ຄຳສາລະພາບຂອງຄາດຕະກອນກໍ່ເຫດຄາດຕະກໍາ ນຳສົບໄປຝັງດິນຢູ່ເມືອງສັງທອງ
ຄຳສາລະພາບຂອງຄາດຕະກອນກໍ່ເຫດຄາດຕະກໍານຳສົບໄປຝັງດິນ ຢູ່ເມືອງສັງທອງ ໃນຄັ້ງວັນທີ 17 ກໍລະກົດ 2025 ເຈົ້າໜ້າທີ່ຫ້ອງຕໍາຫຼວດ ປກສ ນະຄອນຫຼວງວຽງຈັນ ໄດ້ຮັບແຈ້ງຈາກ ກອງບັນຊາການ ປກສ ເມືອງສັງທອງ ວ່າ: ມີຄົນເສຍຊີວິດ ຢູ່ບ້ານສໍາພັນນາ ເມືອງສັງທອງ ນວ, ຈາກນັ້ນ ເຈົ້າໜ້າທີ່ ຫ້ອງຕຳຫຼວດ ຈຶ່ງໄດ້ແຕ່ງຕັ້ງພະນັກງານວິຊາສະເພາະ ລົງສົມທົບກັບພາກສ່ວນທີ່ກ່ຽວຂ້ອງ ໄປກວດກາສະຖານທີ່ເກີດເຫດ ສາມາດຮູ້ໄດ້ຜູ້ເສຍຊີວິດຊື່ ທ້າວ ນຸກອນ ອາຍຸ 48 ປີ, ເຊື້ອຊາດ-ສັນຊາດ ລາວ, ອາຊີບ ພະນັກງານ, ປັດຈຸບັນຢູ່ບ້ານໂນນຂີ້ເຫຼັກ ເມືອງສີໂຄດຕບອງ ນະຄອນຫຼວງວຽງຈັນ. ຜ່ານການສືບສວນ-ສອບສວນ ເກັບກຳຂໍ້ມູນຫຼັກຖານ ໄດ້ຮູ້ເປົ້າໝາຍສົງໃສທີ່ເອົາຕົວຫຼົບໜີ ໄປແຂວງໄຊຍະບູລີ ເຈົ້າໜ້າທີ່ ໄດ້ສົມທົບກັບກອງບັນຊາການ ປກສ ແຂວງໄຊຍະບູລີ ແລະ ສາມາດຈັບຕົວຜູ້ຖືກຫາໄດ້ ໃນເວລາ 11:30 ໂມງ ຂອງວັນທີ 18 ກໍລະກົດ […]
ເຕືອນໄພ!!! ຈາກການພະຍາກອນລະດັບນ້ຳມີທ່າອ່ຽງສູງຂື້ນເຖິງເຂດເຕືອນໄພ ໃນໄລຍະ ວັນທີ 24 ຫາ 25 ກໍລະກົດ 2025
ແຈ້ງເຕືອນໄພຝົນຕົກໜັກ, ນ້ຳຖ້ວມຊຸ ແລະ ດິນເຈືື່ອນ ວັນທີ 24 ກໍລະກົດ 2025 ຮ່ອງຄວາມກົດດັນອາກາດຕ່ຳ ຫລືວ່າ ຮ່ອງຝົນ ຍັງສືບຕໍ່ພາດຜ່ານພາກເໜືອ ແລະ ພາກກາງ ຂອງປະເທດລາວ ປ່ອງໃສ່ຄວາມກົດດັນອາກາດຕ່ຳທີ່ ປະເທດຫວຽດນາມ ສົມທົບກັບລົມມໍລະສຸມຕາເວັນຕົກສ່ຽງໃຕ້ທີ່ມີກໍາລັັງແຮງພັດປົກຄຸມເປັນສ່ວນໃຫຍ່ ຊຶ່ງຈະເຮັດໃຫ້ມີຝົນຕົກ ຟ້າຮ້ອງ ຟ້າເຫລື້ອມ ໃນລະດັບຄ່ອຍ ຫາ ປານກາງຢູ່ທົ່ວໄປໃນແຕ່ລະພາກ ແລະ ຕົກໜັກ ພ້ອມຈະມີລົມພັດແຮງຢູ່ບາງທ້ອງຖິ່ນ ແຂວງພາກເໜືອ ແລະ ພາກກາງ ສໍາລັບ ສະພາບລະດັບນ້ຳ ແມ່ນ້ຳຂອງ ແລະ ສາຂາແມ່ນ້ຳ ຂອງສະຖານີຫລວງພະບາງ, ຈາກການພະຍາກອນລະດັບນ້ຳມີທ່າອ່ຽງສູງຂື້ນເຖິງເຂດເຕືອນໄພ ໃນໄລຍະ ວັນທີ 24 ຫາ 25 ກໍລະກົດ 2025. ທີ່ມາ: ກົມອຸຕຸນິຍົມ ແລະ ອຸທົກກະສາດ
ແຈ້ງປັບລາຄານ້ຳມັນ ເລີ່ມປະຕິບັດ 06:00 ໂມງຂອງວັນທີ 24 ກໍລະກົດ 2025
ແຈ້ງປັບລາຄານ້ຳມັນ ເລີ່ມປະຕິບັດ 06:00 ໂມງຂອງວັນທີ 24/07/2025 ຕາມແຈ້ງການຈາກ ກຊ ອຸດສະຫະກຳແລະການຄ້າ ເລກທີ 0862/ກຄພນ ລົງວັນທີ 23 ກກ. 2025 ລາຍລະອຽດດັ່ງລຸ່ມນີ້: ທີ່ມາ: ລັດວິສາຫະກິດ ນໍ້າມັນເຊຶ້ອໄຟລາວ (ລນລ)
ຊິເງຣຸ ອິຊິບະ ນາຍົກລັດຖະມົນຕີຂອງຍີ່ປຸ່ນ ກຽມປະກາດລາອອກພາຍໃນເດືອນໜ້າ
ຫນັງສືພິມໄມນິຈິ ລາຍງານວ່າ ນາຍົກລັດຖະມົນຕີຊິເງຣຸ ອິຊິບະ ຂອງຍີ່ປຸ່ນ ວາງແຜນທີ່ຈະປະກາດລາອອກພາຍໃນທ້າຍເດືອນໜ້າ ອິຊິບະກຳລັງປະເຊີນໜ້າກັບການຕໍ່ຕ້ານທີ່ເພີ່ມຫຼາຍຂຶ້ນຈາກພາຍໃນພັກເສຣີປະຊາທິປະໄຕ (ແອລດີພີ) ຫຼັງຈາກທີ່ປະເຊີນໜ້າກັບການຕໍ່ຕ້ານພາຍໃນພັກເສຣີປະຊາທິປະໄຕ ເນື່ອງຈາກລາວກ່າວວ່າຈະຍັງຄົງຢູ່ໃນອຳນາດຕໍ່ໄປ ເຖິງແມ່ນວ່າພັກຮ່ວມລັດຖະບານຈະແພ້ໃນການເລືອກຕັ້ງວຸດທະສະພາເມື່ອວັນອາທິດ (20/7/2025) ທີ່ຜ່ານມາ. ຫນັງສືພິມໂຍມິອຸຣິ ຊິມບຸນ ລາຍງານວ່າ ອິຊິບະໄດ້ແຈ້ງຕໍ່ຜູ້ໃກ້ຊິດໃນຕອນແລງວັນອັງຄານ (22 ກໍລະກົດ) ວ່າ ລາວຈະອະທິບາຍວິທີການຮັບຜິດຊອບຕໍ່ການແພ້ ໃນການເລືອກຕັ້ງຄັ້ງນີ້ ເມື່ອສາມາດຫາຂໍ້ຍຸຕິໃນການເຈລະຈາການຄ້າໄດ້. ໃນທີ່ໂພສເມື່ອວັນພຸດຕາມເວລາເອເຊຍ ປະທານາທິບໍດີໂດນາລ ທຣຳ ຂອງສະຫະລັດກ່າວວ່າ ລາວຫາກໍ່ສຳເລັດຂໍ້ຕົກລົງ “ຄັ້ງໃຫຍ່” ກັບຍີ່ປຸ່ນ ຊຶ່ງລວມເຖິງການລົງທຶນມູນຄ່າ 550,000 ລ້ານໂດລາສະຫະລັດໃນສະຫະລັດ. ຫຼັງຈາກໂພສຂອງທຣຳ ທ່ານ ອິຊິບະກ່າວວ່າ ລາວພ້ອມທີ່ຈະພົບຫຼືໂອ້ລົມໂທລະສັບກັບທຣຳ ຫຼັງຈາກໄດ້ຮັບຂໍ້ມູນສະຫຼຸບຈາກ ທ່ານ ຣຽວເຊຍ ອາຄາຊາວະ ຫົວໜ້າຄະນະເຈລະຈາການຄ້າຂອງຍີ່ປຸ່ນ ຊຶ່ງເດີນທາງມາທີ່ນະຄອນວໍຊິງຕັນເພື່ອເຈລະຈາການຄ້າ. “ຂ້າພະເຈົ້າຍັງບອກບໍ່ໄດ້ຈົນກວ່າຈະພິຈາລະນາຜົນຂອງຂໍ້ຕົກລົງຢ່າງລະອຽດຖີ່ຖ້ວນ” ທ່ານ ອິຊິບະກ່າວກັບຜູ້ສື່ຂ່າວເມື່ອຖືກຖາມວ່າຂໍ້ຕົກລົງກັບສະຫະລັດຈະສົ່ງຜົນຕໍ່ການຕັດສິນໃຈຂອງລາວໃນການລົງຈາກຕຳແໜ່ງຫຼືບໍ່. ລາວຍັງອະທິບາຍເຖິງການຕັດສິນໃຈຢູ່ຕໍ່ ອິຊິບະໄດ້ເນັ້ນຍ້ຳເຖິງຄວາມຈຳເປັນໃນການຫຼີກເວັ້ນການສ້າງສູນຍາກາດທາງການເມືອງ […]
ນາຍົກລັດຖະມົນຕີມາເລເຊຍປະກາດແຈກເງິນ ໃຫ້ຜູ້ທີ່ມີອາຍຸ 18ປີຂຶ້ນໄປທຸກຄົນ ຫຼຸດບັນຫາຄ່າຄອງຊີບສູງ
ນາຍົກລັດຖະມົນຕີອັນວາ ອິບຣາຮິມ ຂອງມາເລເຊຍ ປະກາດມາດຕະການໃໝ່ ເພື່ອຈັດການກັບຄວາມກັງວົນຂອງປະຊາຊົນກ່ຽວກັບບັນຫາຄ່າຄອງຊີບທີ່ສູງຂຶ້ນ ຊຶ່ງລວມເຖິງການແຈກເງິນຊ່ວຍເຫຼືອປະຊາຊົນຜູ້ໃຫຍ່ທຸກຄົນ ຄົນລະ 100 ຣິງກິດ ແລະ ຄຳໝັ້ນວ່າຈະຫຼຸດລາຄານ້ຳມັນເຊື້ອເພີງ ການປະກາດດັ່ງກ່າວເກີດຂຶ້ນກ່ອນແຜນການຈັດການປະທ້ວງໃນນະຄອນກົວລາລຳເປີ ໃນວັນເສົານີ້ (26 ກໍລະກົດ) ໂດຍຮຽກຮ້ອງໃຫ້ ທ່ານ ອັນວາ ລາອອກຈາກຕຳແໜ່ງ ເນື່ອງຈາກບັນຫາລາຄາສິນຄ້າທີ່ສູງຂຶ້ນແລະຄວາມລົ້ມເຫຼວໃນການປະຕິຮູບທີ່ສັນຍາໄວ້ ລວມເຖິງຂໍ້ກັງວົນອື່ນໆ. ລັດຖະບານຂອງອັນວາໄດ້ດຳເນີນມາດຕະການຫຼາຍຢ່າງເພື່ອກະຕຸ້ນລາຍໄດ້ ແລະ ຜົນຜະລິດໃນປີນີ້ ລວມເຖິງການຂຶ້ນຄ່າແຮງຂັ້ນຕ່ຳ, ການຂຶ້ນຄ່າໄຟຟ້າສຳລັບຜູ້ໃຊ້ໄຟຟ້າລາຍໃຫຍ່ ແລະ ພາສີການຂາຍໃໝ່ສຳລັບໝາກໄມ້ນຳເຂົ້າແລະສິນຄ້າຟຸ່ມເຟືອຍບາງລາຍການ. ທ່ານ ອັນວາ ກ່າວວ່າມາດຕະການເຫຼົ່ານີ້ມຸ່ງເປົ້າໄປທີ່ທຸລະກິດຂະໜາດໃຫຍ່ ແລະ ກຸ່ມຄົນຮັ່ງມີເປັນຫຼັກ ແຕ່ນັກວິຈານໄດ້ສະແດງຄວາມກັງວົນວ່າຕົ້ນທຶນທີ່ສູງຂຶ້ນຈະຖືກສົ່ງຕໍ່ໄປຍັງຜູ້ບໍລິໂພກໃນທີ່ສຸດຊຶ່ງລວມເຖິງຜູ້ມີລາຍໄດ້ນ້ອຍ ແລະ ປານກາງ. ເມື່ອວັນພຸດທີ່ຜ່ານມາ ທ່ານອັນວາກ່າວວ່າຄົນມາເລເຊຍທີ່ເປັນຜູ້ໃຫຍ່ທຸກຄົນທີ່ມີອາຍຸ 18 ປີຂຶ້ນໄປຈະໄດ້ຮັບເງິນຊ່ວຍເຫຼືອຄັ້ງດຽວ 100 ຣິງກິດ (ປະມານ 508,000 ກີບ) ຊຶ່ງຈະຈ່າຍຕັ້ງແຕ່ວັນທີ 31 ສິງຫາເປັນຕົ້ນໄປ ໂດຍລັດຖະບານຈະຈັດສັນເງິນຊ່ວຍເຫຼືອລວມ 15,000 […]
ຮົງກົງໃຊ້ AI ພິມ “ກະດູກ 3 ມິຕິ” ຈາກພາບ X-ray ຫຼຸດຄົນເຈັບຮັບລັງສີໄດ້ 99%
ທີມນັກວິໄຈຈາກ ມະຫາວິທະຍາໄລວິທະຍາສາດແລະເທັກໂນໂລຊີຮົງກົງ (HKUST) ໄດ້ປະກາດຄວາມສຳເລັດຂອງການພັດທະນາເທັກໂນໂລຊີທີ່ຂັບເຄື່ອນດ້ວຍ AI ຊຶ່ງສາມາດສ້າງໂຄງສ້າງກະດູກແບບ 3 ມິຕິ ຂອງຄົນເຈັບຂຶ້ນມາໃໝ່ໄດ້ ໂດຍໃຊ້ພາບ X-ray ພຽງ 2-4 ພາບເທົ່ານັ້ນ ຊຶ່ງຊ່ວຍຫຼຸດຄວາມຈຳເປັນໃນການສະແກນ CT ແລະ ຫຼຸດປະລິມານລັງສີທີ່ຄົນເຈັບດ້ຮັບໄດ້ຫຼາຍເຖິງຮ້ອຍລະ 99. ການພັດທະນາ AI ເພື່ອການສ້າງແບບຈຳລອງກະດູກ ທີມນັກວິໄຈເປີດເຜີຍວ່າເທັກໂນໂລຊີນີ້ໃຊ້ເວລາພຽງ 30 ວິນາທີ ໃນການສ້າງແບບຈຳລອງກະດູກ 3 ມິຕິ ໂດຍໃຊ້ປັນຍາປະດິດໃນການແປງພາບ X-ray ມາດຕະຖານ ໃຫ້ເປັນພາບກະດູກ ແລະ ອະໄວຍະວະແບບ 3 ມິຕິ ດ້ວຍວິທີນີ້ຊ່ວຍໃຫ້ໝໍສາມາດເຫັນພາບກະດູກຂອງຜູ້ປ່ວຍແບບສາມມິຕິທີ່ລະອຽດເທິງໜ້າຈໍຄອມພິວເຕີ ແລະ ຊ່ວຍໃຫ້ການວິນິດໄສ ແລະ ການວາງແຜນການປິ່ນປົວແມ່ນຍຳຍິ່ງຂຶ້ນ. ບໍ່ແມ່ນພຽງແຕ່ພາບ ແຕ່ “ພິມ” ແບບຈຳລອງກະດູກ 3D ໄດ້ດ້ວຍ ນອກຈາກຄວາມສາມາດໃນການສ້າງພາບ 3 […]
ເສັ້ນທາງ ແລະ ຂົວຫຼາຍແຫ່ງໃນໄຊສົມບູນຂາດ ເນື່ອງຈາກໄດ້ຮັບຜົນກະທົບຈາກນ້ຳຖ້ວມ ບໍ່ສາມາດນໍາໃຊ້ເຂົ້າໃນການສັນຈອນໄດ້
ໃນລະຫວ່າງ ວັນທີ 22-23 ກໍລະກົດ 2025 ບ້ານຊຽງຄົງ, ບ້ານວັງໄຮ ແລະ ບ້ານທ່າວຽງ ໄຊ ເມືອງທ່າໂທມ, ແຂວງໄຊສົມບູນ ໄດ້ຮັບຜົນກະທົບຈາກພະຍຸໝູນເຂດຮ້ອນວິພາ ແລະ ເກີດມີຝົນຕົກໜັກຕິດຕໍ່ກັນຫຼາຍມື້ ເຮັດໃຫ້ນໍ້າຖ້ວມເຮືອນປະຊາຊົນ ຈໍານວນຫຼາຍຫຼັງ ແລະ ປັດຈຸບັນ ຂົວອູ່ຂ້າມ ເຂດທໍາການຜະລິດຂອງປະຊາຊົນ ລະຫວ່າງບ້ານ ນາຊົງ ກັບ ບ້ານທ່າວຽງໄຊ ຂາດ 2 ແຫ່ງແລ້ວ ແລະ ໄຫຼຖ້ວມເສັ້ນທາງເລກ 1d , ຖ້ວມທົ່ງໄຮ່ທົ່ງນາຂອງປະຊາຊົນ ຈຳນວນໜຶ່ງ ໃນຕອນເຊົ້າຂອງວັນທີ 23 ກໍລະກົດ 2025 ນີ້ ລະຫວ່າງເສັ້ນທາງ ບ້ານນໍ້າຍ້ອນ ເມືອງອະນຸວົງ ໄປຫາບ້ານນາໄຊສະຫວ່າງ ເມືອງລ້ອງແຈ້ງ ແຂວງໄຊສົມບູນ ແມ່ນບໍ່ສາມາດນໍາໃຊ້ເຂົ້າໃນການສັນຈອນໄດ້ແລ້ວ ເນື່ອງຈາກວ່າ ຂົວນໍ້າງື່ມ 3 […]
ແຈ້ງເຕືອນ ຝົນຕົກໜັກ,ນໍ້າຖ້ວມຊຸ ແລະ ດິນເຈື່ອນ ປະຈໍາວັນທີ 23 ກໍລະກົດ 2025 ຂໍໃຫ້ຕິດຕາມຂ່າວພະຍາກອນອາກາດ ຢ່າງຕໍ່ເນື່ອງ
ແຈ້ງເຕືອນ ຝົນຕົກໜັກ,ນໍ້າຖ້ວມຊຸ ແລະດິນເຈື່ອນ ປະຈໍາວັນທີ 23 ກໍລະກົດ 2025, ເວລາ 12 ໂມງ 00 ຮ່ອງຄວາມກົດດັນອາກາດຕໍ່າ ຫຼືວ່າຮ່ອງຝົນ ໄດ້ພາດຜ່ານພາກເໜືອ ແລະ ພາກກາງ ຂອງປະເທດລາວ ສົມທົບກັບລົມມໍລະສຸມຕາເວັນຕົກສ່ຽງໃຕ້ທີ່ມີກໍາລັັງແຮງພັດປົກຄຸມເປັນສ່ວນໃຫ່ຍ ຊຶ່ງຈະເຮັດໃຫ້ ມີຝົນຕົກ ຟ້າຮ້ອງ ຟ້າເຫຼຶ້ອມ ໃນລະດັບຄ່ອຍ ຫາ ປານກາງຢູ່ທົ່ວໄປໃນແຕ່ລະພາກ ແລະ ຕົກໜັກ ຫາ ໜັກຫຼາຍ ພ້ອມຈະມີລົມພັດແຮງຢູ່ບາງທ້ອງຖິ່ນ ແຂວງພາກເໜືອ ແລະ ພາກກາງ ສໍາຫຼັບ ສະພາບລະດັບນໍ້າ ແມ່ນໍ້າສາຂາ ຂອງ ແມ່ນໍ້າຂອງ ເວລາ 7:00 ໂມງ ເຊົ້າ ສະຖານີຫຼວງພະບາງ, ແທກໄດ້ 16.44 ແມັດ, ລະດັບນໍ້າໄດ້ຂຶ້ນສູງໃກ້ເຂດເຕືອນໄພ (ລະດັບເຕືອນໄພ 17.50ແມັດ; ລະດັບນໍ້າຖ້ວມ 18.00 ແມັດ), […]
ສະຫະລັດອາເມລິກາປະກາດຖອນຕົວຈາກ UNESCO ຫຼັງຈາກທີ່ຫາກໍກັບຄືນມາເປັນສະມາຊິກໃນສະໄໝຂອງອະດີດປະທານາທິບໍດີ ໂຈ ໄບເດັນ
ນັກການທູດເອີຣົບ 2 ຄົນ ເປີດເຜີຍວ່າ ສະຫະລັດອາເມລິກາຈະຖອນຕົວອອກຈາກອົງການເພື່ອການສຶກສາ, ວິທະຍາສາດ ແລະ ວັດທະນະທຳແຫ່ງສະຫະປະຊາຊາດ ຫຼື ຢູເນສໂກ (UNESCO) ຊຶ່ງເປັນຫົວໜ້າງານດ້ານວັດທະນະທຳ ແລະ ການສຶກສາຂອງສະຫະປະຊາຊາດ ໃນຂະນະທີ່ປະທານາທິບໍດີໂດນາລ ທຣຳ ຍັງຄົງນຳປະເທດຂອງລາວຖອນຕົວອອກຈາກສະຖາບັນລະຫວ່າງປະເທດທີ່ລາວເຄີຍວິພາກວິຈານມາດົນນານ. ຢ່າງໃດກໍຕາມ, ທຳນຽບຂາວຍັງບໍ່ໄດ້ອອກມາສະແດງຄວາມຄິດເຫັນໃນທັນທີ. ການເຄື່ອນໄຫວຄັ້ງນີ້ຖືວ່າສົ່ງຜົນກະທົບຕໍ່ຢູເນສໂກທີ່ຕັ້ງຢູ່ໃນນະຄອນປາຣີ ຊຶ່ງສ້າງຕັ້ງຂຶ້ນຫຼັງສົງຄາມໂລກຄັ້ງທີ 2 ເພື່ອສົ່ງເສີມສັນຕິພາບຜ່ານການຮ່ວມມືລະຫວ່າງປະເທດດ້ານການສຶກສາ, ວິທະຍາສາດ ແລະ ວັດທະນະທຳ. ຫນັງສືພິມ ນິວຢອກໂພສ ຍັງລາຍງານກ່ຽວກັບການຖອນຕົວຂອງສະຫະລັດໂດຍອ້າງຄຳເວົ້າຂອງເຈົ້າໜ້າທີ່ທຳນຽບຂາວ. ທຮຳໄດ້ດຳເນີນການໃນລັກສະນະທີ່ຄ້າຍຄືກັນນີ້ໃນລະຫວ່າງການດຳລົງຕຳແໜ່ງວາລະທຳອິດຂອງລາວ ໂດຍຖອນຕົວອອກຈາກອົງການອະນາໄມໂລກ, ຄະນະມົນຕີສິດທິມະນຸດແຫ່ງສະຫະປະຊາຊາດ, ຂໍ້ຕົກລົງການປ່ຽນແປງສະພາບອາກາດໂລກ ແລະ ຂໍ້ຕົກລົງນິວເຄລຍກັບອີຣ່ານ. ຈາກນັ້ນປະທານາທິບໍດີໂຈ ໄບເດັນ ກໍໄດ້ປ່ຽນແປງການຕັດສິນໃຈເຫຼົ່ານັ້ນຫຼັງຈາກເຂົ້າຮັບຕຳແໜ່ງໃນປີ 2021 ໂດຍນຳສະຫະລັດກັບຄືນເຂົ້າເປັນສະມາຊິກຢູເນສໂກ, ອົງການອະນາໄມໂລກ ແລະ ຂໍ້ຕົກລົງດ້ານສະພາບອາກາດ. ເມື່ອທຣຳກັບຄືນມາດຳລົງຕຳແໜ່ງປະທານາທິບໍດີສະຫະລັດສະໄໝທີ 2 ກໍຖອນຕົວອອກຈາກອົງການລະດັບໂລກເຫຼົ່ານີ້ອີກຄັ້ງ. ລາວໄດ້ຕັດສິນໃຈຖອນສະຫະລັດອອກຈາກອົງການອະນາໄມໂລກ […]
ຄະນະກໍາມະການຄຸ້ມຄອງໄພພິບັດຂັ້ນເມືອງ ໄດ້ລົງຕິດຕາມ ຜົນກະທົບຈາກໄພນໍ້າຖ້ວມ ຢູ່ເມືອງເງິນ ເສຍຫາຍຫລາຍກວ່າ 16 ຕື້ກີບ
ນໍ້າຖ້ວມຢູ່ເມືອງເງິນ ເສຍຫາຍຫລາຍກວ່າ 16 ຕື້ກີບ ໃນລະຫວ່າງວັນທີ 18 – 20 ກໍລະກົດ 2025ນີ້. ທາງຄະນະກໍາມະການຄຸ້ມຄອງໄພພິບັດຂັ້ນແຂວງໄຊຍະບູລີ ນໍາໂດຍ ທ່ານ ຈັດ ຊະນະເລີດ ຮອງຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ ໄດ້ປະສານສົມທົບກັບ ຄະນະກໍາມະການຄຸ້ມຄອງໄພພິບັດຂັ້ນເມືອງ– ເມືອງເງິນ ໄດ້ລົງຕິດຕາມ ຜົນກະທົບເສຍຫາຍຈາກໄພນໍ້າຖ້ວມ ຢູ່ເມືອງເງິນ ແຂວງ ໄຊຍະບູລີ. ໂອກາດດັ່ງກ່າວ ຕາງໜ້າຄະນະກໍາມະການຄຸ້ມຄອງໄພພິບັດຂັ້ນເມືອງ ກໍໄດ້ລາຍງານສະພາບຜົນເສຍຫາຍຈາກໄພນໍ້າຖ້ວມ. ເລີ່ມແຕ່ໃນຄໍ່າຄືນ ຂອງວັນທີ 16 ກໍລະກົດ 2025 ໄດ້ເກີດມີຝົນຕົກໜັກໃນຂອບເຂດບໍລິເວນພື້ນທີ່ທົ່ວເມືອງເງິນ ເຊິ່ງໄດ້ກໍໃຫ້ເກີດນ້ຳຖ້ວມຊຸບ້ານເຮືອນ, ໄຮ່ນາຮົ້ວສວນ, ດິນເຊາະເຈື່ອນ ສົ່ງຜົນກະທົບຕໍ່ຊັບສິນຂອງພໍ່ແມ່ປະຊາຊົນຊາວເມືອງເງິນໂດຍສະເພາະ ແມ່ນບ້ານໂຮມໄຊ, ບ້ານປາກແຄນ ແລະ ບ້ານທອງ. ດ້ານທີ່ຢູ່ອາໄສ ລວມມູນຄ່າເສຍຫາຍ 2,226,200,000 ກີບ, ດ້ານພື້້ນຖານໂຄງລ່າງ ລວມມູນຄ່າເສຍຫາຍ 5,587,000,000 ກີບ, […]