site cov (16)
ຈີນຮຽກຮ້ອງສະຫະລັດ 'ຍົກເລີກ' ຄຳສັ່ງການຂຶ້ນພາສີທັນທີ ແລະ ຢືນຢັນພ້ອມ 'ຕອບໂຕ້' ເພື່ອປົກປ້ອງຜົນປະໂຫຍດ
ຮຽບຮຽງໂດຍ:Soulinda
ເຜີຍແຜ່: 4 April, 2025
ໝວດ: ຂ່າວ

ລັດຖະບານຈີນອອກມາຮຽກຮ້ອງມື້ນີ້ 3 ເມສາ ໃຫ້ສະຫະລັດ “ຍົກເລີກ” ຄຳສັ່ງຮີດພາສີສຸນລະກາກອນລ່າສຸດໃນທັນທີ ພ້ອມເຕືອນວ່າຈີນຈະກຳນົດມາດຕະການຕອບໂຕ້ເພື່ອປົກປ້ອງຜົນປະໂຫຍດຂອງຕົນເອງ ຫຼັງຈາກທີ່ປະທານາທິບໍດີ ໂດນັລ ທຣຳ ແຫ່ງສະຫະລັດ ປະກາດຂຶ້ນພາສີຕອບໂຕ້ປະເທດຄູ່ຄ້າທົ່ວໂລກ ບໍ່ເວັ້ນແມ່ນແຕ່ຊາດພັນທະມິດ

 

ກະຊວງການຄ້າ​ຈີນ​ລະ​ບຸ​ວ່າ ຄວາມ​ເຄື່ອນ​ໄຫວ​ຂອງ​ສະ​ຫະ​ລັດ ບໍ່​ຄຳ​ນຶງ​ເຖິງ​ຜົນ​ປະ​ໂຫຍດ​ທີ່​ໄດ້​ຮັບ​ຈາກ​ການ​ເຈ​ລະ​ຈາ​ການ​ຄ້າ​ພະ​ຫຸ​ພາ​ຄີ​ຕະ​ຫຼອດ​ຊ່ວງ​ຫຼາຍ​ປີ​ທີ່​ຜ່ານ​ມາ ລວມ​ໄປ​ເຖິງ​ຂໍ້​ເທັດ​ຈິງ​ທີ່​ວ່າ​ສະ​ຫະ​ລັດ​ເອງ​ກໍ​ໄດ້​ປະ​ໂຫຍດ​ມະ​ຫາ​ສານ​ຈາກ​ການ​ຄ້າ​ລະ​ຫວ່າງ​ປະ​ເທດ

 

“ຈີນຂໍຄັດຄ້ານເລື່ອງນີ້ຢ່າງຈິງຈັງ ແລະ ຈະມີມາດຕະການຕອບໂຕ້ເພື່ອປົກປ້ອງສິດ ແລະ ຜົນປະໂຫຍດຂອງພວກເຮົາເອງ”

 

ກະຊວງການຄ້າຈີນແຖລງ ທຣຳ ປະກາດອັດຕາພາສີຕອບໂຕ້ຈີນ 34% ໃນວັນພຸດ 2 ເມສາ ເພີ່ມເຕີມຈາກທີ່ເກັບແລ້ວ 20% ເມື່ອຕົ້ນປີນີ້ ເຮັດໃຫ້ອັດຕາພາສີ-ອາກອນສຳລັບສິນຄ້າຈີນທີ່ນຳເຂົ້າສະຫະລັດ ພຸ່ງຂຶ້ນໄປຢູ່ທີ່ 54% ໃກ້ຄຽງກັບຕົວເລກ 60% ທີ່ ທຣຳ ເຄີຍຂູ່ເອົາໄວ້ໃນຊ່ວງຫາສຽງເລືອກຕັ້ງ

 

ຜູ້ສົ່ງອອກຈີນລວມໄປເຖິງຜູ້ສົ່ງອອກຈາກປະເທດອື່ນໆ ຈະເລີ່ມຖືກສະຫະລັດ ເກັບພາສີຂັ້ນຕ່ຳສຸດ 10% ຕັ້ງແຕ່ວັນເສົານີ້ 5 ເມສາ ກ່ອນທີ່ອັດຕາພາສີຕອບໂຕ້ສູງສຸດທີ່ ທຣຳ ປະກາດຈະເລີ່ມມີຜົນບັງຄັບໃຊ້ໃນວັນທີ 9 ເມສາ.

 

ຜູ້ນຳສະຫະລັດ ຍັງໄດ້ລົງນາມຄຳສັ່ງບໍລິຫານຍົກເລີກກົດ de minimis ເຊິ່ງເປັນຊ່ອງຫວ່າງທີ່ເຄີຍເປີດທາງໃຫ້ສິນຄ້າລາຄາຖືກຈາກຈີນ ແລະ ຮ່ອງກົງທີ່ມີມູນຄ່າບໍ່ເກີນ 800 ດອນລາຖືກນຳເຂົ້າສະຫະລັດ ໄດ້ໂດຍບໍ່ຕ້ອງເສຍພາສີ

 

ຣູບີ ອອສມັນ ຜູ້ຊ່ຽວຊານດ້ານຈີນຈາກສະຖາບັນ Tony Blair Institute for Global Change ມອງວ່າ “ຄຳສັ່ງຂຶ້ນພາສີຂອງປະທານາທິບໍດີ ທຣຳ ຕໍ່ຊາດອື່ນໆ ໜ້າຈະກໍ່ບັນຫາຫຼາຍກວ່າ”

 

“ບໍລິສັດຂອງຈີນໂຍກຍ້າຍເສັ້ນທາງການຄ້າຜ່ານໄປຍັງຫວຽດນາມ ແລະ ເມັກຊິໂກເພື່ອຫຼົບຫຼີກມາດຕະການຄວ່ຳບາດຂອງສະຫະລັດ ຢູ່ແລ້ວ ແຕ່ຕອນນີ້ປະເທດເຫຼົ່ານີ້ກໍມາຖືກສະຫະລັດ ຮີດພາສີສະຖານໜັກເສຍເອງດ້ວຍ”

 

ຜູ້ສົ່ງອອກຈີນ ແລະ ບໍລິສັດຂ້າມຊາດອີກຫຼາຍແຫ່ງໄດ້ປັບຕົວມາໃຊ້ກົນລະຍຸດ China+1 ເຊິ່ງໝາຍເຖິງການຫຼີກລ່ຽງການລົງທຶນສະເພາະໃນຈີນແລະກະຈາຍທຸລະກິດໄປຍັງປະເທດອື່ນໆ ເພື່ອຫຼຸດຄວາມສ່ຽງໃນຍຸກລັດຖະບານທຣຳເທີມໜຶ່ງ ແຕ່ວ່າເມື່ອອິນເດຍ ເມັກຊິໂກ ຫວຽດນາມ ແລະ ມາເລເຊຍ ເຊິ່ງເປັນກຸ່ມປະເທດທີ່ເຄີຍໄດ້ຮັບປະໂຫຍດຫຼາຍທີ່ສຸດຈາກແນວທາງນີ້ມາຖືກສະຫະລັດ ຂຶ້ນພາສີລະຫວ່າງ 24% ເຖິງ 46% ຄວາມໄດ້ປຽບທາງຕົ້ນທຶນຈາກການຍ້າຍຖານການຜະລິດອອກນອກຈີນກໍຫຼຸດລົງໄປຫຼາຍ.

 

 

ມາດຕະການຮີດພາສີລ່າສຸດຂອງ ທຣຳ ອາດກະຕຸ້ນໃຫ້ຈີນຫັນໄປກະຊັບສຳພັນການຄ້າກັບກຸ່ມຕະຫຼາດທາງເລືອກອື່ນໆ ແຕ່ປັດຈຸບັນຕ້ອງຍອມຮັບວ່າ ຍັງບໍ່ມີຊາດໃດໃນໂລກທີ່ມີພະລັງການບໍລິໂພກສູງທຽບເທົ່າສະຫະລັດ ເຊິ່ງຜູ້ຜະລິດຈີນສາມາດສົ່ງອອກສິນຄ້າໄປຂາຍຄິດເປັນມູນຄ່າຫຼາຍກວ່າ 400,000 ລ້ານດອນລາຕໍ່ປີ

 

“ຄຳສັ່ງຂຶ້ນພາສີຂອງ ທຣຳ ແນ່ນອນວ່າບໍ່ເປັນຜົນດີຕໍ່ຜູ້ຜະລິດຈີນ ແລະ ຈະສ້າງຄວາມເຈັບປວດໃຫ້ກັບອຸດສາຫະກຳບາງປະເພດ ແຕ່ຄົງຈະບໍ່ສົ່ງຜົນກະທົບຮຸນແຮງຕໍ່ເສດຖະກິດຂອງຈີນ” ວິນລຽມ ເຮີສຕ໌ ສາດສະຕາຈານຜູ້ຊ່ຽວຊານດ້ານການພັດທະນາຂອງຈີນຈາກມະຫາວິທະຍາໄລເຄມບຣິດຈ໌ ໃຫ້ຄວາມເຫັນ

 

“ການສົ່ງອອກໄປສະຫະລັດ ເລີ່ມມີຄວາມສຳຄັນຕໍ່ຈີນຫຼຸດລົງເລື້ອຍໆ ການຂຶ້ນພາສີຂອງສະຫະລັດ ຈະຍິ່ງເຮັດໃຫ້ຈີນຫັນໄປຄ້າຂາຍກັບປະເທດອື່ນໆ ຫຼາຍຂຶ້ນ ເຊັ່ນ: ຢູໂຣບ ອາຊີຕາເວັນອອກສຽງໃຕ້ ແລະ ແອຟຣິກາ”

 

ຢ່າງໃດກໍຕາມ ຜູ້ຜະລິດຈີນຫຼາຍລາຍຊີ້ວ່າ ການປັບໄປສູ່ຕະຫຼາດທາງເລືອກນັ້ນກໍ່ໃຫ້ເກີດການແຂ່ງຂັນ ແລະ ການຕັດລາຄາກັນເອງໃນໝູ່ຜູ້ສົ່ງອອກ ແລະ ສ່ຽງທີ່ຈະເປັນປັນຫາເງິນຝືດໃນຈີນເຊິ່ງມີເສດຖະກິດໃຫຍ່ເປັນອັນດັບ 2 ຂອງໂລກ

 

ຈີນຍັງຄົງກຳນົດເປົ້າໝາຍການເຕີບໂຕທາງເສດຖະກິດເອົາໄວ້ທີ່ “ປະມານ 5%” ໃນປີນີ້ ເຖິງວ່າຈະຖືກ ທຣຳ ຮົວກະສຸນພາສີໃສ່ແບບບໍ່ຢຸດຢ່ອນ

 

ລັດຖະບານຈີນໃຫ້ຄຳໝັ້ນສັນຍາວ່າຈະອອກມາດຕະການກະຕຸ້ນເສດຖະກິດ ເພີ່ມການອອກພັນທະບັດ ໃຊ້ມາດຕະການຜ່ອນຄາຍທາງການເງິນ ແລະ ເນັ້ນກະຕຸ້ນອຸປະສົງພາຍໃນປະເທດເພື່ອບັນເທົາຜົນກະທົບຈາກສົງຄາມການຄ້າທີ່ທະວີຄວາມຮຸນແຮງຂຶ້ນ

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Thursday, 17 July, 2025
ສະກຸນເງິນ
ຊື້
ຂາຍ
united-states
USD
21,417
21,692
thailand (1)
THB
659.53
669.69
european-union
EUR
23,934
24,413
china
CNY
2,909
2,967
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Thursday, 27 March, 2025
ຊະນິດນ້ຳມັນ
ລາຄາ
28,230
22,560
18,370
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Wednesday, 11 June, 2025
ປະເພດ
ລາຄາຊື້
ລາຄາຂາຍ
34,990,000
35,520,000
34,640,000
35,629,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
pele - 2025-07-17T104559.345
ງານລ້ຽງສະເຫຼີມສະຫຼອງ ສາຍພົວພັນການທູດ ລາວ-ຟີລິບປິນ ຄົບຮອບ 70 ປີ ແລະ ວັນຊາດ ຟີລິບປິນ ຄົບຮອບ 127 ປີ ທີ່ ນະຄອນຫຼວງວຽງຈັນ
_cover - 2025-07-17T105822.123
ທຣຳກົດດັນຈີນຈະ"ປະຫານຊີວິດ" ຜູ້ຜະລິດສານເຟັນທານິລ ເພື່ອເປັນການລົງໂທດຈີນໃນການສົ່ງຢາໂຕນີ້ເຂົ້າມາໃນປະເທດ
_cover - 2025-07-17T103120.864
ເກົາຫຼີໃຕ້ "ແຈກເງິນປະຊາຊົນ" 150,000 ວອນ ກະຕຸ້ນເສດຖະກິດ ແຈກແນວໃດ? ຄົນຕ່າງປະເທດກໍມີສິດໄດ້ຮັບເງິນນຳ
site cover1 (53)
Nvidia ແລະ AMD ກະກຽມກັບຄືນມາສົ່ງຊິບ AI ໄປຈີນອີກຄັ້ງ
pele - 2025-07-17T094853.382
ສາທາລະນະສຸກເມືອງຕະໂອ້ຍ ກວດພົບສິນຄ້າໝົດອາຍຸ ແລະ ເສື່ອມຄຸນະພາບ 866 ລາຍການ
_cover - 2025-07-17T094542.789
ເງິນເຟີ້ສະຫະລັດເພີ່ມຂຶ້ນສູງຮັບພາສີທຣຳ ເພີ່ມໂອກາດໃຫ້ທະນາຄານກາງສະຫະລັດ (ເຟດ) ຍັງຄົງອັດຕາດອກເບ້ຍໃນລະດັບສູງ
site cover1 - 1
ທີມຊາດລາວ ສະເໝີກັບ​ ທີມຊາດກຳປູເຈຍ 1-1 ໃນການແຂ່ງຂັນ​ກິລາ​ບານເຕະ​ຊາຍ​ ຮຸ່ນ​ອາຍຸ​ບໍ່ເກີນ​ 23​ ປີ​ ຊິງ​ແຊ້ມ​ອາຊຽນ​ 2025​ ທີ່ອິນໂດເນເຊຍ.
_cover - 2025-07-16T161824.806
ຮື້ປ້າຍທີ່ບໍ່ຖືກລະບຽບ ແລະ ມ້າງເທີບເງີບ ທີ່ກວມທາງສາທາລະນະ ເຂດຖະໜົນອາຊຽນ ເສັ້ນທາງ T2 ບ້ານອຸບມຸງ, ເມືອງສີໂຄດຕະບອງ
_cover - 2025-07-16T152852.893
ລັດຖະມົນຕີປະເທດຄິວບາລາອອກ ຫຼັງກ່າວວ່າປະເທດບໍ່ມີຂໍທານ ເພາະຄົນທີ່ຄົ້ນຂີ້ເຫຍື້ອກໍ່ເຮັດເຊັ່ນນັ້ນເພາະເລືອກທີ່ຈະຫາ "ເງິນງ່າຍໆ"
_cover - 2025-07-16T144745.125
ຈີນເປີດໂຕລົດໄຟຄວາມໄວສູງ "Maglev" ຄວາມໄວ 600 ກິໂລແມັດຕໍ່ຊົ່ວໂມງ ອາດຈະເປັນລົດໄຟທີ່ໄວທີ່ສຸດໃນໂລກ
ຢ່າລື່ມກົດຕິດຕາມ