“ບາເຊໂລນາ” ຟອມແຮງ ຫລັງຈາກເປີດບ້ານໄລ່ຖະຫລົ່ມ “ເສືອເຫລືອງ” ຢ່າງໝົດສະພາບ 4-0 ໃນການແຂ່ງຂັນແຊມປຽນລີກ ຮອບກ່ອນເຂົ້າລອບຊິງຊະນະເລີດ ນັດທຳອິດ

ການແຂ່ງຂັນຢູຟ່າ ແຊມປຽນລີກ ຮອບກ່ອນເຂົ້າລອບຊິງຊະນະເລີດ ນັດທຳອິດ ເມື່ອວັນພຸດທີ່ຜ່ານມາ, ບາເຊໂລນາ ຈ່າຝູງຂອງລາລີກາ ສະເປນ ສະແດງຟອມການຫຼິ້ນທີ່ແຮງກ້າ ຫລັງຈາກເປີດບ້ານໄລ່ຖະຫລົ່ມ ໂບຣຸສເຊຍ ດອດມຸນ ຮອງແຊມປ໌ເກົ່າຈາກເຢຍລະມັນ ຢ່າງບໍ່ມີການຕໍ່ຕ້ານ 4-0

ໃນເກມນີ້, ບາຊາ ຄອບຄອງບານແລະບຸກຢ່າງຕໍ່ເນື່ອງ ແລະ ຍິງໄດ້ 4 ປະຕູ ຈາກ ຣາຟິນຢາ ໃນນາທີທີ 25, ໂຣເບີດ ເລວານດອຟສກີ ໃນນາທີທີ 48 ແລະ 66, ແລະ ລາມີນ ຢາມາລ ໃນນາທີທີ 77

ສຳລັບເກມນັດທີ 2 ຈະຍ້າຍໄປເຕະກັນທີ່ສະໜາມ ຊິກນັລ ອິດູນາ ປາກ ຂອງ ດອດມຸນ ໃນວັນອັງຄານທີ 15 ເມສາ ນີ້.

ຮູບພາບAFP

ສະແດງຄຳຄິດເຫັນ