ອິສລາມາບັດ 12 ມີນາ – ເຫດກຸ່ມແບ່ງແຍກດິນແດນໃນປາກີສະຖານຈັບຜູ້ໂດຍສານບົນຂະບວນລົດໄຟເປັນຕົວປະກັນເພື່ອກົດດັນໃຫ້ປ່ອຍຕົວນັກໂທດຕັ້ງແຕ່ມື້ວານນີ້ ຈົນຮອດຂະນະນີ້ສະຖານະການຍັງບໍ່ຍຸຕິ ໂດຍສາມາດຊ່ວຍຕົວປະກັນໄດ້ແລ້ວ 155 ຄົນ ແລະມີຕົວປະກັນຖືກສັງຫານແລ້ວ 27 ຄົນ

ກອງກໍາລັງປົດປ່ອຍບາລ໊ອດຫຼືບີແອລເອ (BLA) ເຊິ່ງເປັນກຸ່ມແບ່ງແຍກດິນແດນໃນປາກີສະຖານອ້າງຕົວວ່າ ເປັນຜູ້ລົງມືວາງລະເບີດລາງລົດໄຟ ແລະບຸກຍຶດຂະບວນລົດໄຟໂດຍສານພ້ອມກັບຈັບຜູ້ໂດຍສານເປັນຕົວປະກັນເມື່ອຊ່ວງບ່າຍວັນອັງຄານ, ເປັນຂະບວນລົດດ່ວນຈາຟຟາຫ໌ ເອັກສ໌ເພຼສທີ່ເດີນທາງຈາກເມືອງເກຕຕາເມືອງເອກຂອງແຂວງບາໂລຈິສຖານທາງພາກຕາເວັນຕົກເພື່ອໄປຍັງເມືອງເປຊາວາໃນແຂວງໄຄເບີປັກຕຸນຄວາ ທາງພາກຕາເວັນຕົກສ່ຽງເໜືອ. ກຸ່ມບີແອລເອຮຽກຮ້ອງໃຫ້ທາງການປ່ອຍຕົວນັກໂທດແລະນັກເຄື່ອນໄຫວຂອງທາງກຸ່ມທີ່ຖືກຄຸມຂັງຢູ່ໃນເຮືອນຈໍາພາຍໃນເວລາ 48 ຊົ່ວໂມງ ແລະຫ້າມທະຫານປະຕິບັດການຕອບໂຕ້ ບໍ່ດັ່ງນັ້ນຈະລົງມືສັງຫານຕົວປະກັນ

 

ສະແດງຄຳຄິດເຫັນ