ແຈ້ງເຕືອນໄພ ພາຍຸດີເປຼຊັນ (TD) ສະບັບທີ 1 ໃນລະຫວ່າງວັນທີ 29 – 31 ສິງຫາ 2025
ຕາມການລາຍງານຂອງກົມອຸຕຸນິຍົມ ແລະ ອຸທົກກະສາດ ໄດ້ມີການ ແຈ້ງເຕືອນໄພ ພາຍຸດີເປຼຊັນ (TD) ສະບັບທີ 1 ໃນລະຫວ່າງວັນທີ 29 – 31 ສິງຫາ 2025 ທີ່ມາ: ກົມອຸຕຸນິຍົມ ແລະ ອຸທົກກະສາດ
ຮູ້ຈັກ Cambricon ບໍລິສັດຊິບຈີນມ້າມືດ ຄູ່ແຂ່ງ Nvidia ລາຍໄດ້ພຸ່ງ 4,000%
ສຳນັກຂ່າວ CNBC ລາຍງານວ່າ “Cambricon” ບໍລິສັດຜູ້ຜະລິດຊິບເຊັມິຄອນດັກເຕີຈາກ “ຈີນ” ໄດ້ລາຍງານຜົນການດຳເນີນງານທີ່ໜ້າປະທັບໃຈໃນຊ່ວງຄິດປີທຳອິດ ໂດຍມີກຳໄລສູງສຸດເປັນປະຫວັດສາດ ສະທ້ອນໃຫ້ເຫັນວ່າຄູ່ແຂ່ງໃນປະເທດຂອງ Nvidia ກຳລັງເຕີບໂຕຢ່າງໄວວາ ເນື່ອງຈາກລັດຖະບານຈີນກຳລັງຊຸກຍູ້ແລະສະໜັບສະໜູນອຸດສາຫະກຳໃນປະເທດ Cambricon ແມ່ນຫນຶ່ງໃນບໍລິສັດຈີນຫຼາຍແຫ່ງທີ່ກຳລັງແຂ່ງຂັນກັນເພື່ອເປັນທາງເລືອກແທນ Nvidia ຊຶ່ງເປັນຜູ້ນຳດ້ານການຜະລິດຊິບສຳລັບ AI ທີ່ໃຊ້ໃນການຝຶກອົບຮົມແລະຮັນໂມເດວ AI ຕ່າງໆ Cambricon ຫຼີກຄວາມສ່ຽງຖືກຕັດຂາດເທັກໂນໂລຍີຈາກສະຫະລັດ Cambricon ລາຍງານຜົນການດຳເນີນງານຄິດປີທຳອິດມີລາຍໄດ້ພຸ່ງຂຶ້ນກວ່າ 4,000% ເມື່ອທຽບກັບປີກ່ອນໜ້າ ມາຢູ່ທີ່ 2.88 ຕື້ຫຼ້ານຫຍວນ ຫຼື ປະມານ 402.7 ລ້ານໂດລາ ແລະມີກຳໄລສຸດທິສູງສຸດເປັນປະຫວັດສາດທີ່ 1.04 ຕື້ຫຼ້ານຫຍວນ ເຖິງແມ່ນວ່າຕົວເລກນີ້ຈະເບິ່ງໜ້າປະທັບໃຈ ແຕ່ກໍ່ຍັງຖືວ່າເຈົ້ານ້ອຍຫຼາຍເມື່ອທຽບກັບ Nvidia ທີ່ລາຍງານລາຍໄດ້ 44 ຕື້ລ້ານໂດລາໃນໄຕມາດຫຼ້າສຸດ ການເຕີບໂຕຢ່າງກ້າວໂດດຂອງລາຍໄດ້ບໍລິສັດ Cambricon ຊີ້ໃຫ້ເຫັນວ່າບໍລິສັດເທັກໂນໂລຍີໃນຈີນກຳລັງເລັ່ງຫາທາງເລືອກອື່ນນອກເຫນືອຈາກຊິບຂອງ Nvidia ເນື່ອງຈາກຄວາມສ່ຽງທີ່ຈີນອາດຖືກຕັດຂາດຈາກເທັກໂນໂລຍີຂອງສະຫະລັດຢ່າງຕໍ່ເນື່ອງ ມູນຄ່າຫຸ້ນທະຍານ ແພງສຸດໃນຕະຫຼາດຈີນ ບໍລິສັດເທັກໂນໂລຍີຊັ້ນນຳຂອງຈີນຫຼາຍແຫ່ງຫັນມາໃຊ້ຊິບທີ່ຜະລິດໃນປະເທດ ເຮັດໃຫ້ບໍລິສັດໃນປະເທດເຊັ່ນ Cambricon ໄດ້ຮັບປະໂຫຍດແລະເຕີບໂຕຢ່າງໄວວາ ເຮັດໃຫ້ລາຄາຫຸ້ນຂອງ Cambricon […]
ສໍາເລັດການຍົກລະດັບຄວາມຮູ້ ວຽກງານວິຊາສະເພາະ ໂຄສະນາອົບຮົມ
ໂຄສະນາອົບຮົມສູນກາງພັກ (ຄອສພ) ໄດ້ສໍາເລັດຊຸດຝຶກອົບຮົມ ຍົກລະດັບຄວາມຮູ້ວຽກງານວິຊາສະເພາະ ໂຄສະນາອົບຮົມ ໃຫ້ພະນັກງານ-ລັດຖະກອນ ພາຍໃນຄະນະໂຄສະນາອົບຮົມສູນກາງພັກ, ພາຍຫຼັງດໍາເນີນມາເປັນໄລຍະເວລາ 10 ວັນ, ແຕ່ວັນທີ 18-29 ສິງຫານີ້ ທີ່ ຄອສພ, ໂດຍການເປັນປະທານຂອງ ທ່ານ ນາງ ວິລະວອນ ພັນທະວົງ ຮອງຫົວໜ້າ ຄອສພ, ບັນດາຫົວໜ້າກົມ ທີ່ຂຶ້ນກັບ ຄອສພ ພ້ອມດ້ວຍສຳມະນາກອນເຂົ້າຮ່ວມ ຈໍານວນ 39 ຄົນ. ການຝຶກອົບຮົມໃນຄັ້ງນີ້, ສຳມະນາກອນໄດ້ຮຽນຮູ້ກ່ຽວກັບບົດບາດ ແລະ ຄວາມສຳຄັນຂອງເຕັກໂນໂລຊີດີຈີຕອນ ໃນການຫັນວຽກງານໂຄສະນາອົບຮົມໄປສູ່ທັນສະໄໝ, ວຽກງານແນວຄວາມຄິດຂອງພັກໃນໄລຍະໃໝ່, ບົດຮຽນການຄົ້ນຄວ້າທິດສະດີ ແລະ ພຶດຕິກຳຮັບໃຊ້ຂອງພັກ, ຫຼັກການຂຽນບົດວິທະຍາສາດຮັບໃຊ້ເຂົ້າໃນວຽກງານຂອງພັກ, ຫຼັກການສຳພາດຂ່າວ, ການຂຽນບົດວຽກດີຄົນເດັ່ນ, ບັນຫາພື້ນຖານຂອງວຽກງານໂຄສະນາ, ວິທະຍາສາດພື້ນຖານຈຳນວນໜຶ່ງຂອງສິລະປະການໂຄສະນາດ້ວຍປາກ, ຄວາມຮູ້ພື້ນຖານກ່ຽວກັບວຽກງານອົບຮົມ, ການຂຽນບົດລົງວາລະສານປະເພດຕ່າງໆ, ວຽກງານຫາງສຽງສັງຄົມ, ການໂຄສະນາເຜີຍແຜ່ຂໍ້ມູນຂ່າວສານໃນສື່ແບບໃໝ່, ນຳພາ ແລະ ຄຸ້ມຄອງວຽກງານສື່ມວນຊົນ, ປັບປຸງກົງຈັກການຈັດຕັ້ງຂອງ ຄອສພ ນັບແຕ່ສູນກາງລົງຮອດທ້ອງຖິ່ນ, […]
“ແມນຢູ” ຕ້ອງຈ່າຍສູງເຖິງ 521 ລ້ານບາດ ຖ້າປົດ “ອະໂມຣິມ”ຫຼັງຊີຊັ່ນໃໝ່ຍັງບໍ່ຊະນະໃຜເລີຍ
ເບິ່ງຄ່າປົດ”ຣູເບນ ອະໂມຣິມ” ຫົວໜ້າຝຶກຊາວໂປຣຕຸເກສຂອງ “ແມນເຊສເຕີ ຢູໄນເຕັດ” ສູງເຖິງ 521 ລ້ານບາດ ຫຼັງຊີຊັ່ນໃໝ່ຍັງບໍ່ຊະນະໃຜເລີຍ ວັນທີ 29 ສ.ຄ. 68 ເບິ່ງຄ່າປົດດຂອງຣູເບນ ອະໂມຣິມ ຜູ້ຈັດການທີມຊາວໂປຣຕຸເກສຂອງ “ປິສາດແດງ” ແມນເຊສເຕີ ຢູໄນເຕັດ ທີມດັງແຫ່ງການແຂ່ງຂັນພຣີເມຍລີກ ອັງກິດ ຫຼັງຈາກທີ່ລາວເຮັດຜົນງານໃນຊ່ວງເລີ່ມຕົ້ນດູການ 2025-26 ຍັງບໍ່ຊະນະໃຜເລີຍແມ້ແຕ່ໜ່ຶງນັດ ຈາກ 3 ນັດທຳອິດ ເລີ່ມຕົ້ນຈາກການເປີດບ້ານແພ້ໃຫ້ “ປືນໃຫຍ່” ອາເຊນອລ ທີມຮອງແຊມພ໌ພຣີເມຍລີກ 3 ສະໄໝຊ້ອນດ້ວຍສະກໍ 0-1 ຈາກນັ້ນບຸກໄປເສມີ “ເຈົ້າສັວນ້ອຍ” ຟູແລມ 1-1 ສ່ວນນັດທີ 3 ບຸກໄປແພ້ຈຸດໂທດ ກຣິມສບີ ທາວນ໌ 11-12 (90 ນາທີເສມີ 2-2) ເຮັດໃຫ້ຜົນງານຄ່ອນຂ້າງຜິດຄາດ ຈາກການທີ່ລົງທຶນເສີມທັບທະລຸ 200 ລ້ານປອນ ຫຼືປະມານ 8,761 ລ້ານບາດ ຈາກຜົນງານດັ່ງກ່າວເຮັດໃຫ້ມີກະແສຂ່າວວ່າ […]
ເຈົ້າເມືອງໆຍົມມະລາດ ລົງຢ້ຽມຢາມປະຊາຊົນ ແລະ ຕິດຕາມສະພາບນ້ຳຖ້ວມພາຍໃນເມືອງ
ດ້ວຍຄວາມເປັນຫ່ວງເປັນໃຍຂອງການນຳຂັ້ນເມືອງ ໃນການດຳລົງຊີວິດຂອງພໍ່ແມ່ປະຊາຊົນທີ່ອາໄສຢູ່ເຂດລ່ອງນ້ຳເຊບັ້ງໄຟ ແລະ ນ້ຳຍົມ ສະນັ້ນ, ໃນວັນທີ 27 ສິງຫາ 2025. ທ່ານ ຄຳໝັ້ນ ສໍປະເສີດ ເຈົ້າເມືອງຍົມມະລາດ ພ້ອມດ້ວຍຄະນະກຳມະການຄຸ້ມຄອງໄພພິບັດຂັ້ນເມືອງ ລົງຢ້ຽມຢາມປະຊາຊົນ ແລະ ຕິດຕາມສະພາບນ້ຳຖ້ວມພາຍໃນເມືອງ. ເຊິ່ງໃນປັດຈຸບັນມີຫຼາຍບ້ານໄດ້ຮັບຜົນກະທົບຈາກພາຍຸ ຄາຈິກິ ເຮັດໃຫ້ບ້ານ, ເຮືອນຂອງປະຊາຊົນຖືກນ້ຳຖ້ວມເປັນວົງກວ້າງຈຳນວນຫຼາຍບ້ານ. ເນື່ອງຈາກຝົນຕົກຕິດຕໍ່ກັນຫຼາຍວັນເຮັດໃຫ້ລະດັບນ້ຳເຊບັ້ງໄຟ ແລະ ນ້ຳຍົມເພີ່ມຂຶ້ນສູງພໍສົມຄວນ ເຮັດໃຫ້ນ້ຳໄຫຼເຂົ້າຖ້ວມບ້ານ, ເຮືອນ ແລະ ນາ ປະຊາຊົນ. ໃນນັ້ນທາງການນຳຂັ້ນເມືອງ, ກຳລັງ ປກຊ – ປກສ ເມືອງ, ຊາວໜຸ່ມຕະລຸມບອນແຂວງ, ເມືອງ ແລະ ພາກສ່ວນຕ່າງໆໄດ້ເລັງການຊ່ວຍເຫຼືອອົບພະຍົບປະຊາຊົນ, ວັດຖຸມີຄ່າ ແລະ ລັດລ້ຽງໄປໃວ້ທີ່ປອດໄພແລ້ວ. ສ່ວນຜົນເສຍຫາຍທາງຄະນະກຳມະການຄຸ້ມຄອງໄພພິບັດຂັ້ນເມືອງຈະລົງປະເມີນຄວາມເສຍຫາຍອີກຄັ້ງຫຼັງຈາກລະດັບນ້ຳຫຼຸດລົງ. ທ່ານ ຄຳໝັ້ນ ສໍປະເສີດ ເຈົ້າເມືອງຍົມມະລາດ ຍັງໄດ້ຮຽກຮ້ອງໃຫ້ອຳນາດການປົກຄອງບ້ານ ແລະ ພໍ່ແມ່ປະຊາຊົນ ໃຫ້ມີສະຕິກຽມພ້ອມສະເໝີໃນເວລາມີກໍລະນີສຸກເສີນ […]
ປະທານສະພາແຫ່ງຊາດ ຫວຽດນາມ ພົບປະເຈລະຈາກັບ ປະທານສະພາແຫ່ງຊາດນູແວນເຊລັງ
ວິທະຍຸກະຈາຍສຽງຫວຽດນາມລາຍງານ ໃນວັນທີ 28 ສິງຫາ ຜ່ານມາວ່າ: ໂດຍຕອບຮັບຄຳເຊີນຂອງທ່ານ ເຈິ່ນແທັງເໝີ້ນ ປະທານສະພາແຫ່ງຊາດ ຫວຽດນາມ, ທ່ານ ເຈີຣີ່ ບຣາວລີ ປະທານສະພາແຫ່ງຊາດນູແວນເຊລັງ ໄດ້ມາຢ້ຽມຢາມ ຫວຽດນາມ ຢ່າງເປັນທາງການ, ແຕ່ວັນທີ 27 – 31 ສິງຫານີ້. ໃນຕອນເຊົ້າຂອງວັນທີ 28 ສິງຫາ ຜ່ານມາ, ຢູ່ຫໍສະພາແຫ່ງຊາດ, ທ່ານ ເຈິ່ນແທັງເໝີ້ນ ປະທານສະພາແຫ່ງຊາດ ຫວຽດນາມ ໄດ້ເປັນປະທານພິທີຕ້ອນຮັບທ່ານ ເຈີຣີ່ ບຣາວລີ ປະທານສະພາແຫ່ງຊາດນູແວນເຊລັງ. ພາຍຫຼັງພິທີຕ້ອນຮັບ, ການນຳ 2 ທ່ານໄດ້ດຳເນີນການພົບປະເຈລະຈາ. ໃນການໂອ້ລົມເຈລະຈາ, ທ່ານ ເຈິ່ນແທັງເໝີ້ນ ສະເໜີໃຫ້ 2 ຝ່າຍສືບຕໍ່ປັບປຸງ ແລະ ຮັດແໜ້ນການພົວພັນດ້ານການເມືອງ ຜ່ານບັນດາການຢ້ຽມຢາມ ແລະ ພົບປະຂັ້ນສູງ, ເພີ່ມທະວີການພົບປະແລກປ່ຽນລະຫວ່າງບັນດາຄະນະ, ກຸ່ມສະມາຊິກລັດຖະສະພາມິດຕະພາບ, ກຸ່ມສະມາຊິກລັດຖະສະພາໜຸ່ມຂອງ 2 ປະເທດ; […]
OpenAI ກະກຽມເພີ່ມຟີເຈີ ‘ການຄວບຄຸມໂດຍຜູ້ປົກຄອງ’ ຫຼັງເດັກ 16 ປີເສຍຊີວິດເພາະສົນທະນາກັບ ChatGPT
OpenAI ກຳລັງເພີ່ມເຄື່ອງມືຄວບຄຸມສຳລັບຜູ້ປົກຄອງ (Parental Control) ເພື່ອໃຫ້ສາມາດຈັດການການໃຊ້ງານ ChatGPT ສຳລັບເດັກນ້ອຍ ຫຼືຜູ້ໃຊ້ງານທີ່ຍັງບໍ່ບັນລຸນິຕິພາບ ຫຼັງຈາກເກີດເຫດການເດັກໜຸ່ມອາຍຸ 16 ປີເສຍຊີວິດ ເນື່ອງຈາກຖືກລ່ວງລະເມີດທາງເພດ ແລະ ໄດ້ສົນທະນາປຶກສາກັບ ChatGPT ຕັ້ງແຕ່ທີ່ມີນະວັດຕະກຳ AI ເກີດຂຶ້ນ ພວກເຮົາຕ່າງໄດ້ພົບປັນຫາຫຼາຍຢ່າງກ່ຽວກັບການໃຊ້ງານແລະແນວຄິດຂອງການເຮັດວຽກຂອງ AI ແຕ່ປັນຫາຫຼ້າສຸດທີ່ພວກເຮົາກຳລັງປະເຊີນໜ້າ ແມ່ນປັນຫາຂອງ ‘ຜົນໄດ້ຮັບ’ ທີ່ໄດ້ຈາກ AI ເຫຼົ່ານີ້ ຊຶ່ງຜົນໄດ້ຮັບທີ່ວ່ານັ້ນບໍ່ໃຊ່ເລື່ອງຂອງຄຳຕອບທີ່ຜິດ ຫຼືບິດເບືອນຄວາມຈິງເໝືອນແຕ່ກ່ອນ ແຕ່ຍັງໝາຍເຖິງຜົນກະທົບຕໍ່ພຶດຕິກຳຂອງຜູ້ໃຊ້ງານ ໂດຍສະເພາະກຸ່ມຜູ້ໃຊ້ງານທີ່ຍັງບໍ່ບັນລຸນິຕິພາບ ແລະ ກຸ່ມທີ່ອ່ອນແອ ຊຶ່ງຫຼາຍໆເຄັສຂອງຜູ້ໃຊ້ງານກຸ່ມເຫຼົ່ານີ້ ມັກຈະປຶກສາ ChatGPT ແລະ ເລືອກທີ່ຈະຢຸດຊີວິດຕົນເອງ ແລະ ນີ້ກໍເປັນຈຸດເລີ່ມຕົ້ນທີ່ OpenAI ຕ້ອງເພີ່ມຟີເຈີຄວບຄຸມການດູແລຈາກປົກຄອງຢ່າງແທ້ຈິງ ປັນຫາຈາກເຄັສເດັກອາຍຸ 16 ປີ ເກື່ອນກ່ອນວ່ານີ້ບໍ່ແມ່ນຄັ້ງທຳອິດທີ່ ChatGPT ຖືກຟ້ອງເລື່ອງການໃຊ້ງານ ແຕ່ຄັ້ງນີ້ແມ່ນການຟ້ອງທີ່ຮ້າຍແຮງກວ່າເຄັສກ່ອນໆທີ່ຜ່ານມາ ເພາະແມ່ນເລື່ອງຂອງການສູນເສີຍຊີວິດຂອງຜູ້ໃຊ້ງານ ຈາກຮູບແບບການຕອບຄຳຖາມທີ່ມີແນວໂນ້ມລຳອຽງ ແລະ ເຫັນດີເຫັນງາມກັບຜູ້ໃຊ້ງານ ໂດຍບໍ່ແຍກແຍະວ່າສິ່ງທີ່ຜູ້ໃຊ້ງານພິມເຂົ້າມາມີຮູບແບບຂອງການເປັນ ຊຶມເສຍປະປົນຢູ່ ແລະ […]
ຍີ່ປຸ່ນໃຊ້ AI ຈຳລອງພູເຂົາໄຟຟູຈິລະເບີດ ເຕືອນຄົນໂຕກຽວໃຫ້ຮັບມືກັບໄພພິບັດ
ຍີ່ປຸ່ນໃຊ້ເທັກໂນໂລຢີ AI ຈຳລອງພູເຂົາໄຟຟູຈິລະເບີດຢ່າງຮຸນແຮງ ເພື່ອກະກຽມຄວາມພ້ອມຮັບມືໃນສະຖານະການທີ່ຮ້າຍແຮງທີ່ສຸດ ເຖິງແມ່ນຍັງບໍ່ພົບສັນຍານປະທຸ ເຖິງແມ່ນພູເຂົາໄຟຟູຈິຈະສະຫງົບມາຕັ້ງແຕ່ປີ ຄ.ສ. 1707 ແຕ່ລັດຖະບານກຸງໂຕກຽວໄດ້ເຜີຍແຜ່ວິດີໂອຈຳລອງການປະທຸຮຸນແຮງຂອງພູເຂົາໄຟຟູຈິ ໂດຍໃຊ້ເທັກໂນໂລຢີຄອມພິວເຕີ ແລະ ປັນຍາປະດິດ (AI) ເພື່ອກະກຽມຄວາມພ້ອມຮັບມືສະຖານະການເລວທີ່ສຸດ ໃນ “ວັນກະກຽມຄວາມພ້ອມຮັບມືໄພພິບັດຈາກພູເຂົາໄຟ” ຂອງຍີ່ປຸ່ນ ວິດີໂອທີ່ເຜີຍແຜ່ໃນອາທິດນີ້ ສະແດງໃຫ້ເຫັນຮູບພາບຂອງຂີ້ເຖົ່າພູເຂົາໄຟຈຳນວນມະຫາສານປົກຄຸມກຸງໂຕກຽວທີ່ຢູ່ຫ່າງອອກໄປປະມານ 100 ກິໂລແມັດ ພາຍໃນເວລາບໍ່ກີ່ຊົ່ວໂມງ ສົ່ງຜົນໃຫ້ລະບົບຄົມມະນາຄົມເປັນອຳພາດ ການສົ່ງອາຫານແລະ ໄຟຟ້າຖືກລົບກວນ ລວມທັງອາດກໍ່ໃຫ້ເກີດບັນຫາລະບົບທາງເດີນຫາຍໃຈໃນໄລຍະຍາວຕອນທ້າຍຂອງວິດີໂອ ມີຂໍ້ຄວາມເຕືອນຢ່າງຊັດເຈນວ່າ “ພວກເຮົາຈຳເປັນຕ້ອງກະກຽມຕົວດ້ວຍຂໍ້ມູນທີ່ຖືກຕ້ອງ ແລະຮັບມືໄພພິບັດໃນຊີວິດປະຈຳວັນ” ພ້ອມດ້ວຍຮູບພາບຄອບຄົວທີ່ກັກຕຸນອາຫານກະປ໋ອງ ແລະ ຊຸດປະຖົມພະຍາບານໄວ້ໃນເຮືອນ ດ້ານສຳນັກງານລັດຖະບານກຸງໂຕກຽວໄດ້ຊີ້ແຈງວ່າ ຂະນະນີ້ຍັງບໍ່ມີຫຼັກຖານຫຼືສັນຍານບົ່ງຊີ້ວ່າພູເຂົາໄຟຟູຈິກຳລັງຈະລະເບີດ ການເຜີຍແຜ່ວິດີໂອນີ້ມີເປົ້າໝາຍເພື່ອໃຫ້ປະຊາຊົນ 37 ລ້ານຄົນໃນເຂດມະຫານຄອນໂຕກຽວ ມີຄວາມຮູ້ແລະມາດຕະການປ້ອງກັນຕົວຫາກເກີດເຫດສຸກເສີນເທົ່ານັ້ນ ແນວໃດກໍຕາມ ຫຼັງຈາກການເຜີຍແຜ່ວິດີໂອດັ່ງກ່າວອອກມາ ໄດ້ສ້າງຄວາມກັງວົນແລະຄວາມສັບສົນໃນກຸ່ມຊາວຍີ່ປຸ່ນ ບາງຄົນແສດງຄວາມເຫັນວ່າ ມີສັນຍານຫຍັງບໍ? ເປັນຫຍັງຕ້ອງເວົ້າຫາເຖົ້າພູເຂົາໄຟໜາ 10 ເຊັນຕິແມັດແມ່ນແຕ່ໃນໂຕກຽວ ໃນຂະນະທີ່ປະຊາຊົນບາງສ່ວນກຳລັງວາງແຜນຈະຊື້ສິ່ງຂອງໃຊ້ສຸກເສີນທັນທີ ໃນຂະນະທີ່ສາດສະດາຈານ ນາໂອຍະ ເຊກິຍະ […]
ບໍລິສັດ ສະຫະບໍລິສັດ ລາວບໍລິການ ຈຳກັດ ມອບ 2 ຕື້ກີບ ຊຸກຍູ້ກອງປະຊຸມໃຫຍ່ອົງຄະນະພັກແຂວງ ຄັ້ງທີ XII
ໃນຕອນເຊົ້າວັນທີ 28 ສິງຫານີ້ ທີ່ຫ້ອງຮັບແຂກ ຫ້ອງວ່າການແຂວງອັດຕະປື, ບໍລິສັດ ສະຫະບໍລິສັດ ລາວບໍລິການ ຈຳກັດ ໄດ້ນຳເອົາເງິນ ຈຳນວນ 2 ຕື້ກີບ, ມາມອບໃຫ້ແຂວງອັດຕະປື ຊຶ່ງໃຫ້ກຽດມອບໂດຍ ທ່ານ ນາງ ຫົງພະຈັນ ສະໝິງວົງສາ ຕາງໜ້າບໍລິສັດ ສະຫະບໍລິສັດ ລາວບໍລິການ ຈຳກັດ ສ່ວນແຂວງອັດຕະ,ກ່າວຮັບໂດຍ ທ່ານ ທະນູໄຊ ບັນຊາລິດ ຄະນະປະຈຳພັກແຂວງ ຮອງເຈົ້າແຂວງອັດຕະປື ທັງເປັນຫົວໜ້າອະນຸກຳມະການເສດຖະກິດ ໂດຍການເຂົ້າຮ່ວມເປັນສັກຂີພິຍານຂອງ ທ່ານ ພົນໂທ ວັນທອງ ກອງມະນີ ກຳມະການສູນກາງພັກ ເລຂາພັກແຂວງ ເຈົ້າແຂວງອັດຕະປື ພ້ອມດ້ວຍພາກສ່ວນກ່ຽວຂ້ອງ. ການມອບເງິນຄັ້ງນີ້, ເພື່ອປະກອບສ່ວນຊ່ວຍເຫຼືອ-ຊຸກຍູ້ ການກະກຽມ ແລະ ດຳເນີນກອງປະຊຸມໃຫຍ່ ຜູ້ແທນອົງຄະນະພັກແຂວງອັດຕະປື ຄັ້ງທີ XII ທີ່ຈະໂຂຂຶ້ນໃນມໍ່ໆນີ້. ໂອກາດນີ້, ທ່ານ ພົນໂທ ວັນທອງ ກອງມະນີ ກໍໄດ້ຕາງໜ້າໃຫ້ຄະນະພັກ […]
ການວິໄຈພົບ ‘ຢາສີດມະເຮັງສະເພາະຈຸດ’ ສີດແລ້ວຫາຍທົ່ວຮ່າງກາຍ
ການວິໄຈຈາກມະຫາວິທະຍາໄລ Rockefeller ໄດ້ພັດທະນາວິທີການປິ່ນປົວໂຣກມະເຮັງແບບໃໝ່ທີ່ເອີ້ນວ່າ “ການສີດຢາເພື່ອລົບມະເຮັງ” ໂດຍເປັນການສີດແອນຕິບໍດີ (Antibody) ຫຼື ສານພູມຄຸ້ມກັນ ເຂົ້າໄປໃນກ້ອນເນື້ອງອກພຽງຈຸດດຽວ ແຕ່ກັບສາມາດກະຕຸ້ນລະບົບພູມຄຸ້ມກັນໃຫ້ກຳຈັດເຊວມະເຮັງໄດ້ທົ່ວຮ່າງກາຍ ແອນຕິບໍດີ 2141-V11 ປິ່ນປົວໂຣກມະເຮັງ ແອນຕິບໍດີ 2141-V11 ແມ່ນແອນຕິບໍດີທີ່ຖືກອອກແບບມາເພື່ອໃຊ້ໃນການປິ່ນປົວມະເຮັງ ເຊິ່ງແອນຕິບໍດີຊະນິດນີ້ສາມາດຈັບກັບ CD40 ທີ່ກະຕຸ້ນການເຮັດວຽກຂອງລະບົບພູມຄຸ້ມກັນໄດ້ຢ່າງມີປະສິດທິຜົນ ໂດຍໃຊ້ສີດຕົງເຂົ້າສູ່ກ້ອນເນື້ອທີ່ມີເຊວມະເຮັງເພື່ອຍັບຍັ້ງການແຜ່ຂະຫຍາຍຂອງເຊວມະເຮັງໄປຍັງເຊວປົກກະຕິ ທີມນັກວິໄຈໄດ້ທົດສອບຢາຕົວນີ້ໃນຜູ້ປ່ວຍໂຣກມະເຮັງໄລຍະລຸກລາມກວ່າ 12 ຄົນ ໃນການທົດລອງໄລຍະແຮກ ແລະໄດ້ພົບກັບຜົນຕອບທີ່ອາດເປັນຄວາມຫວັງໃນການຜະລິດຢາຫຼືສ້າງການປິ່ນປົວໃໝ່ສຳລັບຜູ້ປ່ວຍໂຣກມະເຮັງ ຫຼັງຈາກຜູ້ປ່ວຍໃນການທົດລອງໄດ້ສີດຢາຊະນິດນີ້ເຂົ້າໄປພົບວ່າ: ເນື້ອງອກຂອງຜູ້ປ່ວຍກວ່າຄິງມີຂະໜາດນ້ອຍລົງ ຜູ້ປ່ວຍ 2 ລາຍທີ່ເປັນຜູ້ປ່ວຍມະເຮັງຜິວໜັງເມລາໂນມາ ແລະມະເຮັງເຕົ້ານົມໄລຍະທີ່ແຜ່ຂະຫຍາຍ ຕອບສະໜອງຕໍ່ໂຣກໄດ້ເປັນຢ່າງດີ ໂດຍບໍ່ພົບຮ່ອງຮອຍໂຣກມະເຮັງຫຼັງການປິ່ນປົວ ຈຸດທີ່ຫນ້າສົນໃຈຍິ່ງໄປກວ່ານັ້ນ ແມ່ນການສີດຢາໃນກ້ອນເນື້ອງອກພຽງຈຸດດຽວ ກັບກະຕຸ້ນໃຫ້ເນື້ອງອກທີ່ຢູ່ບໍລິເວນອື່ນໃນຮ່າງກາຍຫາຍໄປ ແລະລຸດລົງດ້ວຍ ການສຶກສານີ້ເລີ່ມຕົ້ນມາຕັ້ງແຕ່ຊ່ວງປີ 2018 ເຊິ່ງພັດທະນາມາຈາກງານວິໄຈຊິ້ນກ່ອນທີ່ເຄີຍທົດສອບໃນລັກສະນະຄືກັນ ຄືການກະຕຸ້ນການເຮັດວຽກຂອງ CD40 ແຕ່ຜົນຕອບທີ່ບໍ່ດີສັກເທົ່າໃດ ແລະຍັງພົບຜົນຂ້າງຄຽງທີ່ຮຸນແຮງເມື່ອນຳໄປທົດລອງກັບມະນຸດ ສາດສະດາຈານ Jeffrey V. Ravetch ຈາກມະຫາວິທະຍາໄລ Rockefeller ແລະທີມວິໄຈຈິ່ງກັບໄປທົບທວນແນວຄວາມຄິດເກົ່າ ແລະພົບວ່າປັນຫາບໍ່ໄດ້ຢູ່ທີ່ຫຼັກການເຮັດວຽກ ແຕ່ເປັນວິທີການອອກແບບ ແລະສົ່ງຢາເຂົ້າສູ່ຮ່າງກາຍ ທີມວິໄຈໄດ້ລອງທົດສອບດ້ວຍການປ່ຽນວິທີໃຫ້ຢາ […]