ໂຕກຽວ 26 ມີນາ – ໄຟປ່າທີ່ເລີ່ມຕົ້ນຂຶ້ນທີ່ແຂວງເອຮິເມະ ຂອງຍີ່ປຸ່ນເກີດຂຶ້ນຕໍ່ເນື່ອງເປັນວັນທີ 4 ແລ້ວໃນວັນນີ້ ໂດຍເຜົາທຳລາຍພື້ນທີ່ໄປແລ້ວເກືອບ 2,000 ໄຮ່ ແລະ ສົ່ງຜົນໃຫ້ຕ້ອງອົບພະຍົບປະຊາຊົນຫຼາຍພັນຄົນ

 

ເອັນເອຊເຄ ສື່ສາທາລະນະຂອງຍີ່ປຸ່ນ ລາຍງານວ່າ ປະຊາຊົນເກືອບ 6,000 ຄົນ ໄດ້ຮັບຄຳສັ່ງໃຫ້ອົບພະຍົບອອກຈາກບ້ານເຮືອນໃນເມືອງອິມາບາລິ ເນື່ອງຈາກເພີງໄໝ້ເຜົາຜານອາຄານໄປແລ້ວຫຼາຍຫຼັງນັບຕັ້ງແຕ່ວັນອາທິດທີ່ຜ່ານມາ ກະທົບກັບການຈະລາຈອນ ແລະ ຕ້ອງປິດທາງຫຼວງ

 

 

ເຈົ້າໜ້າທີ່ດັບເພີງພະຍາຍາມໃນການຄວບຄຸມໄຟປ່າ ຊຶ່ງຍັງບໍ່ມີສັນຍານວ່າຈະຫຼຸດລົງ ຫຼື ຄວບຄຸມໄດ້ ໃນຂະນະດຽວກັນ ເຮລິຄອບເຕີຖືກສົ່ງໄປໃຊ້ໃນການດັບເພີງທາງອາກາດ

 

ໄຟປ່າຍັງເກີດຂຶ້ນອີກຈຸດໜຶ່ງໃນວັນອາທິດທີ່ແຂວງໂອກາຍາມາ ທາງຕາເວັນຕົກສ່ຽງໃຕ້ຂອງຍີ່ປຸ່ນ ເຜີຍທຳລາຍພື້ນທີ່ໄປແລ້ວ 2,645 ໄຮ່ ແລະ ທາງການຕັ້ງສັ່ງອົບພະຍົບປະຊາຊົນຣາວ 2,000 ຄົນ ເອັນເອຂເຄ ລາຍງານວ່າ ອາຄານ 6 ຫຼັງຖືກເຜົາທຳລາຍເສຍຫາຍແຕ່ບໍ່ມີຜູ້ໃດໄດ້ຮັບບາດເຈັບທີ່ແຂວງນີ້

 

ເມື່ອວັນອັງຄານ ຍັງມີໄຟປ່າອີກຈຸດໜຶ່ງທີ່ແຂວງມິຍາຊາກິ ເຜົາທຳລາຍພື້ນທີ່ໄປ 312 ໄຮ່ ແລະ ທາງຈັງຫວັດສັ່ງອົບພະຍົບປະຊາຊົນ 70 ຄົວເຮືອນ.

 

 

ສະແດງຄຳຄິດເຫັນ