4 ອາຫານທີ່ບໍ່ຄວນ “ເກັບຄ້າງຄືນ” ອຸ່ນຊ້ຳກໍຍັງສ່ຽງອັນຕະລາຍ ຢ່າເສຍດາຍ ໃຫ້ຖິ້ມໄປເລີຍ!
ໂດຍສ່ວນໃຫຍ່ ອາຫານຄ້າງຄືນຈະບໍ່ເປັນອັນຕະລາຍຕໍ່ສຸຂະພາບ ຖ້າເກັບຮັກສາໃຫ້ຖືກວິທີ ເຊັ່ນ ໃສ່ພາຊະນະປິດມິດຊິດ ແຊ່ໃນຕູ້ເຢັນ ແລະນຳອອກມາອຸ່ນໃຫ້ຮ້ອນພຽງພໍ. ແຕ່ມີອາຫານບາງປະເພດທີ່ຄວນຫຼີກລ້ຽງການເກັບຄ້າງຄືນ ຄື: ອາຫານທະເລປຸງສຸກ, ໄຂ່ຕົ້ມບໍ່ສຸກເຕັມທີ, ເຫັດຫູໜູລວກເຢັນ ແລະນົມຖົ່ວເຫຼືອງ ເຊິ່ງເປັນອາຫານ 4 ປະເພດທີ່ມີຄວາມສ່ຽງສູງ. ອາຫານທະເລປຸງສຸກ: ຄວາມສ່ຽງຈາກແບັກເທີເຣຍແລະສານພິດ ອາຫານທະເລ ເຊັ່ນ ກຸ້ງ, ປູ ແລະຫອຍເຊວ ເປັນອາຫານທີ່ມີໂປຣຕີນສູງ ແມ່ນແມ່ນປຸງສຸກດ້ວຍຄວາມຮ້ອນສູງ ແຕ່ຖ້າເກັບບໍ່ຖືກວິທີ ແບັກເທີເຣຍຍັງສາມາດເຕີບໂຕໄດ້. ງານວິຈັຍພົບວ່າ ກຸ້ງປຸງສຸກທີ່ເກັບໃນຕູ້ເຢັນເກີນ 12 ຊົ່ວໂມງ ແບັກເທີເຣຍອາດເພີ່ມຂຶ້ນປະມານ 50% ໂດຍສະເພາະ Vibrio parahaemolyticus ທີ່ຜະລິດສານພິດທົນຄວາມຮ້ອນ ແມ່ນອຸ່ນຊ້ຳກໍບໍ່ສາມາດທຳລາຍສານພິດໄດ້ ອາດເຮັດໃຫ້ທ້ອງຮ່ວງ, ອາເຈັນ ແລະໄຂ້. ຜູ້ຊຽ່ວຊານແນະນຳໃຫ້ກິນອາຫານທະເລໃນມື້ທີ່ປຸງ. ໄຂ່ລວກ ໄຂ່ຕົ້ມບໍ່ສຸກເຕັມທີ: ແບັກເທີເຣຍ Salmonella ສາມາດເຕີບໂຕ ໄຂ່ຕົ້ມແບບໄຂ່ແດງນຸ່ມ ຫຼືໄຂ່ອອນເຊັນ ອາດມີເຊື້ອ Salmonella ທີ່ສາມາດຊຶມຜ່ານເປືອກໄຂ່ເຂົ້າໄປໃນໄຂ່. ຖ້າໄຂ່ແດງບໍ່ສຸກເຕັມທີ ແບັກເທີເຣຍອາດບໍ່ຖືກທຳລາຍໝົດ ແມ່ນແຊ່ເຢັນ […]
ສິ່ງທີ່ຄວນຮູ້ໃຊ້ໄດ້ຈິງໃນຊ່ວງທີ່ຝົນຕົກ ແລະ ພາຍຸເຂົ້າແບບນີ້ ມາເບິ່ງວິທີລອດຊີວິດເມື່ອເກີດພະຍຸຝົນຟ້າຄະນອງ ມີຟ້າຜ່າ
1. ສິ່ງທີ່ຕ້ອງເຮັດທັນທີເມື່ອໄດ້ຍິນສຽງຟ້າຮ້ອງ ຫາບ່ອນຫລົບທີ່ປອດໄພທີ່ສຸດ: ແມ່ນການເຂົ້າໄປໃນອາຄານຂະໜາດໃຫຍ່ທີ່ໝັ້ນຄົງ, ມີການຕິດຕັ້ງສາຍລໍ້ຟ້າ, ຫຼື ເຂົ້າໄປໃນລົດໃຫຍ່ແລ້ວທີ່ປິດປະຕູ ແລະ ປ່ອງຢ້ຽມໃຫ້ແໜ້ນ (ໂຄງລົດຈະເຮັດໜ້າທີ່ເປັນກົງຟາຣາເດທີ່ຊ່ວຍນຳກະແສໄຟຟ້າລົງດິນ) ຫຼີກລ້ຽງນ້ຳ ແລະ ວັດຖຸນຳໄຟຟ້າ: ຢູ່ຫ່າງຈາກແຫຼ່ງນ້ຳ (ສະລະນ້ຳ, ທະເລ, ແມ່ນ້ຳ), ອຸປະກອນໄຟຟ້າ, ໂທລະສັບບ້ານ, ທໍ່ນ້ຳ, ຫຼື ວັດຖຸທີ່ເປັນໂລຫະທຸກຊະນິດ ງົດໃຊ້ໂທລະສັບມືຖື: ປິດ ແລະ ງົດໃຊ້ອຸປະກອນສື່ສານ. ໂທລະສັບມືຖືບໍ່ໄດ້ດຶງດູດຟ້າຜ່າ, ແຕ່ຄື້ນສັນຍານອາດເພີ່ມຄວາມສ່ຽງໄດ້ເລັກນ້ອຍ. ທີ່ສຳຄັນຄືອາດເຮັດໃຫ້ທ່ານພາດການສັງເກດສະພາບແວດລ້ອມຮອບຕົວ 2. ເມື່ອຕ້ອງຢູ່ໃນທີ່ໂລ່ງແຈ້ງ (ແລະບໍ່ມີບ່ອນລົບ) ຫາກບໍ່ສາມາດຫາອາຄານເພື່ອຫລົບໄດ້ທັນ, ໃຫ້ປະຕິບັດຕາມຄຳແນະນຳເຫຼົ່ານີ້ທັນທີ: ຫ້າມຢູ່ໃຕ້ຕົ້ນໄມ້ສູງຕົ້ນດຽວ: ຕົ້ນໄມ້ສູງໃຫຍ່ໃນທີ່ໂລ່ງແມ່ນຈຸດທີ່ຟ້າຜ່າລົງໄດ້ງ່າຍທີ່ສຸດ, ແລະກະແສໄຟຟ້າສາມາດແຕກຂະເເຫນງເຮັດອັນຕະລາຍທ່ານໄດ້ ຫ້າມນອນເເນບກັບພື້ນ: ການນອນເເນບຈະເພີ່ມພື້ນທີ່ສຳຜັດກັບພື້ນດິນ, ເຊິ່ງກະແສໄຟຟ້າທີ່ວິ່ງຕາມພື້ນ (Ground Current) ເປັນສາເຫດຫຼັກຂອງການບາດເຈັບ ແລະ ເສຍຊີວິດຈາກຟ້າຜ່າ ເຮັດທ່າໝອບໂຕ: ຍໍ່ຕົວລົງໃຫ້ຕ່ຳທີ່ສຸດ, ເອົາເທົ້າ(ຕີນ)ທັງສອງຂ້າງເຂົ້າຫາກັນ, ແລະ ເອົາຫົວຊຸກຢູ່ລະຫວ່າງຫົວເຂົ່າ. ຢ່າໃຊ້ມືແປະຕິດກັບພື້ນ. ການຊິດເທົ້າຊ່ວຍຫຼຸດໂອກາດທີ່ກະແສໄຟຟ້າຈະແລ່ນຜ່ານຮ່າງກາຍ (ເຂົ້າຂາຂ້າງໜຶ່ງ ອອກຂາອີກຂ້າງໜຶ່ງ) […]
ມາຮູ້ຈັກກັບ 4 ພັນໄມ້ປະດັບໃນເຮືອນ ທີ່ຊ່ວຍໄລ່ຍຸງໄດ້ “ແຮງສຸດໆ” ທັງປອດໄພ ທັງສວຍງາມ ແລະ ຫອມສົດຊື່ນ
ຮູ້ຫຼືບໍ່ວ່າພັນໄມ້ບາງຊະນິດບໍ່ພຽງແຕ່ຊ່ວຍຕົກແຕ່ງເຮືອນໃຫ້ສວຍງາມເທົ່ານັ້ນ ແຕ່ຍັງມີຄຸນສົມບັດໃນການໄລ່ຍຸງ ແລະ ແມງໄມ້ໄດ້ຢ່າງເປັນທຳມະຊາດອີກດ້ວຍ ແຖມຍັງໃຫ້ກິ່ນຫອມສົດຊື່ນ ຊ່ວຍໃຫ້ບັນຍາກາດໃນເຮືອນໜ້າຢູ່ຍິ່ງຂຶ້ນ. ລອງມາເບິ່ງກັນວ່າມີພັນໄມ້ຊະນິດໃດແດ່ທີ່ທັງສວຍ ຫອມ ແລະ ໄລ່ຍຸງໄດ້ຢ່າງມີປະສິດທິພາບ. 1. ໂຣສແມຣີ່ (Rosemary) – ສະໝຸນໄພຫອມໄລ່ຍຸງຕົວຈິງ ໂຣສແມຣີ່ ເປັນໄມ້ພຸ່ມຂະໜາດນ້ອຍທີ່ປູກງ່າຍ ດູແລງ່າຍ ເໝາະສຳລັບວາງໃນກະຖັງບໍລິເວນລະບຽງ ຫ້ອງຮັບແຂກ ຫຼື ສວນຂະໜາດນ້ອຍ. ມີກິ່ນຫອມເປັນເອກະລັກຂອງໂຣສແມຣີ່ສາມາດຂັບໄລ່ຍຸງ ແລະ ແມງໄມ້ໄດ້ດີຫຼາຍ. ບາງຄົນປູກໂຣສແມຣີ່ຮອບແປງຜັກ ຫຼື ຂອບຮົ້ວເຮືອນເພື່ອຫຼຸດຈຳນວນຍຸງຕາມທຳມະຊາດ. ນອກຈາກນີ້ຍັງສາມາດນຳໃບໄປສະກັດເຮັດເປັນສະເປກັນຍຸງ ນ້ຳມັນຫອມລະເຫີຍ ຫຼື ໃຊ້ເປັນເຄື່ອງປຸງອາຫານ ແລະ ສ່ວນປະສົມໃນເຄື່ອງສຳອາງໄດ້ອີກດ້ວຍ. ເມື່ອສຳຜັດເບົາໆທີ່ໃບ ໂຣສແມຣີ່ຈະປ່ອຍກິ່ນຫອມສົດຊື່ນທີ່ມະນຸດຮູ້ສຶກຜ່ອນຄາຍ ແຕ່ຍຸງກັບບໍ່ມັກ ກາຍເປັນວິທີໄລ່ຍຸງແບບທຳມະຊາດທີ່ທັງປອດໄພ ແລະ ຫອມອົບອວນທົ່ວເຮືອນ. 2. ລາເວນເດີ (Lavender) – ຫອມຫວານຊວນຜ່ອນຄາຍ ແຕ່ຍຸງບໍ່ມັກ ລາເວນເດີ ຫຼື […]
ໄພງຽບພາວະຢຸດຫາຍໃຈຂະນະນອນຫລັບ ອາການ ແລະ ສັນຍານເຕືອນທີ່ຜູ້ໃຫຍ່ຄວນຕ້ອງຮູ້ ວິທີສັງເກດ ແລະ ຮັບມື
ພາວະຢຸດຫາຍໃຈຂະນະນອນ ຫຼື Sleep Apnea ເປັນພາວະຄວາມຜິດປົກກະຕິຂອງການນອນທີ່ຮ້າຍແຮງ ແລະ ພົບໄດ້ເລື້ອຍ ໂດຍຜູ້ປ່ວຍຈະຢຸດຫາຍໃຈຊົ່ວຄາວຊ້ຳໆ ລະຫວ່າງນອນຫຼັບ ສົ່ງຜົນໃຫ້ຮ່າງກາຍໄດ້ຮັບອົກຊີເຈນບໍ່ພຽງພໍ ແລະ ຄຸນນະພາບການນອນຫຼຸດລົງ ການຢຸດຫາຍໃຈນີ້ເກີດຈາກທາງເດີນຫາຍໃຈສ່ວນເທິງຖືກປິດກັ້ນບາງສ່ວນຫຼືທັງໝົດ ສະໝອງຈຶ່ງຕ້ອງສົ່ງສັນຍານໃຫ້ຕື່ນເພື່ອກັບມາຫາຍໃຈ ເຖິງແມ່ນວ່າຜູ້ປ່ວຍອາດຈຳບໍ່ໄດ້ ແຕ່ຜົນກະທົບຕໍ່ຮ່າງກາຍ ແລະ ສະໝອງມີຫຼາຍ ອາການຂອງພາວະຢຸດຫາຍໃຈຂະນະນອນສາມາດແບ່ງໄດ້ເປັນສອງກຸ່ມຫຼັກ ໄດ້ແກ່ ອາການທີ່ເກີດຂຶ້ນໃນລະຫວ່າງນອນ ແລະ ອາການເວລາກາງວັນ ຂະນະນອນຫຼັບ ຜູ້ປ່ວຍມັກກົນສຽງດັງ ແລະ ຜິດປົກກະຕິ ຢຸດຫາຍໃຈເປັນຊ່ວງໆ ພ້ອມອາການຫາຍໃຈຮືດ ສະດຸ້ງຕື່ນ ຫຼື ສະມັກ ບາງຄົນອາດກະສັບກະສ່າຍ ຫຼື ເຫື່ອອອກຫຼາຍຜິດປົກກະຕິ ສ່ວນອາການໃນເວລາກາງເວັນ ໄດ້ແກ່ ງ່ວງນອນຫຼາຍຈົນຜິດປົກກະຕິ ເຖິງແມ່ນພັກຜ່ອນພຽງພໍ ປວດຫົວຕອນເຊົ້າ ສະມາທິສັ້ນ ຂີ້ລືມ ອາລົມແປປວນ ບໍ່ຄົງທີ່ ຕື່ນແລ້ວບໍ່ສົດຊື່ນ ຄໍແຫ້ງ ເຈັບຄໍຕອນເຊົ້າ ແລະ ອາດມີຄວາມຕ້ອງການທາງເພດຫຼຸດລົງ ຫຼື ຖ່າຍປັດສະວະບໍ່ດຖີ່ໃນຕອນກາງຄືນ ພາວະນີ້ຖ້າບໍ່ໄດ້ຮັບການກວດວິນິດໄສ ແລະ […]
ຢຸດ “ກິນຢາດັກໄຂ້” ຄວາມເຊື່ອທີ່ຜິດໆ ບໍ່ຊ່ວຍປ້ອງກັນພະຍາດ ຍັງມີຄວາມສ່ຽງອັນຕະລາຍຫຼາຍກວ່າທີ່ຄິດ
ການກິນຢາດັກໄຂ້ ຖືເປັນຄວາມເຊື່ອທີ່ສືບທອດກັນມາດົນນານໃນຫຼາຍຄອບຄົວ ໂດຍມັກຄິດວ່າຖ້າຖືກຝົນຕົກ ຫຼື ເລີ່ມຮູ້ສຶກບໍ່ສະບາຍ ຖ້າກິນຢາແກ້ໄຂ້ໄວ້ກ່ອນ ຈະຊ່ວຍປ້ອງກັນບໍ່ໃຫ້ເປັນໄຂ້ໃນພາຍຫຼັງ ແຕ່ແພດຢືນຢັນວ່າວິທີນີ້ບໍ່ຖືກຕ້ອງ ແລະ ອາດກໍ່ໃຫ້ເກີດຜົນເສຍຕໍ່ສຸຂະພາບຫຼາຍກວ່າທີ່ຄິດ ຢາພາຣາເຊຕາມອນ ກິນດັກໄຂ້ບໍ່ໄດ້ ຍັງສ່ຽງຕັບອັກເສບ ທ່ານໝໍພົດ ອິນທະລາພາພອນ ຫົວໜ້າງານພະຍາດຕິດເຊື້ອ ການກິນ ຢາພາຣາເຊຕາມອນ ຄວນໃຊ້ພຽງແຕ່ເມື່ອມີໄຂ້ຈິງເທົ່ານັ້ນ ການກິນດັກໄວ້ລ່ວງໜ້າ ທີ່ຮ່າງກາຍຍັງບໍ່ທັນເຈັບ ອາດເພີ່ມຄວາມສ່ຽງເກີດຜົນຂ້າງຄຽງ ເຊັ່ນ ທຳລາຍຕັບ ຫຼື ສ່ຽງຕັບອັກເສບໄດ້ ໂດຍສະເພາະຖ້າກິນເລື້ອຍໆ ຫຼື ເກີນຂະໜາດ ຢາຟ້າທະລາຍໂຈນ ບໍ່ແມ່ນຢາກິນດັກໄຂ້ ສຳລັບຄວາມເຊື່ອທີ່ວ່າການກິນ ຢາຟ້າທະລາຍໂຈນ ລ່ວງໜ້າຈະຊ່ວຍດັກໄຂ້ໄດ້ ຟ້າທະລາຍໂຈນມີໄວ້ເພື່ອຫຼຸດໄຂ້ ບັນເທົາອາການເຈັບຄໍ ແລະ ເມື່ອຍຕົວໃນກໍລະນີທີ່ມີອາການເປັນໄຂ້ຫວັດຈິງເທົ່ານັ້ນ ບໍ່ຈຳເປັນຕ້ອງກິນດັກໄວ້ກ່ອນ ຂໍ້ຄວນລະວັງໃນການໃຊ້ຢາຟ້າທະລາຍໂຈນ ຫ້າມກິນພ້ອມກັບພາຣາເຊຕາມອນ ຄວນຫ່າງກັນຢ່າງໜ້ອຍ 2-4 ຊົ່ວໂມງ ເພາະທັງສອງຊະນິດຖືກຂັບອອກທີ່ຕັບຄືກັນ ປະລິມານການໃຊ້ຂຶ້ນກັບຊະນິດຢາ ຕ້ອງອ່ານປ້າຍຢ່າງລະອຽດ ໂດຍທົ່ວໄປບໍ່ຄວນເກີນວັນລະ […]
ຈັບຕາເບິ່ງເກີດຫຍັງຂຶ້ນກັບໂລກ ທັງສົງຄາມ ສຶນາມິ ແຜ່ນດິນໄຫວ ນີ້ແມ່ນ “ວັນສິ້ນໂລກ” ຫຼື ເປັນພຽງແຕ່ “ຈຸດປ່ຽນ
ວັນທີ: 31/07/2025 ຜູ້ຂຽນ: Supattra Marketeer ເມື່ອໂລກເຂົ້າສູ່ສະຖານະການຄວາມວຸ້ນວາຍ ບໍ່ວ່າຈະມຸມໃດຂອງໂລກ ແຜ່ນດິນໄຫວ ສຶນາມິ ສົງຄາມ ໄພພິບັດທາງສະພາບອາກາດ ການປະຕິວັດ AI ທັງໝົດນີ້ເກີດຂຶ້ນພ້ອມໆກັນ ຈົນຫຼາຍຄົນຫວັ່ນໃຈແຕ່ນີ້ບໍ່ແມ່ນວັນສິ້ນໂລກແບບທີ່ທຸກຄົນ ເວົ້າເຖິງຕາມພະຄຳພີ ຫຼື ມັງງະ ພຽງແຕ່ໂລກກຳລັງພົບກັບຊ່ວງເວລາປ່ຽນຜ່ານປະຈຸບັນເຮົາປະສົບກັບໄພພິບັດທຸກປະເພດທົ່ວໂລກໃນຊ່ວງເວລານີ້ຢ່າງແທ້ຈິງ ຜ່ານຂ່າວສານ ແລະ ທາງໂຊຊຽວມີເດຍຕະຫຼອດ 24 ຊົ່ວໂມງ ແລະ ກຳລັງນຳໄປສູ່ “ຄວາມເມື່ອຍຈາກວິກິດ” ຫຼືຶ ແມ່ນແຕ່ວ່າຄວາມຄິດແບບວັນສິ້ນໂລກ ແຕ່ຈື່ໄວ້ວ່າ ມະນຸດໄດ້ຜ່ານພົ້ນການລະບາດໃຫຍ່ ສົງຄາມໂລກ ໄພຄຸກຄາມຈາກນິວເຄູຍ ແລະອປັບຕົວມາແລ້ວ ມາເບິ່ງກັນວ່າເກີດຫຍັງຂຶ້ນທົ່ວໂລກ ໃນຊ່ວງກາງປີ 2025 1. ວິກິດສະພາບອາກາດ ໄພພິບັດທີ່ເພີ່ມຫຼາຍຂຶ້ນ ສະພາບອາກາດສຸດຂັ້ນ ເກີດນ້ຳຖ້ວມຄັ້ງໃຫຍ່ໃນເອີຣົບ ແລະ ອາຊຽນ ໄຟປ່າໃນແຄນາດາ ແລະ ອົດສະຕາລີ ແລະ ໄພແລ້ງຄັ້ງປະວັດສາດໃນອາຟຣິກາ ລະດັບນ້ຳທະເລທີ່ສູງຂຶ້ນ ແລະ ນ້ຳແຂງຂົ້ວໂລກທີ່ກຳລັງລະລາຍ […]
ຮູ້ຈັກ “ຫອຍທາກຄິວບາ” ຫອຍທາກທີ່ງາມທີ່ສຸດໃນໂລກທີ່ກຳລັງຈະສູນພັນ
ໃນໂລກຂອງສິ່ງມີຊີວິດທີ່ເຕັມໄປດ້ວຍຄວາມຫຼາກຫຼາຍ ມີສັດໂຕນ້ອຍຊະນິດໜຶ່ງທີ່ຄວາມງາມຂອງມັນກາຍເປັນໄພທີ່ຂົ່ມຂູ່ຊີວິດຕົວເອງ ນັ້ນຄື ຫອຍທາກຄິວບາ (Cuban Painted Snail) ຫຼື ຊື່ທາງວິທະຍາສາດເອິ້ນວ່າ Polymita picta ດ້ວຍເປືອກທີ່ງົດງາມຄືກັບງານສິລະປະ ເຮັດໃຫ້ມັນກາຍເປັນທີ່ຕ້ອງການຂອງຕະຫຼາດ ແລະ ກຳລັງຖືກຜັກດັນໃຫ້ເຂົ້າໃກ້ການສູນພັນຢ່າງໜ້າເສົ້າ ຫອຍທາກສີຄິວບາ “ອັນມະນີມີຊີວິດ” ຈາກຄິວບາ ຫອຍທາກຄິວບາເປັນຫອຍທາກບົກທີ່ພົບໄດ້ພຽງແຕ່ໃນປ່າເຂດຮ້ອນທາງຕາເວັນອອກຂອງຄິວບາເທົ່ານັ້ນ ເອກະລັກທີ່ໂດດເດັ່ນຂອງມັນຄືເປືອກຫອຍທີ່ມັນວາວ ມີສີສັນສົດໃສຄືສາຍຮຸ້ງ ບໍ່ວ່າຈະເປັນສີເຫຼືອງ, ແດງ, ຂຽວ, ຫຼື ຟ້າ ປະສົມກັບ ລວດລາຍທີ່ເປັນເອກະລັກສະເພາະຕົວມີຂະໜາດນ້ອຍໂດຍມີຄວາມກວ້າງປະມານ 2-3 ຊັງຕີແມັດ ເປັນຫອຍທາກບົກ ເຮັດໃຫ້ຫອຍທາກແຕ່ລະໂຕມີເສັ້ນຫາໄດ້ບໍ່ຊໍ້າກັນ ແລະ ຖືກຍົກໃຫ້ເປັນ “ອັນມະນີມີຊີວິດ” ທີ່ມີຄ່າ ແລະ ເປັນທີ່ຕ້ອງການຢ່າງຫຼວງຫຼາຍ ໂດຍຫອຍທາກຄິວບາທີ່ໃກ້ສູນພັນຫຼາຍທີ່ສຸດຄືສາຍພັນໂພລີມິຕາ ຊັລຟູໂຣຊາ (Polymita sulphurosa) ເຊິ່ງມີສີຂຽວໝາກນາວ ພ້ອມດ້ວຍລວດລາຍເປວໄຟສີນ້ຳຟ້າຂົດເປັນວົງມົນ ປະສົມກັບແຖບສີສົ້ມເຫຼືອງສົດໃສທົ່ວເປືອກ ຄວາມງາມນີ້ເອງທີ່ເຮັດໃຫ້ມັນກາຍເປັນສັດໃນກຸ່ມທີ່ຕ້ອງໄດ້ຮັບການຄຸ້ມຄອງຢ່າງຮີບດ່ວນ ເນື່ອງຈາກເປືອກຫອຍຂອງມັນຖືກລັກລອບເກັບຈາກທຳມະຊາດເພື່ອນຳໄປເຮັດເປັນເຄື່ອງປະດັບແຟຊັນ ແລະ ຂອງສະສົມຫາຍາກ […]
ພໍ່ແມ່ຍຸກໃໝ່ຄວນອ່ານ ຊ່ວຍລູກໃນຊ່ວງໄວລຸ້ນຮັບມືກັບຄວາມກັງວົນ ແລະ ຄວາມກົດດັນ
ການແຂ່ງຂັນທີ່ໜັກໜ່ວງໃນໂຮງຮຽນ ສັງຄົມ ແລະ ໂລກອອນລາຍ ກາຍເປັນແຮງກົດດັນຢ່າງດຸເດືອດໃສ່ລູກຂອງທ່ານໃນຊ່ວງໄວລຸ້ນຢ່າງບໍ່ຢຸດພັກ ບັນດາພໍ່ ແລະ ແມ່ຈຶ່ງຕ້ອງມີບົດບາດຫຼາຍກວ່າການໃຊ້ຄຳສັ່ງ ແຕ່ຄືການເຂົ້າໃຈ ແລະສະໜັບສະໜຸນຢ່າງເລິກເຊິ່ງ ຈຶ່ງຂໍນຳສະເໜີ 6 ເທັກນິກທີ່ໃຫ້ທ່ານໄດ້ນຳໄປຊ່ວຍລູກຈັດການຄວາມເຄັ່ງຕຶງໄດ້ຢ່າງໝັ້ນໃຈ ແລະ ຖືກທິດທາງຫຼາຍຂື້ນ 6 ເທັກນິກຊ່ວຍລູກໄວຮຸ່ນຈັດການຄວາມກັງວົນ ແລະ ຄວາມກົດດັນ 1. ສ້າງພື້ນທີ່ປອດໄພທາງອາລົມ ລູກໄວລຸ້ນອາດບໍ່ເວົ້າກົງໆ ວ່າກຳລັງກັງວົນ ແຕ່ພຶດຕິກຳບາງຢ່າງ ເຊັ່ນ ງຽບລົງ ຫງຸດຫງິດງ່າຍ ຫຼື ຫຼີກລ່ຽງການໂອ້ລົມ ອາດເປັນສັນຍານທີ່ພໍ່ ຫຼື ແມ່ຕ້ອງສັງເກດ ການສ້າງພື້ນທີ່ປອດໄພທາງອາລົມໃຫ້ລູກຮູ້ສຶກວ່າເວົ້າໄດ້ໂດຍບໍ່ຖືກຕັດສິນ ຄືຈຸດເລີ່ມຕົ້ນຂອງການຈັດການຄວາມກັງວົນຢ່າງມີປະສິດທິພາບ ເທັກນິກການລ້ຽງລູກໄວລຸ້ນທີ່ດີຄືການຟັງຢ່າງຕັ້ງໃຈ ບໍ່ແມ່ນພຽງແຕ່ຖາມແລ້ວຈົບ ແຕ່ຕ້ອງເປີດໃຈຮັບຟັງເຖິງແມ່ນວ່າຈະເປັນໃນເລື່ອງທີ່ເບິ່ງເລັກນ້ອຍກໍຕາມ 2. ຊວນລູກຕັ້ງເປົ້າໝາຍທີ່ສົມຈິງ ໃນຍຸກທີ່ທຸກຄົນເບິ່ງຄືຈະປະສົບຄວາມສຳເລັດໄວ ລູກໄວລຸ້ນອາດຮູ້ສຶກວ່າຕ້ອງຮີບຕາມໃຫ້ທັນ ເຊິ່ງນຳໄປສູ່ຄວາມກັງວົນສະສົມ ພໍ່ແມ່ຄວນຊ່ວຍລູກຕັ້ງເປົ້າໝາຍທີ່ເໝາະສົມກັບຕົວເອງ ບໍ່ແມ່ນພຽງແຕ່ຕາມໝູ່ເພື່ອນ ຫຼື ສິ່ງທີ່ເຫັນໃນໂຊຊຽວ ການໂອ້ລົມເລື່ອງເປົ້າໝາຍຢ່າງເປີດໃຈ ເຊັ່ນ ຢາກຮຽນຫຍັງເພາະຫຍັງ ຫຼື ຖ້າບໍ່ຕິດຄະນະທີ່ຫວັງໄວ້ຈະມີແຜນສຳຮອງແນວໃດ […]
7 ໝາກໄມ້ທີ່ນິຍົມກິນຫ້າມຟ້າວແຊ່ຕູ້ເຢັນເດັດຂາດຈະເຮັດໃຫ້ ລົດຊາດເສຍ – ສ່ຽງເສຍສຸຂະພາບ ຄຸນຄ່າທາງໂພຊະນາການຫຼຸດລົງ!
ເກືອບທຸກບ້ານມີຕູ້ເຢັນເປັນອຸປະກອນສຳຄັນເພື່ອເກັບອາຫານໃຫ້ສົດອຍູ່ໄດ້ນານ ບໍ່ວ່າຈະເປັນຜັກ ໝາກໄມ້ ຫຼື ອາຫານເຫຼືອຈາກມື້ກ່ອນ ແຕ່ຮູ້ບໍ່ວ່າ ໝາກໄມ້ບາງຊະນິດເມື່ອແຊ່ເຢັນໄວເກີນໄປ ຈະສູນເສຍລົດຊາດ ກິ່ນ ແລະ ຄຸນຄ່າທາງໂພຊະນາການ ຫຼື ທີ່ບໍ່ດີກວ່ານັ້ນ ອາດກະທົບຕໍ່ສຸຂະພາບໄດ້ ເປັນຫຍັງໝາກໄມ້ບາງຊະນິດບໍ່ຄວນແຊ່ເຢັນທັນທີ ໝາກໄມ້ບາງຊະນິດຍັງຕ້ອງ “ສຸກຕໍ່” ທີ່ອຸນຫະພູມຫ້ອງເພື່ອໃຫ້ເກີດຂະບວນການຜະລິດນ້ຳຕານ ກິ່ນ ແລະ ເອທິລີນ (ethylene) ໄດ້ຢ່າງເຕັມທີ່ ການແຊ່ເຢັນໄວເກີນໄປຈະຂັດຂວາງຂະບວນການເຫຼົ່ານີ້ ເຮັດໃຫ້ລົດຊາດຈືດ ກິ່ນຫຼຸດລົງ ຜິວເປືອກຊ້ຳໄວ ຖ້າໝາກໄມ້ປະເພດສຸກຊ້າ ເຊັ່ນ ກ້ວຍ ຫຼື ອາໂວຄາໂດ ໃຫ້ປ່ອຍໄວ້ທີ່ອຸນຫະພູມຫ້ອງຈົນກວ່າສຸກເຕັມທີ່ກ່ອນ ຖ້າແຊ່ຕອນຍັງດິບຈະເຮັດໃຫ້ເນື້ອບໍ່ສຸກດີ ແລະ ອາດສູນເສຍລົດຫວານ 7 ໝາກໄມ້ທີ່ຄວນເກັບທີ່ອຸນຫະພູມຫ້ອງກ່ອນແຊ່ເຢັນ 1. ໝາກເລັ່ນ ໝາກເຂືອທີ່ແຊ່ເຢັນຕັ້ງແຕ່ຍັງດິບ ຈະຢຸດການສຸກຕາມທຳມະຊາດ ແລະ ລົດຊາດຈະອ່ອນລົງ ໝົດຄວາມຫອມ ແລະ ບໍ່ຫວານເທົ່າທີ່ຄວນ ຄວນວາງໄວ້ເທິງໂຕະຄົວ ຫຼີກເວັ້ນແສງແດດຈັດ ແລ້ວຄ່ອຍຊອຍເປັນປ່ຽງ […]
ວັນທີ 16 ກັນຍາ ວັນໂອໂຊນໂລກ (World Ozone Day)
ວັນທີ 16 ກັນຍາ ຂອງທຸກໆປີແມ່ນ ວັນໂອໂຊນໂລກ (World Ozone Day) ເປັນວັນທີ່ໃຫ້ຄວາມສຳຄັນກັບບັນຍາກາດໂລກ ຊັ້ນໂອໂຊນມີບົດບາດໃນສະພາບແວດລ້ອມ ອົງການສະຫະປະຊາຊາດຈຶ່ງກຳນົດໃຫ້ມື້ນີ້ເປັນມື້ທີ່ສະທ້ອນໃຫ້ເຫັນເຖິງການຫລຸດລົງຂອງຊັ້ນບັນຍາກາດໂອໂຊນ. ຊັ້ນໂອໂຊນ ເປັນສ່ວນໜຶ່ງຂອງການຊ່ວຍດູດລັງສີອັລຕາໄວໂອເລດຈາກດວງອາທິດປະມານ 97-99% ຂອງລັງສີທັງໝົດທີ່ແພ່ມາໂລກ ແລະ ມີຄວາມສຳຄັນໃນການເປັນເກາະຄຸ້ມກັນປົກປ້ອງພືດ ແລະ ສັດ ຈາກລັງສີທີ່ເປັນອັນຕະລາຍຂອງດວງອາທິດ. ວັນໂອໂຊນໂລກ (World Ozone Day) ສ້າງຕັ້ງຂຶ້ນວັນທີ 16 ກັນຍາ 1987 – 16 ກັນຍາ 2025 ຄົບຮອບ 38 ປີ.