ການວິໄຈພົບ ‘ຢາສີດມະເຮັງສະເພາະຈຸດ’ ສີດແລ້ວຫາຍທົ່ວຮ່າງກາຍ
ການວິໄຈຈາກມະຫາວິທະຍາໄລ Rockefeller ໄດ້ພັດທະນາວິທີການປິ່ນປົວໂຣກມະເຮັງແບບໃໝ່ທີ່ເອີ້ນວ່າ “ການສີດຢາເພື່ອລົບມະເຮັງ” ໂດຍເປັນການສີດແອນຕິບໍດີ (Antibody) ຫຼື ສານພູມຄຸ້ມກັນ ເຂົ້າໄປໃນກ້ອນເນື້ອງອກພຽງຈຸດດຽວ ແຕ່ກັບສາມາດກະຕຸ້ນລະບົບພູມຄຸ້ມກັນໃຫ້ກຳຈັດເຊວມະເຮັງໄດ້ທົ່ວຮ່າງກາຍ ແອນຕິບໍດີ 2141-V11 ປິ່ນປົວໂຣກມະເຮັງ ແອນຕິບໍດີ 2141-V11 ແມ່ນແອນຕິບໍດີທີ່ຖືກອອກແບບມາເພື່ອໃຊ້ໃນການປິ່ນປົວມະເຮັງ ເຊິ່ງແອນຕິບໍດີຊະນິດນີ້ສາມາດຈັບກັບ CD40 ທີ່ກະຕຸ້ນການເຮັດວຽກຂອງລະບົບພູມຄຸ້ມກັນໄດ້ຢ່າງມີປະສິດທິຜົນ ໂດຍໃຊ້ສີດຕົງເຂົ້າສູ່ກ້ອນເນື້ອທີ່ມີເຊວມະເຮັງເພື່ອຍັບຍັ້ງການແຜ່ຂະຫຍາຍຂອງເຊວມະເຮັງໄປຍັງເຊວປົກກະຕິ ທີມນັກວິໄຈໄດ້ທົດສອບຢາຕົວນີ້ໃນຜູ້ປ່ວຍໂຣກມະເຮັງໄລຍະລຸກລາມກວ່າ 12 ຄົນ ໃນການທົດລອງໄລຍະແຮກ ແລະໄດ້ພົບກັບຜົນຕອບທີ່ອາດເປັນຄວາມຫວັງໃນການຜະລິດຢາຫຼືສ້າງການປິ່ນປົວໃໝ່ສຳລັບຜູ້ປ່ວຍໂຣກມະເຮັງ ຫຼັງຈາກຜູ້ປ່ວຍໃນການທົດລອງໄດ້ສີດຢາຊະນິດນີ້ເຂົ້າໄປພົບວ່າ: ເນື້ອງອກຂອງຜູ້ປ່ວຍກວ່າຄິງມີຂະໜາດນ້ອຍລົງ ຜູ້ປ່ວຍ 2 ລາຍທີ່ເປັນຜູ້ປ່ວຍມະເຮັງຜິວໜັງເມລາໂນມາ ແລະມະເຮັງເຕົ້ານົມໄລຍະທີ່ແຜ່ຂະຫຍາຍ ຕອບສະໜອງຕໍ່ໂຣກໄດ້ເປັນຢ່າງດີ ໂດຍບໍ່ພົບຮ່ອງຮອຍໂຣກມະເຮັງຫຼັງການປິ່ນປົວ ຈຸດທີ່ຫນ້າສົນໃຈຍິ່ງໄປກວ່ານັ້ນ ແມ່ນການສີດຢາໃນກ້ອນເນື້ອງອກພຽງຈຸດດຽວ ກັບກະຕຸ້ນໃຫ້ເນື້ອງອກທີ່ຢູ່ບໍລິເວນອື່ນໃນຮ່າງກາຍຫາຍໄປ ແລະລຸດລົງດ້ວຍ ການສຶກສານີ້ເລີ່ມຕົ້ນມາຕັ້ງແຕ່ຊ່ວງປີ 2018 ເຊິ່ງພັດທະນາມາຈາກງານວິໄຈຊິ້ນກ່ອນທີ່ເຄີຍທົດສອບໃນລັກສະນະຄືກັນ ຄືການກະຕຸ້ນການເຮັດວຽກຂອງ CD40 ແຕ່ຜົນຕອບທີ່ບໍ່ດີສັກເທົ່າໃດ ແລະຍັງພົບຜົນຂ້າງຄຽງທີ່ຮຸນແຮງເມື່ອນຳໄປທົດລອງກັບມະນຸດ ສາດສະດາຈານ Jeffrey V. Ravetch ຈາກມະຫາວິທະຍາໄລ Rockefeller ແລະທີມວິໄຈຈິ່ງກັບໄປທົບທວນແນວຄວາມຄິດເກົ່າ ແລະພົບວ່າປັນຫາບໍ່ໄດ້ຢູ່ທີ່ຫຼັກການເຮັດວຽກ ແຕ່ເປັນວິທີການອອກແບບ ແລະສົ່ງຢາເຂົ້າສູ່ຮ່າງກາຍ ທີມວິໄຈໄດ້ລອງທົດສອບດ້ວຍການປ່ຽນວິທີໃຫ້ຢາ […]
ວິທີຊັກເຄື່ອງໃຫ້ຫອມຕິດທົນ ໝົດບັນຫາຜ້າເໝັນອັບໃນຊ່ວງລະດູຝົນ
ວິທີຊັກເຄື່ອງໃຫ້ຫອມຕິດທົນ ບໍ່ມີກິ່ນອັບ ໃນຊ່ວງລະດູຝົນ ຊ່ວງໜ້າຝົນມັກຈະພົບບັນຫາຊັກເຄື່ອງແລ້ວບໍ່ຫອມ ບໍ່ສົດຊື່ນ ຖ້າມຍັງມີກິ່ນອັບຈາກຄວາມຊື້ນແລະອາກາດທີ່ບໍ່ຖ່າຍເທ ແຕ່ເລື່ອງເຫລົ່ານີ້ສາມາດປ້ອງກັນໄດ້ດ້ວຍເທັກນິກງ່າຍໆ ທີ່ຊ່ວຍໃຫ້ຜ້າສະອາດແລະຫອມສົດຊື່ນຕະຫຼອດເວລາ ວິທີຊັກເຄື່ອງໃຫ້ຫອມຕິດທົນບໍ່ມີກິ່ນອັບ ຢ່າຖິ້ມຜ້າປຽກໄວ້ໃນກະຕ່າ ການຖິ້ມຜ້າປຽກໄວ້ໃນກະຕ່າຈະເຮັດໃຫ້ເກີດຄວາມຊື້ນ ຊຶ່ງເປັນສະພາບແວດລ້ອມທີ່ເຫມາະສົມຕໍ່ການຈະເລີນເຕີບໂຕຂອງເຊື້ອຣາ ແລະ ແບັກທີເຣຍ໌ ສົ່ງຜົນໃຫ້ເກີດກິ່ນອັບ ຜຶ່ງໃຫ້ແຫ້ງຈະຊ່ວຍຫຼຸດບັນຫານີ້ໄດ້ ຊັກເຄື່ອງໃນປະລິມານທີ່ພໍດີ ການໃສ່ຜ້າໃນເຄື່ອງຊັກຜ້າຫຼາຍເກີນໄປ ອາດເຮັດໃຫ້ນ້ຳຢາຊັກຜ້າບໍ່ສາມາດກະຈາຍຕົວໄດ້ທົ່ວເຖິງ ສົ່ງຜົນໃຫ້ຜ້າບໍ່ສະອາດເທົ່າທີ່ຄວນ ແລະ ອາດມີກິ່ນອັບ ໃຊ້ນ້ຳຢາຊັກຜ້າ ຫຼື ຜົງຊັກຟອກສູດຫຼຸດກິ່ນອັບ ນ້ຳຢາຊັກຜ້າບາງສູດມີສ່ວນປະສົມທີ່ຊ່ວຍຍັບຍັ້ງເຊື້ອຣາ ແລະ ແບັກທີເຣຍ໌ ຊຶ່ງຊ່ວຍຫຼຸດກິ່ນອັບໄດ້ຢ່າງມີປະສິດທິຜົນ ໃສ່ຜ້າຂົນຫນູແຫ້ງໃນເຄື່ອງຊັກຜ້າຂະນະປັ່ນໝາດ ຜ້າຂົນຫນູແຫ້ງສາມາດຊ່ວຍດູດຊັບຄວາມຊື້ນສ່ວນເກີນໃນລະຫວ່າງການປັ່ນໝາດ ຊຶ່ງອາດຊ່ວຍໃຫ້ຜ້າແຫ້ງໄວຂຶ້ນເມື່ອນຳໄປຕາກ ເຖິງຢ່າງໃດກໍຕາມ ປະສິດທິຜົນອາດຂຶ້ນຢູ່ກັບປະລິມານຜ້າ ແລະ ຮອບປັ່ນຂອງເຄື່ອງ ຟ້າວຕາກເຄື່ອງໃນບ່ອນທີ່ອາກາດຖ່າຍເທດີ ການຕາກເຄື່ອງໃນບ່ອນທີ່ມີອາກາດຖ່າຍເທດີ ຈະຊ່ວຍໃຫ້ຜ້າແຫ້ງໄວຂຶ້ນ ແລະ ຫຼຸດໂອກາດເກີດກິ່ນອັບ ສະບັດກ່ອນຕາກ ການສະບັດຜ້າຈະຊ່ວຍຄາຍຮອຍຢັບ ແລະ ປ້ອງກັນການກະຈຸກຕົວຂອງຜ້າ ເຮັດໃຫ້ຜ້າແຫ້ງໄວຂຶ້ນ […]
ຫຼັງອາຍຸ 40 ສະໝອງຈະຫົດຕົວລົງ ການຫຼິ້ນດົນຕີອາດເປັນຕົວຊ່ວຍໃນການຟື້ນຟູສະໝອງ
ນັກວິໄຈບອກວ່າ ຫຼັງອາຍຸ 40 ປີ ສະໝອງຂອງເຮົາຈະເລີ່ມຫົດຕົວລົງປະມານ 5% ໃນທຸກ 10 ປີ ຊຶ່ງອາດເຮັດໃຫ້ຄວາມຈຳ ແລະ ຄວາມສາມາດໃນການແກ້ບັນຫາຊ້າລົງ ໂດຍສະເພາະ ຮິບໂປແຄມປັສ (Hippocampus) ຊຶ່ງກ່ຽວຂ້ອງກັບຄວາມຈຳ ແລະ ເປືອກສະໝອງສ່ວນໜ້າ (Prefrontal Cortex) ທີ່ກ່ຽວຂ້ອງກັບການຄິດວິເຄາະ ການປ່ຽນແປງເຫຼົ່ານີ້ອາດເຮັດໃຫ້ຄວາມຈຳ ແລະ ຄວາມສາມາດໃນການແກ້ບັນຫາຊ້າລົງ ແຕ່ເຮົາສາມາດຊະລໍການເສື່ອມນີ້ໄດ້ ຜູ້ຊ່ຽວຊານແນະນຳວ່າ ການຮຽນຮູ້ທັກສະໃໝ່ໆ ເຊັ່ນ: ການຫຼິ້ນເຄື່ອງດົນຕີ ເປັນສະເໝືອນການອອກກຳລັງກາຍສະໝອງແບບເຕັມຮູບແບບ ເພາະຊ່ວຍກະຕຸ້ນສະໝອງຫຼາຍສ່ວນພ້ອມກັນ ທັງການຄິດ ວິເຄາະ ຄວາມຈຳ ແລະ ການປະສານງານລະຫວ່າງມືກັບຕາ ການເຮັດແນວນີ້ຈະຊ່ວຍໃຫ້ເສັ້ນທາງປະສາດໃນສະໝອງແຂງແຮງ ແລະ ມີຄວາມຍືດຫຍຸ່ນຫຼາຍຂຶ້ນ ເຖິງຢ່າງໃດກໍຕາມ ສະໝອງຂອງມະນຸດຍັງມີຄວາມສາມາດປັບຕົວ ຫຼື ມີຄວາມຍືດຫຍຸ່ນ ແລະ ຄວາມສາມາດໃນການປັບຕົວຂອງສະໝອງ (neuroplasticity) ຊຶ່ງເປັນພື້ນຖານທີ່ເຮັດໃຫ້ເຮົາສາມາດຮຽນຮູ້ສິ່ງໃໝ່ໆ ແລະ ຊະລໍການເສື່ອມຂອງສະໝອງໄດ້ […]
ການບໍ່ຖູແຂ້ວກ່ອນນອນ ອາດເພີ່ມຄວາມສ່ຽງຕໍ່ໂລກຫົວໃຈ ອ້າງອີງຈາກບົດຄົ້ນຄ້ວາປະເທດຢີ່ປຸ່ນ
ຫຼາຍຄົນອາດຄິດວ່າການຖູແຂ້ວກ່ອນນອນເປັນພຽງກິດຈະວັດປະຈຳວັນເພື່ອຮັກສາສຸຂະພາບຊ່ອງປາກ ແລະ ປ້ອງກັນແຂ້ວແມງ ແຕ່ຜົນການສຶກສາໃໝ່ຈາກປະເທດຍີ່ປຸ່ນກັບຊີ້ວ່າ ພຶດຕິກຳນ້ອຍໆ ນີ້ອາດມີຄວາມສຳຄັນຕໍ່ສຸຂະພາບຫົວໃຈຫຼາຍກວ່າທີ່ຫຼາຍຄົນຄາດຄິດ. ການຄົ້ນຄວ້າທີ່ຖືກພິມເຜີຍແພ່ໃນວາລະສານ Scientific Reports ປີ 2023 ໂດຍທີມຄົ້ນຄວ້າຈາກໂຮງໝໍມະຫາວິທະຍາໄລໂອຊາກາ ພົບວ່າຜູ້ທີ່ບໍ່ຖູແຂ້ວກ່ອນນອນມີຄວາມສ່ຽງຕໍ່ການເກີດໂລກຫົວໃຈ ແລະ ຫຼອດເລືອດສູງກວ່າຜູ້ທີ່ຖູແຂ້ວກ່ອນເຂົ້ານອນຢ່າງຊັດເຈນ. ການຄົ້ນຄວ້າດັ່ງກ່າວໄດ້ຕິດຕາມຂໍ້ມູນຈາກຜູ້ໃຫຍ່ກວ່າ 1,600 ຄົນ ທີ່ເຂົ້າຮັບການຮັກສາໃນໂຮງໝໍລະຫວ່າງປີ 2013 ຫາ 2016. ຜູ້ເຂົ້າຮ່ວມຖືກສອບຖາມພຶດຕິກຳການຖູແຂ້ວ ແລະ ຖືກແບ່ງອອກເປັນ 4 ກຸ່ມ ໄດ້ແກ່: ຜູ້ທີ່ຖູແຂ້ວທັງເຊົ້າ ແລະ ກ່ອນນອນ, ຜູ້ທີ່ຖູແຂ້ວສະເພາະກ່ອນນອນ, ຜູ້ທີ່ຖູແຂ້ວສະເພາະຕອນເຊົ້າ, ຜູ້ທີ່ບໍ່ຖູແຂ້ວເລີຍ. ເມື່ອນຳຂໍ້ມູນມາວິເຄາະປຽບທຽບ ຜົນໄດ້ພົບວ່າກຸ່ມທີ່ຖູແຂ້ວກ່ອນນອນ ຫຼື ຖູທັງເຊົ້າ ແລະ ແລງມີອັດຕາລອດຊີວິດ ແລະ ສຸຂະພາບຫົວໃຈທີ່ດີກວ່າກຸ່ມທີ່ບໍ່ຖູແຂ້ວເລີຍ ຫຼື ຖູພຽງຕອນເຊົ້າຢ່າງມີຄວາມສຳຄັນ. ໜຶ່ງໃນຄຳອະທິບາຍທີ່ນັກວິໄຈສະເໜີແມ່ນ ລະຫວ່າງທີ່ພວກເຮົານອນຫລັບ ການຜະລິດນ້ຳລາຍຈະຫຼຸດລົງ ເຮັດໃຫ້ສະພາບໃນຊ່ອງປາກເອື້ອຕໍ່ການຈະເລີນເຕີບໂຕຂອງເຊື້ອແບັກທີເຣຍ. […]
ນອນເກີນ 9 ຊົ່ວໂມງເປັນປະຈຳ ອາດຈະເສຍຊີວິດໄວກວ່າການນອນໜ້ອຍເຖິງ 34%
ຫຼາຍຄົນຄົງເຄີຍໄດ້ຍິນວ່າການນອນໜລັບໃຫ້ຄົບ 8 ຊົ່ວໂມງ ແມ່ນການນອນທີ່ເໝາະສົມ. ແຕ່ຄວາມຈິງແລ້ວແຕ່ລະໄວມີຄວາມຕ້ອງການພັກຜ່ອນທີ່ແຕກຕ່າງກັນ. ເຖິງແມ່ນວ່າພວກເຮົາທຸກຄົນຈະຮູ້ວ່າການນອນໜລັບບໍ່ພຽງພໍຈະເຮັດໃຫ້ຮ່າງກາຍອ່ອນເພຍ, ແຕ່ຜົນຂອງການວິໄຈຫຼ້າສຸດສ້າງຄວາມແປກໃຈ ເມື່ອມີການເປີດເຜີຍວ່າ ການນອນເກີນ 9 ຊົ່ວໂມງເປັນປະຈຳທຸກຄືນ ອາດມີຄວາມສ່ຽງຕໍ່ສຸຂະພາບຫຼາຍກວ່າທີ່ເຄີຍຄິດ. ເຊິ່ງອາດເປັນອັນຕະລາຍຍິ່ງກວ່າການນອນໜ້ອຍເສຍອີກ ໂດຍມີຄວາມເຊື່ອມໂຍງກັບຄວາມສ່ຽງການເສຍຊີວິດທີ່ເພີ່ມຂຶ້ນ ແລະຍັງມີສາຍພົວພັນກັບພະຍາດຊຶ້ນຊ້າເຊັ່ນ: ເບົາຫວານ ແລະ ພາວະຊຶມເສົ້າ. ການນອນໜລັບໃຫ້ພຽງພໍມີຄວາມສຳຄັນບໍ່ແພ້ອາຫານ ແລະ ການອອກກຳລັງກາຍ ການນອນໜລັບທີ່ມີຄຸນນະພາບພຽງພໍເປັນສິ່ງສຳຄັນຕໍ່ສຸຂະພາບທັງທາງກາຍ ແລະ ໃຈ ພໍໆກັບການໄດ້ຮັບໂພຊະນາການທີ່ດີ ແລະ ການອອກກຳລັງກາຍ. ເພາະວ່າຂະນະທີ່ພວກເຮົາຫລັບ ຮ່າງກາຍຈະຊ່ອມແຊມເນື້ອເຍື່ອ ແລະ ກ້າມເນື້ອ, ລວມທັງຊ່ວຍລວບລວມຄວາມຊົງຈຳ, ຄວບຄຸມຮໍໂມນ, ເສີມສ້າງລະບົບພູມຄຸ້ມກັນ ແລະ ຮັກສາຄວາມສົມດູນທາງອາລົມ ແລະ ສະຕິປັນຍາ. ມູນນິທິສ່ງເສີມສຸຂະພາບການນອນ (Sleep Health Foundation) ແນະນຳໃຫ້ຜູ້ໃຫຍ່ນອນໜລັບໃຫ້ໄດ້ 7-9 ຊົ່ວໂມງຕໍ່ຄືນ. ຫາກນອນໜ້ອຍກວ່າ 7 ຊົ່ວໂມງເປັນປະຈຳ ອາດເຮັດໃຫ້ເກີດອາການອ່ອນເພຍ, ໜັກອົກ, ສະມາທິສັ້ນ ແລະ ໃນໄລຍະຍາວກໍເພີ່ມຄວາມສ່ຽງຕໍ່ພະຍາດຫົວໃຈ, ພະຍາດຫຼອດເລືອດສະໝອງ, ເບົາຫວານຊະນິດທີ່ […]
ບົດວິໄຈເຕືອນ! ເດັກນ້ອຍທີ່ມີໂທລະສັບມືຖືກ່ອນອາຍຸ 13 ປີ ມີຄວາມສ່ຽງຕໍ່ບັນຫາສຸຂະພາບຈິດໃນອະນາຄົດ
ຜົນການສຶກສາໃໝ່ເປີດເຜີຍວ່າ ເດັກນ້ອຍທີ່ມີໂທລະສັບມືຖືເປັນຂອງຕົນເອງກ່ອນອາຍຸ 13 ປີ ມີແນວໂນ້ມທີ່ຈະປະສົບບັນຫາສຸຂະພາບຈິດທີ່ຮຸນແຮງເມື່ອເຕີບໃຫຍ່ຂຶ້ນ ງານວິໄຈໃໝ່ນີ້ເກີດຂຶ້ນໂດຍສະຕາດອັບດ້ານປະສາດວິທະຍາຈາກປະເທດສະຫະລັດອາເມລິກາ ທີ່ຊື່ວ່າ ເຊເປັຽນ ແລັບສ໌ (Sapien Labs) ຊຶ່ງນຳໃຊ້ຂໍ້ມູນ Longitudinal Data ຫຼື ຂໍ້ມູນທີ່ເກັບຈາກກຸ່ມບຸກຄົນ ຫຼື ສິ່ງທີ່ສຶກສາຊ້ຳໆ ຫຼາຍຄັ້ງໃນແຕ່ລະຊ່ວງເວລາ ເພື່ອເບິ່ງການປ່ຽນແປງເມື່ອເວລາຜ່ານໄປ ຂໍ້ມູນນີ້ນຳມາຈາກ ໂກລບອນ ໄມດ໌ ໂປຣເຈັກ (Global Mind Project) ຊຶ່ງເປັນຖານຂໍ້ມູນສຸຂະພາບຈິດຂະໜາດໃຫຍ່ທີ່ລວບລວມໂດຍບໍລິສັດເອງ ຜົນການສຶກສາພົບວ່າກຸ່ມຄົນອາຍຸລະຫວ່າງ 18 ຫາ 24 ປີ ຈຳນວນກວ່າ 100,000 ຄົນທົ່ວໂລກ ທີ່ໄດ້ໃຊ້ໂທລະສັບມືຖືກ່ອນອາຍຸ 13 ປີ ຊຶ່ງອາດຈະນຳໄປສູ່ການເຂົ້າເຖິງໂຊຊຽລມີເດຍຕັ້ງແຕ່ນ້ອຍ ມີຄວາມສ່ຽງສູງຂຶ້ນຈາກການຖືກກັ່ນແກ້ງທາງໄຊເບີ ການນອນຫຼັບບໍ່ສະບາຍ ແລະ ຄວາມສຳພັນທີ່ບໍ່ດີກັບຄອບຄົວ ເຮັດໃຫ້ມີແນວໂນ້ມທີ່ຈະມີຄວາມຄິດຂ້າຕົວເອງ ຄວາມກ້າວລ້າວ ການແຍກຕົວຈາກຄວາມເປັນຈິງ ແລະ ປະສາດຫຼອນເມື່ອອາຍຸຫຼາຍຂຶ້ນ ໃນກຸ່ມຕົວຢ່າງດຽວກັນນີ້ […]
ຫົວໃຈດວງທີ 2 ຂອງມະນຸດຢູ່ທີ່ນ່ອງ ເຮັດໜ້າທີ່ປັ້ມເລືອດກັບຄືນໄປທີ່ໜ້າເອິກ
ຫາກສະໝອງທີ 2 ຂອງມະນຸດແມ່ນລຳໄສ້ ຊຶ່ງເຮັດໜ້າທີ່ສອດປະສານກັບລະບົບປະສາດໃນການສັ່ງການ ແລະ ຄວບຄຸມການເຮັດວຽກຂອງຮ່າງກາຍ ພວກເຮົາກໍມີຫົວໃຈດວງທີ 2 ທີ່ເຮັດໜ້າທີ່ສູບສີດເລືອດກັບຄືນເຂົ້າໄປທີ່ຫົວໃຈຫຼັກທີ່ຢູ່ໜ້າເອິກເຊັ່ນດຽວກັນ ຫົວໃຈດວງທີ່ສອງຢູ່ທີ່ນ່ອງ ເມື່ອເວົ້າວ່າຫົວໃຈດວງທີ 2 ຢູ່ທີ່ນ່ອງ ອາດເຮັດໃຫ້ຫຼາຍຄົນແປກໃຈວ່າ ຄົນເຮົາຈະມີອະໄວຍະວະງອກຂຶ້ນມາອີກໄດ້ແນວໃດ? ແຕ່ຈິງໆແລ້ວ ສຳນວນ “ຫົວໃຈດວງທີ 2” ເປັນຄຳປຽບທຽບເຖິງ “ກ້າມເນື້ອນ່ອງ” ທີ່ນອກຈາກຊ່ວຍຊັບພອດການຍ່າງແລ້ວ ຍັງມີໜ້າທີ່ສຳຄັນໃນການຊ່ວຍໃນການໄຫຼວຽນເລືອດກັບຄືນເຂົ້າສູ່ຫົວໃຈ ໂດຍກ້າມເນື້ອນ່ອງທີ່ແຂງແຮງຈະຊ່ວຍຫຼຸດການເຮັດວຽກຂອງຫົວໃຈ ເປັນຄ້ືຕົວຕ້ານແຮງໂນ້ມຖ່ວງ ໃຫ້ເລືອດທີ່ຢູ່ສ່ວນລຸ່ມຂອງຮ່າງກາຍ ໄຫຼຍ້ອນກັບຂຶ້ນໄປສູ່ຫົວໃຈໄດ້ງ່າຍຂຶ້ນນັ້ນເອງ. ຫົວໃຈທີ 2 ເຮັດວຽກແນວໃດ? ສິ່ງສຳຄັນແມ່ນ ຫົວໃຈດວງທີ 2 ຈະເຮັດວຽກໄດ້ເພາະເມື່ອຕອນທີ່ເຮົາເຄື່ອນໄຫວເທົ່ານັ້ນ!! ຍິ່ງຮ່າງກາຍເຄື່ອນໄຫວຫຼາຍເທົ່າໃດ ກໍຈະຊ່ວຍກະຕຸ້ນການເຮັດວຽກຂອງຫຼອດເລືອດດຳທີ່ນ່ອງ ໃຫ້ເລືອດທີ່ນ່ອງຍິ່ງສູບສີດຂຶ້ນໄປທີ່ໜ້າເອິກໄດ້ຫຼາຍເທົ່ານັ້ນ. ໝາຍຄວາມວ່າ ຫາກຮ່າງກາຍຢູ່ໃນພາວະຫຍຸດນິ່ງ ບໍ່ມີການເຄື່ອນໄຫວ ຢູ່ໃນທ່ານັ່ງ ຫຼື ຍືນນິ່ງເປັນເວລາດົນເກີນໄປ ເລືອດບໍ່ສາມາດໄຫຼວຽນໄດ້ສະດວກ ຈະເຮັດໃຫ້ເກີດອາການເລືອດຄ້າງໃນຂາ ບໍ່ສາມາດໄຫຼວຽນກັບຄືນເຂົ້າໄປທີ່ຫົວໃຈຫຼັກໄດ້. ຫາກເລືອດຄ້າງສະສົມທີ່ຂາດົນເກີນໄປ […]
ບໍ່ຕ້ອງຜ່າຕັດ ຢາຍອດຕາຊະນິດໃໝ່ ຊ່ວຍຮັກສາຕໍ້ກະຈົກ
ປັດຈຸບັນ, ມີຜູ້ປ່ວຍໂລກຕ້ອກະຈົກຫຼາຍກວ່າ 65 ລ້ານຄົນທົ່ວໂລກ, ເຮັດໃຫ້ມັນເປັນໜຶ່ງໃນສາເຫດຕົ້ນຕໍຂອງບັນຫາສາຍຕາເບື່ອໄປແລະການເບິ່ງເຫັນບົກພ່ອງ. ເຊິ່ງທີ່ຜ່ານມາ, ການຮັກສາທີ່ມີຜົນລະເພດມີພຽງແຕ່ວິທີດຽວຄື ການຜ່າຕັດຕ້ອກະຈົກ ເພື່ອເອົາເລັນຕາທີ່ຂຸ່ນມົວອອກແລະໃສ່ເລັນຕາທຽມເຂົ້າໄປແທນ. ແຕ່ລ່າສຸດ, ການວິໄຈທີ່ພິມເຜີຍແຜ່ໃນວາລະສານ Investigative Ophthalmology and Visual Science ໄດ້ຈຸດປະກາຍຄວາມຫວັງໃໝ່ ດ້ວຍການຄົ້ນພົບຢາຫຍອດຕາທີ່ຮັກສາຕ້ອກະຈົກໄດ້, ເຮັດໃຫ້ຜູ້ປ່ວຍອາດບໍ່ຕ້ອງເຂົ້າຮັບການຜ່າຕັດທີ່ຍຸ່ງຍາກອີກຕໍ່ໄປ. ສຳລັບຕ້ອກະຈົກ, ເກີດຈາກການທີ່ໂປຣຕີນໃນເລັນຕາ, ເຊິ່ງປົກກະຕິຈະຈັດຕົວກັນຢ່າງເປັນລະບຽບ, ເກີດການຈັບຕົວກັນເປັນກ້ອນ, ເຮັດໃຫ້ເລັນຕາຂຸ່ນມົວ. ແສງຈຶ່ງບໍ່ສາມາດເດີນທາງຜ່ານໄປຫາຈໍປະສາດຕາໄດ້ຕາມປົກກະຕິ, ສົ່ງຜົນໃຫ້ເກີດອາການຕາພ່າມົວ, ເບິ່ງເຫັນພາບຊ້ອນ, ຫຼືເບິ່ງເຫັນໃນບ່ອນແສງນ້ອຍໄດ້ລຳບາກຂຶ້ນ. ເຊິ່ງສາເຫດສ່ວນຫຼາຍມາຈາກອາຍຸທີ່ສູງຂຶ້ນ, ແຕ່ກໍອາດເກີດຈາກປັດໄຈອື່ນໆ ເຊັ່ນ: ການໄດ້ຮັບແສງແດດຈັດເປັນເວລາດົນ, ການສູບຢາ, ໂລກເບົາຫວານ, ຫຼືການນຳໃຊ້ຢາບາງຊະນິດ. ຢາຫຍອດຕາລະລາຍຕ້ອກະຈົກ ທີມນັກວິໄຈນານາຊາດ ຈາກມະຫາວິທະຍາໄລແອງເກລຍ່າຣັສກິນ ໄດ້ທຳການສຶກສາຢາຮັກສາຕ້ອກະຈົກຊະນິດໃໝ່, ທີ່ສາມາດຈັດການກັບບັນຫາໄດ້ເຖິງລະດັບໂມເລກຸນ. ໂດຍພວກເຂົາໄດ້ຄົ້ນພົບສານປະກອບໃນກຸ່ມອັອກຊິສເຕີຣອນ (Oxysterol) ທີ່ມີຊື່ລະຫັດວ່າ VP1-001, ເຊິ່ງມີຄຸນສົມບັດພິເສດໃນການເຂົ້າໄປຈັດລຽງໂປຣຕີນໃນເລັນຕາທີ່ຈັບຕົວກັນເປັນກ້ອນໃຫ້ກັບມາເປັນລະບຽບອີກຄັ້ງ, ເຊິ່ງຈະຊ່ວຍຄືນຄວາມໃສໃຫ້ກັບເລັນຕາໄດ້. ທີມວິໄຈໄດ້ທົດລອງນຳໃຊ້ຢາຫຍອດຕາ VP1-001 ກັບໜູທົດລອງທີ່ມີສະພາວະຕ້ອກະຈົກຈາກພັນທຸກຳ, ເຊິ່ງຜົນໄດ້ຮັບທີ່ໄດ້ແມ່ນນ່າຢຶ່ງຍ້ອງຫຼາຍຄື: ຄືນຄວາມສາມາດໃນການໂຟກັສ – ເລັນຕາຂອງໜູທີ່ໄດ້ຮັບຢາມີຄ່າດັດສະນີການຫັກເຫຂອງແສງ ຫຼື Refractive […]
ສະນິດກວ່າຄົນ – ການຄົ້ນຄວ້າພົບວ່າ Gen Z ມັກສົນທະນາກັບ AI ເປັນທີ່ປຶກສາ ແກ້ໄຂບັນຫາຊີວິດ
ຖ້າໃຜມີເລື່ອງທຸກທໍລະໃຈ, ກໍຄົງຈະໄປລະບາຍກັບຄົນໃກ້ຊິດ, ຄອບຄົວ, ສື່ອບັນເທີງ, ຫຼືໃນໂຊເຊຍລມີເດຍ. ແຕ່ສໍາລັບເດັກໄວຮຸ່ນໃນສະຫະລັດອາເມລິກາ – ປະເທດທີ່ມີປະຊາກອນຈໍານວນຫລາຍ ແລະໃກ້ຊິດກັບເທັກໂນໂລຊີຫຼາຍຢ່າງ – ກໍພົບວ່າເຂົາເຈົ້າໃຊ້ AI ເປັນເພື່ອນສົນທະນາຫຼາຍຂຶ້ນ, ເບິ່ງເປັນເພື່ອນຮັກ ແລະທີ່ປຶກສາທີ່ດີທີ່ສຸດ. Michael Robb ຫົວໜ້າທີມຄົ້ນຄວ້າ Common Sense Media ເປີດເຜີຍວ່າຄົນຮຸ່ນ Gen Z ຫຼືເດັກໄວຮຸ່ນໃນສະຫະລັດເຄີຍມີການໂຕ້ຕອບກັບແຊດບໍອດ AI ແລະມັກຈະໄປຫາ AI ເພື່ອຂໍຄໍາແນະນໍາ, ສົນທະນາເປັນເພື່ອນ, ຫຼືແມ້ແຕ່ການສະໜັບສະໜູນທາງດ້ານອາລົມ ຫຼືສົນທະນາກ່ຽວກັບບັນຫາຊີວິດແບບຈິງຈັງ. ກວ່າ 70% ຂອງເດັກໄວຮຸ່ນໃນສະຫະລັດພົບວ່າເຄີຍມີການໂຕ້ຕອບກັບ AI ຄື່ກັບມະນຸດ, ເຊັ່ນ Character.AI, Replika ແລະ ChatGPT. ໂດຍກວ່າຄຶ່ງນຶ່ງກໍມີການນໍາໃຊ້ເປັນປະຈໍາ, ເຊິ່ງເຮັດໃຫ້ເກີດຄວາມກັງວົນໃນໝູ່ຜູ້ປົກຄອງ ທີ່ເບິ່ງວ່າເດັກເຫຼົ່ານີ້ອາດຈະຂາດທັກສະດ້ານສັງຄົມໃນອະນາຄົດ. “ເມື່ອເຈົ້າສົນທະນາກັບ AI, ເຈົ້າຈະຖືກເສີມ” Ganesh Nair ອາຍຸ 18 ປີ ເປີດເຜີຍວ່າ AI […]
EF (Executive Function) ທັກສະສະໝອງທີ່ຈຳເປັນຂອງເດັກຍຸກໃໝ່
ໃນຍຸກທີ່ທຸກຢ່າງໄວເພັດປາຍນິ້ວແຕະ, ການລ້ຽງລູກໃຫ້ເຕີບໂຕຢ່າງມີຄຸນນະພາບກາຍເປັນຄວາມທ້າທາຍອັນໃຫຍ່ຫຼວງ, ບໍ່ວ່າຈະເປັນຊັບພະຍາກອນດ້ານເງິນ, ເວລາ, ຈິດໃຈ, ແລະຄວາມຮູ້. ພໍ່ແມ່ຍຸກປັດຈຸບັນອາດຈະກຳລັງປະເຊີນກັບຮູບພາບທີ່ເຄີຍຊິນຂອງລູກທີ່ຮ້ອງໄຫ້ລົງໄປນອນດິ້ນກັບພື້ນເມື່ອຖືກຍຶດແທັບເລັດ, ຫຼືບັນຫາລູກລໍຖ້າໍໄຟໄດ້, ຄວບຄຸມອາລົມບໍ່ໄດ້, ແລະຂາດຄວາມຍືດຍຸ່ນເມື່ອເຈັບກັບເຣື່ອງທີ່ບໍ່ເປັນດັ່ງໃຈ, ຫຼືການຢືນຢູ່ເທິງເສັ້ນແບ່ງຂອງຄວາມເຄົາລົບນັບຖືໃນຕົວເອງກັບການເພີກເສີຍຄວາມຮູ້ສຶກຂອງຜູ້ອື່ນ, ຈົນເກີດເປັນຄຳຖາມແລະບັນຫາຫຼາຍຢ່າງໃນລະດັບສັງຄົມຫຼືແມ້ແຕ່ລະດັບປະເທດກ່ຽວກັບແນວທາງການລ້ຽງດູເດັກໃນໂລກຍຸກໃໝ່. ບັນຫາເຫຼົ່ານີ້ມີຫຼາຍຄຳຕອບທີ່ຊ່ອນຢູ່ໃນຄຳວ່າ Executive Function (EF) ຫຼື “ທັກສະສະໝອງສ່ວນໜ້າ” ທີ່ມີສ່ວນສຳຄັນຢ່າງໃຫຍ່ຫຼວງ ກ່ຽວກັບວິທີຄິດ ແລະພຶດຕິກຳທີ່ສົ່ງຜົນຕໍ່ຕົວເດັກໃນລະຍະຍາວ, ເພື່ອໃຫ້ເດັກທີ່ເກີດມາກັບເທັກໂນໂລຍີພ້ອມປະເຊີນໂລກທີ່ປ່ຽນແປງຢ່າງວ່ອງໄວ. EF ແມ່ນຫຍັງ ແລະທຳໄມຈຶ່ງສຳຄັນ? Executive Function (EF) ແມ່ນທັກສະຂອງສະໝອງສ່ວນໜ້າທີ່ເຮັດໜ້າທີ່ຄືກັນ “ຜູ້ບໍລິຫານ” ຄອຍກຳກັບດູແລໃຫ້ເຮົາສາມາດຄວບຄຸມຄວາມຄິດ, ອາລົມ, ແລະການກະທຳ, ເພື່ອໃຫ້ຄົນຄົນໜຶ່ງສາມາດໄປເປົ້າໝາຍໄດ້ສຳເລັດ, ເຊັ່ນ: ການຍັບຍັ້ງຊັ່ງໃຈ (Inhibitory Control): ຄວາມສາມາດໃນການຢຸດຄິດກ່ອນເຮັດຫຼືເວົ້າ, ສາມາດຄວບຄຸມຄວາມຕ້ອງການຂອງຕົນເອງໄດ້, ເຊັ່ນການບໍ່ເວົ້າແຊກຂະນະທີ່ຜູ້ໃຫຍ່ລົມກັນ ຫຼືການອົດທົນລໍຖ້າຍູເພື່ອຫຼິ້ນຂອງຫຼິ້ນຊິ້ນໂປຣດ. ຄວາມຈຳເພື່ອນຳໃຊ້ງານ (Working Memory): ຄວາມສາມາດໃນການເກັບຂໍ້ມູນໄວ້ໃນໃຈຊົ່ວຄາວແລະນຳອອກມາໃຊ້ທັນທີ, ເຊັ່ນການເຮັດຕາມຄຳສັ່ງ 2-3 ຂັ້ນຕອນທີ່ແມ່ບອກ ຫຼືການຈຳຕຳແໜ່ງຂອງສິ່ງຂອງທີ່ເຫັນແວບດຽວ. ການຄິດຍືດຍຸ່ນ (Cognitive Flexibility): ຄວາມສາມາດໃນການປັບປ່ຽນຄວາມຄິດແລະປັບຕົວເມື່ອສະຖານະການປ່ຽນໄປ, ເຊັ່ນເມື່ອຂອງຫຼິ້ນທີ່ຢາກຫຼິ້ນມີເພື່ອນຫຼິ້ນຢູ່, […]