ດ້ານປະທານາທິບໍດີອາເລັກຊານເດີ ສະຕັອບຂອງຟິນແລນໄດ້ກ່າວກັບສື່ມວນຊົນໃນກອງປະຊຸມດຽວກັນວ່າ ມັນບໍ່ເປັນໄປໄດ້ທີ່ຈະມີການສົນທະນາຫລືຕໍ່ລອງເລື່ອງຢູເຄຣນ, ອະນາຄົດຂອງຢູເຄຣນຫລືໂຄງສ້າງຄວາມປອດໄພຂອງເອີຣົບ ໂດຍບໍ່ມີເອີຣົບເຂົ້າຮ່ວມ. ດັ່ງນັ້ນ, ເອີຣົບຈະຕ້ອງດຳເນີນການຮ່ວມກັນໂດຍການເວົ້າໜ້ອຍແຕ່ເຮັດໃຫ້ຫລາຍຂຶ້ນ.

ດ້ານປະທານາທິບໍດີໂວໂລະດີເມຍ ເຊລນສະກີຂອງຢູເຄຣນໄດ້ຮຽກຮ້ອງໃນກອງປະຊຸມຄວາມປອດໄພມິວນິຄໃນວັນເສົາທີ່ຜ່ານມາ ຂໍໃຫ້ມີການຈັດຕັ້ງກອງທັບເອີຣົບ, ໂດຍຊີ້ແຈງວ່າເອີຣົບບໍ່ສາມາດໝັ້ນໃຈໄດ້ອີກຕໍ່ໄປວ່າຈະໄດ້ຮັບການປົກປ້ອງຈາກສະຫະລັດ. ເອີຣົບຈະໄດ້ຮັບຄວາມເຄົາລົບຈາກລັດຖະບານສະຫະລັດຕໍ່ເມື່ອມີກອງທັບທີ່ເຂັ້ມແຂງເທົ່ານັ້ນ. ຜູ້ນຳຢູເຄຣນໄດ້ປະກາດອີກວ່າ ຈະບໍ່ຍອມຮັບຂໍ້ຕົກລົງທີ່ຖືກສ້າງຂຶ້ນລັບຫລັງຢູເຄຣນ, ແລະເຊື່ອວ່າຜູ້ນຳລັດເຊຍຕ້ອງການໃຫ້ຜູ້ນຳສະຫະລັດໄປເປັນອຸປະກອນປະກອບເອງ, ບໍ່ແມ່ນຜູ້ນຳທີ່ນ່າເຄົາລົບ, ຈາກການທີ່ພະຍາຍາມເຊີນໄປຊົມຂະບວນພາເຫລອງໃນວັນຊະນະເລດ 9 ພຶດສາທີ່ສະຫະພາບໂຊວຽດໄດ້ຊະນະກອງທັບນາຊີໃນສົງຄາມໂລກຄັ້ງທີ 2.