານີຈະຖືກສ້າງຂຶ້ນໂດຍໃຊ້ເຄື່ອງພິມ 3 ມິຕິທີ່ທັນສະໄໝ ຊຶ່ງຈະພິມຊິ້ນສ່ວນຫຼັກຂອງອາຄານລວມເຖິງຖານຮາກຖານອອກມາ ຈາກນັ້ນຈະເຮັດການເຕີມຄອນກຣີດລົງໄປໃນແຕ່ລະຊິ້ນສ່ວນກ່ອນນຳໄປສົ່ງຍັງສະຖານທີ່ກໍ່ສ້າງ. ເມື່ອຮອດໜ້າງານ ຄົນງານຈະໃຊ້ເຄນຊ່ວຍປະກອບ ແລະ ເຊື່ອມຕໍ່ຊິ້ນສ່ວນຕ່າງໆ ຕັ້ງແຕ່ການລື້ຖອນສະຖານີເກົ່າໄປຈົນເຖິງການຕິດຕັ້ງສະຖານີໃໝ່ ຂັ້ນຕອນທັງໝົດຈະສຳເລັດພາຍໃນ 6 ຊົ່ວໂມງ ໂດຍການກໍ່ສ້າງຈະເລີ່ມຂຶ້ນໃນວັນທີ 25 ມີນາ ຫຼັງຈາກທີ່ລົດໄຟຂະບວນສຸດທ້າຍອອກຈາກສະຖານີ ແລະ ຈະສຳລັດກ່ອນທີ່ລົດໄຟຂະບວນທຳອິດຂອງເຊົ້າວັນຕໍ່ໄປຈະມາຮອດ […]
ມື້ນຳໂຊກ ຂອງທັງ 12 ລາສີ ມີມື້ໃດແດ່? ທີ່ພະລັງແຫ່ງດວງດາວມອບໃຫ້
ເປັນຫຍັງບາງມື້ຈຶ່ງຮູ້ສຶກໂຊກດີເປັນພິເສດ? ຫຼື ເປັນຫຍັງບາງຊ່ວງເວລາຈຶ່ງເບິ່ງຄືວ່າທຸກຢ່າງເປັນໃຈໃຫ້ເຮົາ? ຄຳຕອບອາດມີຢູ່ໃນພະລັງແຫ່ງດວງດາວ ໂຫລາສາດໄດ້ເຜີຍເຄັດລັບ ມື້ນຳໂຊກ ຂອງແຕ່ລະລາສີ ຊຶ່ງເປັນຊ່ວງເວລາທີ່ພະລັງງານຂອງດວງດາວສົ່ງເສີມໃຫ້ເຮົາປະສົບຄວາມສຳເລັດໃນດ້ານຕ່າງໆ ແຕ່ລະລາສີຈະມີວັນນຳໂຊກເປັນວັນໃດແດ່ ໄປເບິ່ງກັນ ວັນນຳໂຊກ 12 ລາສີ ລາສີເມສ ວັນນຳໂຊກຄົນເກີດລາສີເມສ : ວັນອັງຄານ ດາວອັງຄານນຳພະລັງແຫ່ງຄວາມກ້າຫານມາໃຫ້ ວັນນີ້ເໝາະກັບການຕັດສິນໃຈຄັ້ງໃຫຍ່ ເລີ່ມທຸລະກິດ ຂໍຂຶ້ນເງິນເດືອນ (ຫຼີກລ່ຽງງານສົບໃນວັນນີ້) ລາສີພຶດສະພາ ວັນນຳໂຊກຄົນເກີດລາສີພຶດສະພາ : ວັນສຸກ ດາວສຸກປະທານຄວາມຮັກ ເງິນຄຳ ແລະ ອາຫານເລີດລົດ ວັນແຫ່ງການດູແລຕົວເອງ ໂຣແມນຕິກ ແລະ ຊ້ອບປິ້ງອອນລາຍສຸດຄຸ້ມ ລາສີເມຖຸນ ວັນນຳໂຊກຄົນເກີດລາສີເມຖຸນ : ວັນພຸດ ດາວພຸດເສີມພະລັງການສື່ສານ ວັນແຫ່ງການໂອ້ລົມ ເຈລະຈາ ສ້າງເຄືອຂ່າຍ ເສນ່ຫ໌ແຮງເກີນຕ້ານ ເໝາະກັບການໂນ້ມນ້າວໃຈຜູ້ອື່ນ ລາສີກໍລະກົດ ວັນນຳໂຊກຄົນເກີດລາສີກໍລະກົດ : ວັນຈັນ ດວງຈັນນຳມາຊຶ່ງອາລົມ […]
ເຟດຄົງດອກເບ້ຍທີ່ 4.25-4.50% ຄາດວ່າປີນີ້ປັບຫຼຸດອັດຕາດອກເບ້ຍ 2 ຄັ້ງ
ເມື່ອວັນທີ 19 ມີນາ ທະນາຄານກາງສະຫະລັດ (ເຟດ) ມີມະຕິຄົງທີ່ອັດຕາດອກເບ້ຍ ໃນຂະນະທີ່ເຈົ້າໜ້າທີ່ທະນາຄານກາງກຳລັງພິຈາລະນາຜົນກະທົບຂອງນະໂຍບາຍເສດຖະກິດ ເຊີງຮຸກຂອງປະທານາທິບໍດີ ໂດນັລດ໌ ທຣຳ ການຕັດສິນໃຈລ່າສຸດສະແດງໃຫ້ເຫັນວ່າ ເຈົ້າໜ້າທີ່ທະນາຄານກາງກຳລັງລໍຖ້າຫຼັກຖານວ່າ ອັດຕາເງິນເຟີ້ກຳລັງມຸ່ງໜ້າສູ່ເປົ້າໝາຍ 2% ຫຼື ເສດຖະກິດກຳລັງອ່ອນແອລົງຫຼາຍກວ່າທີ່ຄາດຄະເນໄວ້ ຜົນລັບທັງສອງປະການນີ້ຈະເຮັດໃຫ້ການປັບຫຼຸດອັດຕາດອກເບ້ຍກັບມາເປັນປະເດັນອີກຄັ້ງ ເຈໂຣມ ພາວເວວ ປະທານທະນາຄານກາງສະຫະລັດ (ເຟດ) ເຈົ້າໜ້າທີ່ຍັງຄົງຄາດວ່າຈະປັບຫຼຸດອັດຕາດອກເບ້ຍລົງ 2 ຄັ້ງໃນປີນີ້ ຕາມການຄາດການເສດຖະກິດລ່າສຸດທີ່ເຜີຍແຜ່ໃນວັນທີ 19 ມີນາ ເຖິງແມ່ນວ່າເຈົ້າໜ້າທີ່ 8 ຄົນຄາດວ່າຈະປັບຫຼຸດອັດຕາດອກເບ້ຍ 1 ຄັ້ງ ຫຼື ບໍ່ມີການປັບຫຼຸດເລີຍໃນປີນີ້ ປະທານເຟດ ເຈໂຣມ ພາວເວວ ຍອມຮັບກ່ຽວກັບຄວາມບໍ່ແນ່ນອນໃນພາກການບໍລິໂພກ ແລະ ທຸລະກິດໃນອາເມລິກາ ຊຶ່ງສ່ວນໃຫຍ່ເກີດຈາກ “ຄວາມວຸ້ນວາຍ” ຂອງລັດຖະບານທຣຳ ພາວເວວກ່າວວ່າ “ຍັງຕ້ອງເບິ່ງກັນຕໍ່ໄປວ່າການປ່ຽນແປງເຫຼົ່ານີ້ສົ່ງຜົນຕໍ່ການໃຊ້ຈ່າຍແລະການລົງທຶນໃນອະນາຄົດແນວໃດ” ອັດຕາດອກເບ້ຍເງິນກູ້ຫຼັກຂອງເຟດຍັງຄົງຢູ່ທີ່ລະດັບ 4.25% ເຖິງ 4.5% ການຄົງອັດຕາດອກເບ້ຍໄວ້ຈະເຮັດໃຫ້ຜູ້ກໍານົດນະໂຍບາຍຂອງເຟດຄາດການເຫັນວ່າ […]
ເປີດໃຊ້ງານຖະໜົນ R11 ເຊື່ອມເສດຖະກິດຊຽງໃໝ່ – ວຽງຈັນ ສານສຳພັນລ້ານນາ – ລ້ານຊ້າງ
ສຳນັກງານຄວາມຮ່ວມມືພັດທະນາເສດຖະກິດກັບປະເທດເພື່ອນບ້ານ (NEDA) ໄດ້ຮ່ວມມືກັບສາທາລະນະລັດປະຊາທິປະໄຕປະຊາຊົນລາວ (ສປປ.ລາວ) ໃນການພັດທະນາເສັ້ນທາງຖະໜົນເລກທີ 11 (R11) ເພື່ອເຊື່ອມໂຍງລະບຽງເສດຖະກິດລະຫວ່າງຊຽງໃໝ່ ແລະ ວຽງຈັນ ລວມໄລຍະທາງປະມານ 629 ກິໂລແມັດ. ເສັ້ນທາງນີ້ເລີ່ມຈາກຈັງຫວັດຊຽງໃໝ່, ຜ່ານລຳພູນ, ລຳປາງ, ແພ່, ອຸຕະລະດິດ ແລະ ເຂົ້າສູ່ ສປປ.ລາວ ຜ່ານເມືອງສັງທອງ ໄປຈົນເຖິງວຽງຈັນ ການເປີດໃຊ້ງານເສັ້ນທາງ R11 ຢ່າງເປັນທາງການເມື່ອວັນທີ 20 ກຸມພາ 2025 ຊ່ວຍຫຼຸດໄລຍະທາງກວ່າ 234 ກິໂລແມັດຈາກເສັ້ນທາງເດີມ ແລະ ປະຫຍັດເວລາກວ່າ 3 ຊົ່ວໂມງ. ທ່ານເຜົ່າພູມິ ໂຣດຈະນະສະກຸນ ລັດຖະມົນຕີຊ່ວຍວ່າການກະຊວງການຄັງ ເຊື່ອວ່າເສັ້ນທາງ R11 ຈະສົ່ງເສີມກິດຈະກຳທາງເສດຖະກິດ ການຄ້າ ການຂົນສົ່ງ ແລະການທ່ອງທ່ຽວຕະຫຼອດເສັ້ນທາງ ນອກຈາກນີ້ ຍັງຊ່ວຍເພີ່ມສັກກະຍະພາບທາງເສດຖະກິດ ການໂອນຖ່າຍອົງຄວາມຮູ້ ແລະ ກິດຈະກຳອື່ນໆ ທີ່ຈະເກີດຂຶ້ນລະຫວ່າງທາງ. […]
ແຈ້ງການ ການປິດນ້ຳປະປາຊົ່ວຄາວ ວັນທີ 20 ມີນາ 2025
ແຈ້ງການ ເລື່ອງ: ການປິດນ້ຳປະປາຊົ່ວຄາວ ເພື່ອດຳເນີນການຕັດທໍ່ ຂະໜາດ uPVC DN 150 mm ສຳໃສ່ທໍ່ຂະໜາດ uPVC DN 110 mm ສະຖານທີ່: ບ້ານ ໄຊສະຫວ່າງ (ຮ່ອມ 09) ເມືອງ ໄຊທານີ ນະຄອນຫຼວງວຽງຈັນ ລັດວິສາຫະກິດນ້ຳປະປານະຄອນຫຼວງວຽງຈັນ ຂໍຖືເປັນກຽດຢ່າງສູງແຈ້ງມາຍັງ ບັນດາລູກຄ້າຜູ້ຊົມໃຊ້ນ້ຳປະປາ ໃນເຂດບ້ານ ຂອງ ເມືອງ ໄຊທານີ ນະຄອນຫຼວງວຽງຈັນ ຊາບວ່າ: ໃນວັນທີ 20 ມີນາ 2025 ກົງກັບ ວັນພະຫັດ ເລີ່ມແຕ່ເວລາ: 9:00ໂມງ ຫາ 16:00 ໂມງ ຈະໄດ້ປິດນ້ຳຊົ່ວຄາວ ເພື່ອດຳເນີນການຕັດທໍ່ ຂະໜາດ uPVC DN 150 mm ສຳໃສ່ທໍ່ຂະໜາດ uPVC DN 110 […]
ແຈ້ງການມອດໄຟ ວັນທີ 23 ມີນາ 2025 ບາງເຂດ ເມືອງຫາດຊາຍຟອງ
ແຈ້ງການມອດໄຟ ວັນທີ 23 ມີນາ 2025 ບາງເຂດ ເມືອງຫາດຊາຍຟອງ ລະອຽດດັ່ງລຸ່ມນີ້: ແຫຼ່ງທີ່ມາ: EDL LAOS ລັດວິສາຫະກິດໄຟຟ້າລາວ ສາຂານະຄອນຫລວງ2
“ດູແຕຣ໌ເຕ” ອາຊະຍາກຳຕໍ່ມະນຸດຊາດ! ຟິລິບປິນສົ່ງຕົວ ຂຶ້ນສານອາຍາໂລກ
ອະດີດປະທານາທິບໍດີຟິລິບປິນ ໂຣດຣິໂກ ດູແຕຣ໌ເຕ ຖືກຄວບຄຸມ ແລະ ສົ່ງຕົວຂຶ້ນເຄື່ອງບິນມຸ່ງໜ້າໄປຍັງກຸງເຮກ ປະເທດເນເທີແລນ ເມື່ອວັນທີ່ 18 ມີນາ ຜ່ານມາ. ຫຼັງຈາກຖືກຈັບກຸມທີ່ສະໜາມບິນໃນກຸງມະນິລາ ຕາມໝາຍຈັບຂອງສານອາຍາລະຫວ່າງປະເທດ (ICC) ມາຣ໌ຕິນ ເດລກຣາ ທະນາຍຄວາມຂອງ ດູແຕຣ໌ເຕ ເປີດເຜີຍວ່າ ອະດີດຜູ້ນຳວັຍ 79 ປີ ໄດ້ຂຶ້ນເຄື່ອງບິນເຊົ່າເໝົາລຳພ້ອມກັບຜູ້ຕິດຕາມອີກ 3 ຄົນຈາກສະໜາມບິນນານາຊາດມະນິລາ ເວລາປະມານ 21:00 ນ. ຕາມເວລາທ້ອງຖິ່ນ ແລະ ກຳລັງເດີນທາງໄປຍັງກຸງເຮກ ຊຶ່ງເປັນທີ່ຕັ້ງຂອງສຳນັກງານໃຫຍ່ ICC ລັດຖະບານຟິລິບປິນລະບຸວ່າ ດູແຕຣ໌ເຕ ຖືກຄວບຄຸມຕົວເມື່ອຊ່ວງເຊົ້າວັນອັງຄານທີ່ 18 ມີນາ, ຂະນະເດີນທາງກັບຈາກຮ່ອງກົງ ເຂົາກຳລັງປະເຊີນຂໍ້ກ່າວຫາກໍ່ອາຊະຍາກຳຕໍ່ມະນຸດຊາດ ອັນເປັນຜົນມາຈາກສົງຄາມປາບປາມຢາເສບຕິດທີ່ດຳເນີນມາຕັ້ງແຕ່ປີ 2016-2022 ຊຶ່ງມີຜູ້ເສຍຊີວິດຫຼາຍພັນຄົນ ຊາຣາ ດູແຕຣ໌ເຕ ຮອງປະທານາທິບໍດີຟິລິບປິນ ແລະ ລູກສາວຂອງອະດີດຜູ້ນຳ ອອກຖະແຫຼງການວ່າ ການສົ່ງຕົວບິດາຂອງທ່ານໄປຍັງ ICC […]