ທຣຳປະກາດເກັບພາສີ 25% ສິນຄ້ານຳເຂົ້າຈາກອິນເດຍ ເລີ່ມ 1 ສິງຫາ ພ້ອມລົງໂທດເສີມ ເພາະຄ້າພະລັງງານແລະອາວຸດຈາກຣັດເຊຍ
ປະທານາທິບໍດີໂດນາລ ທຣຳ ແຫ່ງສະຫະລັດ ປະກາດເມື່ອວັນພຸດທີ່ຜ່ານມາ (ຕາມເວລາທ້ອງຖິ່ນ) ກະກຽເກັບພາສີນຳເຂົ້າສິນຄ້າຈາກອິນເດຍໃນອັດຕາ 25% ເລີ່ມຕັ້ງແຕ່ວັນທີ່ 1 ສິງຫານີ້ ພ້ອມຂູ່ວ່າຈະມີບົດລົງໂທດເພີ່ມເຕີມຕາມມາ ໂດຍຍັງບໍ່ລະບຸລາຍລະອຽດວ່າ “ໂທດ” ດັ່ງກ່າວຈະມີລັກສະນະແບບໃດ. ທຣຳກ່າວວ່າ ເຖິງວ່າອິນເດຍຈະເປັນມິດຂອງສະຫະລັດ ແຕ່ທີ່ຜ່ານມາກັບມີອຸປະສັກທາງການຄ້າທີ່ສູງເກີນຮັບໄດ້ ທັງໃນດ້ານອັດຕາພາສີທີ່ຈັດຢູ່ໃນກຸ່ມສູງທີ່ສຸດໃນໂລກ ແລະ ກົດເກນ ທີ່ຍຸ່ງຍາກຊັບຊ້ອນເກີນຈຳເປັນ ຊຶ່ງກາຍເປັນອຸປະສັກສຳຄັນຕໍ່ການທຳທຸລະກິດລະຫວ່າງສອງປະເທດ ໂດຍເຂົາລະບຸວ່າ “ອິນເດຍມີອຸປະສັກທາງການຄ້າທີ່ເຂັ້ມງວດແລະໜ້າລຳຄານທີ່ສຸດໃນໂລກ”. ໃນໂພສເທິງ Truth Social ທຣຳສະແດງຄວາມບໍ່ພໍໃຈທີ່ອິນເດຍຍັງຄົງຊື້ອາວຸດ ແລະ ພະລັງງານຈາກຣັດເຊຍ ຊຶ່ງເປັນປະເດັນລະອຽດອ່ອນກາງສົງຄາມໃນຢູເຄຣນ ໂດຍລາວລະບຸວ່າ “ອິນເດຍຍັງຄົງຊື້ອາວຸດແລະພະລັງງານຈາກຣັດເຊຍຫຼາຍ ໃນຂະນະທີ່ທຸກຄົນຕ້ອງການໃຫ້ຣັດເຊຍຢຸດການສັງຫານໃນຢູເຄຣນ ທັງໝົດນີ້ບໍ່ແມ່ນສິ່ງທີ່ດີເລີຍ!” ທຣຳເນັ້ນຢ້ຳວ່າ ນະໂຍບາຍເກັບພາສີນຳເຂົ້າຮອບໃໝ່ຈາກອິນເດຍ ມີທັງເປົ້າໝາຍທາງເສດຖະກິດແລະການເມືອງ ໂດຍໜຶ່ງໃນແຮງຜັກດັນສຳຄັນແມ່ນການຫຼຸດຂາດດຸນການຄ້າຂອງສະຫະລັດກັບຕ່າງປະເທດ ໂດຍສະເພາະກັບອິນເດຍ ຊຶ່ງລາວລະບຸວ່າມີ “ການຂາດດຸນການຄ້າຢ່າງມະຫາສານ”. ອັດຕາພາສີ 25% ທີ່ປະກາດໃນຄັ້ງນີ້ ເຖິງແມ່ນຈະຕ່ຳກວ່າອັດຕາ 26% ທີ່ເຄີຍປະກາດໃນວັນປົດແອກ “Liberation Day” […]
ພິທີເຊັນບົດບັນທຶກຄວາມເຂົ້າໃຈ ເພື່ອປ້ອງກັນການໃຊ້ແຮງງານເດັກ ລະຫວ່າງ ກະຊວງແຮງງງານ ແລະ ສະຫວັດດີການສັງຄົມ ແລະ ອົງການຊ່ວຍເຫລືອເດັກສາກົນ (SCI) ປະຈໍາລາວ
ພິທີເຊັນບົດບັນທຶກຄວາມເຂົ້າໃຈ ໂຄງການປົກປ້ອງເດັກ ເພື່ອປ້ອງກັນການໃຊ້ແຮງງານເດັກ ທີ່ແຂວງຫລວງພະບາງ ລະຫວ່າງ ກະຊວງແຮງງງານ ແລະ ສະຫວັດດີການສັງຄົມ (ຮສສ) ແລະ ອົງການຊ່ວຍເຫລືອເດັກສາກົນ (SCI) ປະຈໍາ ສປປ ລາວ ຈັດຂຶ້ນໃນວັນທີ 31 ກໍລະກົດ 2025 ທີ່ນະຄອນຫລວງວຽງຈັນ. ເພື່ອຂັບເຄື່ອນວຽກງານປົກປ້ອງເດັກ ແນໃສ່ປ້ອງກັນການໃຊ້ແຮງງາານເດັກ ທີ່ຢູ່ໃນຊຸມຊົນ ແລະ ຊົນເຜົ່າທີ່ດ້ອຍໂອກາດ, ພ້ອມທັງສົ່ງເສີມສິດທິຂອງເດັກ ໃນການໄດ້ຮັບການປົກປ້ອງ, ໄດ້ຮັບການສຶກສາ ແລະ ການເຂົ້າເຖິງການຝຶກວິຊາຊີບ, ການປະກອບອາຊີບ ແລະ ການຈ້າງງານທີ່ເໝາະສົມກັບໄວໜຸ່ມ. ໂຄງການດັ່ງກ່າວ, ຈະປະກອບສ່ວນເຂົ້າໃນການບັນລຸເປົ້າໝາຍ ການພັດທະນາແບບຍືນຍົງ (SDG) 10 ໂດຍການຫລຸດຜ່ອນຄວາມບໍ່ສະເໝີພາບທາງດ້ານສັງຄົມ ແລະ ເສດຖະກິດ ເຊິ່ງຈະໄດ້ຮັບການປະຕິບັດໂດຍຜ່ານ 3 ທິດທາງສຳຄັນຄື: ການປົກປ້ອງ ແລະ ສ້າງຄວາມເຂັ້ມແຂງໃຫ້ແກ່ເດັກ ແລະ ໄວໜຸ່ມໃນຊຸມຊົນທີ່ດ້ອຍໂອກາດ; ປູກຈິດສຳນຶກພາຍໃນຄອບຄົວ ແລະ ຊຸມຊົນ; ສ້າງຄວາມເຂັ້ມແຂງໃຫ້ແກ່ລັດຖະບານ, ພາກສ່ວນກ່ຽວຂ້ອງ […]
ຈະຫຼວດ Eris ຂອງອົດສະຕາລີລົ້ມແຫຼວ ໃນພາລະກິດປ່ອຍຕົວຄັ້ງປະຫວັດສາດ
ບໍລິສັດ ກິລມໍສເປດ (Gilmour Space) ຂອງປະເທດອົດສະຕາລີໄດ້ສ້າງໜ້າປະຫວັດສາດໜ້າໃໝ່ໃຫ້ກັບວົງການອະວະກາດຂອງປະເທດ ເຖິງແມ່ນວ່າພາລະກິດປ່ອຍຈະຫຼວດອີຣິສ (Eris) ຊຶ່ງເປັນຈະຫຼວດທີ່ອອກແບບແລະຜະລິດໃນປະເທດອອສເຕຣເລຍລຳທຳອິດ ໄດ້ຈົບລົງດ້ວຍຄວາມລົ້ມແຫຼວຫຼັງຈາກຈະຫຼວດທະຍານຂຶ້ນຈາກຖານປ່ອຍໄດ້ພຽງບໍ່ດົນ ຈະຫຼວດອີຣິສ (Eris) ຈະຫຼວດອີຣິສ (Eris) ມີເປົ້າໝາຍການພັດທະນາເພື່ອໃຫ້ບໍລິການຂົນສົ່ງດາວທຽມຂະໜາດນ້ອຍຂຶ້ນສູ່ວົງໂຄຈອນຕ່ຳຂອງໂລກ ໃນລາຄາທີ່ເຂົ້າເຖິງໄດ້. ຈະຫຼວດອີຣິສຖືກອອກແບບມາໃຫ້ເປັນຈະຫຼວດ 3 ທ່ອນ ຫຼື 3 Stages ມີຂະໜາດຄວາມສູງປະມານ 23-25 ແມັດ ແລະ ມີເສັ້ນຜ່ານສູນກາງປະມານ 1.5-2 ແມັດ ສາມາດນຳສົ່ງດາວທຽມທີ່ມີນ້ຳໜັກໄດ້ສູງສຸດປະມານ 305 ກິໂລກຣາມ. ຈະຫຼວດຮຸ່ນນີ້ໃຊ້ລະບົບຂັບເຄື່ອນແບບໄຮບຣິດ (Hybrid Propulsion) ຊຶ່ງເປັນເທັກໂນໂລຊີທີ່ບໍລິສັດພັດທະນາຂຶ້ນເອງ ໂດຍໃນທ່ອນທີ່ 1 ແລະ 2 ຈະໃຊ້ເຄື່ອງຍົນໄຮບຣິດທີ່ປະສົມປະສານລະຫວ່າງເຊື້ອເພີງແຂງເຂົ້າກັບຕົວອອກຊີໄດເຊີທີ່ເປັນຂອງແຫຼວ ເຮັດໃຫ້ມີຄວາມປອດໄພສູງແລະມີຕົ້ນທຶນຕ່ຳກວ່າເຄື່ອງຍົນຈະຫຼວດແບບດັ້ງເດີມ. ສ່ວນທ່ອນທີ່ 3 ຊຶ່ງເຮັດໜ້າທີ່ສົ່ງດາວທຽມເຂົ້າສູ່ວົງໂຄຈອນສຸດທ້າຍ ໃຊ້ເຄື່ອງຍົນເຊື້ອເພີງແຫຼວເພື່ອຄວາມແມ່ນຍຳໃນການຄວບຄຸມ. ການແບ່ງການເຮັດວຽກອອກເປັນ 3 ຂັ້ນຕອນ ຊ່ວຍໃຫ້ຈະຫຼວດສາມາດເຮັດຄວາມໄວ […]
ເປີດນໍາໃຊ້ຢ່າງເປັນທາງການ ລະບົບຄຸ້ມຄອງ ແລະ ບັດປະຈໍາຕົວພົນລະເມືອງ ດີຈີຕ໋ອນ
ໃນຕອນບ່າຍຂອງວັນທີ 30 ກໍລະກົດ 2025, ໄດ້ຈັດພິທີເປີດນໍາໃຊ້ລະບົບຄຸ້ມຄອງ ແລະ ບັດປະຈໍາຕົວພົນລະເມືອງ ດີຈີຕ໋ອນ ຢ່າງເປັນທາງການ, ໂດຍການໃຫ້ກຽດເຂົ້າຮ່ວມຂອງ ທ່ານ ພົນເອກ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນຄວາມສະຫງົບ ສປປ ລາວ ແລະ ທ່ານ ພົນເອກ ເລືອງ ຕາມ ກວາງ ກໍາມະການກົມການເມືອງສູນກາງພັກຄອມມູນິດຫວຽດນາມ ລັດຖະມົນຕີກະຊວງປ້ອງກັນຄວາມສະຫງົບ ສສ ຫວຽດນາມ, ມີ ທ່ານ ບັນດິດ ສຈ.ປອ ບໍ່ວຽງຄໍາ ວົງດາລາ ລັດຖະມົນຕີກະຊວງເຕັກໂນໂລຊີ ແລະ ການສື່ສານ, ມີບັນດາທ່ານຮອງລັດຖະມົນຕີ, ການນໍາຂັ້ນສູງ ກະຊວງປ້ອງກັນຄວາມສະຫງົບ ລາວ ແລະ ຫວຽດນາມ, ພາກສ່ວນທີ່ກ່ຽວຂ້ອງ ພ້ອມດ້ວຍແຂກຖືກເຊີນ ເຂົ້າຮ່ວມ. ທ່ານ ພົນໂທ ຄໍາກິ່ງ ຜຸຍຫຼ້າມະນີວົງ ຮອງລັດຖະມົນຕີກະຊວງປ້ອງກັນຄວາມສະຫງົບ […]
ທຣຳປ໌ເອີ້ນຕົວເອງວ່າ “ປະທານາທິບໍດີແຫ່ງສັນຕິພາບ” ອ້າງຢຸດຕິຂັດແຍ້ງທົ່ວໂລກພາຍໃນ 6 ເດືອນ
“ຜູ້ນຳແຫ່ງສັນຕິພາບ” ທຣຳປ໌ປະກາດຢຸດຕິຄວາມຂັດແຍ້ງທົ່ວໂລກນັບບໍ່ຖ້ວນໃນຄຶ່ງປີ ຄວາມຕຶງຄຽດຊາຍແດນໄທ-ກຳປູເຈຍ ກໍເປັນຫນຶ່ງໃນ “ໄຊຊະນະ” ທີ່ລາວພູມໃຈ ແຕ່ເບື້ອງຫຼັງຄຳປະກາດອັນຍິ່ງໃຫຍ່ ສະຖານະການຍັງຄົງຮ້ອນແຮງໃນຫຼາຍສະໜາມຣົບ ເມື່ອວັນທີ່ 28 ກໍລະກົດ 2025 ປະທານາທິບໍດີ ໂດນັລດ໌ ທຣຳປ໌ ແຫ່ງສະຫະລັດອາເມຣິກາ ໄດ້ເປີດເຜີຍຜ່ານທຣູທໂຊຊຽວ ໂດຍປະກາດຄວາມສຳເລັດໃນການເປັນຕົວກາງຢຸດຕິຄວາມຂັດແຍ້ງຫຼາຍແຫ່ງທົ່ວໂລກໃນຊ່ວງເວລາ 6 ເດືອນທີ່ຜ່ານມາ ພ້ອມທັ້ງເອີ້ນຕົວເອງວ່າເປັນ “ປະທານາທິບໍດີແຫ່ງສັນຕິພາບ” ຊຶ່ງລວມເຖິງການເຈລະຈາຢຸດຍິງລະຫວ່າງໄທ ແລະ ກຳປູເຈຍ ທີ່ເກີດຂຶ້ນໃນມື້ດຽວກັນນີ້ດ້ວຍ “ໃນຊ່ວງເວລາພຽງ 6 ເດືອນ ຂ້ອຍສາມາດຢຸດຕິສົງຄາມໄດ້ຫຼາຍແຫ່ງ ຂ້ອຍພູມໃຈທີ່ໄດ້ເປັນປະທານາທິບໍດີແຫ່ງສັນຕິພາບ” ຄວາມຂັດແຍ້ງທີ່ປະທານາທິບໍດີທຣຳປ໌ອ້າງວ່າແກ້ໄຂໄດ້ ຄວາມຂັດແຍ້ງທີ່ປະທານາທິບໍດີທຣຳປ໌ອ້າງວ່າແກ້ໄຂໄດ້ ຄວາມຂັດແຍ້ງສາທາລະນະລັດປະຊາທິປະໄຕຄອງໂກ (DRC) ແລະ ລະວັນດາ ຄວາມຂັດແຍ້ງລະຫວ່າງສາທາລະນະລັດປະຊາທິປະໄຕຄອງໂກ ແລະ ລະວັນດາເປັນຄວາມຂັດແຍ້ງທີ່ດຳເນີນມາຫຼາຍທົດສະວັດ ຈົນມາຮອດຕົ້ນປີ 2025 ຄວາມຕຶງຄຽດໄດ້ທະວີຄວາມຮຸນແຮງຂຶ້ນອີກຄັ້ງ ຫຼັງຈາກກຸ່ມກະບົດ M23 ຍຶດຄອງພື້ນທີ່ສ່ວນໃຫຍ່ໃນພາກຕາເວັນອອກຂອງ DR […]
ນະຄອນຫຼວງພະບາງ ກະກຽມຈັດງານບຸນຫໍ່ເຂົ້າປະດັບດິນ ບຸນຊ່ວງເຮືອເດືອນເກົ້າ ທີ່ຍຶ່ງນ້ຳຄານ ວັນທີ 14-23 ສິງຫາ 2025
ວັນທີ 30 ກໍລະກົດ 2025 ນີ້ ທີ່ຫ້ອງວ່າການນະຄອນ ຫຼວງພະບາງ ທ່ານ ສະເຫວີຍ ສີລາວັນ ຮັກສາການປະທານອົງການປົກຄອງ ນະຄອນ ຫຼວງພະບາງ ໄດ້ຖະແຫລງຂ່າວຕໍ່ສື່ມວນຊົນ ກ່ຽວກັບ ການຈັດບຸນຫໍ່ເຂົ້າປະດັບດິນ ຫຼື ບຸນຊ່ວງເຮືອເດືອນເກົ້າ ທີ່ຍຶ່ງນ້ຳຄານ ນະຄອນ ຫຼວງພະບາງ. ເຊິ່ງເປັນປາງບຸນໃຫຍ່ ຂອງຊາວຫຼວງພະບາງ ທີ່ນອນຢູ່ໃນຮີດສິບສອງຂອງລາວ ແລະ ສືບທອດກັນມາ ຫຼາຍເຊັ່ນຄົນ. ໃນແຕ່ລະປີສາມາດດຶງດູດເອົານັກທ່ອງທ່ຽວທັງພາຍໃນ ແລະ ຕ່າງປະເທດໃຫ້ເຂົ້າ ມາທ່ຽວຊົມຫຼວງພະບາງ, ເປັນການເສີມຂະຫຍາຍຂະແໜງການ ດ້ານວັດທະນະທຳ-ຮີດຄອງປະເພນີ ທີເປັນເອກະລັກຂອງຊາວຫຼວງພະບາງ ໃຫ້ຄົງຄຸນຄ່າ, ທັງເປັນການ ກະຕຸ້ນທາງ ດ້ານເສດຖະກິດ ສ້າງລາຍຮັບໃຫ້ປະຊາຊົນພາຍໃນນະຄອນ ໃຫ້ມີຄວາມເຂັ້ມແຂງ. ບຸນຫໍ່ເຂົ້າປະດັບດິນ ປີນີ້ ຈະໄດ້ຈັດຂື້ນໃນມື້ແຮມ 14 ຄໍ່າເດືອນ 9 ກົງກັບ ວັນເສົາ ວັນທີ 23 ສີງຫາ ໂດຍຈະຈັດຂື້ນຢ່າງຍິ່ງໃຫຍ່ ເຕັມຮູບແບບ, ເນັ້ນວັດທະນະທຳ […]
“ໝວກ AI” ຖອດລະຫັດຄື່ນສະໝອງ ຕໍ່ຍອດສູ່ການຄຸມອຸປະກອນດ້ວຍຄວາມຄິດ.
ທີມວິໄຈຈາກມະຫາວິທະຍາໄລເທັກໂນໂລຍີຊິດນີ (University of Technology Sydney) ປະເທດອົດສະຕາລີ ພັດທະນາໝວກປັນຍາປະດິດທີ່ສາມາດອ່ານຄ່າຄື່ນສະໝອງຂອງຜູ້ສວມໃສ່ ເພື່ອຕີຄວາມໝາຍກິດຈະກຳຂອງສະໝອງ ແລະ ປ່ຽນຄວາມຄິດທີ່ເກີດຂຶ້ນໃຫ້ກາຍເປັນຂໍ້ຄວາມໃສ່ໜ້າຈໍ ກຽມຕໍ່ຍອດໄປສູ່ການພັດທະນາວິທີການຄວບຄຸມອຸປະກອນອີເລັກໂທຣນິກຕ່າງໆ ດ້ວຍຄວາມຄິດ ເທັກໂນໂລຍີ “ໝວກ AI” ຫົວໃຈສຳຄັນຂອງເທັກໂນໂລຍີນີ້ຢູ່ທີ່ອຸປະກອນໝວກພິເສດ ທີ່ສາມາດກວດສອບຮູບແບບຄື່ນສະໝອງຂອງຜູ້ສວມໃສ່ໄດ້ ໂດຍທີມວິໄຈໄດ້ສາທິດການນຳໃຊ້ດ້ວຍການໃສ່ໝວກ ແລະ ອ່ານຄຳ ຫຼື ປະໂຫຍກທີ່ຕ້ອງການໃນໃຈ ແລະ ໃຊ້ການເຄື່ອນໄຫວຂອງປາກອ່ານຄຳນັ້ນແບບບໍ່ອອກສຽງ (silently mouths the words) ຊຶ່ງຂະບວນການນີ້ຈະຊ່ວຍໃຫ້ສະໝອງປະມວນຜົນຄຳເວົ້າໄດ້ຢ່າງມີປະສິດທິຜົນ ຈາກນັ້ນ ຕົວຖອດລະຫັດທີ່ຂັບເຄື່ອນດ້ວຍ AI ຈະເຂົ້າມາຮັບຊ່ວງຕໍ່ ໂດຍເຮັດໜ້າທີ່ແປງຄວາມຄິດເຫຼົ່ານັ້ນໃຫ້ກາຍເປັນພາສາຂຽນຢ່າງວ່ອງໄວ ຜົນຈາກການທົດສອບໃຊ້ຈິງ ໂດຍສຳນັກຂ່າວ AP ຜູ້ລາຍງານຂ່າວນີ້ລະບຸວ່າຈາກການທີ່ນັກຂ່າວໄດ້ທົດສອບໃຫ້ນັກສຶກສາລອງອ່ານອອກສຽງຄຳວ່າ “ຊ້ອນ” ໃນໃຈ ຜົນປະກົດວ່າ AI ສາມາດລະບຸຄຳດັ່ງກ່າວໄດ້ຢ່າງຖືກຕ້ອງເຖິງ 75% ຊຶ່ງທີມວິໄຈກຳລັງຕັ້ງເປົ້າໝາຍທີ່ຈະພັດທະນາຄວາມແມ່ນຍຳໃຫ້ສູງເຖິງ 90% ໃນອະນາຄົດ ເບື້ອງຫຼັງການເຮັດວຽກຂອງ […]
ສປປ ລາວ ເປັນເຈົ້າພາບ ກອງປະຊຸມກວດກາແຮງງານອາຊຽນ ຄັ້ງທີ 13 (The 13th ASEAN Labour Inspection Conference)
ສປປ ລາວ ເປັນເຈົ້າພາບ ກອງປະຊຸມກວດກາແຮງງານອາຊຽນ ຄັ້ງທີ 13 (The 13th ASEAN Labour Inspection Conference) ພາຍໃຕ້ຫົວຂໍ້ “ສ້າງຄວາມເຂັ້ມແຂງໃຫ້ວຽກງານຄວາມປອດໄພ ແລະ ສຸຂະພາບແຮງງານ ແລະ ການກວດກາແຮງງານໃນຂະແໜງກະສິກຳ” ໃນລະຫວ່າງວັນທີ 29-30 ກໍລະກົດ 2025 ກະຊວງແຮງງານ ແລະ ສະຫວັດດີການສັງຄົມ ຂອງ ສປປ ລາວ ໃນຖານະປະທານຄະນະກໍາມະການກວດກາແຮງງານອາຊຽນ ໄດ້ຈັດກອງປະຊຸມກວດກາແຮງງານອາຊຽນ ຄັ້ງທີ 13 (The 13th ASEAN Labour Inspection Conference ) ໂດຍຜ່ານລະບົບວິດີໂອຄອນເຟີເຣນສ໌. ໂດຍການເຂົ້າຮວ່ມກ່າວເປີດ ຂອງ ທ່ານ ບຸນຍອດ ຈັນທະວອນ ຫົວໜ້າຫ້ອງການກະຊວງ ຮສສ. ກອງປະຊຸມດັ່ງກ່າວ, ເປັນປະທານຂອງ ທ່ານ ອຸດອນ ມະນີບຸນ ຮອງຫົວໜ້າກົມຄຸ້ມຄອງແຮງງານ, […]
ສືບຕໍ່ເສີມສ້າງມິດຕະພາບ ແລະ ການຮ່ວມມື ລາວ-ຣັດເຊຍ ເຂົ້າສູ່ລວງເລິກ ເພື່ອສັນຕິພາບ ແລະ ການພັດທະນາ
ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ວາລາດີເມຍ ປູຕິນ, ປະທານາທິບໍດີ ແຫ່ງ ສະຫະພັນ ຣັດເຊຍ ຂ້າພະເຈົ້າ ມີຄວາມພາກພູມໃຈເປັນຢ່າງຍິ່ງ ທີ່ໄດ້ນຳພາ ຄະນະຜູ້ແທນຂັ້ນສູງ ຂອງ ສປປ ລາວ ເດີນທາງຢ້ຽມຢາມ ສະຫະພັນ ຣັດເຊຍ ຢ່າງເປັນທາງການໃນໄວໆນີ້, ໃນໂອກາດນີ້ ຈຶ່ງຢາກສື່ສານເຖິງເພື່ອນມິດ ຣັດເຊຍ ຜ່ານສຳນັກຂ່າວສານ TASS, ເຊິ່ງເປັນໜຶ່ງໃນສຳນັກຂ່າວທີ່ໃຫຍ່, ເກົ່າແກ່ ແລະ ມີຊື່ສຽງທີ່ສຸດຂອງ ຣັດເຊຍ. ທ່ານ ທອງລຸນ ສີສຸລິດປະທານປະເທດ ແຫ່ງ ສປປ ລາວ ສາຍພົວພັນມິດຕະພາບ ແລະ ການຮ່ວມມື ລາວ–ຣັດເຊຍ ໄດ້ມີມູນເຊື້ອອັນຍາວນານ, ມີຮາກຖານອັນເລິກເຊິ່ງ ທີ່ໄດ້ສ້າງຂຶ້ນໃນໄລຍະ ທີ່ປະເທດລາວເລີ່ມມີຂະບວນການຕໍ່ສູ້ເພື່ອເອກະລາດ ແລະ ເສລີພາບ ທີ່ເປັນຊ່ວງເວລາທີ່ທ້າທາຍທີ່ສຸດ […]
ເຕືອນສຶນາມິ ຍີ່ປຸ່ນ-ຣັດເຊຍ ຫຼັງເກີດແຜ່ນດິນໄຫວຮຸນແຮງ 8.7 ໃນພື້ນທີ່ຕາເວັນອອກຂອງຣັດເຊຍ
ມີການອອກຄຳເຕືອນ “ສຶນາມິ” ສຳລັບບາງພື້ນທີ່ຂອງຣັດເຊຍ ແລະ ຍີ່ປຸ່ນ ຫຼັງເກີດແຜ່ນດິນໄຫວຮຸນແຮງຂະໜາດ 8.7 ໃນຊ່ວງເຊົ້າວັນນີ້ 30 ກໍລະກົດ 2025 ນອກຊາຍຝັ່ງທາງຕາເວັນອອກໄກທີ່ມີປະຊາກອນເບົາບາງຂອງຣັດເຊຍ ແຜ່ນດິນໄຫວເກີດຂຶ້ນຫ່າງຈາກເມືອງເປໂຕຣປາຟລອຟສກ-ຄັມຊັດສກີ ຂອງຣັດເຊຍ ປະມານ 136 ກິໂລແມັດ ທີ່ຄວາມເລິກ 19 ກິໂລແມັດ ຕາມລາຍງານຂອງສຳນັກສຳຫຼວດທໍລະນີວິທະຍາສະຫະລັດ (USGS) ນັບເປັນແຜ່ນດິນໄຫວທີ່ຮຸນແຮງທີ່ສຸດນັບຕັ້ງແຕ່ປີ 2011 ຊຶ່ງໃນປີນັ້ນເກີດແຜ່ນດິນໄຫວລະດັບ 9.0-9.1 ທາງຕາເວັນອອກສຽງເໜືອຂອງຍີ່ປຸ່ນ แຜ່ນດິນໄຫວຂະໜາດ 8.7 ໃກ້ຣັດເຊຍ ປະກາດໄພສຶນາມິຂອງຝັ່ງຣັດເຊຍເກີດຂຶ້ນຕາມແນວຊາຍຝັ່ງໃນຄາບສະໝຸດຄັມຊັດກາຂອງຣັດເຊຍ ຊຶ່ງທາງທ້ອງຖິ່ນຮຽກຮ້ອງໃຫ້ປະຊາຊົນຫຼີກເວັ້ນພື້ນທີ່ຊາຍຝັ່ງ ໂດຍລະບຸວ່າສາມາດກວດພົບຄື່ນໃຫຍ່ທີ່ມີຄວາມສູງປະມານ 3-4 ແມັດ ໃນຂະນະດຽວກັນ ທີ່ຍີ່ປຸ່ນໄດ້ອອກຄຳເຕືອນໄພສຶນາມິສຳລັບຊາຍຝັ່ງມະຫາສະໝຸດປາຊິຟິກ ໂດຍສຳນັກງານອຸຕຸນິຍົມວິທະຍາຂອງຍີ່ປຸ່ນເຕືອນວ່າອາດມີຄື່ນສູງເຖິງ 1 ແມັດທີ່ຍີ່ປຸ່ນໃນຊ່ວງລະຫວ່າງເວລາ 10.00-11.00 ຕາມເວລາທ້ອງຖິ່ນ ແລະໄດ້ເຕືອນປະຊາຊົນໃຫ້ຢູ່ຫ່າງຈາກຊາຍຝັ່ງ ສູນກາງເຕືອນໄພສຶນາມິປາຊິຟິກລະບຸວ່າຈາກຂໍ້ມູນເບື້ອງຕົ້ນຂອງແຜ່ນດິນໄຫວ ມີຄວາມເປັນໄປໄດ້ທີ່ຈະເກີດຄື່ນສຶນາມິທີ່ເປັນອັນຕະລາຍເປັນວົງກວ້າງ ນອກຈາກນີ້ຍັງມີການອອກປະກາດເຕືອນໄພສຶນາມິສຳລັບເກາະຮາວາຍ ແລະ ຄຳແນະນຳໄພສຶນາມິສຳລັບບາງສ່ວນຂອງຫມູ່ເກາະອະລູຊຽນໃນລັດອະແລສກາດ້ວຍ