site cov (24)
"ເຢຍລະມັນ" ກຽມຂົນຄຳແທ່ງໜັກ 1,200 ໂຕນ ທີ່ຝາກໄວ້ໃນຫ້ອງນິລະໄພໃຕ້ດິນຂອງ "ສະຫະລັດ" ກັບບ້ານ, ຫຼັງ "ທຣໍາ" ເຮັດທົ່ວໂລກປັ່ນປ່ວນ
ຮຽບຮຽງໂດຍ:Soulinda
ເຜີຍແຜ່: 7 April, 2025
ໝວດ: ຂ່າວ

ມີລາຍງານເບີລິນກໍາລັງຢູ່ລະຫວ່າງການພິຈາລະນາທີ່ຈະເຄື່ອນຍ້າຍທອງຄໍາແທ່ງຈໍານວນມະຫາສານທີ່ຝາກໄວ້ໃນນິວຢອກຫຼັງວິຕົກຢ່າງໜັກເຖິງນະໂຍບາຍທີ່ບໍ່ສາມາດຄາດເດົາໄດ້ຂອງຜູ້ນໍາອາເມລິກັນຄົນໃໝ່

 

ເດລີເທເລກຣາຟຂອງອັງກິດລາຍງານວັນສຸກ 4 ເມສາ ວ່າ ໜັງສືພິມເຢຍລະມັນບິລດ໌ (Bild) ອອກມາເປີດເຜີຍວ່າ ລະດັບສູງໃນພັກຄຣິສເຕຍນເດໂມແຄຣດຢູເນຍນ CDU ທີ່ມີກໍານົດຈະເປັນລັດຖະບານເບີລິນຊຸດທີ່ກໍາລັງຈະເຂົ້າບໍລິຫານ ມີຂ່າວຫາລືການເຄື່ອນຍ້າຍທອງຄໍາແທ່ງຈໍານວນມະຫາສານຂອງເຢຍລະມັນທີ່ຝາກໄວ້ໃນຕູ້ເຊັບໃຕ້ດິນຂອງທະນາຄານກາງສະຫະລັດອາເມລິກາ ຫຼື ເຟດທີ່ແມນແຮັດຕັນກັບມາເກັບໃນປະເທດແທນ.

 

ເກີດຂຶ້ນຈາກຄວາມວິຕົກກັງວົນ ຕໍ່ພຶດຕິກໍາປະທານາທິບໍດີອາເມລິກັນຄົນໃໝ່ ໂດນັລດ໌ ທຣໍາ ທີ່ສ້າງຄວາມປັ່ນປ່ວນໄປທົ່ວໂລກ ແລະ ສະຫະລັດອາເມລິກາ.

 

ພາຍໃຕ້ລັດຖະບານທຣໍາກາຍເປັນຄວາມບໍ່ແນ່ນອນພາຍໃນເຫຼົ່າຊາດພັນທະມິດທັງຫຼາຍ, ຕັ້ງແຕ່ໃຊ້ວາທະຣັດເຊຍເລັ່ນງານນາໂຕ ແລະ ບໍ່ເຊື້ອເຊີນຢູໂຣບຕາເວັນຕົກເຂົ້າຮ່ວມໃນແຜນສັນຕິພາບຢູເຄຣນ.

 

ແຊັດພາຍໃນທີ່ເປີດເຜີຍອອກມາໂດຍນັກຂ່າວແອັດແລນຕິກຍັງສະແດງໃຫ້ເຫັນວ່າ ຮອງປະທານາທິບໍດີສະຫະລັດອາເມລິກາ ຈາກລັດໂອໄຮໂອ ເຈດີ ແວນຊ໌ ເປັນປະຕິປັກກັບຢູໂຣບ ແລະ ຫຼ້າສຸດທຣໍາຍັງຖິ້ມລະເບີດໂດຍການປະກາດຮຽກເກັບພາສີທຸກປະເທດທົ່ວໂລກ, ສະຫະພາບຢູໂຣບ EU ຖືກເກັບອັດຕາ 20% ທ່າມກາງຂ່າວຜູ້ນໍາອາເມລິກັນຄົນໃໝ່ຕິດຕໍ່ກັບປູຕິນຕະຫຼອດຫຼາຍຄັ້ງ ຂັດທໍາມະນຽມປະຕິບັດຊາດປີກໂລກເສລີທັງຫຼາຍ.

 

ແລະ ຫຼ້າສຸດພາຍໃນອາເມລິກາເກີດຄວາມວຸ້ນວາຍ, ປະຊາຊົນອາເມລິກັນປະທ້ວງໃຫຍ່ຕາມເມືອງຕ່າງໆທົ່ວສະຫະລັດອາເມລິກາວັນເສົາ 5 ເມສາ ບໍ່ອົດທົນກັບນະໂຍບາຍທຣໍາຫຼ້າສຸດໃຊ້ມາດຕະການພາສີທີ່ຈະກະທົບຕໍ່ຊີວິດຄວາມເປັນຢູ່ປະຊາຊົນໃນອາເມລິກາ,

 

 

ກ່ອນໜ້າໄຂ່ແພງທຣໍາຍັງສັ່ງຍຸບໜ່ວຍງານລັດ ເຮັດເຈົ້າໜ້າທີ່ລັດຕົກງານມະຫາສານ, ລາຄາໄຂ່ແພງຂຶ້ນ, ເນລະເທດຄັ້ງໃຫຍ່ລະເມີດອໍານາດຄໍາສັ່ງສານ, ປິດປາກການປະທ້ວງພາຍໃນມະຫາວິທະຍາໄລຊັ້ນນໍາ, ຊາດຕ່າງໆໃນຢູໂຣບອອກຄໍາເຕືອນພົນລະເມືອງເດີນທາງມາສະຫະລັດອາເມລິກາມີສິດຖືກສົ່ງຕົວກັບ, ເປັນຕົ້ນ.

 

ເດລີເທເລກຣາຟລາຍງານວ່າ ເປັນເວລານານຫຼາຍສິບປີທີ່ເຢຍລະມັນໄດ້ເກັບທອງຄໍາແທ່ງຈໍານວນ 1,200 ໂຕນ ຊຶ່ງເປັນກອງທຶນສໍາຮອງປະເທດ ແລະ ມີຈໍານວນຫຼາຍທີ່ສຸດເປັນອັນດັບ 2 ຮອງຈາກສະຫະລັດອາເມລິກາ.

 

ໂດຍທອງຄໍາແທ່ງເຫຼົ່ານີ້ເກັບໄວ້ໃນຫ້ອງນິລະໄພໃຕ້ດິນລັບສຸດຍອດຂອງທະນາຄານກາງສະຫະລັດອາເມລິກາ ຫຼື ເຟດ ທີ່ແມນແຮັດຕັນ.

 

ມາໂກ ວັນເດີວິດ (Marco Wanderwitz) ອະດີດລັດຖະມົນຕີເຢຍລະມັນພັກ CDU ໄດ້ເປີດເຜີຍກັບໜັງສືພິມບິລດ໌ວ່າ “ແນ່ນອນທີ່ສຸດ, ຄໍາຖາມເກີດຂຶ້ນມາ”.

 

ມາໂກ ວັນເດີວິດ (Marco Wanderwitz)

 

ວັນເດີວິດ ນັ້ນສະໜັບສະໜູນມາຢ່າງຍາວນານທີ່ຈະເປີດໂອກາດໃຫ້ເຈົ້າໜ້າທີ່ເຢຍລະມັນສາມາດກວດສອບທອງຄໍາແທ່ງເຫຼົ່ານີ້ຢ່າງສະໝໍ່າສະເໝີ ຫຼື ສາມາດຖອນອອກໄປໄດ້ທັງໝົດ.

 

ພົບວ່າກ່ອນໜ້າລາວເຄີຍພະຍາຍາມມາລັອບບີ້ເພື່ອເດີນທາງໄປຍັງຫ້ອງນິລະໄພໃຕ້ດິນຂອງເຟດສະຫະລັດອາເມລິກາ ແລະ ກວດສອບທອງຄໍາແທ່ງເຫຼົ່ານີ້ດ້ວຍຕົວເອງ, ແຕ່ເປັນທີ່ໜ້າເສຍດາຍວ່າຄໍາຂໍຂອງລາວຖືກປະຕິເສດໃນປີ 2012.

 

ເຢຍລະມັນກັບມາຮຸ່ງເຮືອງຫຼັງສົງຄາມໂລກຄັ້ງທີ 2 ສິ້ນສຸດເມື່ອການສົ່ງອອກຮຸ່ງເຮືອງສົ່ງຜົນເຮັດໃຫ້ເບີລິນມີການເກີນດຸນທາງການຄ້າຢ່າງມະຫາສານ ແລະ ເຮັດໃຫ້ການເກີນດຸນທາງການຄ້າກາຍເປັນທອງຄໍາແທ່ງສໍາລັບທຶນສໍາຮອງປະເທດພາຍໃຕ້ລະບົບເບຣດຕັນ ວູດສ໌ (Bretton Woods system).

 

ຂະນະທີ່ສະມາຊິກລັດຖະສະພາຢູໂຣບຈາກພັກ CDU ຂອງເຢຍລະມັນ, ມາກັສ ເຟີເບີ (Markus Ferber) ເປັນອີກຄົນຈາກພັກ CDC ທີ່ສະແດງຄວາມເຫັນວ່າ ເຈົ້າໜ້າທີ່ເຢຍລະມັນສົມຄວນໄດ້ຮັບອະນຸຍາດໃຫ້ເຂົ້າໄປກວດສອບທອງຄໍາແທ່ງຂອງຕົວເອງໄດ້.

 

ມາກັສ ເຟີເບີ (Markus Ferber)

 

“ລາວຮຽກຮ້ອງໃຫ້ມີການກວດສອບທອງຄໍາສໍາຮອງຂອງເຢຍລະມັນຢ່າງສະໝໍ່າສະເໝີ, ເຈົ້າໜ້າທີ່ຕົວແທນຈາກທະນາຄານກາງເຢຍລະມັນ Bundesbank ຕ້ອງເປັນຄົນໄປນັບທອງຄໍາແທ່ງເຫຼົ່ານັ້ນດ້ວຍຕົວເອງ ແລະ ບັນທຶກຜົນການກວດນັບ”.

 

ເດລີເທເລກຣາຟລາຍງານວ່າ ນັກການເມືອງທັງສອງຕ່າງໃຫ້ສໍາພາດກັບໜັງສືພິມບິລດ໌ກ່ອນປະທານາທິບໍດີທຣໍາຈະປະກາດຮຽກເກັບພາສີນໍາເຂົ້າດິນແດນສະຫະລັດອາເມລິກາຈາກທົ່ວໂລກ.

 

ທັງນີ້ມີການຄາດການວ່າ ທຶນສໍາຮອງເຢຍລະມັນທີ່ຝາກໄວ້ໃນຫ້ອງນິລະໄພໃຕ້ດິນໃນສະຫະລັດອາເມລິກາມີມູນຄ່າລວມກັນ 113 ພັນລ້ານຢູໂຣ ແລະ ຄິດເປັນ 30% ຂອງທອງຄໍາສໍາຮອງທົ່ວໂລກ.

 

ໄມເຄິນ ເຢເກີ (Michael Jäger) ສະມາຊິກສະມາພັນຜູ້ເສຍພາສີຢູໂຣບ (Taxpayers Association of Europe) ສະແດງຄວາມເຫັນເຊັ່ນກັນວ່າ: ຈະເປັນການດີກວ່າສໍາລັບເມືອງເບຍໃນການນໍາທອງຄໍາແທ່ງທຶນສໍາຮອງທັງໝົດຂອງເຢຍລະມັນມາເກັບໄວ້ໃນແຟຣງເຟີດ ຫຼື ຢ່າງໜ້ອຍຄວນເກັບໄວ້ທີ່ຢູໂຣບໂດຍເລັ່ງດ່ວນທີ່ສຸດເທົ່າທີ່ຈະເລັ່ງໄດ້.

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Thursday, 17 July, 2025
ສະກຸນເງິນ
ຊື້
ຂາຍ
united-states
USD
21,417
21,692
thailand (1)
THB
659.53
669.69
european-union
EUR
23,934
24,413
china
CNY
2,909
2,967
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Thursday, 27 March, 2025
ຊະນິດນ້ຳມັນ
ລາຄາ
28,230
22,560
18,370
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Wednesday, 11 June, 2025
ປະເພດ
ລາຄາຊື້
ລາຄາຂາຍ
34,990,000
35,520,000
34,640,000
35,629,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
pele - 2025-07-17T104559.345
ງານລ້ຽງສະເຫຼີມສະຫຼອງ ສາຍພົວພັນການທູດ ລາວ-ຟີລິບປິນ ຄົບຮອບ 70 ປີ ແລະ ວັນຊາດ ຟີລິບປິນ ຄົບຮອບ 127 ປີ ທີ່ ນະຄອນຫຼວງວຽງຈັນ
_cover - 2025-07-17T105822.123
ທຣຳກົດດັນຈີນຈະ"ປະຫານຊີວິດ" ຜູ້ຜະລິດສານເຟັນທານິລ ເພື່ອເປັນການລົງໂທດຈີນໃນການສົ່ງຢາໂຕນີ້ເຂົ້າມາໃນປະເທດ
_cover - 2025-07-17T103120.864
ເກົາຫຼີໃຕ້ "ແຈກເງິນປະຊາຊົນ" 150,000 ວອນ ກະຕຸ້ນເສດຖະກິດ ແຈກແນວໃດ? ຄົນຕ່າງປະເທດກໍມີສິດໄດ້ຮັບເງິນນຳ
site cover1 (53)
Nvidia ແລະ AMD ກະກຽມກັບຄືນມາສົ່ງຊິບ AI ໄປຈີນອີກຄັ້ງ
pele - 2025-07-17T094853.382
ສາທາລະນະສຸກເມືອງຕະໂອ້ຍ ກວດພົບສິນຄ້າໝົດອາຍຸ ແລະ ເສື່ອມຄຸນະພາບ 866 ລາຍການ
_cover - 2025-07-17T094542.789
ເງິນເຟີ້ສະຫະລັດເພີ່ມຂຶ້ນສູງຮັບພາສີທຣຳ ເພີ່ມໂອກາດໃຫ້ທະນາຄານກາງສະຫະລັດ (ເຟດ) ຍັງຄົງອັດຕາດອກເບ້ຍໃນລະດັບສູງ
site cover1 - 1
ທີມຊາດລາວ ສະເໝີກັບ​ ທີມຊາດກຳປູເຈຍ 1-1 ໃນການແຂ່ງຂັນ​ກິລາ​ບານເຕະ​ຊາຍ​ ຮຸ່ນ​ອາຍຸ​ບໍ່ເກີນ​ 23​ ປີ​ ຊິງ​ແຊ້ມ​ອາຊຽນ​ 2025​ ທີ່ອິນໂດເນເຊຍ.
_cover - 2025-07-16T161824.806
ຮື້ປ້າຍທີ່ບໍ່ຖືກລະບຽບ ແລະ ມ້າງເທີບເງີບ ທີ່ກວມທາງສາທາລະນະ ເຂດຖະໜົນອາຊຽນ ເສັ້ນທາງ T2 ບ້ານອຸບມຸງ, ເມືອງສີໂຄດຕະບອງ
_cover - 2025-07-16T152852.893
ລັດຖະມົນຕີປະເທດຄິວບາລາອອກ ຫຼັງກ່າວວ່າປະເທດບໍ່ມີຂໍທານ ເພາະຄົນທີ່ຄົ້ນຂີ້ເຫຍື້ອກໍ່ເຮັດເຊັ່ນນັ້ນເພາະເລືອກທີ່ຈະຫາ "ເງິນງ່າຍໆ"
_cover - 2025-07-16T144745.125
ຈີນເປີດໂຕລົດໄຟຄວາມໄວສູງ "Maglev" ຄວາມໄວ 600 ກິໂລແມັດຕໍ່ຊົ່ວໂມງ ອາດຈະເປັນລົດໄຟທີ່ໄວທີ່ສຸດໃນໂລກ
ຢ່າລື່ມກົດຕິດຕາມ