ຝ່າຍບໍລິຫານຂອງປະທານາທິບໍດີ “ໂດນັລ ທຣໍາ” ໄດ້ປະກາດຍົກເລີກສະຖານະທາງກົດໝາຍຊົ່ວຄາວຂອງຜູ້ອົບພະຍົບກວ່າ 530,000 ຄົນຈາກ 4 ປະເທດ ໄດ້ແກ່ ຄິວບາ, ເຮຕິ, ນິກາຣາກົວ ແລະ ເວເນຊູເອລາ

ຊຶ່ງເຄີຍໄດ້ຮັບອະນຸຍາດໃຫ້ເຂົ້າປະເທດສະຫະລັດອາເມຣິກາໃນຊ່ວງການດໍາລົງຕໍາແໜ່ງຂອງປະທານາທິບໍດີໂຈ ໄບເດັນ. ການຕັດສິນໃຈນີ້ຈະມີຜົນບັງຄັບໃຊ້ໃນວັນທີ 24 ເມສາ 2025 ເຮັດໃຫ້ຜູ້ໄດ້ຮັບຜົນກະທົບຕ້ອງອອກຈາກປະເທດຫຼືເຜີຊິນກັບການຖືກເນລະເທດ.

ໂຄງການ “humanitarian parole” ເລີ່ມຕົ້ນໃນປີ 2022 ໂດຍລັດຖະບານໄບເດັນ ເພື່ອຈັດການກັບການເພີ່ມຂຶ້ນຂອງຜູ້ອົບພະຍົບບໍລິເວນຊາຍແດນສະຫະລັດ ໂດຍອະນຸຍາດໃຫ້ຜູ້ອົບພະຍົບຈາກປະເທດດັ່ງກ່າວເຂົ້າມາຢູ່ແລະເຮັດວຽກໃນສະຫະລັດອາເມຣິກາເປັນໄລຍະເວລາສອງປີ ແລະ ໄດ້ຮັບການສະໜັບສະໜູນທາງການເງິນ. ຢ່າງໃດກໍຕາມ, ຝ່າຍບໍລິຫານຂອງທຣໍາລະບຸວ່າບໍ່ມີເຫດຜົນດ້ານມະນຸດສະທໍາຫຼືປະໂຫຍດສາທາລະນະໃນການໃຫ້ຜູ້ອົບພະຍົບເຫຼົ່ານີ້ຢູ່ຕໍ່ໄປ.

ການຍົກເລີກໂຄງການໃນຄັ້ງນີ້ໄດ້ຮັບການວິພາກວິຈານຈາກນັກກົດໝາຍ ແລະ ນັກເຄື່ອນໄຫວ ໂດຍມີການຍື່ນຟ້ອງຕໍ່ສານລັດຖະບານກາງເພື່ອທ້າທາຍຄວາມຖືກຕ້ອງຕາມກົດໝາຍຂອງການຍົກເລີກໂຄງການ.

ການຕັດສິນໃຈນີ້ສະທ້ອນເຖິງແນວໂນ້ມຂອງຝ່າຍບໍລິຫານຂອງທຣໍາໃນການຈໍາກັດເສັ້ນທາງທາງກົດໝາຍສໍາລັບຜູ້ອົບພະຍົບ ຊຶ່ງອາດເຮັດໃຫ້ຫຼາຍຄົນສ່ຽງຕໍ່ການຖືກເນລະເທດ.

ສະແດງຄຳຄິດເຫັນ