ຈີນ ເປີດເຜີຍ ນະໂຍບາຍຟຣີວີຊ່າ ສົ່ງຜົນໃຫ້ນັກທ່ອງທ່ຽວຕ່າງຊາດເດີນທາງເຂົ້າຈີນໃນຊ່ວງ 3 ເດືອນທຳອິດປີນີ້ ກວ່າ 9 ລ້ານຄົນ ສູງຂຶ້ນກວ່າ 40 ເປີເຊັນ

 

ໂຄສົກສຳນັກງານກວດຄົນເຂົ້າເມືອງຂອງຈີນ ຖະແຫຼງວ່າ ໃນຊ່ວງ 3 ເດືອນທຳອິດຂອງປີ 2025 ມີນັກທ່ອງທ່ຽວຕ່າງຊາດເດີນທາງເຂົ້າຈີນກວ່າ 9.2 ລ້ານຄົນ ເພີ່ມຂຶ້ນ 40.2 ເປີເຊັນ.

 

ເມື່ອທຽບກັບຊ່ວງດຽວກັນຂອງປີທີ່ແລ້ວ ເຊິ່ງເປັນຜົນຈາກນະໂຍບາຍຟຣີວີຊ່າ 38 ປະເທດທົ່ວໂລກ ເມື່ອເດືອນທັນວາປີທີ່ຜ່ານມາ

 

ໂດຍມີນັກທ່ອງທ່ຽວຕ່າງປະເທດເຖິງ 6.57 ລ້ານຄົນ ຫຼື ຫຼາຍກວ່າ 71% ຂອງຈຳນວນທັງໝົດ ທີ່ເຂົ້າມາຈີນໂດຍບໍ່ຕ້ອງໃຊ້ວີຊ່າ.

 

ນອກຈາກນີ້ ການເພີ່ມລະຍະເວລາໃຫ້ນັກທ່ອງທ່ຽວຕ່າງຊາດພັກອາໄສຢູ່ໃນປະເທດຈີນດົນຂຶ້ນເປັນຢ່າງໜ້ອຍ 240 ຊົ່ວໂມງ ຫຼື 10 ວັນ ດຶງດູດໃຫ້ມີນັກທ່ອງທ່ຽວຕ່າງປະເທດເດີນທາງມາຈີນ ເພີ່ມຫຼາຍຂຶ້ນເລື້ອຍໆ.

 

ໂດຍຈຳນວນຖ້ຽວບິນໂດຍສານຂາເຂົ້າ ເພີ່ມຂຶ້ນເກີນ 100,000 ຖ້ຽວບິນ ຫຼື ເພີ່ມຂຶ້ນເກືອບ 10 ເປີເຊັນ

ສະແດງຄຳຄິດເຫັນ