ສະຫະລັດອາເມລິກາ ຂົນເຮືອບິນເຕີມເຊື້ອເພີງ ແລະ ເຮືອບັນທຸກເຮືອບິນ ຮັບມືບັນຫາອິສຣາເອລ – ອີຣ່ານ !
ແຫຼ່ງຂ່າວຈາກເຈົ້າໜ້າທີ່ທະຫານໃນສະຫະລັດອາເມລິກາ ໃຫ້ຂໍ້ມູນກັບຣອຍເຕີ (Reuters) ວ່າ ການສົ່ງເຮືອບິນເຕີມເຊື້ອເພີງ (Tanker) ລວມເຖິງເຮືອບັນທຸກເຄື່ອງບິນ (Aircraft Carrier) ຊັ້ນ USS Nimitz ໄປຍັງຕາເວັນອອກກາງນັ້ນເປັນແຜນການຮັບມືທາງຍຸດທະສາດ ໃນສະຖານະການຄວາມຂັດແຍ້ງລະຫວ່າງອິສຣາເອລກັບອີຣ່ານຈິງ ແນວໃດກໍ່ຕາມ ຍັງບໍ່ມີຖະແຫຼງການໃດໆ ຢ່າງເປັນທາງການຈາກລັດຖະບານສະຫະລັດອາເມລິກາ ໃນປັດຈຸບັນ ຍຸດໂທປະກອນອາເມລິກາ ຂົນໄປກຽມຮັບມືອີຣ່ານ – ອິສຣາເອລ ຕາມລາຍງານຂອງ Reuters ລະບຸວ່າ ຄວາມເຄື່ອນໄຫວຂອງກອງທັບອາກາດໃນການນຳສົ່ງເຮືອບິນເຕີມເຊື້ອເພີງຫຼາຍກວ່າ 30 ລຳ ຫຼື ຢ່າງນ້ອຍຫຼາຍກວ່າ 28 ລຳ ລາຍງານກ່ອນໜ້ານີ້ ເກີດຂຶ້ນເພື່ອເປັນທາງເລືອກຕາມຍຸດທະວິທີໃນການຮັບມືສະຖານະການລະຫວ່າງອິສຣາເອລ ແລະ ອີຣ່ານໃຫ້ກັບປະທານາທິບໍດີໂດນັລ ທຣຳ ໂດຍເຮືອບິນເຕີມເຊື້ອເພີງທັງຮຸ່ນ KC-135 ແລະ KC-46A ທີ່ອອກຈາກສະຫະລັດອາເມລິກາ ໄດ້ລົງຈອດຊ່ວງເຊົ້າຕາມເວລາທ້ອງຖິ່ນໃນຖານທັບອາກາດໃນເຢຍລະມັນ, ສະເປນ, ອີຕາລີ ແລະ ອັງກິດ ແລະ ບາງສ່ວນມຸ່ງຫນ້າໄປທາງຄາບສະໝຸດບານ ຊຶ່ງດິ […]
ນັກວິໄຈກັງວົນວ່າ ພວກເຮົາອາດເປັນຄົນລຸ້ນສຸດທ້າຍທີ່ຈະໄດ້ເຫັນ “ຫິ່ງຫ້ອຍ” ກ່ອນຈະຫາຍໄປຕະຫຼອດການ
ນັກວິໄຈເຕືອນ ພວກເຮົາອາດເປັນຄົນລຸ້ນສຸດທ້າຍທີ່ຈະໄດ້ເຫັນ “ຫິ່ງຫ້ອຍ” ກ່ອນຈະຫາຍໄປຕະຫຼອດການ ເຫຼືອແຕ່ຕຳນານໃຫ້ລຸ້ນຫຼັງ ຣາຟາເອລ ເດ ຄອກ (Raphaël De Cock) ນັກວິໄຈຫິ່ງຫ້ອຍທີ່ຂຽນວິທະຍານິພົນປະລິນຍາເອກກ່ຽວກັບຕົວອ່ອນຂອງຫິ່ງຫ້ອຍ ໄດ້ກ່າວກັບ National Geographic ວ່າທຸກມື້ນີ້ພວກເຮົາເຫັນຫິ່ງຫ້ອຍໜ້ອຍລົງຫຼາຍເມື່ອທຽບກັບສະໄໝແຕ່ກີ້ ນັກວິໄຈຢືນຢັນວ່ານີ້ບໍ່ແມ່ນພຽງແຕ່ຄວາມຮູ້ສຶກໄປເອງ ແຕ່ເປັນຄວາມຈິງທີ່ມີຫຼັກຖານທາງວິທະຍາສາດຮອງຮັບ ເພາະປະຊາກອນຫິ່ງຫ້ອຍທົ່ວໂລກກຳລັງຫຼຸດລົງຢ່າງຕໍ່ເນື່ອງ ຫິ່ງຫ້ອຍ : ແສງດາວແວວວາວ ເທິງພື້ນດິນ ຫິ່ງຫ້ອຍ ແມ່ນແມງໄມ້ທີ່ສາມາດເປັ່ງແສງໄດ້ ສ້າງຄວາມມະຫັດສະຈັນໃນຍາມເວລາຄ່ຳຄືນຂອງລະດູຮ້ອນ ພວກມັນຢູ່ໃນຕະກູນ Lampyridae ຊຶ່ງມີຫຼາຍກວ່າ 2,000 ສະປີຊີສ໌ ສ່ວນໃຫຍ່ສາມາດເຮືອງແສງໄດ້ ຫິ່ງຫ້ອຍຈັດຢູ່ໃນກຸ່ມດ້ວງໂຕນຸ້ມ ແລະ ມີຊື່ເອີ້ນຫຼາກຫຼາຍ ເຊັ່ນ: firefly, lightning bug ຫຼື glowworm ພຶດຕິກຳເຮືອງແສງຂອງພວກມັນມີເປົ້າໝາຍເພື່ອດຶງດູດຄູ່ປະສົມພັນ ໂດຍສະເພາະໃນຊ່ວງຫົວຄ່ຳ ສຳລັບສາຍພັນຕົ້ນແບບແມ່ນ Lampyris noctiluca ຫຼື ທີ່ຮູ້ຈັກໃນຊື່ “glow-worm” ຂອງເອີຣົບ ຊຶ່ງນັກວິທະຍາສາດເຊື່ອວ່າແຕ່ກ່ອນແສງຂອງມັນເກີດຂຶ້ນເພື່ອເຕືອນສັດຕູວ່າ […]
ອິນໂດເນເຊຍເຕືອນໄພສູງສຸດ ພູເຂົາໄຟເລໂວໂທບີ ລາກີ-ລາກີ ແຕກປະທຸ ຂີ້ເຖົ່າສູງ 11 ກິໂລແມັດ
ພູເຂົາໄຟເລໂວໂທບີ ລາກີ-ລາກີ ໜຶ່ງໃນພູເຂົາໄຟທີ່ມີຄວາມເຄື່ອນໄຫວຫຼາຍທີ່ສຸດໃນອິນໂດເນເຊຍແຕກປະທຸຂີ້ເຖົ່າຂຶ້ນຟ້າສູງກວ່າ 11 ກິໂລແມັດ ຂະນະທີ່ທາງການອິນໂດເນເຊຍປະກາດເຕືອນໄພຂັ້ນສູງສຸດ ສຳນັກຂ່າວຕ່າງປະເທດລາຍງານວ່າ ຕາມການເປີດເຜີຍຂອງສຳນັກງານພູເຂົາໄຟວິທະຍາຂອງອິນໂດເນເຊຍ ພູເຂົາໄຟເລໂວໂທບີ ລາກີ-ລາກີ ແຕກປະທຸໃນເວລາ 17.35 ນ. ຂອງວັນອັງຄານທີ່ 17 ມິຖຸນາ 2025 ຕາມເວລາທ້ອງຖິ່ນ ພົ່ນຂີ້ເຖົ່າຂະໜາດໃຫຍ່ຂຶ້ນສູ່ທ້ອງຟ້າຂອງເກາະຟລໍເຣສ ແລະ ເຮັດໃຫ້ທາງການຕ້ອງປະກາດເຂດຫ້າມເຂົ້າໃນລັດສະໝີ 7 ກິໂລແມັດຈາກປ່ອງພູເຂົາໄຟ ຈົນເຖິງຕອນນີ້ຍັງບໍ່ມີລາຍງານຄວາມເສຍຫາຍ ຫຼື ຜູ້ບາດເຈັບແລະເສຍຊີວິດ ແຕ່ ທ່ານ ມູຮັມໝັດ ວາຟິດ ຫົວໜ້າສຳນັກງານທຳນະວິທະຍາຂອງອິນໂດເນເຊຍເຕືອນປະຊາຊົນ ບໍ່ໃຫ້ເຮັດກິດຈະກຳໃດໆ ໃນລັດສະໝີ 7 ກິໂລແມັດຈາກຈຸດປະທຸ ແລະ ຫາກມີຝົນຕົກລົງມາກໍ່ມີຄວາມເປັນໄປໄດ້ທີ່ຈະເກີດ “lahar flood” ຫຼື ຄື້ນດິນ ແລະ ຫີນຈາກພູເຂົາໄຟ ເຈົ້າໜ້າທີ່ຍັງເຕືອນໃຫ້ປະຊາຊົນທີ່ອາໄສຢູ່ໃກ້ກັບພູເຂົາໄຟໜ່ວຍນີ້ ໃສ່ໜ້າກາກອະນາໄມເພື່ອປ້ອງກັນຕົວເອງຈາກລະອອງຂີ້ເຖົ່າພູເຂົາໄຟ ດ້ານສຳນັກງານບຳບັດໄພພິບັດແຫ່ງຊາດລະບຸວ່າ ມີປະຊາຊົນໃນບ້ານນີ້ຢ່າງນ້ອຍ 1 ແຫ່ງຕ້ອງອົບພະຍົບ ເນື່ອງຈາກຍັງມີແຮງສັ່ນສະເທືອນເກີດຂຶ້ນເປັນໄລຍະ […]
ຍີ່ປຸ່ນເຝົ້າລະວັງພະຍາດຕິດເຊື້ອຈາກແມວ ຫຼັງຈາກທີ່ສັດຕະວະແພດເສຍຊີວິດ
ຫນ່ວຍງານສາທາລະນະສຸກແຂວງມິເອະ ເປີດເຜີຍວ່າ ສັດຕະວະແພດຄົນໜຶ່ງໄດ້ເສຍຊີວິດຈາກການຕິດເຊື້ອໄວຣັສ SFTS (Severe Fever with Thrombocytopenia Syndrome) ຫຼັງຈາກການປິ່ນປົວແມວທີ່ເຈັບປ່ວຍ ເຊິ່ງອາດເປັນກໍລະນີທຳອິດຂອງການແຜ່ລາມເຊື້ອຈາກແມວສູ່ຄົນທີ່ໄດ້ຮັບການຢືນຢັນໃນຍີ່ປຸ່ນ SFTS ເປັນພະຍາດຕິດເຊື້ອຮຸນແຮງທີ່ເກີດຈາກໄວຣັສທີ່ແຜ່ລາມໂດຍ ເຫັບຫມັດ ແຕ່ເຊື້ອສາມາດຕິດຕໍ່ຈາກສັດສູ່ຄົນຜ່ານທາງສານຄັດຫຼັ່ງຂອງສັດທີ່ຕິດເຊື້ອໄດ້ເຊັ່ນກັນ ໂດຍສະເພາະຢ່າງຍິ່ງກັບແມວ ຕາມລາຍງານ ສັດຕະວະແພດລາຍນີ້ເປັນຜູ້ຊາຍອາຍຸປະມານ 50 ປີ ເຮັດວຽກຢູ່ຄລີນິກສັດຕະວະແພດແຫ່ງໜຶ່ງໃນແຂວງມິເອະ ໃນເດືອນພຶດສະພາທີ່ຜ່ານມາ ລາວໄດ້ປິ່ນປົວແມວທີ່ມີອາການເຈັບປ່ວຍຮຸນແຮງ ແລະ ແມວໂຕນັ້ນໄດ້ເສຍຊີວິດໃນເວລາຕໍ່ມາ ພາຍໃນບໍ່ເທົ່າໃດມື້ຫຼັງຈາກປິ່ນປົວແມວໂຕນັ້ນ ສັດຕະວະແພດເລີ່ມມີໄຂ້ ແລະ ອາການທາງລະບົບທາງເດີນອາຫານ ລາວໄດ້ເຂົ້າຮັບການປິ່ນປົວໃນໂຮງໝໍແຫ່ງໜຶ່ງແຕ່ເສຍຊີວິດຫຼັງຈາກນັ້ນບໍ່ດົນ ຜົນການກວດສອບຫຼັງເສຍຊີວິດພົບວ່າລາວຕິດເຊື້ອ SFTS ແລະ ເປັນສາຍພັນດຽວກັບເຊື້ອທີ່ກວດພົບໃນແມວໂຕນັ້ນ ເຈົ້າໜ້າທີ່ສາທາລະນະສຸກ ລະບຸວ່າ ບໍ່ມີຮ່ອງຮອຍວ່າລາວຖືກເຫັບຫມັດກັດ ຈຶ່ງເຊື່ອວ່າການຕິດເຊື້ອນີ້ມາຈາກການສຳຜັດກັບແມວໂດຍກົງ ເຊັ່ນ: ນ້ຳລາຍ, ເລືອດ ຫຼື ສານຄັດຫຼັ່ງອື່ນໆ ທາງແຂວງມິເອະໄດ້ອອກຄຳເຕືອນໃຫ້ສັດຕະວະແພດ ແລະ ຜູ້ທີ່ເຮັດວຽກໃກ້ຊິດກັບສັດຕ້ອງໃຊ້ຄວາມລະມັດລະວັງຫຼາຍຂຶ້ນ ໂດຍສະເພາະເມື່ອປິ່ນປົວສັດທີ່ມີອາການບໍ່ປົກກະຕິ ເຊັ່ນ: […]
ແຈ້ງມອດໄຟວັນທີ 18 ມິຖຸນາ 2025 ເວລາ 10:00-18:00ໂມງ
ແຈ້ງມອດໄຟວັນທີ 18/06/2025 ເວລາ 10:00-18:00ໂມງ ເຂດບ້ານໜອງປີງ, ໂພນຄຳ, ບໍ່ນາງົວ ເມືອງ ສີໂຄດຕະບອງ ນະຄອນຫຼວງວຽງຈັນ ເພື່ອຕັດຕົ້ນໄມ້ອອກແລວສາຍສົ່ງ ແລະ ສ້ອມແປງຕາຂ່າຍ ລາຍລະອຽດດັ່ງລຸ່ມນີ້: ທີ່ມາ: EDL LAOS
ການອອກກຳລັງກາຍ ຊ່ວຍຮັບມືໂລກຊຶມເສົ້າ ຊ່ວຍປ້ອງກັນການກັບມາເປັນອີກ
ການອອກກຳລັງກາຍ ຊ່ວຍຮັບມືກັບໂລກຊຶມເສົ້າໄດ້ດີຫຼາຍ ໃນຄົນປົກກະຕິທີ່ມີຄວາມເຄັ່ງຄຽດ ຫຼື ຄົນທີ່ຫາຍຈາກໂລກຊຶມເສົ້າແລ້ວ ຕ້ອງການປ້ອງກັນການກັບມາເປັນອີກ ໂລກຊຶມເສົ້າ ≠ ອາລົມເສົ້າ ດັ່ງນັ້ນມັນບໍ່ແມ່ນພຽງແຕ່ ‘ສະພາວະ’ ຊົ່ວຄາວຂອງສະໝອງທີ່ຈະດີຂຶ້ນໄດ້ງ່າຍ ແຕ່ມັນມີຄວາມຜິດປົກກະຕິທາງ ‘ຮູບປະທຳ’ ໃນສະໝອງ ເຊວສະໝອງຫຼາຍຈຸດຝໍ່, ຫຼຸດການແຕກແຫນງ, ເຊື່ອມຕໍ່ນ້ອຍລົງ, ເຊື່ອມຜິດຫຼາຍຂຶ້ນ ເຮັດໃຫ້ເກີດອາການຕ່າງໆ ຫຼາກຫຼາຍ ທີ່ບໍ່ແມ່ນແຕ່ຄວາມສົ້າ ດັ່ງນັ້ນການຮັກສາຈຶ່ງຫວັງໃຫ້ການປັບໃຫ້ວົງຈອນຕ່າງໆ ໃນສະໝອງກັບມາປົກກະຕິ ກົນໄກໃດກໍ່ຕາມທີ່ຊ່ວຍເລື່ອງນີ້ ສາມາດຊ່ວຍແກ້ບັນຫາໄດ້ໝົດ ໜຶ່ງໃນກິດຈະກຳທີ່ເອີ້ນໄດ້ວ່າຄົບວົງຈອນຄື ອອກກຳລັງກາຍ ອອກກຳລັງກາຍສະໝ່ຳສະເໝີ ແກ້ບັນຫາໄດ້ມົດໂຕ ‘ຕົ້ນເຫດ’ ແລະ ເພີ່ມ ‘ການຟື້ນຟູ’ ຂອງເຊວສະໝອງໄປພ້ອມກັນບາດດຽວເລີຍ ອອກກຳລັງກາຍ ແກ້ກົນໄກຕົ້ນເຫດ ເລື່ອງ cortisol ສູງ ແລະ ການອັກເສບໃນສະໝອງ ອອກກຳລັງກາຍສະໝ່ຳສະເໝີ ຊ່ວຍໃຫ້ແກນຮໍໂມນຄວາມເຄັ່ງຄຽດ cortisol ຖືກກະຕຸ້ນໃຫ້ຫຼັ່ງເພື່ອຮັບມືກັບ […]
ອິສຣາເອນ “ສັງຫານ” ຜູ້ບັນຊາການ IRGC ທ່ານ ອາລີ ຊາດມານີ ຄົນໃກ້ຊິດຜູ້ນຳອີຣ່ານ
ກອງທັບອິສຣາເອນ ເປີດເຜີຍວ່າໄດ້ເຮັດການສັງຫານ ນາຍອາລີ ຊາດມານີ (Ali Shadmani) ຜູ້ບັນຊາການທະຫານລະດັບສູງຂອງອີຣ່ານຈາກການໂຈມຕີຄືນທີ່ຜ່ານມາ (16 ມິຖຸນາ 2025 ) ພ້ອມຢ້ຳວ່າ ທ່ານ ຊາດມານີ ຄືບຸກຄົນສຳຄັນທີ່ໃກ້ຊິດກັບຜູ້ນຳສູງສຸດຂອງອີຣ່ານ ກອງທັບອິສຣາເອນລະບຸໃນຄຳຖະແຫຼງການວ່າ ການໂຈມຕີທາງອາກາດຄືນທີ່ຜ່ານມາໄດ້ສ້າງຄວາມເສຍຫາຍໃຫ້ກັບສູນບັນຊາການທີ່ຕັ້ງຢູ່ໃນໃຈກາງກຸງເຕຫະຣານ ພ້ອມກັບສັງຫານ ທ່ານ ອາລີ ຊາດມານີ ຜູ້ເປັນເສນາທິການໃນຊ່ວງສົງຄາມ ແລະ ເປັນຜູ້ບັນຊາການທະຫານທີ່ອາວຸໂສທີ່ສຸດ ລວມທັງເປັນຜູ້ທີ່ມີຄວາມໃກ້ຊິດຫຼາຍທີ່ສຸດກັບອາຍາໂຕລເລາະຮ໌ ອາລີ ຄາເມເນອີ ຜູ້ນຳສູງສຸດຂອງອີຣ່ານ ກອງທັບອິສຣາເອນຍັງເປີດເຜີຍວ່າ ທ່ານ ຊາດມານີ ເຄີຍເຮັດໜ້າທີ່ບັງຄັບບັນຊາທັງກອງທັບພິທັກການປະຕິວັດອິສລາມ ຫຼື IRGC ແລະ ກອງກຳລັງຕິດອາວຸດຂອງອີຣ່ານ ສະຖານະການລະຫວ່າງອິສຣາເອນ ແລະ ອີຣ່ານຍັງຄົງທະວີຄວາມຮຸນແຮງຢ່າງຕໍ່ເນື່ອງ ໂດຍສະເພາະຢ່າງຍິ່ງເມື່ອມີການສັງຫານຜູ້ນຳລະດັບສູງຂອງອີຣ່ານອີກຄັ້ງ ສ່ວນທາງອີຣ່ານຍັງບໍ່ສະແດງຄວາມເຫັນໃດໆ ຕໍ່ເຫດການໃນຄັ້ງນີ້
ລາຄານ້ຳມັນດິບສູງຂຶ້ນ ຫຼັງ “ທຣໍາ” ເຕືອນຄົນອີຣ່ານໃຫ້ອົບພະຍົບ
ລາຄານ້ຳມັນສູງຂຶ້ນ ຫຼັງຈາກທີ່ ໂດນັລດ໌ ທຣໍາ ປະທານາທິບໍດີສະຫະລັດ ເຕືອນຄົນອີຣ່ານໃນກຸງເຕຫະຣານ ເກືອບ 10 ລ້ານຄົນ ໃຫ້ອົບພະຍົບອອກຈາກເມືອງ ທ່າມກາງຄວາມກັງວົນວ່າຈະເກີດສົງຄາມເຕັມຮູບແບບ ລະຫວ່າງອີຣ່ານກັບອິສຣາເອນທີ່ໂຈມຕີກັນໄປມາຢ່າງຮຸນແຮງ ລາຄານ້ຳມັນສູງຂຶ້ນເກືອບ 2 ເປີເຊັນ ໃນມື້ນີ້ ໂດຍລາຄານ້ຳມັນດິບເວສທ໌ເທັກຊັສອິນເຕີມີເດຍຕ໌ ຫຼື WTI ສູງຂຶ້ນ 1.7% ສູ່ລະດັບ 73 ໂດລາຕໍ່ບາເຣນ ຊຶ່ງສະຖານະການທີ່ຍັງບໍ່ແນ່ນອນ ແລະ ການສູ້ຮົບທີ່ອາດຮຸນແຮງຂຶ້ນ ອາດເຮັດໃຫ້ລາຄານ້ຳມັນສູງຂຶ້ນຫຼາຍກວ່ານີ້ອີກ ເຖິງແມ່ນຈະມີຂ່າວອອກມາວ່າອີຣ່ານຕ້ອງການເຮັດຂໍ້ຕົກລົງຢຸດຍິງກັບອິສຣາເອລ ຊຶ່ງເຮັດໃຫ້ລາຄານ້ຳມັນຫຼຸດລົງມາໜ້ອຍໜື່ງມື້ວານນີ້ ແຕ່ການສູ້ຮົບທີ່ຍັງເກີດຂຶ້ນ ກໍ່ເຮັດໃຫ້ລາຄານ້ຳມັນກັບມາສູງຂຶ້ນອີກຄັ້ງ ຢ່າງໃດກໍ່ຕາມ ນັກລົງທຶນສ່ວນໜື່ງເຊື່ອວ່າ ລາຄານ້ຳມັນບໍ່ນ່າຈະສູງຂຶ້ນຫຼາຍໄປກວ່ານີ້ ເນື່ອງຈາກແຫຼ່ງສົ່ງອອກນ້ຳມັນດິບທີ່ສຳຄັນຂອງອີຣ່ານຍັງບໍ່ໄດ້ຮັບຜົນກະທົບຈາກການໂຈມຕີຂອງອິສຣາເອລ ແລະ ອີຣ່ານຍັງບໍ່ສົ່ງສັນຍານວ່າຈະປິດຊ່ອງແຄບຮໍມຸຊ ຊຶ່ງເປັນເສັ້ນທາງລຳລຽງນ້ຳມັນທີ່ສຳຄັນໃນຕາເວັນອອກກາງ
ເຕືອນໄພ ເງິນປອມໃບ 50.000 ກີບ (ລຸ້ນປີ 2004) ລະວັງກຸ່ມຄົນບໍ່ດີປອມແປງເງິນ ອອກມາໃຊ້ຈ່າຍ
ແຈ້ງການ ເຖິງ: ພໍ່ແມ່ປະຊາຊົນ, ພໍ່ຄ້າຊາວຂາຍ, ພະນັກງານ-ລັດຖະກອນ, ນັກຮຽນ-ນັກສຶກສາ, ທະຫານ ແລະ ຕຳຫຼວດ ໃນຂອບເຂດທົ່ວປະເທດ ເລື່ອງ: ຍົກສູງສະຕິກ່ອນການຮັບ-ຈ່າຍ ທະນະບັດປະເພດໃບ 50.000 ກີບ ຫ້ອງການ ທະນາຄານແຫ່ງ ສປປ ລາວ ຂໍຖືເປັນກຽດແຈ້ງມາຍັງບັນດາທ່ານຊາບວ່າ: ໃນປະຈຸບັນໄດ້ມີກຸ່ມຄົນບໍ່ດີສ້າງຄວາມປັ່ນປ່ວນ ແລະ ຄວາມບໍ່ສະຫງົບໃນສັງຄົມ ດ້ວຍການປອມແປງ ແລະ ນໍາເອົາທະນະບັດ ສະກຸນເງິນກີບ ປະເພດໃບ 50,000 ກີບ ລຸ້ນປີ 2004 ອອກມາໃຊ້ຈ່າຍໃນສັງຄົມ ໂດຍສະເພາະຢູ່ ນະຄອນຫຼວງວຽງຈັນ, ຊຶ່ງທາງເຈົ້າ ໜ້າທີ່ໄດ້ກວດພົບເຫັນ ຕາມເລກລໍາດັບ (Serial number) BE 0814372, BG 1506988, BH 8482734 ແລະ BI 2068330, 0583754. ຮູບແບບການປອມແປງແມ່ນໄດ້ນໍາໃຊ້ເຄື່ອງຈັກພິມຂຶ້ນມາສະເພາະ, ມີຮູບແບບສີສັນ ລວດລາຍຄ້າຍຄືທະນະບັດ ປະເພດໃບ […]
“ທຣໍາ” ເປີດຕົວ Trump Mobile ໂທລະສັບມືຖືສະມາດໂຟນລາຄາຈັບຕ້ອງໄດ້
“Trump Organization” ອານາຈັກທຸລະກິດຂອງຕະຣະກູນທຣໍາ ປະກາດເປີດຕົວສະມາດໂຟນຊື່ວ່າ “Trump Mobile” ໂດຍລຸ້ນ “T1” ມີລາຄາ 499 ໂດລາ ແລະ ມີກຳນົດວາງຈຳໜ່າຍໃນເດືອນກັນຍາ 2025 ທັງນີ້ Trump Mobile ຄິດຄ່າບໍລິການລາຍເດືອນໃນລາຄາ 47.45 ໂດລາ ໂດຍຜູ້ໃຊ້ບໍລິການສາມາດໂທໂດຍບໍ່ຈຳກັດ, ສົ່ງຂໍ້ຄວາມໂດຍບໍ່ຈຳກັດ, ຫຼິ້ນອິນເຕີເນັດໂດຍບໍ່ຈຳກັດ ລວມທັງໄດ້ຮັບບໍລິການຊ່ວຍເຫຼືອສຸກເສີນຫາກລົດປະສົບບັນຫາ ແລະໄດ້ຮັບສິດທິປະໂຫຍດດ້ານບໍລິການການແພດທາງໄກ ສະມາດໂຟນລຸ້ນ “T1” ມີຕົວເຄື່ອງເປັນໂລຫະສີທອງ ພ້ອມລາຍທຸງຊາດສະຫະລັດແກະສະຫຼັກຝາຫຼັງ ໂດຍ T1 ໃຊ້ລະບົບປະຕິບັດການ Android 15 ແລະ ມາພ້ອມກັບໜ້າຈໍ AMOLED ຂະໜາດ 6.8 ນິ້ວ ພ້ອມກ້ອງໜ້າ (ເຊວຟີ) ຄວາມລະອຽດ 16 ລ້ານພິກເຊລ ຂະນະທີ່ກ້ອງຫຼັກມີຄວາມລະອຽດ 50 ລ້ານພິກເຊນ ໂດຍມີ RAM ຂະໜາດ 12 ກິກກະໄບ […]