ຜົນການແຂ່ງຂັນບານເຕະ UEFA Champions League ຮອບກ່ອນຮອງຊະນະເລີດ ນັດທຳອິດ ລະຫວ່າງ ອາເຊນອນ ພົບ ເຣອານ ມາດຣິດ ທີ່ສະໜາມ ເອມິເຣດສ໌ ສະຕາດຽມ ເມື່ອຄືນວັນອັງຄານທີ 8 ເມສາ 2025

ເປີດເກມມາທັງສອງທີມເປີດສາກບຸກໃສ່ກັນ, ນາທີທີ 15 ເຈົ້າພາບໄດ້ລຸ້ນກ່ອນຈາກລູກຍິງໄກຂອງ ໂທມັສ ປາເຕ, ແຕ່ກໍຕົງຕົວ ຕິໂບຕ໌ ກູຣ໌ກົວເຊ່ ປັດໄວ້ໄດ້.

ນາທີທີ 31 ທີມມາຢ້ຽມເກືອບໄດ້ປະຕູນຳ ກີລິຍັນ ເອັມບັບເປ ໄດ້ຫລຸດເຂົ້າເຂດໂທດໄປຍິງແຕ່ກໍໂດນ ດາບິດ ຣາຢາ ລົ້ມຕົວປ້ອງກັນເອົາໄວ້ໄດ້, ໝົດເຄິ່ງແລກຍັງສະເໝີກັນ 0-0.

ເຄິ່ງຫລັງນາທີທີ 58 “ປືນໃຫຍ່” ມາໄດ້ລູກຟຣີຄິກໜ້າເຂດໂທດ, ເດແຄລນ ໄຣຊ໌ ປັ່ນດ້ວຍຂວາບານພຸ່ງໂຄ້ງອ້ອມກຳແພງສຽບເສົາສຸດງາມ, ອາເຊນອນ ນຳ 1-0.

ນາທີທີ 70 ເຈົ້າຖິ່ນມາໄດ້ລູກຟຣີຄິກກາງປະຕູ, ເດແຄລນ ໄຣຊ໌ ຄົນເດີມງປັ່ນດ້ວຍຂວາບານພຸ່ງໂຄ້ງເສຽບສາມຫລ່ຽມເດັດຂາດ, ອາເຊນອນ ນຳຫ່າງ 2-0.

ນາທີທີ 75 “ປືນໃຫຍ່” ຂຶ້ນເກມທາງຊ້າຍ, ໄມລ໌ສ ລູອິສ-ສເກລລີ ໄຫລເຂົ້າເຂດໂທດເຖິງ ມິເກລ ເມຣີໂນ ຍິງເສຽບເສົາເຂົ້າໄປ, ອາເຊນອນ ນຳຫ່າງ 3-0.

ຈົບເກມ ອາເຊນອນ ເປີດບ້ານຖະຫລົ່ມ ເຣອານ ມາດຣິດ 3-0 ກຸມຄວາມໄດ້ປຽບກ່ອນໃນນັດແຣກ, ກ່ອນທີ່ນັດສອງຈະຕ້ອງໄປຢ້ຽມ ຊານຕິອາໂກ ເບິນນາເບວ ໃນວັນພຸດທີ 16 ເມສານີ້.

ລາຍຊື່ຜູ້ຫລິ້ນຂອງທັງສອງທີມ ອາເຊນອນ (4-3-3): ດາບິດ ຣາຢາ – ຢູຣຽນ ທິມເບີ, ວິລລຽມ ຊາລິບາ, ຢາຄຸບ ຄິວິອໍ, ໄມລ໌ສ ລູອິສ-ສເກລລີ – ມາຕິນ ໂອເດກາດ, ໂທມັສ ປາເຕ, ເດແຄລນ ໄຣຊ໌ – ບູຄາໂຢ ຊາກ້າ, ກາເບຣຍລ ມາຕິເນລລີ, ມິເກລ ເມຣີໂນ

ເຣອານ ມາດຣິດ (4-3-3): ຕິໂບຕ໌ ກູຣ໌ກົວ- ເຟເດຣິໂກ ວັລເວິເດ້, ຣາອູລ ອາເຊນຊີໂອ, ອັນໂຕນິໂອ ຣືດິເກີ, ດາວິດ ອາລາບາ – ເອດູອາໂດ ກາມາວິນກ້າ, ລູກ້າ ໂມດຣິຊ, ຈູ໊ດ ເບລລິງແຮມ – ວິນິຊິອຸສ ຈູເນຍ, ໂຣດຣີໂກ້, ກີລິຍັນ ເອັມບັບເປ

ສະແດງຄຳຄິດເຫັນ