ຈີນປະສົບຄວາມສຳເລັດ ເພາະລ້ຽງໝາກໄຂ່ຫຼັງທຽມ ໃນຫ້ອງແລັບສາມາດເຮັດວຽກຄືໝາກໄຂ່ຫຼັງແທ້ໂດຍສົມບູນ
ນັກວິໄຈຈີນປະສົບຄວາມສຳເລັດໃນການເພາະລ້ຽງໝາກໄຂ່ຫຼັງທຽມຂອງມະນຸດຈາກຫ້ອງແລັບ ຫຼື Kidney Lab Grown ທີ່ໃຊ້ງານໄດ້ແທ້ ສາມາດຕອງເລືອດ ປັບສົມດຸນອິເລັກໂທຣໄລ ແລະ ຜະລິດປັດສາວະໄດ້ ໂດຍບໍ່ຕ້ອງຜ່ານກະບວນການອື່ນໃດໆທັງສິ້ນ ນັກວິທະຍາສາດບອກວ່າ ໝາກໄຂ່ຫຼັງເພາະລ້ຽງນີ້ໄດ້ຈາກອະໄວຍະວະແທ້ຈິງ ທີ່ຜ່ານການດັດແປງທາງຊີວະວິສະວະກຳ ບໍ່ແມ່ນແບບຈຳລອງ ເພາະລ້ຽງໃຫ້ຄືໝາກໄຂ່ຫຼັງແທ້ ທີມວິໄຈໃຊ້ອອກແກນອຍດ໌ທີ່ໄດ້ຈາກເຊວຕົ້ນກຳເນີດ ຝັງລົງເທິງໂຄງຍຶດຫຼອດເລືອດທີ່ສ້າງຈາກໄຮໂດຣເຈວທີ່ຍ່ອຍສະຫຼາຍໄດ້ທາງຊີວະພາບ ຫຼາຍອາທິດຜ່ານໄປ ເນື້ອເຍື່ອຈະຈະເລີນເຕີບໂຕເປັນຫົວໜ່ວຍເຮັດວຽກພື້ນຖານຂອງໝາກໄຂ່ຫຼັງ ທີ່ມີໜ້າທີ່ຕອງຂອງເສຍ ເອີ້ນວ່າ ລະບົບເນຟຣອນ ຊຶ່ງປະກອບດ້ວຍໂກເມີຣູລັດ ທໍ່ໝາກໄຂ່ຫຼັງ ແລະ ໂຄງສ້າງສຳລັບເກັບປັດສາວະ ຈາກນັ້ນໝາກໄຂ່ຫຼັງເພາະລ້ຽງຈະເຊື່ອມຕໍ່ກັບວົງຈອນໄຫຼວຽນໂລຫິດທຽມ ແລະ ເລີ່ມກອງພລາສມາເລືອດແບບຣຽວໄທມ໌ ນະວັດຕະກຳໝາກໄຂ່ຫຼັງເພາະລ້ຽງນີ້ ຕ່າງຈາກໝາກໄຂ່ຫຼັງທຽມຊີວະພາບຮຸ່ນກ່ອນໆ ທີ່ເຮັດວຽກໄດ້ພຽງບາງສ່ວນ ຫຼື ຕ້ອງອາໄສກະບວນການບາງຢ່າງ ເພື່ອຊ່ວຍໃຫ້ໝາກໄຂ່ຫຼັງທຽມເຮັດວຽກໄດ້ໃກ້ຄຽງກັບອະໄວຍະວະຈິງ ໝາກໄຂ່ຫຼັງເພາະລ້ຽງນີ້ ສາມາດຕອງຂອງເສຍອອກຈາກເລືອດໄດ້ດົນກວ່າ 60 ຊົ່ວໂມງ ແຍກຂອງເສຍອອກຈາກເລືອດ ແລະ ນຳພລາສມາທີ່ສະອາດກັບມາ ແລະ ຍັງຕອບສະໜອງຕໍ່ສັນຍານຮໍໂມນ ເຊັ່ນ: ADH ແລະ […]
ໃຊ້ປັນຍາປະດິດ ຫຼື AI ສ້າງຝາແຝດແທນຄົນເຈັບ ເພື່ອສຶກສາຜົນຕໍ່ການຮັກສາມະເຮັງ
ຝາແຝດຈຳລອງແທນຄົນເຈັບ ດ້ວຍເທັກໂນໂລຢີປັນຍາປະດິດ ຢູ່ໃນລະຫວ່າງການວິໄຈເພື່ອນຳມາໃຊ້ທຳນາຍການຕອບສະໜອງຕໍ່ການຮັກສາມະເຮັງ ເມື່ອວິເຄາະວ່າຜູ້ປ່ວຍເປັນມະເຮັງ ທັງແພດແລະຄົນເຈັບຕ້ອງເປີດເຜີຍໜ້າກັບຄວາມທ້າທາຍທີ່ຍິ່ງໃຫຍ່ທີ່ສຸດໃນການຕັດສິນໃຈ ບໍ່ວ່າຈະເປັນສະຖານການສະເພາະຂອງຄົນເຈັບ ຕົວເລືອກການຮັກສາທີ່ມີ ຜົນຂ້າງຄຽງທີ່ອາດເກີດຂຶ້ນ ຂໍ້ມູນທາງຄລີນິກທີ່ກ່ຽວຂ້ອງ ເຊັ່ນ: ຂໍ້ມູນທາງພັນທຸກຳຂອງຄົນເຈັບ ແລະ ລັກສະນະສະເພາະຂອງມະເຮັງ ແລະ ປັດໄຈອື່ນໆທີ່ກ່ຽວຂ້ອງ ລວມເຖິງການດຳເນີນໂຣກໃນເວລາຕໍ່ມາ ແນ່ນອນວ່າມັນເປັນການຕັດສິນໃຈທີ່ຍາກລຳບາກ ນີ້ແມ່ນເປົ້າໝາຍຂອງຝາແຝດຈຳລອງ ຫຼື digital twin ໂປຣແກຣມທີ່ໃຊ້ປັນຍາປະດິດຊຶ່ງຈະໃຊ້ຂໍ້ມູນທັງໝົດທີ່ຮູ້ກ່ຽວກັບຄົນເຈັບ ແລະ ປະເພດຂອງໂຣກ ເພື່ອສ້າງຝາແຝດທີ່ສາມາດນຳມາໃຊ້ຊ້ຳໄດ້ໃນການຈຳລອງການລຸກລາມຂອງໂຣກ ທົດສອບການຮັກສາ ແລະ ທຳນາຍການຕອບສະໜອງສະເພາະຂອງແຕ່ລະບຸກຄົນຕໍ່ການຮັກສາພາຍໃນບໍ່ເທົ່າໃດນາທີ Asghar ແລະ ຄະນະ ກ່າວວ່າ digital twin ບໍ່ແມ່ນພຽງໂມເດວຄອມພິວເຕີ ຫຼື ການຈຳລອງ ເພາະມັນເປັນການຄັດລອກບຸກຄົນໃນໂລກຄວາມຈິງ ແລະ ອາໄສຂໍ້ມູນຈາກໂລກຄວາມຈິງ ລວມເຖິງຍັງສາມາດຜົນສົມຂໍ້ມູນໃໝ່ໆ ເທັກໂນໂລຢີນີ້ມີສັກຍະພາບໃນການນຳໄປໃຊ້ໃນເວດຊະສາດສະເພາະບຸກຄົນ ການຄົ້ນພົບຢາ ການພັດທະນາກົນລະຍຸດການຄັດກອງ ແລະ ການເຮັດຄວາມເຂົ້າໃຈໂຣກຕ່າງໆໄດ້ດີຂຶ້ນ ໂດຍ Asghar ແລະ ຄະນະ […]
ລັດເຊຍກຳລັງພິຈາລະນາສັ່ງແບຣນ “WhatsApp” ໂປຣແກຣມຈາກປະເທດທີ່ບໍ່ເປັນມິດ
ສຳນັກຂ່າວຣອຍເຕີ ລາຍງານວ່າ ລັດຖະບານລັດເຊຍກຳລັງເດີນໜ້າຊຸກຍູ້ນະໂຍບາຍ “ອະທິປະໄຕທາງດິຈິຕອລ” ຢ່າງເຂັ້ມຂຸ້ນ ລ່າສຸດ ສະມາຊິກສະພາດູມາ (State Duma) ຈາກຝ່າຍຄຸ້ມຄອງເທັກໂນໂລຢີ ແລະ ຂໍ້ມູນຂ່າວສານ ລະບຸວ່າ WhatsApp ແອັບສົ່ງຂໍ້ຄວາມຍອດນິຍົມພາຍໃຕ້ບໍລິສັດ Meta Platforms ອາດຕ້ອງຖອນໂຕອອກຈາກຕະຫຼາດລັດເຊຍໃນໄວໆນີ້ ຄຳເຕືອນດັ່ງກ່າວເກີດຂຶ້ນຫຼັງຈາກທີ່ປະທານາທິບໍດີວລາດິເມຍ ປູຕິນ ລົງນາມໃນກົດໝາຍໃໝ່ເມື່ອເດືອນທີ່ຜ່ານມາ ເພື່ອພັດທະນາແອັບສົ່ງຂໍ້ຄວາມທີ່ໄດ້ຮັບການສະໜັບສະໜູນຈາກລັດ ແລະ ສາມາດເຊື່ອມຕໍ່ກັບບໍລິການພາກລັດຂອງລັດເຊຍໄດ້ໂດຍກົງ ເຊິ່ງສະທ້ອນເຖິງຄວາມຕັ້ງໃຈຂອງມົສໂກໃນການຫຼຸດການອີງອາໄສ ແພລັດຟອມຕ່າງປະເທດ ເຊັ່ນ: WhatsApp ແລະ Telegram ແອນຕອນ ໂກເຣລກິນ ຮອງປະທານຄະນະກຳມະການດ້ານເທັກໂນໂລຢີ ແລະ ຂໍ້ມູນຂ່າວສານສະພາດູມາ ໃຫ້ຄວາມເຫັນຜ່ານແພລັດຟອມ Telegram ວ່າ ເຖິງເວລາແລ້ວທີ່ WhatsApp ຄວນກຽມໂຕອອກຈາກຕະຫຼາດລັດເຊຍ ໂດຍໃຫ້ເຫດຜົນວ່າບໍລິສັດ Meta ເຊິ່ງເປັນເຈົ້າຂອງ WhatsApp ຖືກຂຶ້ນບັນຊີເປັນ “ອົງການຫົວຮຸນແຮງ” ພາຍໃນລັດເຊຍ ທັງນີ້ ບໍລິການໂຊຊຽລມີເດຍອື່ນໃນເຄືອ Meta […]
Googleປະກາດເປີດຕົວໂມເດວ AI ດ້ານສຸຂະພາບ 2 ຕົວໃໝ່ຫຼ້າສຸດ Google DeepMind ເປີດຕົວ MedGemma ຜູ້ຊ່ວຍໃໝ່ສຳລັບວົງການແພດ
ກ່ອນໜ້ານີ້ Google ເປີດຕົວໂມເດວ AI 2 ໂຕທີ່ອອກແບບມາສຳລັບງານທາງການແພດໂດຍສະເພາະ ເຊັ່ນ: MedGemma 27B Text ທີ່ເກັ່ງເລື່ອງການອ່ານຂໍ້ຄວາມ ແລະ ສາມາດໃຫ້ເຫດຜົນທາງຄລີນິກ (Clinical reasoning) ລວມທັງມີ MedGemma 4B Multimodal ທີ່ເກັ່ງເລື່ອງການອ່ານ ແລະ ຕີຄວາມຈາກພາບ ເພື່ອໃຊ້ໃນການຮັກສາ ແລະ ເປີດໃຫ້ເອົາໄປໃຊ້ໄດ້ຟຣີແບບໂອເພນຊອຣສ (Open Source) ແຕ່ເບິ່ງຄືວ່າທາງ Google ຈະຍັງໂຊຂອງບໍ່ໝົດ ເພາະຫຼ້າສຸດມີການເປີດຕົວ ໂມເດວ AI ໃນ MedGemma ເພີ່ມເຕີມອອກມາ ທັງ MedGemma 27B Multimodal ແລະ MedSigLIP MedGemma 27B Multimodal ເປັນຫນຶ່ງໃນໂມເດວຂະໜາດນ້ອຍທີ່ມີປະສິດທິພາບທີ່ດີທີ່ສຸດເມື່ອເທຽບກັບໂມເດວຂະໜາດໃຫຍ່ ໂມເດວນີ້ຊ່ວຍເສີມຄວາມສາມາດຂອງໂມເດວ MedGemma 4B […]
“ດູໄບ” ຕັ້ງເປົ້າແກ້ໄຂບັນຫາການຈະລາຈອນດ້ວຍ “ແທັກຊີ່ບິນໄດ້” Joby Air Taxi ໃນປີ 2026
ໂຈບີ ເອວິເອຊັ່ນ (Joby Aviation) ບໍລິສັດຜູ້ພັດທະນາແທັກຊີ່ບິນໄດ້ພະລັງງານໄຟຟ້າຈາກສະຫະລັດອາເມລິກາ ທົດສອບການບິນເຕັມຮູບແບບຄັ້ງທຳອິດຢູ່ໃນມະຫານະຄອນດູໄບ ສະຫະລັດອາຫລັບເອມິເຣດ ຖືວ່າເປັນກ້າວສຳຄັນໃນຄວາມພະຍາຍາມຂອງເມືອງ ທີ່ຈະນຳການຂົນສົ່ງທາງອາກາດມາໃຊ້ໃນເຄືອຂ່າຍການຄົມມະນາຄົມທີ່ມີຢູ່ແລ້ວ ໂດຍຄາດວ່າຈະເລີ່ມໃຊ້ງານໄດ້ໄວທີ່ສຸດພາຍໃນປີ 2026 ນີ້ ແທັກຊີ່ບິນໄດ້ແກ້ໄຂບັນຫາລົດຕິດ ບໍລິສັດຫວັງວ່າບໍລິການແທັກຊີ່ບິນໄດ້ ຈະຊ່ວຍຫຼຸດຜ່ອນຄວາມກົດດັນໃນການຂົນສົ່ງທາງບົກທີ່ມີຢູ່ ແລະ ເປັນທາງເລືອກທີ່ໄວກວ່າສຳລັບນັກເດີນທາງ ເນື່ອງຈາກດູໄບກຳລັງປະເຊີນກັບບັນຫາລົດຕິດທີ່ເພີ່ມຂຶ້ນ ໂດຍຍົກຕົວຢ່າງວ່າຈາກເດີມ ການເດີນທາງຫຼັກຈາກທ່າອາກາດຍານນານາຊາດດູໄບ (DXB) ໄປຫາສະຖານທີ່ທ່ອງທ່ຽວທີ່ມີຊື່ສຽງຢ່າງ ປາມ ຈູໄມຣາ (Palm Jumeirah) ດ້ວຍລົດຍົນ ຈະຕ້ອງໃຊ້ເວລາເຖິງ 45 ນາທີ ແຕ່ດ້ວຍບໍລິການແທັກຊີ່ບິນໄດ້ຈະຊ່ວຍຫຼຸດລະຍະເວລາການເດີນທາງເຫຼືອ 12 ນາທີເທົ່ານັ້ນ ຖ້ຽວບິນສາທິດເກີດຂຶ້ນຢູ່ໃສ? ສຳລັບຖ້ຽວບິນສາທິດດັ່ງກ່າວ ຈັດຂຶ້ນເມື່ອວັນທີ 30 ມິຖຸນາທີ່ຜ່ານມາ ບໍລິເວນພື້ນທີ່ທະເລຊາຍຫ່າງໄກ ທາງຕາເວັນອອກສຽງໃຕ້ຂອງຕົວເມືອງດູໄບ ໃນງານມີເຈົ້າໜ້າທີ່ລະດັບສູງຂອງລັດຖະບານ ຜູ້ບໍລິຫານດ້ານການຂົນສົ່ງ ແລະ ຕົວແທນບໍລິສັດເຂົ້າຮ່ວມ ຊົມການສາທິດແທັກຊີ່ບິນໄດ້ ທີ່ເຮັດການຂຶ້ນບິນໃນແນວຕັ້ງ ບິນໄປຫຼາຍກິໂລແມັດ ແລະ […]
Nvidia ແລະ AMD ກະກຽມກັບຄືນມາສົ່ງຊິບ AI ໄປຈີນອີກຄັ້ງ
ລາຄາຫຸ້ນຂອງ Nvidia ແລະ Advanced Micro Devices (AMD) ເພີ່ມຂຶ້ນຫຼັງຈາກມີຂ່າວວ່າທັງສອງບໍລິສັດຈະກັບຄືນມາຈໍາໜ່າຍຊິບປັນຍາປະດິດໃຫ້ແກ່ຈີນອີກຄັ້ງ ການເຄື່ອນໄຫວນີ້ເກີດຂຶ້ນຫຼັງຈາກກະຊວງການຄ້າສະຫະລັດສັ່ງຫ້າມການສົ່ງອອກດັ່ງກ່າວເປັນເວລາ 3 ເດືອນ ຍ້ອນກັບໄປໃນປີ 2022 ສະຫະລັດໄດ້ອອກມາດຕະການຄວບຄຸມການສົ່ງອອກຊຸດໃໝ່ທີ່ຈໍາກັດການຈໍາໜ່າຍຊິບ AI ຂັ້ນສູງໃຫ້ແກ່ຈີນ ໂດຍຂໍ້ຈໍາກັດນີ້ຄອບຄຸມເຖິງ GPU ທີ່ມີປະສິດທິພາບເກີນຄ່າມາດຕະຖານທີ່ກໍານົດ ເພື່ອຕອບສະໜອງຕໍ່ຂໍ້ຈໍາກັດນີ້ Nvidia ແລະ AMD ຈຶ່ງໄດ້ພັດທະນາຮຸ່ນຫຼຸດສະເປັກຂອງ GPU ສໍາລັບຕະຫຼາດຈີນ ຊິບຮຸ່ນຫຼຸດສະເປັກຂອງ Nvidia ເອີ້ນວ່າ H20 ເປີດໂຕໃນປີ 2023 ເປັນເວີຊັ້ນທີ່ຊ້າກວ່າຂອງຊິບ H100 ເຊິ່ງເຄີຍເປັນຕົວເລັ່ງ AI ສໍາລັບສູນຂໍ້ມູນທີ່ໄວທີ່ສຸດຂອງບໍລິສັດມາກ່ອນ ໃນຂະນະທີ່ເວີຊັ້ນຫຼຸດສະເປັກຂອງ AMD ໃຊ້ຊື່ວ່າ MI308 ເມື່ອຕົ້ນປີນີ້ Jensen Huang ປະທານເຈົ້າໜ້າທີ່ບໍລິຫານຂອງ Nvidia ເປີດເຜີຍວ່າມາດຕະການຄວບຄຸມການສົ່ງອອກໄດ້ເຮັດໃຫ້ລາຍຮັບຂອງບໍລິສັດໃນຈີນຫຼຸດລົງເຄິ່ງໜຶ່ງ ແນວໃດກໍ່ຕາມ ບໍລິສັດກໍ່ຍັງສ້າງຍອດຂາຍໄດ້ເຖິງ 17 ພັນລ້ານໂດລາ ໃນປະເທດຈີນໃນປີງົບປະມານທີ່ສິ້ນສຸດເມື່ອ 26 ມັງກອນທີ່ຜ່ານມາ ໃນເດືອນເມສາ […]
ແຄັບຊູລນ້ອຍໃຊ້ກວດສຸຂະພາບຈາກພາຍໃນ ວັດແທກຮໍໂມນ ແລະ pH ໃນລຳໄສ້ໄດ້ທັນທີ
ວົງການແພດຍ້ຽມກ້າວເຂົ້າສູ່ຍຸກໃໝ່ຂອງການດູແລສຸຂະພາບທາງເດີນອາຫານ ດ້ວຍນະວັດກຳຫຼ້າສຸດ ຈາກສະຖາບັນເທັກໂນໂລຊີແຄລິຟໍເນຍ (Caltech) ກັບນະວັດກຳທີ່ມີຊື່ວ່າ ພິລເທຣັກ (PillTrek) ແຄັບຊູລອັດສະລິຍະໄຮ້ສາຍຂະໜາດນ້ອຍທີ່ສາມາດເຮັດໜ້າທີ່ຄືຫ້ອງປະຕິບັດການເຄື່ອນທີ່ພາຍໃນຮ່າງກາຍ ເພື່ອກວດຕິດຕາມສຸຂະພາບລຳໄສ້ໄດ້ຢ່າງລະອຽດ ແລະ ຕໍ່ເນື່ອງຈາກພາຍໃນ ແຄັບຊູລຈິວ PillTrek ແຄັບຊູລອັດສະລິຍະ ພິລເທຣັກ (PillTrek) ມີຂະໜາດເສັ້ນຜ່າສູນກາງພຽງ 7 ມິນລິແມັດ ແລະ ຍາວ 25 ມິນລິແມັດ ຫຼື ເທົ່າກັບເມັດຢາຂະໜາດນ້ອຍ ໄດ້ຮັບການອອກແບບມາໃຫ້ປະຕິວັດວິທີການກວດວິເຄາະ ພາວະສຸຂະພາບທາງເດີນອາຫານ ໂດຍພາຍໃນປະກອບດ້ວຍຊິ້ນສ່ວນທາງວິສະວະກຳຊີວະການແພດທີ່ຊັບຊ້ອນ ເລີ່ມຈາກ ຝາຄອບປ້ອງກັນ (Protective cap) ແລະ ຊັ້ນຊະນວນ (Insulation layer) ທີ່ຊ່ວຍປົກປ້ອງວົງຈອນຈາກສະພາບແວດລ້ອມພາຍໃນລຳໄສ້ ຖັດມາເປັນ ກາວນຳໄຟຟ້າ (Conductive adhesive) ຊຶ່ງຢຶດເຊັນເຊີເຂົ້າກັບແຜງວົງຈອນ ແລະ ໄບໂອເຊັນເຊີ (Biosensors) ທີ່ໃຊ້ກວດວັດຄ່າທາງຊີວະພາບຕ່າງໆ ເຊັ່ນ: […]
Microsoft ເປີດຕົວເຄື່ອງມືວິເຄາະມັນແວທີ່ເປັນ Open Source ສາມາດກວດຈັບມັນແວປະເພດ Rust ທີ່ກວດຈັບຍາກໄດ້
Microsoft ເປີດຕົວເຄື່ອງມືວິເຄາະມັນແວທີ່ເປັນ Open Source ສາມາດກວດຈັບມັນແວປະເພດ Rust ທີ່ກວດຈັບຍາກໄດ້ ມີມັນແວຊະນິດໜຶ່ງທີ່ສ້າງບັນຫາໃຫ້ກັບລະບົບກວດຈັບໄພໄຊເບີຫລາຍ ນັ້ນກໍຄືມັນແວປະເພດທີ່ຖືກຂຽນຂື້ນດ້ວຍພາສາ Rust ແຕ່ຕອນນີ້ Microsoft ໄດ້ອອກມາເຄື່ອນໄຫວໃນລະດັບທີ່ເອີ້ນວ່າສຳຄັນ ເພື່ອຊ່ວຍຮັບມືກັບມັນແວຮູບແບບດັ່ງກ່າວແລ້ວ ຈາກລາຍງານໂດຍເວັບໄຊ Help Net Security ໄດ້ກ່າວເຖິງການທີ່ຫົວໜ້າງານ Threat Intelligence Center ເຊິ່ງເປັນຫົວໜ້າງານດ້ານການຄົ້ນຄວ້າວິໄຈດ້ານໄພໄຊເບີຂອງ Microsoft ໄດ້ປ່ອຍເຄື່ອງມືສຳລັບການວິເຄາະມັນແວທີ່ຂຽນຂື້ນດ້ວຍພາສາ Rust ທີ່ມີຊື່ວ່າ RIFT ເຊິ່ງທີມວິໄຈໄດ້ກ່າວວ່າ ເຄື່ອງມືໃໝ່ນີ້ຈະຊ່ວຍໃຫ້ການວິເຄາະມັນແວດັ່ງກ່າວທີ່ເຄີຍມີຄວາມຍຸ້ງຍາກງ່າຍຂື້ນໄປກວ່າເດີມ ສຳຄັນ ເຄື່ອງມືຊະນິດນີ້ຍັງເປີດໂອກາດໃນການຕໍ່ຍອດໂດຍທີມພັດທະນາອື່ນອີກດ້ວຍ ເນື່ອງຈາກແທນທີ່ຈະເປັນເຄື່ອງມືແບບປິດ (Closed Source) ກັບເປັນການປ່ອຍໃຫ້ໃຊ້ແບບ Open Source ແທນ ໃນເຊິງເທັກນິກນັ້ນ ມັນແວທີ່ຖືກຂຽນຂື້ນດ້ວຍພາສາ Rust ນັ້ນມີຄວາມຍາກໃນການວິເຄາະສູງຈາກການໃຊ້ການເຊື່ອມໂຍງແບບຄົງທີ່ (Statically Linked) ແລະຝັງ (Embedded) ສ່ວນຂອງ Dependency ທັງໝົດໄວ້ໃນໄຟລ໌ສຳລັບການຮັນ (Executable) ຕົວດຽວ ສົ່ງຜົນໃຫ້ໄຟລ໌ມັນແວນັ້ນມີຂະໜາດໃຫຍ່ກວ່າມັນແວທີ່ຖືກຂຽນຂື້ນດ້ວຍພາສາອື່ນ ແລະມີຟັງຊັນພາຍໃນຫລາຍກວ່າດ້ວຍ ເຮັດໃຫ້ການວິເຄາະເຮັດໄດ້ຍາກຫລາຍຂື້ນ […]
Bitcoin ພຸ່ງທະລຸ 121,000 ໂດລາສະຫະລັດ! ເກືອບ 4 ລ້ານບາດ ສູງສຸດເປັນປະຫວັດສາດ ແຊງໜ້າ Amazon
Bitcoin ສ້າງສະຖິຕິໃໝ່ອີກເທື່ອໜຶ່ງ ທະຍານຂຶ້ນໄປແຕະລະດັບສູງສຸດເປັນປະຫວັດການທີ່ 121,000 ໂດລາສະຫະລັດ (ປະມານ 3,900,000 ບາດ) ໃນຊ່ວງເຊົ້າວັນຈັນ ຄາດວ່າແຮງໜູນ Bitcoin ຄັ້ງນີ້ອາດມາຈາກຄວາມຕ້ອງການລົງທຶນທີ່ເພີ່ມຂຶ້ນ ພາຍໃຕ້ສະພາວະເສດຖະກິດສະຫະລັດທີ່ກໍາລັງເຕີບໂຕຢ່າງແຂງແກ່ນ ແລະ ອັດຕາເງິນເຟີ້ທີ່ຍັງຖືກຄວບຄຸມໄດ້ດີ ບໍລິສັດວິເຄາະການລົງທຶນທີ່ມີຊື່ສຽງ QCP Capital ລະບຸວ່າ ການຂຶ້ນຂອງ Bitcoin ຄັ້ງນີ້ມາຈາກປັດໄຈສໍາຄັນ 2 ດ້ານ ໄດ້ແກ່: ການຂຶ້ນພາສີສຸນລະກາຂອງລັດຖະບານສະຫະລັດ ໃນຍຸກປະທານາທິບໍດີ Donald Trump ທີ່ຜັກດັນໃຫ້ມີການນໍາເຂົ້າສິນຄ້າ ແລະ ຜະລິດສິນຄ້າລ່ວງໜ້າຫຼາຍຂຶ້ນ ແລະ ການທີ່ລັດຖະບານສະຫະລັດຍັງສາມາດອັດເງິນຈໍານວນມະຫາສານເຂົ້າສູ່ເສດຖະກິດ ຜ່ານການຈ່າຍດອກເບຍຈາກພັນທະບັດລັດຖະບານທີ່ຢູ່ໃນລະດັບສູງ ນອກຈາກນີ້ ຕະຫຼາດຍັງໄດ້ແຮງໜູນຈາກຄວາມຄາດຫວັງວ່າ ທະນາຄານກາງສະຫະລັດ (Fed) ຈະປັບຫຼຸດອັດຕາດອກເບຍໃນໄວໆນີ້ ສົ່ງຜົນໃຫ້ນັກລົງທຶນຫັນມາລົງທຶນໃນຊັບສິນທີ່ມີຄວາມສ່ຽງຫຼາຍຂຶ້ນຢ່າງ Bitcoin ຊຶ່ງຖືກເບິ່ງວ່າເປັນຊັບສິນປ້ອງກັນເງິນເຟີ້ທີ່ສໍາຄັນອີກໂຕໜຶ່ງ ຫຼ້າສຸດ Bitcoin ຂຶ້ນເປັນຊັບສິນທີ່ມີມູນຄ່າຫຼາຍທີ່ສຸດອັນດັບທີ່ 5 ຂອງໂລກ ໂດຍມີມູນຄ່າຢູ່ທີ່ 2.417 ລ້ານລ້ານໂດລາສະຫະລັດ ແຊງໜ້າມູນຄ່າບໍລິສັດຍັກໃຫຍ່ດ້ານ e-commerce ຢ່າງ Amazon […]
Google ກະກຽມລວມ ChromeOS ເຂົ້າກັບ Android ເປັນລະບົບປະຕິບັດການດຽວ
Google ກະກຽມລວມລະບົບປະຕິບັດການ ChromeOS ແລະ Android ເຂົ້າດ້ວຍກັນ ໂດຍຜູ້ບໍລິຫານລະດັບສູງເປີດເຜີຍວ່າຈະລວມທັງສອງລະບົບເປັນ platform ດຽວກັນໃນອະນາຄົດ Sameer Samat ປະທານພະແນກລະບົບນິເວດ Android ເປີດເຜີຍແຜນການນີ້ໃນການໃຫ້ສຳພາດກັບ TechRadar ໂດຍບອກວ່າບໍລິສັດກຳລັງຈະລວມ ChromeOS ແລະ Android ເຂົ້າເປັນ platform ດຽວກັນ ເຖິງແມ່ນວ່າຍັງບໍ່ໄດ້ໃຫ້ລາຍລະອຽດເຊິ່ງເລິກ ແຕ່ການປະກາດຕ່າງໆ ກ່ອນໜ້ານີ້ອາດໃຫ້ເຄັດລັບກ່ຽວກັບເປົ້າໝາຍທາງເທັກນິກຂອງໂຄງການນີ້ ທັງ ChromeOS ແລະ Android ຕ່າງໃຊ້ Linux kernel ເປັນພື້ນຖານ ໂດຍເມື່ອເດືອນມິຖຸນາທີ່ຜ່ານມາ Google ໄດ້ປະກາດແຜນການປ່ຽນ ChromeOS ໄປໃຊ້ Linux kernel ເວີຊັ່ນທີ່ປັບແຕ່ງພິເສດສໍາລັບ Android ນອກຈາກການປັບປ່ຽນ kernel ແລ້ວ ໂຄງການນີ້ຍັງລວມເຖິງການເພີ່ມການຮອງຮັບ Android frameworks ຫຼາຍໂຕເຂົ້າສູ່ ChromeOS ຊຶ່ງເປັນ toolkit ທີ່ນັກພັດທະນາໃຊ້ສ້າງແອພພລິເຄຊັ່ນ ໃນ Android […]