ງານແຂ່ງຂັນ ເພງຮ້ອງ, ກອນຂັບ-ລໍາ ແລະ ລະຄອນສັ້ນ ທົ່ວປະເທດ ຄັ້ງທີິ 1 ໃນຫົວຂໍ້ “ພິດໄພຜົນຮ້າຍຂອງຢາເສບຕິດ “
ເພື່ອເປັນການສ້າງຂະບວນການຂໍ່ານັບຮັບຕ້ອນ 3 ວັນປະກວັດສາດ ໂດຍສະເພາະ ແມ່ນສ້າງກິດຈະກໍາ, ຂະບວນການ ຕ້ອນຮັບກອງປະຊຸມໃຫຍ່ ຄັ້ງທີ 6 ຂອງອົງຄະນະພັກ ກະຊວງປ້ອງກັນຄວາມສະຫງົບ ທີ່ຈະໄຂຂຶ້ນໃນມໍ່ໆນີ້ ແລະ ສຸມໃສ່ຈັດຕັ້ງຜັນຂະຫຍາຍ 6 ວຽກງານຈຸດສຸມ ໃນວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ປີ 2024-2025 ໃຫ້ເປັນວຽກງານທົ່ວປວງຊົນ, ຄະນະກໍາມະການແກ້ໄຂບັນຫາຢາເສບຕິດລະດັບຊາດ ໄດ້ຈັດການແຂ່ງຂັນ ເພງຮ້ອງ, ກອນຂັບ-ລໍາ ແລະ ລະຄອນສັ້ນ ທົ່ວປະເທດ ຄັ້ງທີ 1 ໃນຫົວຂໍ້ “ພິດໄພຜົນຮ້າຍຂອງຢາເສບຕິດ ” ໃນວັນທີ 2 ສິງຫາ 2025 ທີ່ຫໍວັດທະນະທໍາແຫ່ງຊາດ, ເປັນກຽດເຂົ້າຮ່ວມໂດຍ ພົທ ຄໍາກິ່ງ ຜຸຍຫຼ້າມະນີວົງ ຮອງລັດຖະມົນຕີກະຊວງປ້ອງກັນຄວາມສະຫງົບ ຮອງປະທານຄະນະກໍາມະການແກ້ໄຂບັນຫາຢາເສບຕິດລະດັບຊາດ, ມີບັນດາແຂກຖືກເຊີນ, ຄະນະກໍາມະການ, ນັກປະພັນ ປະດິດຄິດແຕ່ງ, ສິນລະປິນ, ນັກຮ້ອງ, ໝໍລໍາ ແລະ ບັນດາມວນຊົນເຂົ້າຮ່ວມ. […]
ສະຖິຕິພົບການດາວໂຫລດໃຊ້ງານ ChatGPT ຫຼາຍກວ່າ Microsoft Copilot ເຖິງ 10 ເທົ່າ
ສະຖິຕິພົບການດາວໂຫລດໃຊ້ງານ ChatGPT ຫຼາຍກວ່າ Microsoft Copilot ເຖິງ 10 ເທົ່າ AI ຫຼື ປັນຍາປະດິດ ຈາກທີ່ເຄີຍເປັນເທັກໂນໂລຊີແຫ່ງອະນາຄົດທີ່ເບິ່ງຄືເກີນເອື້ອມ ແຕ່ໃນປັດຈຸບັນກັບກາຍເປັນເທັກໂນໂລຊີທີ່ເຂົ້າເຖິງໄດ້ງ່າຍ ມີບໍລິສັດທີ່ພັດທະນາຫຼາຍແຫ່ງ ແຕ່ກໍ່ຍັງມີສະຖິຕິໜຶ່ງທີ່ອາດຕ້ອງໃຊ້ເວລານານກວ່າຈະສາມາດລົ້ມໄດ້. ຈາກລາຍງານໂດຍເວັບໄຊທ໌ Quartz ໄດ້ກ່າວເຖິງສະຖິຕິການໃຊ້ງານ AI ໂດຍຜູ້ໃຊ້ງານທົ່ວໂລກຈາກທາງສຳນັກຂ່າວ Bloomberg ຊຶ່ງໃນສະຖິຕິນີ້ມີຕົວເລກຫຼາຍຢ່າງທີ່ໜ້າສົນໃຈ ເຊັ່ນ ChatGPT ເຄື່ອງມື AI ປະເພດສັ່ງການເພື່ອສ້າງສື່ (Generative AI) ຍອດນິຍົມຈາກທາງ OpenAI ນັ້ນມີຍອດການດາວໂຫລດເພື່ອໃຊ້ງານສູງເຖິງ 900 ລ້ານຄັ້ງ ທຽບກັບ Microsoft Copilot ຊຶ່ງເປັນ AI ສຳລັບຊ່ວຍເຫຼືອຜູ້ໃຊ້ງານ ທີ່ເຖິງແມ່ນວ່າຈະມີຍອດດາວໂຫລດເຖິງ 79 ລ້ານຄັ້ງ ແຕ່ກໍ່ຍັງຕ່ຳກວ່າ ChatGPT ເຖິງ 10 ເທົ່າກວ່າ ເຖິງແມ່ນວ່າໃນທາງເທັກນິກແລ້ວທັງ 2 ຈະເປັນຂອງທາງໄມໂຄຣຊອຟທ໌ເໝືອນກັນ ເນື່ອງມາຈາກທາງ OpenAI ນັ້ນມີທາງໄມໂຄຣຊອຟທ໌ເປັນຜູ້ຖືຫຸ້ນແລະນັກລົງທຶນລາຍໃຫຍ່. ໂດຍຄວາມນິຍົມໃນການໃຊ້ງານອັນດັບ […]
ເກົາຫຼີເໜືອປຸກກະແສຈົງຮັກພັກດີ “ຄິມ ຈອງອຶນ” ກ່ອນຮອດມື້ສະຫຼອງຄົບຮອບ 80 ປີ ປົດແອກຈາກຍີ່ປຸ່ນ
ສຳນັກຂ່າວເກົາຫຼີເໜືອປຸກກະແສຍົກຍ່ອງ “ຄິມ ຈອງອຶນ” ຫຼານຊາຍຜູ້ສືບທອດຈິດວິນຍານນັກສູ້ເພື່ອເອກະລາດຈາກ “ຄິມ ອິລຊົງ” ຜູ້ກໍ່ຕັ້ງປະເທດ ວັນທີ່ 3 ສິງຫາ 2025 ເວັບໄຊຂ່າວ “ໂຣດົງຊິນມຸນ” ຂອງເກົາຫຼີເໜືອ ເຜີຍແຜ່ບົດຄວາມເມື່ອວັນອາທິດ ຍົກຍ່ອງ “ຄິມ ຈອງອຶນ” ຜູ້ນຳລຸ່ນຫຼານ ຜູ້ສືບທອດຈິດວິນຍານນັກສູ້ເພື່ອເອກະລາດຈາກ “ຄິມ ອິລຊົງ” ຜູ້ກໍ່ຕັ້ງປະເທດ ຊຶ່ງໄດ້ຮັບການຍົກຍ່ອງວ່າເປັນວີລະບຸລຸດແຫ່ງການປົດປ່ອຍ ແລະ ນັກຮັກຊາດຜູ້ຍິ່ງໃຫຍ່ ທີ່ນຳການຕໍ່ສູ້ກັບການຍຶດຄອງຂອງຍີ່ປຸ່ນໃນຊ່ວງປີ 1910–1945 ບົດຄວາມດັ່ງກ່າວຍັງເນັ້ນໃຫ້ເຫັນວ່າ ຄິມ ຈອງອຶນ ຈະນຳປະເທດໄປສູ່ຄວາມແຂງແກ່ງທີ່ບໍ່ມີຜູ້ຕໍ່ຕ້ານ ພາຍໃຕ້ການນຳທີ່ໝັ້ນຄົງຂອງລາວ ນອກຈາກນີ້ຍັງຍ້ອນເຖິງເຫດການທີ່ຄິມ ຈອງອຶນ ຂີ່ມ້າຂຶ້ນຟູເຂົາແພັກຕູ ທ່າມກາງຫິມະໃນເດືອນທັນວາ 2019 ຊຶ່ງຖືກປຽບວ່າເປັນສັນຍາລັກສືບສານເຈດຕະນາລົມຂອງຜູ້ນຳລຸ່ນກ່ອນທີ່ເລີ່ມຕົ້ນການຕໍ່ສູ້ຈາກພູເຂົາລູກນີ້ ໃນບົດຄວາມອີກບົດໜຶ່ງ ສື່ມວນຊົນເກົາຫຼີເໜືອຮຽກຮ້ອງໃຫ້ປະຊາຊົນມອບຄວາມຈົງຮັກພັກດີດ້ວຍຫົວໃຈດວງດຽວແດ່ຜູ້ນຳສູງສຸດ ຄິມ ຈອງອຶນ ໂດຍກ່າວວ່າລາວເປັນຜູ້ນຳທີ່ປຽບດັງທ້ອງຟ້າ ແລະ ປະຊາຊົນຄວນເທີດທູນເໜືອສິ່ງອື່ນໃດ ທັງນີ້ ບົດຄວາມຊຸດນີ້ເຜີຍແຜ່ອອກມາກ່ອນເຖິງວັນຄົບຮອບ 80 ປີ […]
5 ແອັບທ່ອງທ່ຽວ AI ຊ່ວຍວາງແຜນທຣິບທີ່ນັກທ່ອງທ່ຽວຕ້ອງມີ
ເຄີຍບໍ່ທີ່ຢາກອອກໄປທ່ອງທ່ຽວພັກຜ່ອນ ແຕ່ກັບມີຄວາມຮູ້ສຶກທໍ້ແທ້ກັບຂັ້ນຕອນການວາງແຜນທີ່ເບິ່ງຍຸ້ງຍາກ ແລະ ສັບສົນ? ແຕ່ປະຈຸບັນມີແອັບພລິເຄຊັນຫຼາຍທີ່ຖືກສ້າງຂຶ້ນມາເພື່ອເປັນຜູ້ຊ່ວຍໃນການຈັດທຣິບຂອງທ່ານໃຫ້ງ່າຍ ແລະ ສະດວກສະບາຍຫຼາຍຂຶ້ນ BTbeartai ໄດ້ລວບລວມ 5 ແອັບພລິເຄຊັນທີ່ຈະເຮັດໃຫ້ການວາງແຜນທ່ອງທ່ຽວເປັນເລື່ອງງ່າຍຂຶ້ນ 1. Trip.com ແອັບທີ່ຫຼາຍຄົນຄຸ້ນເຄີຍກັນດີ ນອກຈາກຈະເປັນແພລັດຟອມທີ່ໃຫ້ບໍລິການຈອງການເດີນທາງທີ່ຄົບວົງຈອນແລ້ວ ຍັງໄດ້ພັດທະນາຟີເຈີ TripGenie ຜູ້ຊ່ວຍ AI ທີ່ຊ່ວຍວາງແຜນການເດີນທາງໃຫ້ການທ່ອງທ່ຽວ ການໃຊ້ງານກໍ່ງ່າຍຫຼາຍ ໂດຍໃສ່ຄວາມຕ້ອງການຂອງເຮົາລົງໄປ ເຊັ່ນ: ຢາກວາງແຜນຍີ່ປຸ່ນ 5 ວັນ TripGenie ກໍ່ຈະສ້າງແຜນການເດີນທາງພ້ອມຄຳແນະນຳ ແລະ ຕົວເລືອກທີ່ພັກສຳລັບການທ່ອງທ່ຽວ ຈຸດເດັ່ນ: ການໃຊ້ງານງ່າຍຄ້າຍ ChatGPT ມີຟີເຈີຜູ້ຊ່ວຍສັ່ງອາຫານ, ໄກ້ນຳທ່ຽວ AI ແລະ ໂໝດແປພາສາ ບໍລິການຈອງທີ່ພັກ, ປີ້ເຄື່ອງບິນ ຄົບໃນແອັບດຽວ ບໍ່ຕ້ອງສະລັບໄປມາ ຈຸດສັງເກດ/ຂໍ້ເສຍ: ແຜນທີ່ໄດ້ອາດຈະຍັງເປັນແຜນທີ່ກວ້າງໆ ຕ້ອງມາປັບລາຍລະອຽດຕາມຄວາມຕ້ອງການຂອງເຮົາອີກ ຕົວເລືອກທີ່ພັກ ຫຼື ກິດຈະກຳທີ່ແນະນຳ ຈະເນັ້ນດີລຂອງ Trip.com ເປັນຫຼັກ ອາດເຮັດໃຫ້ພາດກິດຈະກຳ ຫຼື ປະສົບການພິເສດອື່ນໆ ຂອງທ້ອງຖິ່ນ […]
ກະຊວງປ້ອງກັນປະເທດ ລາວ-ຣັດເຊຍ ທົບທວນຄືນການຮ່ວມມືດ້ານການທະຫານ
ໃນວັນທີ 31 ກໍລະກົດ ຜ່ານມານີ້, ສະຫາຍ ພົນໂທ ຄໍາລຽງ ອຸທະໄກສອນ ລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ ພ້ອມດ້ວຍຄະນະ ໄດ້ພົບປະສອງຝ່າຍ ກັບ ສະຫາຍ ອານເດຣ ເບຍໂລອູຊົບ ລັດຖະມົນຕີກະຊວງປ້ອງກັນປະເທດ ແຫ່ງ ສ ຣັດເຊຍ ພ້ອມດ້ວຍຄະນະ ທີ່ ນະຄອນຫຼວງ ມົດສະກູ ສ ຣັດເຊຍ. ໂອກາດດັ່ງກ່າວ, ສອງຝ່າຍ ໄດ້ທົບທວນຄືນເຖິງການຮ່ວມມືດ້ານການທະຫານ ແລະ ເຕັກນິກການທະຫານ ລະຫວ່າງ ສອງກອງທັບ ລາວ-ຣັດເຊຍ ໃນໄລະຍະຜ່ານມາ ແລະ ປຶກສາຫາລືທິດທາງແຜນການຮ່ວມມືໃນຕໍ່ໜ້າ. ພ້ອມດຽວກັນນີ້, ສອງຝ່າຍ ຍັງໄດ້ລົງນາມແຜນຮ່ວມມືຍຸດທະສາດ ໄລຍະ 5 ປີ ລະຫວ່າງ ກະຊວງປ້ອງກັນປະເທດ ລາວ-ຣັດເຊຍ ຕື່ມອີກ. ການພົບປະດັ່ງກ່າວ ໄດ້ດໍາເນີນໄປດ້ວຍບັນຍາກາດທີ່ມີໄມຕີຈິດມິດຕະພາບ ແລະ ຄວາມເຂົ້າໃຈເຊິ່ງກັນ ແລະ ກັນ, […]
ເປັນຫຍັງຈຶ່ງເປັນ ‘ພະຍາດສະໝອງເສື່ອມ’? | ພະຍາດທາງລະບົບປະສາດທີ່ທຳລາຍຄວາມຊົງຈຳ
‘ພະຍາດສະໝອງເສື່ອມ’ ເປັນພະຍາດທີ່ຢູ່ໃກ້ຕົວທີ່ບໍ່ລໍຄອຍເວລາ ບໍ່ແມ່ນພຽງແຕ່ຄົນແກ່ເທົ່ານັ້ນທີ່ມີໂອກາດເປັນໄດ້ ເພາະວ່ານອກຈາກຜົນກະທົບຂອງພະຍາດທີ່ກ່ຽວຂ້ອງກັບຄວາມຈົດຈຳແລ້ວ ສິ່ງທີ່ແຝງມາດ້ວຍແມ່ນການສູນເສຍຄວາມສາມາດໃນດ້ານອື່ນໆ ທີ່ກາຍເປັນຝັນຮ້າຍຂອງຜູ້ປ່ວຍພະຍາດສະໝອງເສື່ອມ ເຊັ່ນດຽວກັບກໍລະນີຂອງ ບຣູສ ວິລລິສ (Bruce Willis) ໃນປີ 2022 ລາວໄດ້ຮັບການວິນິດໄສວ່າມີອາການເສຍການສື່ສານ ທີ່ສົ່ງຜົນກະທົບຕໍ່ສະໝອງສ່ວນທີ່ຄວບຄຸມພາສາ ພຶດຕິກຳ ແລະ ການເຄື່ອນໄຫວ ຊຶ່ງເປັນຮູບແບບການເສື່ອມທີ່ແຕກຕ່າງໄປຈາກພະຍາດສະໝອງເສື່ອມທົ່ວໄປ ທີ່ຈະກ່ຽວຂ້ອງກັບຄວາມຊົງຈຳ ຕໍ່ມາໃນປີ 2023 ລາວໄດ້ຮັບການຢືນຢັນວ່າເປັນ ພະຍາດສະໝອງເສື່ອມກ້ອນໜ້າຂະໝັບ (FTD) ທີ່ມີຜົນຕໍ່ການປ່ຽນແປງພຶດຕິກຳແລະບຸກຄະລິກະພາບຢ່າງຮຸນແຮງ ໃນປັດຈຸບັນຄອບຄົວໄດ້ເປີດເຜີຍອາການລ່າສຸດຂອງລາວທີ່ຊຸດໂຊມໜັກ ເຖິງຂັ້ນບໍ່ສາມາດເວົ້າ ອ່ານ ຫຼື ຍ່າງໄດ້ແລ້ວ ສ້າງຄວາມຕົກໃຈໃຫ້ແກ່ແຟນໜັງທົ່ວໂລກ ຫຼັງຈາກທີ່ກ່ອນໜ້ານີ້ລາວໄດ້ປະກາດລາອອກຈາກວົງການເພື່ອໄປຮັກສາຕົວ ບົດຄວາມນີ້ຈະພາມາທຳຄວາມຮູ້ຈັກກັບພະຍາດສະໝອງເສື່ອມ ແລະ ກົນໄກຂອງພະຍາດ ລວມໄປເຖິງປັດໃຈທາງພັນທຸກຳທີ່ອາດຈະເປັນສາເຫດໜຶ່ງຂອງພະຍາດນີ້ ເພື່ອປະໂຫຍດໃນດ້ານການປ້ອງກັນແລະດູແລຮັກສາສຸຂະພາບທີ່ດີຂຶ້ນ ຮູ້ຈັກພາວະສະໝອງເສື່ອມ ພາວະສະໝອງເສື່ອມ (Dementia ຫຼື Major neurocognitive disorder) ເປັນພາວະທີ່ປະສິດທິພາບການເຮັດວຽກຂອງສະໝອງລົດລົງ ສະໝອງສູນເສຍໜ້າທີ່ການເຮັດວຽກໃນດ້ານຕ່າງໆ ເຮັດໃຫ້ກະບວນການຮູ້ຄິດ (Cognition) ບົກພ່ອງ ຈົນສົ່ງຜົນກະທົບຕໍ່ການດຳເນີນຊີວິດປະຈຳວັນແລະການຢູ່ຮ່ວມກັນໃນສັງຄົມ ສະຖິຕິຂອງພາວະສະໝອງເສື່ອມທົ່ວໂລກແລະໃນໄທ ພາວະສະໝອງເສື່ອມ ຖືເປັນກຸ່ມອາການທີ່ພົບເຫັນເລື້ອຍແລະເປັນບັນຫາທີ່ສຳຄັນໃນຜູ້ສູງອາຍຸ ຈາກສະຖິຕິຂອງອົງການອະນາໄມໂລກ […]
ພູເຂົາໄຟຄຣາເຊນິນນິຄອຟຂອງຣັດເຊຍ ລະເບີດຄັ້ງທຳອິດໃນຮອບຫຼາຍຮ້ອຍປີ
ສຳນັກຂ່າວອາຣ໌ໄອເອ ໂນວອສຕີ ຂອງຣັດເຊຍ ລາຍງານວ່າເຮລິຄອບເຕີຂອງທີມຮັບມືເຫດການພູເຂົາໄຟລະເບີດຄໍາຊັດກາ ອອກບິນສຳຫຼວດພື້ນທີ່ ພົບວ່າພູເຂົາໄຟຄຣາເຊນິນນິຄອຟ ໃນພູມິພາກຄໍາຊັດກາ ທາງຕາເວັນອອກໄກຂອງຣັດເຊຍ ລະເບີດເມື່ອຊ່ວງແລງວັນເສົາຕາມເວລາມາດຕະຖານສາກົນ ກົງກັບເຊົ້າມືດວັນອາທິດຕາມເວລາທ້ອງຖິ່ນ ເປັນຄັ້ງທຳອິດໃນປະຫວັດສາດທີ່ສາມາດຢືນຢັນການລະເບີດຂອງພູເຂົາໄຟລູກນີ້ໃນຮອບ 600 ປີ ຫຼັງຈາກທີ່ເຄີຍລະເບີດລາວາອອກມາຄັ້ງຫຼ້າສຸດໃນຊ່ວງເວລາໃດເວລາໜຶ່ງລະຫວ່າງ ຄ.ສ. 1400-1497 ຂະນະທີ່ຂໍ້ມູນຂອງໂຄງການພູເຂົາໄຟໂລກຂອງສະຖາບັນສະມິດໂຊນຽນໃນສະຫະລັດ ລະບຸວ່າ ພູເຂົາໄຟລູກນີ້ລະເບີດຄັ້ງຫຼັງສຸດໃນ ຄ.ສ. 1550 ຫຼືເມື່ອ 475 ປີກ່ອນ ດ້ານກະຊວງເຫດສຸກເສີນຂອງຣັດເຊຍສາຂາຄໍາຊັດກາ ແຈ້ງວ່າ ພູເຂົາໄຟຄຣາເຊນິນນິຄອຟ ຄວາມສູງ 1,856 ແມັດ ໄດ້ພົ້ນຂີ້ເຖົ້າສູງຂຶ້ນໄປໃນອາກາດເຖິງ 6 ກິໂລແມັດ ກະແສລົມໄດ້ພັດຂີ້ເຖົ້າໄປທາງຕາເວັນອອກມຸ່ງໜ້າສູ່ມະຫາສະໝຸດແປຊິຟິກ ຜ່ານເສັ້ນທາງທີ່ບໍ່ມີປະຊາກອນອາໄສຢູ່ ກະຊວງໄດ້ກຳນົດລະຫັດເຕືອນໄພທາງການບິນເປັນສີສົ້ມ ໝາຍຄວາມວ່າມີຄວາມສ່ຽງເພີ່ມຂຶ້ນຕໍ່ເຄື່ອງບິນ ຫົວໜ້າທີມຮັບມືເຫດການພູເຂົາໄຟລະເບີດຄໍາຊັດກາ ເຊື່ອວ່າ ພູເຂົາໄຟລະເບີດວັນນີ້ອາດມີຄວາມກ່ຽວຂ້ອງກັບແຜ່ນດິນໄຫວຂະໜາດ 8.8 ນອກຊາຍຝັ່ງມະຫາສະໝຸດຄໍາຊັດກາ ທາງຕາເວັນອອກສຸດຂອງຣັດເຊຍເມື່ອວັນທີ່ 31/7/2025 ທີ່ຜ່ານມາ ເຮັດໃຫ້ເກີດຊູນາມິຊັດເຂົ້າຝັ່ງຣັດເຊຍ ແລ ມີການເຕືອນໄພຊູນາມິຕັ້ງແຕ່ຍີ່ປຸ່ນໄປໄກເຖິງຊິລີ ກ່ອນໜ້ານີ້ […]
Google ກຽມທົດສອບນຳ AI ມາໃຊ້ລະບຸອາຍຸຜູ້ໃຊ້ໃນສະຫະລັດ
Google ກຽມນຳລະບົບ AI ເດົາອາຍຸຜູ້ໃຊ້ງານມາໃຊ້ໃນກຸ່ມເປົ້າໝາຍທີ່ກວ້າງຂວາງຫຼາຍຂຶ້ນ ເພື່ອມາກວດເບິ່ງວ່າຜູ້ໃຊ້ Google ໃນສະຫະລັດອາເມລິກາຄົນໃດທີ່ອາຍຸຍັງບໍ່ເຖິງ 18 ປີດີ ລະບົບດັ່ງກ່າວຈະຖືກນຳມາໃຊ້ໃນອີກບໍ່ກີ່ອາທິດຂ້າງໜ້າ ແຕ່ກໍຈະຍັງຄົງມີຜົນກັບຜູ້ໃຊ້ກຸ່ມນ້ອຍໆກ່ອນ ຊຶ່ງ Google ກໍມີແຜນທີ່ຈະຂະຫຍາຍກຸ່ມເປົ້າໝາຍອອກໄປໃຫ້ຫຼາຍຂຶ້ນແນ່ນອນ ການເຮັດວຽກຂອງລະບົບ AI ທີ່ວ່ານີ້ຈະໃຊ້ຂໍ້ມູນການຄົ້ນຫາໃນ Google Search ຫຼືປະເພດຄລິບໃນ YouTube ທີ່ຜູ້ໃຊ້ຄົນນັ້ນໆ ຊອບເບິ່ງເພື່ອຄາດເດົາອາຍຸທີ່ຖືກຕ້ອງ ໂດຍຫາກ Google ເຊື່ອວ່າຜູ້ໃຊ້ຄົນໃດທີ່ອາຍຸຕ່ຳກວ່າ 18 ປີ ກໍຈະເຮັດການຈຳກັດການເຂົ້າເຖິງເນື້ອໃນບາງຢ່າງ ລວມເຖິງການເປີດລະບົບແຈ້ງເຕືອນເວລານອນໃນ YouTube ແລະຈຳກັດການແນະນຳເນື້ອໃນ ອີກທັງຈະມີການປິດ Timeline ໃນ Google Maps ປິດລະບົບການໂຄສະນາແບບເຈາະຈົງກຸ່ມເປົ້າໝາຍ ແລະປິດກັ້ນການເຂົ້າເຖິງແອັບສຳລັບຜູ້ໃຫຍ່ໃນ Play Store ທັງນີ້ ຫາກ Google ລະບົວິໃຫຍ່ບາງຢ່າງ ຜູ້ໃຊ້ສາມາດສົ່ງຮູບພາບຂອງບັດປະຈຳຕົວທີ່ລັດຖະບານອອກໃຫ້ ຫຼືຖ່າຍເຊລຟີ້ເພື່ອຢືນຢັນອາຍຸຕົນເອງກໍໄດ້ເຊັ່ນກັນ
ແຂວງອຸດົມໄຊ ປຸກລະດົມປະຊາຊົນທຳລາຍແຫຼ່ງເພາະພັນຍຸງລາຍ
ໃນຕອນເຊົ້າຂອງວັນທີ 2 ສິງຫາ 2025, ທີ່ເດີ່ນກິລາແຂວງອຸດົມໄຊ, ໄດ້ຈັດພິທີໂຮມຊຸມນຸມເພື່ອປຸກລະດົມປະຊາຊົນຮ່ວມກັນທຳລາຍແຫຼ່ງເພາະພັນຍຸງລາຍ ຢ່າງເປັນຂະບວນຟົດຟື້ນ, ເຊິ່ງເປັນສ່ວນໜຶ່ງຂອງການສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ ຄັ້ງທີ X ຂອງອົງຄະນະພັກແຂວງທີ່ຈະຈັດຂຶ້ນໃນໄວໆນີ້. ພິທີດັ່ງກ່າວໄດ້ຮັບກຽດເຂົ້າຮ່ວມໂດຍ ທ່ານ ຄຳດີ ວົງລ້ອມ, ຮອງເລຂາພັກແຂວງ, ປະທານສະພາປະຊາຊົນແຂວງອຸດົມໄຊ, ທ່ານ ດຣ. ໄພວັນ ແກ້ວປະເສີດ, ຮອງລັດຖະມົນຕີກະຊວງສາທາລະນະສຸກ, ພ້ອມດ້ວຍຄະນະນຳຈາກພະແນກສາທາລະນະສຸກແຂວງ, ຫ້ອງການສາທາລະນະສຸກເມືອງໄຊ 07 ເມືອງ ແລະ ພະນັກງານຈາກພະແນກການອ້ອມຂ້າງແຂວງ ເຂົ້າຮ່ວມ ທ່ານ ຫຸມພັນ ອິນທະມຸງຄຸນ, ຫົວໜ້າພະແນກສາທາລະນະສຸກ ແຂວງອຸດົມໄຊ, ໄດ້ລາຍງານສະພາບການລະບາດຂອງພະຍາດໄຂ້ຍຸງລາຍ ທີ່ໄດ້ສະສົມແຕ່ລະປີເປັນຕົ້ນມາ. ການຈັດພິທີໃນຄັ້ງນີ້ຈຶ່ງມີຈຸດປະສົງເພື່ອປຸກລະດົມໃຫ້ປະຊາຊົນ ໃນເທດສະບານເມືອງໄຊ ເປັນເຈົ້າການໃນການກຳຈັດໜອນນ້ຳຍຸງລາຍ ໂດຍການປະຕິບັດ 5 ປໍ : ປິດ: ຝາພາຊະນະທີ່ເກັບນ້ຳທັງໃນ ແລະ ນອກເຮືອນ ເພື່ອບໍ່ໃຫ້ຍຸງມາໄຂ່ໃສ່. […]
ພິທີມອບ – ຮັບ ເປີດນຳໃຊ້ຢ່າງເປັນທາງການ ໂຄງການກໍ່ສ້າງເສັ້ນທາງເຂົ້າ ນໍ້າຕົກຕາດແກ້ງຍຸຍ, ຂົວຂ້າມນໍ້າຊອງ ແລະ ເສັ້ນທາງວົງແຫວນເຂດຊົນນະບົດ ເບື້ອງຕາເວັນຕົກຂອງສາຍນໍ້າຊອງ, ເມືອງວັງວຽງ, ແຂວງວຽງຈັນ
ພິທີດັ່ງກ່າວຈັດຂຶ້ນໃນວັນທີ 1 ສິງຫາ 2025 ທີ່ສະຖານທີ່ທ່ອງທ່ຽວ ນໍ້າຕົກຕາດແກ້ງຍຸຍ, ເມືອງວັງວຽງ, ແຂວງວຽງຈັນ, ໂດຍການໃຫ້ກຽດເຂົ້າຮ່ວມຂອງທ່ານ ຄຳພັນ ສິດທິດຳພາ, ເຈົ້າແຂວງໆວຽງຈັນ, ທ່ານ ນາງ ດາລານີ ພົມມະວົງສາ, ຮອງລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ, ທ່ານ ນາງ Shanny Cambell, ຫົວຫນ້າຫ້ອງການທະນາຄານພັດທະນາອາຊີ ປະຈຳລາວ, ທ່ານ ພອນແກ້ວ ຂຸນພົນ, ເຈົ້າເມືອງໆວັງວຽງ, ທ່ານ ສົມພອນ ສີໃສແກ້ວ, ຮອງປະທານບໍລິສັດໄຊຍາກໍ່ສ້າງ ແລະ ສ້ອມແປງຄົບວົງຈອນ ຈຳກັດ, ມີບັນດາທ່ານ ອາດີການນຳຈາກກະຊວງ ວທ, ບັນດາທ່ານ ຄະນະກົມ, ຄະນະຮັບຜິດຊອບໂຄງການ, ກະຊວງກ່ຽວຂ້ອງ, ຜູ້ປະກອບການ ແລະ ປະຊາຊົນທ້ອງຖິ່ນເຂົ້າຮ່ວມ ໂຄງການດັ່ງກ່າວແມ່ນໄດ້ຮັບທຶນຊ່ວຍເຫລືອຈາກທະນາຄານພັດທະນາອາຊີ ADB ມູນຄ່າທັງຫມົດ 8.829.630.71 ໂດລາສະຫະລັດ, ໂດຍແມ່ນກະຊວງຖະແຫລງຂ່າວ, ວັດທະນະທຳ […]