ຫຼັງຄາໄນຕ໌ຄລັບໂດມິນິກັນຖະຫຼົ່ມ, ພາກຊີວິດນັກຮ້ອງດັງ – ນັກທ່ອງທ່ຽວ, ເສຍຊີວິດແລ້ວເກືອບ 100 ຄົນ, ເລັ່ງຄົ້ນຫາຜູ້ຕິດຢູ່ໃນຊາກ

 

 

ສຳນັກຂ່າວຕ່າງປະເທດ ລາຍງານເຫດການສະເທືອນຂວັນ ຫຼັງຈາກທີ່ຫຼັງຄາຂອງໄນທ໌ຄລັບແຫ່ງໜຶ່ງໃນໂຕໂດມິງໂກ ເມືອງຫຼວງຂອງສາທາລະນະລັດໂດມິນິກັນ ຖະຫຼົ່ມລົງມາ ເມື່ອວັນທີ 8 ເມສາ ຫຼ້າສຸດມີລາຍງານຜູ້ເສຍຊີວິດຢ່າງໜ້ອຍ 98 ຄົນ ແລະ ບາດເຈັບກວ່າ 150 ຄົນ

 

ໜ້າເສົ້າ ໜຶ່ງໃນຜູ້ເສຍຊີວິດມີ ຣັບບີ້ ເປເຣຊ ນັກຮ້ອງເມເຣເກ້ ແລະ ນາຍອອກຕາວິໂອ ໂດເທລ ຜູ້ວ່າການແຂວງ ແລະ ອະດີດນັກເບສບອລ ເມເຈີລີກຢ່າງ Octavio Dotel ອາຍຸ 51 ປີ ເສຍຊີວິດລະຫວ່າງທາງໄປໂຮງໝໍ ຫຼັງຈາກຖືກດຶງອອກມາຈາກຊາກຫັກພັງ

 

 

ຕາມລາຍງານເຜີຍວ່າ ເຫດການດັ່ງກ່າວເກີດຂຶ້ນເມື່ອຊ່ວງເຊົ້າຂອງວັນອັງຄານ ຕາມເວລາທ້ອງຖິ່ນທີ່ຜ່ານມາ ໃນລະຫວ່າງການສະແດງຄອນເສີດຂອງເປເຣຊ ນັກຮ້ອງເມີເຣງເກ້ຄົນດັງຊາວໂດມິນິກັນ ຊຶ່ງເສຍຊີວິດໃນທີ່ເກີດເຫດດ້ວຍຈາກຄຳຢືນຢັນຂອງຜູ້ຈັດການ ແລະ ຄອບຄົວຂອງລາວ

 

 

ໂດຍໃນງານນີ້ຍັງມີນັກການເມືອງ ນັກກິລາ ແລະ ບຸກຄົນທີ່ມີຊື່ສຽງອື່ນໆ ຫຼາຍຄົນມາຮ່ວມຊົມດ້ວຍ ໜຶ່ງໃນນັ້ນມີ ນາງ ເນລຊີ ຄຣູຊ ຜູ້ວ່າການແຂວງ ມອນເຕຄຣິສຕີ ຈາກການເປີດເຜີຍຂອງປະທານາທິບໍດີລຸຍສ໌ ອາບິນາເດ ຜູ້ນຳສາທາລະນະລັດໂດມິນິກັນ ໂດຍ ນາງຄຣູຊ ເປັນນ້ອງສາວຂອງເນລສັນ ຄຣູຊ ອະດີດນັກເບສບອລ MLB All-Star.

 

ຂະນະດຽວກັນ, ຫຼັງເກີດເຫດໄດ້ມີການລະດົມເຈົ້າໜ້າທີ່ກູ້ໄພ ປະມານ 400 ຄົນ ຮ່ວມກັນເລັ່ງມືຄົ້ນຫາຜູ້ທີ່ຕິດຢູ່ໃຕ້ຊາກອາຄານກວ່າຫຼາຍຮ້ອຍຄົນ, ທ່າມກາງຄອບຄົວຂອງເຫຍື່ອທີ່ມາເຝົ້າລໍຕິດຕາມຟັງຂ່າວຊາຕາກຳຂອງບຸກຄົນຜູ້ເປັນທີ່ຮັກຂອງຕົນວ່າເປັນແນວໃດ

 

ດ້ານໂຄສົກທຳນຽບປະທານາທິບໍດີສາທາລະນະລັດໂດມິນິກັນແຖລງວ່າໄດ້ມີການເພີ່ມອຸປະກອນໜັກເຂົ້າໄປໃຫ້ກັບທີມກູ້ໄພເພີ່ມຂຶ້ນເພື່ອໃຊ້ໃນການເຄຼຍຊາກຫັກພັງ ແລະ ດຳເນີນການຄົ້ນຫາຜູ້ລອດຊີວິດຕໍ່ໄປ.

ສະແດງຄຳຄິດເຫັນ