ສ່ວນທີ່ລັດແຄນຊັສມີຜູ້ເສຍຊີວິດຢ່າງໜ້ອຍ 8 ຄົນຈາກອຸບັດຕິເຫດລົດຊົນກັນກວ່າ 70 ຄັນເຊິ່ງມີສາເຫດມາຈາກພາຍຸຝຸ່ນ. ນອກຈາກນີ້ທີ່ລັດເທັກຊັສກໍເກີດພາຍຸຝຸ່ນດ້ວຍເຊັ່ນກັນ, ສົ່ງຜົນໃຫ້ລົດຊົນກັນ 38 ຄັນຮວດ, ເປັນເຫດໃຫ້ມີຜູ້ເສຍຊີວິດຢ່າງໜ້ອຍ 4 ຄົນ, ແລະ ທີ່ລັດອາກັນຊໍທາງການລາຍງານມີຜູ້ເສຍຊີວິດ 3 ຄົນ ແລະ ບາດເຈັບ 29 ຄົນ.

ຈົນເຖິງຂະນະນີ້ທົ່ວທັງພູມິພາກຍັງມີປະຊາຊົນກວ່າ 320,000 ຄົນບໍ່ມີໄຟຟ້າໃຊ້, ຂະນະທີ່ລັດອາກັນຊໍ, ຈໍເຈຍ, ແລະ ໂອກລາໂຮມາ ຕ້ອງປະກາດສະຖານະການສຸກເສີນ. ແລະ ບາງພື້ນທີ່ໃນ 9 ລັດທັງພາກໃຕ້ ແລະ ຕາເວັນຕົກຕອນກາງ, ທາງການມີຄຳເຕືອນໃຫ້ປະຊາຊົນລະວັງອັນຕະລາຍຈາກສະຖານະການນ້ຳຖ້ວມດ້ວຍ. ດ້ານປະທານາທິບໍດີໂດນັລທຣຳ ເຜີຍມີການສົ່ງທະຫານເຂົ້າໄປຊ່ວຍເຫຼືອປະຊາຊົນໃນລັດອາກັນຊໍແລ້ວ ແລະ ຮັບປາກວ່າລັດຖະບານຈະໃຫ້ການຊ່ວຍເຫຼືອທຸກລັດທີ່ໄດ້ຮັບຜົນກະທົບຈາກໄພພິບັດໃນຄັ້ງນີ້.-816(814).-ສຳນັກຂ່າວໄທ