ວັນທີ 06 ກຸມພາ 2025ນີ້, ທີ່ກອງບັນຊາການ ປກສ ແຂວງ ບໍ່ແກ້ວ ໄດ້ຈັດພິທີທຳລາຍອາວຸດລ່າເນື້ອ ແລະ ຈັກສະຕິນ ໂດຍການເປັນປະທານຂອງ ພັອ ຈັນທະລາ ໄຊຍະວົງ ຮອງຫົວ ໜ້າກອງບັນຊາການ ປກສ ແຂວງ ບໍ່ແກ້ວ.

ທ່ານ ພັທ ບຸນຊົມ ພັນທະວົງ ຮອງຫົວໜ້າຫ້ອງຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ປກສ ແຂວງ ບໍ່ແກ້ວ ໃຫ້ຮູ້ວ່າ: ຜ່ານການເຄື່ອນໄຫວຈັດຕັ້ງປະຕິບັດໃນໄລຍະຜ່ານມາ ສາມາດເກັບກູ້, ທ້ອນໂຮມອາວຸດເສິກ, ອາວຸດລ່າເນື້ອ, ໄດ້ເກັບກຳສະຖິຕິອາວຸດປືນທຸກຊະນິດ ຢູ່ບັນດາພະແນກການ, ອົງການອ້ອມຂ້າງແຂວງ, ບັນດາເມືອງໄດ້ທັງໝົດ 1,727 ກະບອກ, ໃນນີ້ມີປືນຍາວ ຈຳນວນ 602 ກະບອກ, ປືນສັ້ນ 316 ກະບອກ, ປືນດັດ ແປງ 07 ກະບອກ, ປືນແກັບ 801 ກະບອກ, B41 ຈຳນວນ 01 ກະບອກ,

ໃນນີ້ໄດ້ເກັບກູ້ອາວຸດເສິກໄດ້ ຈຳນວນ 12 ກະບອກ, ປືນແກັບ 801 ກະບອກ, ປືນດັດແປງ ຈຳນວນ 07 ກະບອກ, ເລົາປືນ ຈຳນວນ 13 ເລົາ, ຈັກສະຕິນ 33 ເຄື່ອງ, ເຄື່ອງຊອດປາ 03 ເຄື່ອງ ນຳມາທຳລາຍໃນຄັ້ງນີ້.

Cr: ປກສ ແຂວງບໍ່ແກ້ວ

ສະແດງຄຳຄິດເຫັນ