ເຈົ້າໜ້າທີ່ໄທ ບຸກຄົ້ນໂຮງງານຜະລິດຢາດົມຫົງໄທ ໃນ 2 ຈັງຫວັດ, ພ້ອມຍຶດຂອງກາງ 2,400,000 ອັນ
ສຳນັກຂ່າວ thaipbs ລາຍງານໃນວັນທີ 30 ຕຸລາ 2025 ວ່າ: ເຈົ້າໜ້າທີ່ໄທລົງພື້ນທີ່ກວດຄົ້ນສະຖານທີ່ຜະລິດຕະພັນຢາດົມສະໝຸນໄພຫົງໄທ ໃນພື້ນທີ່ກຸງເທບ ແລະ ຈັງຫວັດສະໝຸດສາຄອນ ຫຼັ້ງ ອຢ ອອກປະກາດວ່າພົບສານປົນເປື້ນເຊື້ອຈຸລິນຊີໃນຜົນການກວດວິເຄາະຜະລິດຕະພັນຢາດົມສະໝຸນໄພຍີ່ຫໍ້ຫົງໄທສູດ 2. ກ່ອນໜ້ານີ້ທາງ ອຢ ໄດ້ສົ່ງເຈົ້າໜ້າທີ່ເຂົ້າມາແຈ້ງເຕືອນໄປແລ້ວ ແຕ່ໂຮງງານກໍຍັງບໍ່ດຳເນີນການຢ່າງຖືກຕ້ອງ ເທົ່າກັບວ່າໂຮງງານດັ່ງກ່າວເປັນໂຮງງານເຖື່ອນເພາະບໍ່ມີໃບອະນຸຍາດໃນການຜະລິດ, ເບື້ອງຕົ້ນເຈົ້າໜ້າທີ່ໄດ້ຍຶດຢາ 2,400,000 ອັນ ເຊິ່ງເປັນຜະລິດຕະພັນຫົງໄທສູດ 2 ຈຳນວນ 400,000 ອັນ ຄິດເປັນມູນຄ່າຫຼາຍກວ່າ 100 ລ້ານບາດ. ທີ່ມາຈາກສຳນັກຂ່າວ: thaipbs
ເປີດຕຳນານຈຸດທົດສອບ “ລະເບີດນິວເຄລຍ” ຂອງສະຫະລັດ ຈຸດຊະນວນປະລະມານູເກືອບພັນລູກ ທີ່ອາດກັບມາໃນຍຸກທຣຳ
ທ່ານຮູ້ບໍ່ວ່າ ສະຫະລັດທົດສອບອາວຸດນິວເຄລຍໄປຫຼາຍເຖິງ 1,054 ຄັ້ງ ລະຫວ່າງປີ 1945 ເຖິງ 1992 ໂດຍມີທຣິນິຕີ້ ສ່ວນໜຶ່ງຂອງໂຄງການແມນຮັດຕັນ ເປັນລະເບີດນິວເຄລຍລູກທຳອິດທີ່ຖືກຈຸດຊະນວນ ຄືກັບທີ່ເປັນຉາກສຳຄັນໃນຮູບເງົາເລື່ອງອອບເພັນໄຮເມີ ເຖິງແມ່ນວ່າສະຖານທີ່ທົດສອບທຣິນິຕີ້ ຈະຢູ່ໃນລັດນິວເມັກຊິໂກ ແຕ່ສະຖານທີ່ທົດສອບລະເບີດນິວເຄລຍຫຼັກຂອງສະຫະລັດ ແມ່ນພື້ນທີ່ທົດສອບເນວາດາ ຫຼື Nevada Test Site ເຊິ່ງເປັນຈຸດທີ່ມີການຈຸດຊະນວນລະເບີດນິວເຄລຍຫຼາຍກວ່າ 900 ຄັ້ງ ຈາກທັງໝົດ 1,054 ຄັ້ງ ການທົດສອບລະເບີດນິວເຄລຍຄັ້ງສຸດທ້າຍຂອງສະຫະລັດ ແມ່ນ ເມື່ອວັນທີ 23 ກັນຍາ ປີ 1992 ເປັນການຈຸດລະເບີດພະລັງທຳລາຍລ້າງ 20 ກິໂລຕັນ ທີ່ເອີ້ນວ່າ ດິໄວເດີ ທີ່ເນວາດານີ້ເອງມັນຮຸນແຮງແນວໃດ ກໍນັບໄດ້ວ່າ 1 ກິໂລຕັນ ມີພະລັງທຳລາຍລ້າງເທົ່າກັບລະເບີດທີເອັນທີ 1,000 ຕັນ ຂະນະທີ່ລະເບີດທີ່ຖືກຖິ້ມຢູ່ເມືອງຮິໂຣຊິມະຂອງຍີ່ປຸ່ນ ມີພະລັງທຳລາຍລ້າງ 15 ກິໂລຕັນບໍ່ເທົ່າໃດວັນຫຼັງທົດສອບລະເບີດລູກນີ້ ປະທານາທິບໍດີຈອດ ເອັຊ ດັບເບີລຢູ ບຸຊ ກໍລົງນາມຢຸດການທົດສອບອາວຸດນິວເຄລຍທັງໝົດ […]
ທຣຳ-ສຸພາບສະຕີຫມາຍເລກ 1 ເປີດທຳນຽບຂາວຕ້ອນຮັບເດັກນ້ອຍ ຄອບຄົວເຈົ້າໜ້າທີ່ເຂົ້າຮ່ວມງານຮາໂລວີນ
ປະທານາທິບໍດີ ໂດນັລ ທຣຳ ແລະ ນາງເມລາເນຍ ທຣຳ ສຸພາບສະຕີຫມາຍເລກໜຶ່ງຂອງສະຫະລັດຯ ເປີດທຳນຽບຂາວ ໃນນະຄອນຫຼວງວໍຊິງຕັນ ດີຊີ ຈັດກິດຈະກຳຕ້ອນຮັບວັນຮາໂລວີນ ວັນທີ 30 ຕຸລາ 2568 ປະທານາທິບໍດີ ໂດນັລ ທຣຳ ແລະ ນາງເມລາເນຍ ທຣຳ ສຸພາບສະຕີຫມາຍເລກໜຶ່ງຂອງສະຫະລັດຯ ເປີດທຳນຽບຂາວ ໃນນະຄອນຫຼວງວໍຊິງຕັນ ດີຊີ ຈັດກິດຈະກຳຕ້ອນຮັບວັນຮາໂລວີນ ແຈກຂະໜົມໃຫ້ເດັກນ້ອຍ ແລະ ຄອບຄົວເຈົ້າໜ້າທີ່ທຳນຽບຂາວທີ່ມາຮ່ວມງານກັນຢ່າງຄຶກຄັກ ເຖິງແມ່ນວ່າທັງສອງຄົນຈະບໍ່ໄດ້ໃສ່ຊຸດແຟນຊີ ແຕ່ທຣຳມາໃນຊຸດສູດ ພ້ອມໝວກສີແດງປັກຄຳວ່າ “ຢູເອສເອ” ສ່ວນເມລາເນຍເລືອກໃສ່ເສື້ອໂຄດສີເບດທີ່ເປັນທາງການ ທ່າມກາງບັນຍາກາດອົບອຸ່ນ ແລະ ຮອຍຍິ້ມຈາກບັນດາເດັກນ້ອຍທີ່ແຕ່ງຊຸດແຟນຊີຫຼາກຫຼາຍສີສັນ ໂດຍກິດຈະກຳຄັ້ງນີ້ຈັດຂຶ້ນພຽງໜຶ່ງວັນຫຼັງຈາກທີ່ທຣຳເດີນທາງກັບຈາກພາລະກິດຢ້ຽມຢາມຫຼາຍປະເທດໃນເອເຊຍ ເຊິ່ງລວມເຖິງການພົບປະເຈລະຈາກັບປະທານາທິບໍດີ ສີ ຈິ້ນຜິງ ຂອງຈີນ ເພື່ອເຈລະຈາດ້ານການຄ້າລະຫວ່າງສອງປະເທດ ແລະ ເຖິງແມ່ນວ່າທຳນຽບຂາວຈະປະກາດຄວາມສຳເລັດຂອງການຢ້ຽມຢາມເອເຊຍຄັ້ງນີ້ ແຕ່ຫຼາຍຝ່າຍຍັງຄົງຕິດຕາມເບິ່ງວ່ານະໂຍບາຍຕ່າງປະເທດຂອງທຣຳຈະສົ່ງຜົນກະທົບແນວໃດຕໍ່ປະຊາຊົນຊາວອາເມລິກາທີ່ຍັງຄົງກັງວົນຕໍ່ສະພາບເງິນເຟີ້ສູງຢ່າງຕໍ່ເນື່ອງ.
” ທຣຳ ” ປະກາດຂໍ້ຕົກລົງກັບຈີນ ຫຼຸດຜ່ອນພາສີນຳເຂົ້າລົງເປັນ 47% ຫຼັງຈາກພົບປະກັບ” ສີ ຈິ້ນຜິງ “
ຈີນຕ້ອງສົ່ງຂາຍແຮ່ເຮເອີ້ສ Rare Earth ຂາຍໃຫ້ອາເມລິກາ ເພື່ອລົດພາສີສິນຄ້າກະສິກຳ ນຳເຂົ້າໄປຂາຍໃນອາເມລິກາຈາກ 57% ໃຫ້ເຫຼືອ 47% ທັງສອງຝ່າຍຕົກລົງກັນໄດ້ດ້ວຍດີ. ທ່ານ ທຮຳ ປະກາດຂໍ້ຕົກລົງກັບຈີນ, ຫຼຸດຜ່ອນພາສີນຳເຂົ້າລົງເປັນ 47% ຫຼັງຈາກພົບປະກັບ ທ່ານສີ ຈິ້ນຜິງ ໃນວັນທີ 30 ຕຸລາ, ປະທານາທິບໍດີສະຫະລັດ ທ່ານ ທຮຳ ໄດ້ປະກາດວ່າສະຫະລັດໄດ້ບັນລຸຂໍ້ຕົກລົງກັບຈີນຫຼັງຈາກການພົບປະກັບທ່ານ ສີ ຈິ້ນຜິງ ປະທານາທິບໍດີຈີນໃນມື້ນີ້, ເຊິ່ງເປັນມື້ສຸດທ້າຍຂອງການຢ້ຽມຢາມອາຊີຂອງທ່ານ. ກອງປະຊຸມດັ່ງກ່າວເປັນຕົວແທນໃຫ້ແກ່ໂອກາດທີ່ສຳຄັນສຳລັບສອງປະເທດມະຫາອຳນາດທາງເສດຖະກິດໂລກໃນການຮັກສາສະຖຽນລະພາບຂອງສາຍພົວພັນທີ່ເຄັ່ງຕຶງຈາກສົງຄາມການຄ້າໃນໄລຍະຫຼາຍເດືອນຜ່ານມາ. ທ່ານ Trump, ໄດ້ກ່າວຕໍ່ນັກຂ່າວຢູ່ເທິງເຮືອບິນ Air Force One, ໄດ້ກ່າວວ່າສະຫະລັດຈະຫຼຸດຜ່ອນພາສີ, ເຊິ່ງໄດ້ຖືກຍົກຂຶ້ນໃນຕົ້ນປີນີ້ເປັນມາດຕະການລົງໂທດຕໍ່ຈີນສຳລັບການຂາຍສານເຄມີທີ່ໃຊ້ໃນການຜະລິດ fentanyl, ຈາກ 20% ເປັນ 10%. ສິ່ງນີ້ເຮັດໃຫ້ພາສີທັງໝົດສຳລັບສິນຄ້າຈີນຫຼຸດລົງຈາກ 57% ເປັນ 47%. “ໃນລະດັບ 0 ຫາ 10… ຂ້ອຍຈະໃຫ້ກອງປະຊຸມນີ້ 12,” Trump […]
‘ທຣຳ’ ພົບກັບ ‘ສີ ຈິ້ນຜິງ’ ແລ້ວແບບໜ້າຕໍ່ໜ້າໃນຮອບຫຼາຍກວ່າ 6 ປີ ແກ້ໄຂບັນຫາສົງຄາມການຄ້າ
ໂລກຈັບຕາ ມະຫາອຳນາດແກ້ໄຂສົງຄາມການຄ້າ ‘ທຣຳ’ ພົບ ‘ສີ ຈິ້ນຜິງ’ ບັນຍາກາດອົບອຸ່ນຍິ້ມແຍ້ມແຈ່ມໃສສ່ອແສງຜ່ອນຄາຍຄວາມເຄັ່ງຕຶງ ໂດນັລ ທຣຳ ຜູ້ນຳສະຫະລັດ ພົບປະຫາລືກັບສີ ຈິ້ນຜິງ ປະທານາທິບໍດີຈີນ ທີ່ສະໜາມບິນນານາຊາດກິມແຮ ນະຄອນປູຊານ ປະເທດເກົາຫຼີໃຕ້ ຫາລືນອກກອບການປະຊຸມເອເປັກ ໃນຊ່ວງເຊົ້າຂອງວັນທີ 30 ຕຸລາ ເວລາທ້ອງຖິ່ນ ຫຼັງຈາກພົບກັນແບບໜ້າຕໍ່ໜ້າ ຄັ້ງລ່າສຸດເມື່ອປະມານ 6 ປີກ່ອນ ຫຼືປີ 2019. ລ່າສຸດການຫາລືສຳເລັດລົງແລ້ວ ຫຼັງສົນທະນາກັນນານປະມານ 90 ນາທີ ຫຼືປະມານ 1 ຊົ່ວໂມງເຄິ່ງ. “ມັນຈະຕ້ອງເປັນການປະຊຸມທີ່ປະສົບຜົນສຳເລັດຢ່າງຫຼວງຫຼາຍ ຊະນິດທີ່ບໍ່ມີຂໍ້ສົງໄສເລີຍ” ທຣຳກ່າວ “ລາວ (ສີ ຈິ້ນຜິງ) ເປັນນັກເຈລະຈາຕໍ່ລອງທີ່ ຍາກທີ່ຈະຕໍ່ລອງ” ສີ ຈິ້ນຜິງ ກ່າວວ່າ ດີໃຈຫຼາຍທີ່ໄດ້ພົບທຣຳ”ຂ້າພະເຈົ້າຫວັງເປັນຢ່າງຍິ່ງວ່າຈະໄດ້ແລກປ່ຽນຄວາມຄິດເຫັນກ່ຽວກັບປະເດັນສຳຄັນສຳລັບທັງສອງປະເທດ” ປະທານາທິບໍດີຈີນກ່າວ.”ເປັນເລື່ອງທຳມະດາທີ່ຊາດມະຫາອຳນາດທະເລາະກັນບ້າງ ທີມເຈລະຈາບັນລຸຄວາມເຫັນດີພື້ນຖານທີ່ແກ້ໄຂຄວາມກັງວົນຫຼັກໆຂອງກັນແລະກັນແລ້ວ ຂ້າພະເຈົ້າຍິນດີທີ່ຈະເຮັດວຽກຮ່ວມກັບປະທານາທິບໍດີທຣຳຕໍ່ໄປ ເພື່ອວາງພື້ນຖານທີ່ໝັ້ນຄົງໃນຄວາມສຳພັນຈີນ-ສະຫະລັດ” ສີ ຈິ້ນຜິງກ່າວໃນການຫາລືດ້ານການຄ້າກັບທຣຳ ທີ່ນະຄອນປູຊານ ເກົາຫຼີໃຕ້.”ຂ້າພະເຈົ້າເຊື່ອໝັ້ນສະເໝີວ່າການພັດທະນາຂອງຈີນສອດຄ່ອງກັບວິໄສທັດຂອງທ່ານ […]
ແຮ່ແຣ້ເອີທ໌ Rare Earth ແມ່ນຫຍັງ ສຳຄັນແນວໃດ?
ໂດນັລດ໌ ທຣຳປ໌ (Donald Trump) ປະທານາທິບໍດີສະຫະລັດອາເມລິກາ ໄດ້ຮ່ວມລົງນາມໃນບົດບັນທຶກຄວາມເຂົ້າໃຈ (MOU) ກ່ຽວກັບແຮ່ແຣ້ເອີທ໌ (Rare Earth) ເປັນຈຸດເລີ່ມຕົ້ນຂອງການສ້າງຄວາມຮ່ວມມືໃນການຄົ້ນຫາ ແລະ ລົງທຶນເພື່ອກະຈາຍຄວາມສ່ຽງດ້ານຫ່ວງໂສ້ການສະໜອງທີ່ສຳຄັນຫຼາຍໃນດ້ານເທັກໂນໂລຊີ. ຄຳຖາມແມ່ນ: ແຮ່ແຣ້ເອີທ໌ແມ່ນຫຍັງ? ສຳຄັນແນວໃດຕໍ່ໂລກໃບນີ້? ເປັນຫຍັງແຮ່ແຣ້ແອີດຈຶ່ງໄດ້ຮັບຄວາມສົນໃຈ? ແຮ່ແຣ້ແອີດ (Rare Earth Elements – REEs) ຫຼື ທີ່ເອີ້ນກັນຕິດປາກວ່າ ແຮ່ຫາຍາກ ແມ່ນກຸ່ມໂລຫະພິເສດທັງໝົດ 17 ຊະນິດ ທີ່ມີບົດບາດສຳຄັນຕໍ່ອຸດສາຫະກຳເທັກໂນໂລຊີຂັ້ນສູງ ບໍ່ວ່າຈະເປັນການຜະລິດສະມາດໂຟນ, ລົດໄຟຟ້າ, ກັງຫັນລົມ, ໂຄມໄຟ LED, ແບັດເຕີຣີ່, ແມ່ເຫຼັກຖາວອນປະສິດທິພາບສูງ, ສານເຮືອງແສງ ແລະ ອຸປະກອນທາງການແພດ. ເຖິງແມ່ນວ່າຈະມີຊື່ວ່າ “ແຣ້” ທີ່ແປວ່າຫາຍາກ ແຕ່ຄວາມຈິງແລ້ວຫາບໍ່ຍາກເລີຍ ສາມາດພົບໄດ້ຕາມຊັ້ນຫີນເທິງເປືອກໂລກ. ແຕ່ສິ່ງທີ່ຫາຍາກແທ້ໆແມ່ນ ການໄດ້ແຮ່ໃນຮູບບໍລິສຸດ ເພາະຕ້ອງຜ່ານຂະບວນການແຍກສະກັດ ແລະ ຖົນຫຼາຍຂັ້ນຕອນ, ໃຊ້ເທັກໂນໂລຊີທີ່ສັບສົນ ແລະ ຕົ້ນທຶນສູງ, ເຖິງແມ່ນວ່າຈະຜະລິດມົນລະພິດຈຳນວນຫຼາຍເຂົ້າສູ່ສິ່ງແວດລ້ອມ ເຊັ່ນ: […]
ສຳນັກຂ່າວຕ່າງປະເທດລາຍງານວ່າລົດບັນທຸກຂົນລິງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ
ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ ສະຫະລັດອາເມລິກາ ເຮັດໃຫ້ລິງບາງຈຳນວນຫຼຸດອອກມາ ແລະ ໄດ້ລົບໜີ. ຕາມການລາຍງານລະບຸວ່າ: ລິງເຫຼົ່ານີ້ມາຈາກມະຫາວິທະຍາໄລ ທູເລນ ໃນເມືອງ ນິວເອລີນ ລັດລຸຍເຊຍນ່າ ເຊິ່ງຄາດວ່າລີງບາງໂຕໄດ້ຕິດເຊື້ອໄວຣັສຫຼາຍຊະນິດ ລວມເຖິງໄວຣັສຕັບອັກເສບ ແລະ ໂຄວິດ-19 ທີ່ອາດຈະກໍ່ໃຫ້ເກີດຄວາມສ່ຽງຕໍ່ສຸຂະພາບຂອງມະນຸດ ເຊິ່ງລິງເຫຼົ່ານີ້ມີນ້ຳໜັກຈຳນວນ 18 ກິໂລກຣາມ ມີຄວາມດຸຮ້າຍ ແລະ ຈຳເປັນຕ້ອງມີຜຸປະກອນປ້ອງກັນສ່ວນບຸກຄົນໃນການສຳພັດກັບພວກມັນ. ປັດຈຸບັນເຈົ້າໜ້າທີ່ກ່ຽວຂ້ອງກຳລັງປະສານງານກັບໜ່ວຍງານທ້ອງຖິ່ນຢ່າງເລັ່ງດ່ວນ ແລະ ຈະຈັດສົ່ງທີມຜູ້ຊ່ຽວຊານດ້ານການດູແລສັດໄປຊ່ວຍເຫຼືອຕາມຄວາມຈຳເປັນ. ທີ່ມາ : theguardian.com
ຂ່າວຕ່າງປະເທດລາຍງານ ຄາດວ່າ ທອງຄຳໂລກ ມີແນວໂນ້ມເເຕະ 5,000 ໂດລາ ໃນອີກ 1 ປີ ເຕືອນລະວັງ ‘ປັບຖານ’ ແຮງ
ລາຄາທອງຄຳອາດພຸ່ງເຖິງ 5,000 ໂດລາຕໍ່ອອນສ໌ພາຍໃນປີ 2026 ສຳນັກຂ່າວບລູມເບີກລາຍງານວ່າ ມີການຄາດຄະເນວ່າ “ລາຄາທອງຄຳແທ່ງ” ອາດຈະພຸ່ງສູງຂຶ້ນໃກ້ລະດັບ 5,000 ໂດລາຕໍ່ອອນສ໌ ພາຍໃນວັນທີ 5 ຕຸລາ 2569 ເຊິ່ງເປັນວັນປະຊຸມສະມາຄົມຕະຫຼາດທອງຄຳແທ່ງແຫ່ງລອນດອນ (LBMA) ໃນປີຕໍ່ໄປ ໂດຍຜົນສຳຫຼວດຈາກແບບສອບຖາມ 106 ສະບັບ ຊີ້ວ່າ “ລາຄາທອງຄຳ” ທີ່ຄາດຄະເນສະເລ່ຍຢູ່ທີ່ 4,980.30 ໂດລາຕໍ່ອອນສ໌ ເຊິ່ງເພີ່ມຂຶ້ນປະມານ 27% ຈາກລະດັບລາຄາປັດຈຸບັນ ເນື່ອງຈາກມີສັນຍານບົ່ງຊີ້ເຖິງຄວາມຕ້ອງການທີ່ຕໍ່ເນື່ອງ ທັງຈາກທະນາຄານກາງ ແລະ ກຸ່ມນັກລົງທຶນ. ລາຄາປັດຈຸບັນຫຼຸດລົງມາຢູ່ 3,900 ໂດລາ ລາຄາທອງຄຳໄດ້ປັບຕົວຫຼຸດລົງມາຢູ່ທີ່ປະມານ 3,900 ໂດລາຕໍ່ອອນສ໌ ຫຼັງຈາກທີ່ຫາກໍ່ທຳສະຖິຕິສູງສຸດເປັນປະຫວັດການເມື່ອອາທິດທີ່ແລ້ວ. ການຫຼຸດລົງຄັ້ງນີ້ເກີດຈາກນັກລົງທຶນບາງສ່ວນຂາຍທຳກຳໄລ ຫຼັງຈາກທີ່ລາຄາປັບຕົວສູງຂຶ້ນຢ່າງຕໍ່ເນື່ອງຫຼາຍເດືອນ. ຢ່າງໃດກໍ່ຕາມ ເຖິງແມ່ນວ່າຈະມີການຂາຍທຳກຳໄລໃນໄລຍະສັ້ນ ແຕ່ລາຄາທອງຄຳໂດຍລວມໃນປີນີ້ກໍຍັງຄົງປັບຕົວຂຶ້ນສູງເຖິງປະມານ 50%. ຈັບຕາແຮງຊື້ ‘ທະນາຄານກາງເກົາຫຼີໃຕ້’ ໜຶ່ງໃນແນວໂນ້ມສຳຄັນແມ່ນ ທະນາຄານກາງຂອງເກົາຫຼີໃຕ້ (BOK) ຍັງສົ່ງສັນຍານວ່າອາດຈະເພີ່ມປະລິມານສຳຮອງທອງຄຳເປັນຄັ້ງທຳອິດໃນຮອບຫຼາຍກວ່າ 10 ປີ ເຊິ່ງຖືເປັນການເຂົ້າຮ່ວມກະແສການຊື້ຂອງທະນາຄານກາງທີ່ອາດຊ່ວຍຊູລະດັບໃຫ້ຕະຫຼາດປັບຕົວຂຶ້ນ. […]
ເຫດໄຟໄໝ້ທີ່ Marina Bay Sands ສິງກະໂປ
ວັນອັງຄານທີ 28 ຕຸລາ 2025 ໄດ້ພົບຄວັນໄຟຢູ່ທີ່ດາດຟ້າຂອງ Marina Bay Sands ໃນເວລາປະມານ 15:40 ໂມງ. ເຫດໄຟໄໝ້ນີ້ເກີດຈາກການໄຟໄໝ້ແຜ່ນພາສຕິກຢູ່ຊັ້ນທີ 55 ຂອງອາຄານໂຮງແຮມ Marina Bay Sands Tower 3 ແລະ ໄດ້ຖືກດັບໂດຍພະນັກງານ Marina Bay Sands ດ້ວຍການໃຊ້ສາຍສຽງນ້ຳດັບໄຟ ກ່ອນທີ່ຫນ່ວຍດັບໄຟຈະມາຮອດ. ບໍ່ມີລາຍງານຜູ້ໄດ້ຮັບບາດເຈັບ. ຂໍ້ມູນຈາກພະນັກງານ Marina Bay Sands ກ່າວວ່າ ເຫດໄຟໄໝ້ນີ້ເປັນເຫດການເລັກນ້ອຍ ແລະ ເກີດຂຶ້ນໃນບ່ອນທີ່ແຂກຜູ້ພັກບໍ່ສາມາດເຂົ້າເຖິງໄດ້ ກຳລັງຢູ່ໃນຂະບວນການສືບສວນ. ຂໍ້ມູນຈາກ SCDF ກ່າວວ່າ ຜົນການກວດສອບເບື້ອງຕົ້ນວ່າ ໄຟໄໝ້ນ່າຈະເກີດຈາກງານເຊື່ອມໂລຫະທີ່ກຳລັງດຳເນີນຢູ່ໃນບ່ອນໃກ້ຄຽງ.
ກວດເຊັກເບິ່ງເລີຍ ອຢ ໄທອອກແຈ້ງເຕືອນ ຢາດົມສະໜຸນໄພກາຫົງໄທ ສູດ 2 ພົບສານປົນເປື້ອນ ບໍ່ຜ່ານມາດຕະຖານ.
ອຢ ໄທອອກແຈ້ງເຕືອນ ຢາດົມສະໜຸນໄພກາຫົງໄທ ສູດ 2 ພົບສານປົນເປື້ອນ ບໍ່ຜ່ານມາດຕະຖານ. ຕອນນີ້, ທາງບໍລິສັດຢາດົມກາຫົງໄທ ອອກມາຊີ້ແຈງແລ້ວ ສຳລັບລັອດທີ່ມີບັນຫາ ພ້ອມຈະເລັ່ງຮຽກເກັບຄືນ ແລະ ທາງບໍລິສັດພ້ອມຍິນດີຮັບຜິດຊອບທຸກກໍລະນີ. ອຢ ໄທອອກແຈ້ງເຕືອນ ຢາດົມສະໜຸນໄພກາຫົງໄທ ສູດ 2 ພົບສານປົນເປື້ອນ ບໍ່ຜ່ານມາດຕະຖານ. ອົງການອາຫານ ແລະ ຢາ ຂອງໄທ ໄດ້ອອກປະກາດແຈ້ງຜົນການກວດສອບ ຜະລິດຕະພັນຢາດົມປະສົມສະໝຸນໄພ ຕາຫົງໄທ ສູດ 2, ໂດຍມີລາຍລະອຽດດັ່ງນີ້: • ຜະລິດຕະພັນ: ຢາດົມປະສົມສະໝຸນໄພ ຕາຫົງໄທ ສູດ 2 • ລັອດການຜະລິດ: 00332 • ວັນທີຜະລິດ: 9/12/2024 • ວັນໝົດອາຍຸ: 8/12/2027 ຜົນການກວດສອບພົບວ່າ ຜະລິດຕະພັນດັ່ງກ່າວ ເປັນຜະລິດຕະພັນສະໝຸນໄພທີ່ຜິດມາດຕະຖານ. ໂດຍສະເພາະແມ່ນຜົນການທົດສອບ “ການປົນເປື້ອນຂອງເຊື້ອຈຸລິນຊີ” ເຊິ່ງບໍ່ເປັນໄປຕາມມາດຕະຖານທີ່ກຳນົດໄວ້ໃນປະກາດຂອງກະຊວງສາທາລະນະສຸກ ດັ່ງນັ້ນ, ອ.ຢ. […]